⚡️Ўзбошимча қурилиш аҳолига хавф солмоқда: пойтахтда жиддий назорат ўрнатилмоқда

Тошкент шаҳрида қурилиш назорати кучайтирилди: икки туманда кўп қаватли уйларнинг техник ҳолати ўрганилиб, қонунбузарликлар аниқланди.

Тошкент шаҳар Қурилиш ва уй-жой коммунал хўжалиги соҳасида ҳудудий назорат инспекцияси ходимлари журналистлар билан ҳамкорликда Шайхонтоҳур ва Мирзо Улуғбек туманларида рейд ўтказди. Мақсад — кўп қаватли уйларнинг техник ҳолатини ўрганиш, хавфсизлик талабларига риоя этилаётганини текшириш.

Рейд давомида бир қатор қўпол қонунбузарликлар аниқланди.

Хусусан, айрим мулкдорлар:
• таянч ва тўсиқ деворларни ўзбошимчалик билан бузиб, бино конструкциясига шикаст етказгани;
• умумий фойдаланишдаги ҳудудларни ўзлаштириб олгани маълум бўлди.

Мутахассислар бундай ҳаракатлар нафақат қонунга зид эканини, балки бутун бино аҳолисининг ҳаёти учун хавф туғдиришини таъкидлади. Аниқланган ҳолатлар юзасидан белгиланган тартибда чоралар кўрилган.

Мухбир: Камола Қурбонова

👉 ТЎЛИҚ ВИДЕО

Telegram I Facebook I YouTube I Instagram

«Қайтимини ўйлаганиям йўқ» – Президент Чироқчи ҳокимини ишдан олди

“Туманнинг иқтисодиёт комплексида 153 нафар ходим ишлайди. Туман ҳокими Юсупов, унинг биринчи ўринбосари Эргашев шунча ходим, шунча ресурс билан одамларга имкониятга яраша тайёр лойиҳа бериш ўрнига, аҳолини ёппасига кредит олишга мажбурлаяпти. Унинг қайтимини ўйлаганиям йўқ”, деди Шавкат Мирзиёев.

Маълумот ўрнида, Президент Чироқчи тумани ҳокими Файзулла Юсупов, унинг биринчи ўринбосари Зафар Эргашевни ишдан олишни буюрди.

Telegram I Facebook I YouTube I Instagram

Сурхондарёда йигит ўзини 14-қаватдан ташлаб, ҳалок бўлди

Термиз шаҳрида фожиа юз берди: йигит севгилисига нисбатан ҳис-туйғуларини назорат қила олмай, турар-жой биносининг томидан йиқилиб ўлган.

Telegram I Facebook I YouTube I Instagram

Президент Шавкат Мирзиёев видеоселектор йиғилишида:

“Ура-ура қилиб босиш керак эмас менга. Ҳозир одамларимизни рози қилишимиз керак. Кўкрагимизга қўлимизни қўйиб, хизмат қилишимиз керак”.

Telegram I Facebook I YouTube I Instagram

Атроф-муҳитни ҳимоя қилишнинг янги даври: Экология қўмитаси тузилди

Экология ва иқлим ўзгариши миллий қўмитаси фаолиятини ташкил этиш чора-тадбирлари тўғрисида Ўзбекистон Республикаси Президентининг Қарори имзоланди.

👉 https://effect.uz/6660

Telegram I Facebook I YouTube I Instagram

⚡️“Кўзбўямачиликка чек қўйилади”: Президент икки ҳокимни бўшатди, 20 нафари қаттиқ назоратда…

Президент Шавкат Мирзиёев раислигидаги йиғилишда 2 та туман ҳокими ишдан олинди, 20 нафар ҳокимга жиддий камчиликлар ва кўзбўямачиликка йўл қўяётгани учун чора кўриш белгиланди.

Расман, Денов ва Чироқчи тумани ҳокими ишдан бўшатилди. Президент ўз сўзида Чироқчи ҳокими Юсуповни аҳолини ёппасига кредит олишга мажбурлаганликда айблаган, Денов ҳокими эса Аброров эса ишларни ўз ҳолига ташлаб қўйгани айтилган.

Бундан ташқари, айрим туман ҳокимлари бандлик масалаларида жиддий камчиликлар ва кўзбўямачиликка йўл қўйган. Президент Бош вазир Абдулла Ариповга ишга шундай ёндашган 20 та — туман ҳокимларига нисбатан ўрнатилган тартибда чора кўриш вазифасини топширди.

👉🏻 https://youtu.be/qfTD8P4_nW8

Бухорода 35 минг долларга симоб сотган икки шахс қўлга олинди

Бухоро вилоятида симоб моддасининг ноқонуний айланишига чек қўйиш бўйича тезкор тадбир ўтказилди. Давлат хавфсизлик хизмати вилоят бошқармаси, Иқтисодий жиноятларга қарши курашиш департаменти ва Миллий гвардия ходимлари билан ҳамкорликда ўтказилган чора-тадбир давомида икки нафар фуқаро қўлга олинди.

Маълумотларга кўра, Бухоро шаҳрида яшовчи 1998 йилда туғилган шахс ҳамда Бухоро туманида истиқомат қилувчи 1984 йилда туғилган фуқаро олдиндан тил бириктириб, умумий оғирлиги 343 грамм бўлган уч дона флакондаги симобни 35 минг АҚШ долларига сотиш пайтида ашёвий далиллар билан ушланган.

Ҳозирда уларга нисбатан Жиноят кодексининг 185-1-моддаси 2-қисми “б” ва “в” бандлари бўйича жиноят иши қўзғатилиб, тергов ҳаракатлари олиб борилмоқда.

Расмий идоралар аҳолини симоб моддасини сотиш, сотиб олиш ва маиший шартларда сақлаш қонун билан тақиқлангани ҳамда унинг юқори даражада заҳарли экани борасида огоҳлантирмоқда.

Telegram I Facebook I YouTube I Instagram