2 млрд сўмлик давлат харидида қонунбузилиш ҳолатлари аниқланди

Коррупцияга қарши курашиш агентлиги томонидан Сирдарё вилоятида маҳаллаларни ривожлантириш мастер-режасини ишлаб чиқишга оид 2 млрд сўмлик давлат харидида қонун талаблари бузилгани аниқланди.

Баҳо бериш жараёнида рақобат ва холислик принциплари таъминланмагани сабабли харид комиссиясининг ғолибни аниқлаш баённомаси бекор қилинди.

Тўпланган ҳужжатлар қонуний чора кўриш учун ҳуқуқни муҳофаза қилувчи органларга юборилди.

Telegram I Facebook I YouTube I Instagram

Бино ва иншоотларнинг зилзилабардошлиги оширилади

“Бино ва иншоотларнинг зилзилабардошлигини оширишга оид қўшимча чора-тадбирлар тўғрисида”ги Ҳукумат қарори қабул қилинди.

Қарорга кўра, 2025 йил 1 декабрдан зилзилалар кучини кўрсатиб берувчи минтақавий акселерограммалар базаларидан келиб чиқиб лойиҳалаштириш амалиёти йўлга қўйилади.

2027 йил 1 октябрга қадар MSK-64 шкаласи бўйича 8 ва ундан юқори балли сейсмик фаол зоналарда махсус сейсмик ҳимоялаш ускуналари ёрдамида лойиҳалаштиришга устуворлик бериладиган объектлар турлари тасдиқланади.

2026 йил 1 февралдан:

🔹 Вазирлар Маҳкамасининг 2022 йил 15 октябрдаги 603-сон қарори асосида бериладиган зилзилабардошлик бўйича илмий хулоса учун ундириладиган тўлов миқдори 50 фоизга қисқартирилади;

🔹 бир хил серияли объектларга илмий хулосалар фақат 1 маротаба тўлов асосида берилади, қолган шу турдаги объектларнинг лойиҳаларига илмий хулоса бериш учун тўлов ундирилмайди.

Зилзилабардошлик бўйича илмий хулосалар бериш "Шаффоф қурилиш" миллий ахборот тизимига интеграция қилинади.

Telegram I Facebook I YouTube I Instagram

Хитойлик сайёҳлар сони 200 мингдан ошди

Сўнгги йилларда дунёда энг йирик туризм бозорларидан бири бўлган Хитойдан сайёҳларни жалб қилиш бўйича ишлар кўлами сезиларли кенгайди. Жумладан, 2025-йил “Хитойда Ўзбекистон туризм йили” деб эълон қилинди. Йил давомида Хитойнинг йирик шаҳарлари ва провинцияларида туризм роудшоулари ўтказилди, Сиан, Гуанчжоу, Гонконг шаҳарларидаги салмоқли туризм кўргазмаларида мамлакат миллий стенди билан иштирок этилди.

Албатта, икки мамлакат туризм тадбиркорлари ўртасида бевосита алоқаларнинг кенгайиши учун зарур имкониятлар яратилаётгани бу йўналишдаги саъй-ҳаракатларнинг давомийлигини таъминламоқда. Масалан, шу кунгача ўтказилган тадбирларда 500 дан ортиқ Хитой туркомпаниялари билан B2B музокаралар ташкил этилиб, 40 дан зиёд ҳамкорлик битимлари имзоланди.

Қолаверса, 2025 йил 1 июнидан Ўзбекистон ва Хитой ўртасида визасиз режим жорий этилгани соҳа вакиллари учун жуда катта имкониятларни очиб бермоқда.

Натижада 2025 йил январ–октябр ойлари давомида юртимизга Хитойдан 217 минг нафар турист ташриф буюрди. Йил якунига қадар эса мазкур кўрсаткич 250 мингга етиши кутилмоқда.

Эътиборлиси, Туризм йили давомида эришилган натижалар жорий йилдаги мақсадли кўрсаткич — 180 минг нафардан 40% га кўп ва ўтган йилги кўрсаткичларга нисбатан 3,7 баробар ўсишни таъминлади. Бу эса давлатимиз раҳбари томонидан соҳа олдига қўйилган йирик мақсад — Хитойдан 1 миллион сайёҳ жалб қилиш борасидаги қадамлар жадаллашганидан далолат беради.

Telegram I Facebook I YouTube I Instagram

Авто бозорда ўсиш: бирламчи ва иккиламчи сегментларда ижобий динамика

Иқтисодий тадқиқотлар ва ислоҳотлар марказининг маълумотларига кўра, октябрь ойида авто бозорда фаоллик сезиларли ошди:

✔️Бирламчи бозорда енгил авто сотувлари 19%га ўсиб, қўшимча 6 минг машина сотилди.

✔️ Маҳаллий ишлаб чиқарилган янги авто сотувлари 33,4 минг донани ташкил этди — бу ўтган ойга нисбатан 22% кўп.

✔️Иккиламчи бозорда ҳам ўсиш: сотувлар 9%га ошиб, 57,4 минг данадан ошди.

✔️ Электромобиллар эса рекорд янгилади: ойлик ҳисобда 15,2% ўсиш ва 3 мингдан зиёд сотув. Бу ўтган йилга нисбатан 2,3 баробар кўп!

Telegram I Facebook I YouTube I Instagram

Куз-қиш мавсумида 10 миллион тонна кўмир ишлаб чиқариш режалаштирилмоқда

Президент Шавкат Мирзиёев кўмир қазиб чиқаришда эришилган натижалар ва келгуси вазифаларга бағишланган тақдимот билан танишди.

Куз-қиш мавсумида аҳоли хонодонлари, ижтимоий соҳа муассасалари ва иқтисодиёт тармоқларини барқарор энергия ресурслари билан таъминлаш мақсадида кўмир саноатида кенг кўламли ишлар амалга оширилмоқда. Янги лойиҳалар ишга туширилмоқда, ишлаб чиқариш қувватлари ва ҳажмлари оширилмоқда.

2024/2025-йиллар куз-қиш мавсумида қарийб 8,7 миллион тонна кўмир қазиб олиниб, иссиқлик электр станциялари, бюджет ташкилотлари ва аҳолига етказиб берилди.

2025/2026-йиллар мавсумида эса 10 миллион тонна кўмир ишлаб чиқариш мақсад қилиб қўйилгани маълум қилинди. Бу борада “Ўзбеккўмир” АЖ корхоналарининг моддий-техника базаси мустаҳкамланди, соҳада янги ишлаб чиқарувчиларнинг фаолият юритиши учун қулай шарт-шароитлар яратилди.

Президент мавсум давомида аҳолини кўмир билан кафолатли таъминлаш юзасидан топшириқлар берди. Корхоналарни модернизация қилиш, янги қувватларни ишга тушириш, бозор тамойилларини жорий этиш ва рақобатни кучайтириш орқали маҳсулот таннархини камайтириш зарурлиги таъкидланди.

Шунингдек, тақдимотда уран йўналишидаги янги инвестиция лойиҳаларини жадаллаштириш, геология-қидирув ишларини кенгайтириш ва замонавий технологияларни жорий этиш масалалари ҳам кўриб чиқилди.

Telegram I Facebook I YouTube I Instagram

Обуна — ихтиёрий, мажбурий эмас!

Сўнгги кунларда ижтимоий тармоқларда Қўшработ тумани Мактабгача ва мактаб таълими бўлими бошлиғи томонидан мактаб раҳбарларини мажбурий обунага жалб қилиш ҳодисаси муҳокама марказида турибди.

Вилоят Мактабгача ва мактаб таълими бошқармаси эълон қилган расмий муносабатда мактаб директорларидан тушунтириш хатлари олингани ва улар мажбурий тарзда обунага жалб этилмагани қайд этилган. Бироқ бу баёнот жамоатчиликнинг бир қатор муҳим саволларига жавоб бермай қолаётир.

1. Тушунтириш хатларини ким ёзган?
Тушунтириш хатларини раҳбарлар ёзгани маълум. Аммо улар бевосита юқори тизимга қарашли бўлгани учун реал вазиятни эркин баён этишлари қийин бўлиши мумкин. Нега ўрганиш жараёни аноним, шахси ошкор этилмайдиган тарзда ташкил этилмади?

2. Ўқитувчиларнинг фикри эшитилдими?
Расмий баёнотда 80 нафар мактаб директори билан суҳбат ўтказилгани айтилган. Бироқ асосий юк — айнан ўқитувчилар елкасида. Улардан фикр олингани ҳақида бирор маълумот мавжуд эмас.

3. Мажбурий обуна муаммоси илк марта кўтарилаётгани йўқ
Ижтимоий тармоқларда нафақат Қўшработ, балки бошқа ҳудудлар бўйича ҳам шундай шикоятлар бир неча бор билдирилган. Бу муаммо тизимли характерга эга эканини кўрсатади.

4. Рақамлар яхши, аммо амалий натижа муҳим
Ишонч телефонларининг эълон қилингани ижобий ҳол. Лекин фуқаролар мурожаатларининг қандай кўриб чиқилиши, қандай чоралар кўрилиши, жавоблар қанчалик очиқ бўлиши ва мурожаатчининг шахси сир сақланиши борасида аниқ механизм кўрсатилмаган.

Расмий муносабатда келтирилган маълумотлар мавжуд вазиятни тўлиқ очиб бермайди. Шу боисдан:

🔷мустақил комиссия иштирокида қўшимча ўрганишлар ўтказилиши,

🔷оддий педагоглар фикри ҳам инобатга олиниши,

🔷барча хулосалар жамоатчиликка очиқ тақдим этилиши мақсадга мувофиқ бўлади.

Мажбурий обуна бўйича шикоятлар мунтазам кузатилаётгани ушбу масалада янада шаффоф ва самарали назорат зарурлигини кўрсатади.

Ҳолат юзасидан Қўшработ тумани ҳокимлиги матбуот котиби билан боғланиш имкони бўлганида, муаммони биргаликда ҳал қилиш чоралари кўриш мумкин эди. Аксинча, мурожаатга жавоб бериш ўрнига мурожаатчини излашга урингани вазиятни янада мураккаблаштирмоқда.

Мудирнинг бу лавозимгача бўлган фаолияти ҳам қизиқ жиҳатларга эга. Имкон топиб ўрганилса, қўшимча ахборот тақдим этилади.

Самарқанд вилоят Мактабгача ва мактаб таълими бошқармаси ахборот хизмати билдирган муносабат эса ўта юзаки бўлиб, гўё биз ёлғон ахборот тарқатгандек тус бермоқда.

Ҳақиқий вазиятнинг баъзи жиҳатларини сизга ҳавола этамиз — кўриб, ўзингиз хулоса чиқаринг.

Журналист: Асомиддин Нур

👉ТЎЛИҚ ВИДЕО

Telegram I Facebook I YouTube I Instagram

«Инсон фахри» – миллий мукофоти…

Ижтимоий ҳимоя миллий агентлиги томонидан ташкил этилган «ИНСОН ФАХРИ» миллий мукофотининг тантанали тақдирлаш маросими бўлиб ўтди..

Telegram I Facebook I YouTube I Instagram

«Бугунги кеча — инсонлар ҳақида. Яхшиликни қарсак учун эмас, балки бу уларнинг ички танлови бўлгани учун қиладиган инсонлар ҳақида» — Шаҳноза Мирзиёева

Менинг ишим ҳар куни мени шундай инсонлар билан учраштиради — кучли, меҳрибон, жасур одамлар билан. Мен уларни ҳудудларда, муассасаларда, оддий оилаларда кўраман ва ҳар сафар бир нарсани англайман: уларнинг ҳикоялари бутун мамлакат эшитишига арзийди.

Шу боис мен юртимизда шундай мукофот пайдо бўлишини кўпдан бери орзу қилар эдим — энг оғир вақтда энг яхши инсоний фазилатларни намоён этган ва ўз намунаси билан Ўзбекистоннинг ҳақиқий фахри эканини кўрсатган инсонлар ҳақидаги мукофот.
Бир йил давомида биз бу ҳикояларни бутун мамлакат бўйлаб изладик — йирик шаҳарларда ва сокин маҳаллаларда, мактабларда, шифохоналарда, ишлаб чиқаришда. Ва биз уларни топдик.

Юракга таъсир қиладиган, илҳом бағишлайдиган ва оддий инсонийликнинг нақадар муҳим эканини эслатиб турувчи ҳикоялар.

«Инсон Фахри» мукофоти ана шундай инсонларга чин дилдан, умумхалқ номидан «раҳмат» дейиш учун яратилган.

Telegram I Facebook I YouTube I Instagram