Жаҳон банки: Ўзбекистон Марказий Осиёдаги энг тез ривожланаётган иқтисодиётлар қаторида

Жаҳон банкининг “Европа ва Марказий Осиё иқтисодиёти: бандлик ва фаровонлик” мавзусидаги тадқиқотига кўра, Марказий Осиё жами макроиқтисодий кўрсаткичлар бўйича етакчи позициясини сақлаб қолмоқда.

Прогнозларга кўра, минтақанинг реал ялпи ички маҳсулот (ЯИМ) ўсиши 2026 йилда 5%, 2027 йилда эса 4,6% даражада бўлиши кутилмоқда. Бу ўсишда асосий улушни Ўзбекистон ва Қирғизистон иқтисодиётлари таъминлаши таъкидланмоқда.

Тадқиқотда қайд этилишича, Ўзбекистон минтақадаги энг тез суръатларда ривожланаётган бешта иқтисодиёт қаторига киради.

Жаҳон банки башоратига кўра:

🔷2025 йилда мамлакат ЯИМ 6,2% га,

🔷2026 йилда эса 6% га ўсиши кутилмоқда.

Мутаҳассислар фикрича, мамлакатдаги иқтисодий ўсишга инфратузилмадаги ислоҳотлар, ишлаб чиқариш салоҳиятининг ошиши ва инвестиция фаоллигининг кучайиши асосий омил бўлмоқда.

Telegram I Facebook I YouTube I Instagram

«Ўйнашингга ишониб, эрсиз қоласан» — Сирдарёда солиқ бошлиғи ходимларни ҳақорат қилди

Сирдарё туман солиқ инспекцияси раҳбари Тоҳир Элмуродов, лавозимга тайинланганига уч ой ҳам тўлмасдан, хизмат йиғилишида ходимларга нисбатан ўта қўпол ва ҳақоратомуз ифодалар ишлатгани маълум бўлди. У шахсиятга тегадиган уятли сўзлар ва таҳдидлар билан чиқиш қилгани ходимлар норозилигини келтириб чиқарди.

Тоҳир Элмуродовнинг ходимларга нисбатан қўпол ва ҳақоратомуз сўзлар ишлатгани акс этган видео тарқалгач, мазкур ҳолат юзасидан хизмат текшируви бошлангани маълум қилинди.

Дастлабки ўрганиш натижасида воқеа 2024 йилда содир бўлгани аниқланган. Сирдарё вилояти солиқ бошқармаси эса видеода келтирилган ҳолат бўйича расмий муносабат билдириб, текширув давом этаётганини маълум қилди.

Telegram I Facebook I YouTube I Instagram

Туркум ижодий асарларни давлат буюртмаси асосида яратиш тартиби белгиланди

"Туркум ижодий асарларни давлат буюртмаси асосида яратиш тартиби тўғрисида"ги низом (рўйхат рақами: 3699, 11.11.2025 й.) Адлия вазирлигида давлат рўйхатидан ўтказилди.

Низом "Янги Ўзбекистон манзаралари", "Буюк алломалар" ва “Замон қаҳрамонлари” каби туркум ижодий асарларни давлат буюртмаси асосида яратиш тартибини белгилайди.

Низомга кўра, туркум ижодий асарларнинг мавзу ва йўналишлари тўғрисида ҳар йили январь ойининг 10-санасигача ОАВларда эълон берилади.

Эълон қилинган мавзу ва йўналишлар бўйича ижодкорларнинг лойиҳа таклифлари ҳар йили февраль ойининг 5-санасигача қабул қилинади.

Давлат буюртмаси этиб тасдиқланган ижодий лойиҳаларнинг муаллифлари билан ижодий асарни яратиш бўйича шартнома тузилади.

Очиқлик ва шаффофликни таъминлаш мақсадида Ўзбекистон Бадиий академиясининг веб-сайтида ижодкорлар тақдим этган барча лойиҳа таклифлари, ушбу лойиҳа таклифларини кўриб чиқиш ҳолати ҳамда улар юзасидан қабул қилинган қарорлар очиқ эълон қилиб борилади.

Яратилган ижодий асарлар Ислом цивилизацияси маркази ҳамда Бадиий кўргазмалар дирекцияси фондига тақдим қилинади ҳамда ижодкорларга маблағлар (муаллифлик ҳақи) тўлаб берилади.

Telegram I Facebook I YouTube I Instagram

Тиббиёт муассасаларида пулли хизмат кўрсатиш тартиби белгиланди

Ҳукумат қарори билан “Ўзбекистон Республикаси Соғлиқни сақлаш вазирлиги тизимидаги тиббиёт муассасаларида пулли хизмат кўрсатиш тартиби тўғрисида”ги низом тасдиқланди.

Низомга кўра, тиббиёт муассасасига мижоз режали тиббий ёрдам олиш учун тегишли йўлланмасиз, ўз ихтиёри билан мурожаат қилганда, тиббий ёрдам белгиланган тартибда пулли асосда кўрсатилади.

Давлат томонидан бирламчи тиббий-санитария ёрдами муассасаларида кафолатланган пакет доирасида бепул кўрсатиладиган тиббий хизматлардан ташқари хизматлар қўшимча ҳисобланади ва пулли асосда кўрсатилади.

Мижоз тиббиёт муассасаларининг рўйхатга олиш бўлимлари томонидан қабул қилинади ва рўйхатга олинади.

Ҳар бир мижознинг тиббий картасига унинг шахсини тасдиқловчи маълумотлари асосида пулли хизмат кўрсатилиши белгиланади.

Мижозлар тиббиёт муассасасига тўловни олдиндан тўлиқ тўлаш шартларида қабул қилинади.

Тиббиёт муассасаларига келган шахслар тасдиқланган нархнома бўйича ҳақ тўлагандан сўнг маслаҳат олиш учун мутахассис шифокорга ва (ёки) инструментал-лаборатор ташхис қўйишга юборилади.

Текширув натижаларига кўра тор соҳа мутахассиси кўригига юбориш ва (ёки) мижозга амбулатор ёки стационар шароитда даволаниш чораси белгиланади.

Telegram I Facebook I YouTube I Instagram

Ўзбекистонда 14 ёшдан банк картаси мустақил очишга рухсат берилди

Адлия вазирлиги банк карталарининг чиқарилиши ва муомалада бўлишига доир низомга ўзгартишлар киритган буйруқни давлат рўйхатидан ўтказди. Янгиланган тартибга кўра, 14–18 ёшдаги вояга етмаганлар энди тижорат банкларида ўз номига шахсий банк картаси очиши мумкин.

Шунингдек, 14 ёшгача бўлган болаларга ота-онаси ёки қонуний вакили ёзма розилиги асосида карта расмийлаштирилиши белгилаб қўйилди.

Ҳужжатда банк карталарининг янги турлари ҳам жорий этилган:

Бизнес карталар — якка тартибдаги тадбиркорлар ва ўзини ўзи банд қилган шахсларга маблағни бошқариш имконини беради.

Ижтимоий карталар — нафақа ва ижтимоий тўловларни қабул қилиш учун мўлжалланган.

Қолаверса, олдиндан эмиссия қилинган шахсий карталарни мобил иловалар орқали фойдаланувчини идентификациялаш орқали фаоллаштириш имконияти яратилди.

Шу билан бирга, юридик шахсларга ичимлик ва оқова сув хизматлари учун тўловларни корпоратив банк карталари орқали амалга ошириш ҳуқуқи берилди.

Telegram I Facebook I YouTube I Instagram

Тошкентда 14–17 ноябр кунлари йирик халқаро тадбирлар муносабати билан ҳаракат вақтинча чекланади

Жорий йилнинг 14–17 ноябрь кунлари пойтахт Тошкентда бир қатор йирик халқаро тадбирлар ўтказилиши режалаштирилмоқда. Тадбирларни юқори даражада ташкил этиш мақсадида шаҳарнинг айрим кўчаларида транспорт ҳаракати муайян вақтларда қисман чекланади ва айланма йўналишлар жорий этилади.

Ҳаракат вақтинча чекланадиган жойлар ва вақтлар ҳақида қўшимча маълумот алоҳида эълон қилинади.

Telegram I Facebook I YouTube I Instagram

Янгиариқда пиёдалар йўлагида аёлни автомашина уриб кетди — жабрланувчи вафот этди

Хоразм вилоятининг Янгиариқ туманида 11 ноябрь куни пиёдалар ўтиш жойидан йўлни кесиб ўтаётган аёлни юқори тезликда ҳаракатланиб келган Gentra автомашинаси уриб кетди.

Маълумотларга кўра, аёл оғир тан жароҳатлари олган ва шифокорлар ёрдам кўрсатишга улгурмасдан, воқеа жойида ҳаётдан кўз юмган.

Ҳодиса юзасидан терговга қадар текширув ишлари олиб борилмоқда.

Telegram I Facebook I YouTube I Instagram

Риелторлик ташкилотлари томонидан кўчмас мулк объектларини ишончли бошқариш бўйича хизматлар кўрсатиш тартиби белгиланди

Адлия вазирлиги томонидан “Ўзбекистон Республикаси Риелторлик хизматларининг миллий стандарти (4-сон РХМС) «Кўчмас мулк объектларини ишончли бошқариш»ни тасдиқлаш тўғрисида”ги буйруқ (рўйхат рақами: 3701, 11.11.2025 й.) давлат рўйхатидан ўтказилди.

Унга кўра, риелторлик ташкилотлари кўчмас мулк объектларини мулкдорлар манфаатларини ҳисобга олган ҳолда бошқариш, ижарага бериш, таъмирлаш, техник хизмат кўрсатиш, даромад ва харажатларни бошқариш каби хизматларни профессионал асосда амалга оширади.

Стандарт билан қуйидаги мезонлар белгиланди:

▪️ кўчмас мулк объектларини ишончли бошқаришнинг ташкилий жиҳатлари;

▪️ ишончли бошқарувчи ва мулкдор ўртасидаги ҳуқуқ-мажбуриятлар;

▪️ ишончли бошқариш шартномасини тузиш бўйича талаблар;

▪️ бошқарувнинг шаффофлиги ва самарадорлигини таъминлаш.

Мазкур миллий стандарт жисмоний ва юридик шахслар учун кўчмас мулкдан самарали фойдаланиш, фойда олиш ва мулк қийматини ошириш имкониятини яратади.

Telegram I Facebook I YouTube I Instagram

Тошкентда Марказий Осиё давлатлари раҳбарларининг еттинчи Маслаҳат учрашуви ўтказилади

Ўзбекистон Республикаси президенти Шавкат Мирзиёев раҳбарлигида Тошкент шаҳрида 15 ва 16 ноябр кунлари Марказий Осиё давлатлари раҳбарларининг еттинчи Маслаҳат учрашуви бўлиб ўтади. Унда Илҳом Алиев (Озарбайжон), Сердар Бердимуҳамедов (Туркманистон), Эмомали Раҳмон (Тожикистон), Садир Жапаров (Қирғизистон), Қосим‑Жўмарт Тўқаев (Қозоғистон) ва Каха Имнадзе (БМТнинг Марказий Осиёда превентив дипломатия бўйича минтақавий маркази раҳбари) иштирок этади.

Саммит кун тартибида минтақавий ҳамкорликни мустаҳкамлаш, устувор соҳаларда қўшма лойиҳалар ва ташаббусларни амалга ошириш, шунингдек минтақавий ва халқаро сиёсий долзарб масалалар бўйича фикр алмашинуви киритилган. Учрашув якунларида кўп томонлама ҳужжатлар тўплами қабул қилиниши маълум қилинмоқда.

Бу форматдаги маслаҳатлашувларнинг ташаббуси Ўзбекистон етакчиси томонидан 2017 йил сентябрда БМТ Бош Ассамблеясининг 72-сессиясида илгари сурилган бўлиб, Ўзбекистон раислигида 20 дан ортиқ йирик тадбирлар ўтказилган.

Telegram I Facebook I YouTube I Instagram

Божхона қўмитаси 2025 йил 10 ойидаги фаолиятини брифингда тақдим этди

Божхона қўмитасида Жамоатчилик ва ОАВ билан алоқалар бўлими бошлиғи Ҳ.Тангриев иштирокида 2025 йилнинг 10 ойи давомида божхона органлари томонидан амалга оширилган чора-тадбирлар юзасидан брифинг ўтказилди.

Жорий йил январь–август ойларида чегара-божхона постлари орқали 1,5 миллионга яқин юк автомашиналари (+25%), 670 мингдан ортиқ юк вагонлари (+14%) ва 50,5 миллион йўловчи (+10%) ҳаракатланди. Шу даврда 946 мингдан зиёд (+12%) божхона юк декларациялари расмийлаштирилди.

Тадбиркорларни қўллаб-қувватлаш мақсадида 12 мингдан ортиқ ташқи иқтисодий фаолият иштирокчисига 47 трлн сўмлик имтиёз ва преференциялар берилиб, 400 дан зиёд тадбиркорлик субъектларига 4,8 трлн сўм божхона тўловларини кечиктириб тўлаш имкони яратилди. Давлат бюджетига 60,7 трлн сўм божхона тўловлари туширилиб, кўзланган режа 101,3% га бажарилди.

Яширин иқтисодиётга қарши кураш доирасида 34,6 минг ҳолатда қарийб 1 трлн сўмлик товарлар, шу жумладан 73,3 млрд сўмлик валюта, 114,1 млрд сўмлик заргарлик буюмлари мусодара қилинди. Мамлакат аҳолиси соғлиғи ва хавфсизлигини таъминлаш мақсадида 1 тонна 610 кг гиёҳванд моддалар, 1 тонна 55 кг психотроп ва кучли таъсир этувчи моддалар, 137 та ўқотар ва совуқ қуроллар, 566 та патрон ҳамда 44,5 млрд сўмлик тамаки маҳсулотлари ушлаб қолинди.

Божхона жараёнларини рақамлаштириш натижасида экспортда 94%, импортда 85% божхона юк декларациялари соддалаштирилган тартибда расмийлаштирилди. Инсон омилисиз расмийлаштириш улуши экспортда 45%, импортда 6%ни ташкил қилди.

Қайта ишлаш режими доирасида 443 тадбиркор ушбу имкониятдан фойдаланган, 979 млн долларлик товарлар жойлаштирилган ва натижада 1,2 млрд долларлик қайта ишланган маҳсулотлар (+43%) экспорт қилинди.

Telegram I Facebook I YouTube I Instagram

АҚШ визаси учун семизлик ва айрим касалликларни сабаб қилиши мумкин

Вашингтон хорижликларга виза беришда рад этилиши мумкин бўлган сабаблар рўйхатига семизлик, юрак-қон томир касалликлари, диабет ва саратонни киритди. “The Washington Post” хабар беришича, Давлат департаменти 2025 йил 6 ноябрь куни бутун дунёдаги АҚШ дипломатик ваколатхоналарига кўрсатма юборган.

Ҳужжатда таъкидланишича, ариза берувчининг соғлиғи ҳисобга олиниши керак, чунки айрим тиббий ҳолатлар, жумладан семизлик, астма, уйқу пайтида нафас тўхташи, юқори қон босими ва клиник депрессияни келтириши мумкин. Шунингдек, ариза берувчининг АҚШда даволаниш учун етарли маблағи бор-йўқлиги ҳам текширилади.

Иммиграция бўйича адвокат Вик Гоелнинг айтишича, янги қоидалар ҳам иммиграцион, ҳам ноиммиграцион визаларга тааллуқли.

Telegram I Facebook I YouTube I Instagram

Юнусобод туманидаги дарахтлар сақлаб қолинди

Тошкент шаҳар маъмурий суди судлов ҳайъати (А. Ҳожиев, А. Юсупов, Т. Салимов) Юнусобод туманида кўплаб дарахтлари мавжуд бўлган ер майдони билан боғлиқ маъмурий ишни кўриб чиқди.

Суд қарори билан Тошкент туманлараро судининг ҳал қилув қарори бекор қилинди ва туман ҳокимининг мазкур ер майдонига оид қарори ҳақиқий эмас деб топилди.

Маълум қилинишича, маҳалла аҳли ва фаоллар бу ер майдонидаги дарахтларни асраб қолиш учун ҳаракат қилишган ва бу жараёнда экофаол Никита Лемешко ҳам очиқ суд мажлисида иштирок этди.

Суд қароридан сўнг, ер майдонидаги дарахтларни сақлаб қолиш имконияти яратилди. Шу билан бирга, бу масалада фаоллар, журналистлар ва жамоатчиликнинг қўллови муҳим аҳамиятга эга бўлди.

Telegram I Facebook I YouTube I Instagram