«Раҳбарлар ўзларини беморнинг ўрнига қўйиб кўрсин» – президент

Бундан буён вилоят ва туман соғлиқни сақлаш раҳбарларининг кунлик қабули маҳаллаларда ўтказилади. Бу ҳақда президент Шавкат Мирзиёев бугунги тадбирда таъкидлаб ўтди.

“Шунда халқ билан мулоқот йўлга қўйилади, одамларимиз бундан мамнун бўлади, тиббиёт тизимига холис баҳо бериш имконияти пайдо бўлади,”

– деди давлат раҳбари.

Президент вилоят ва туман тиббиёт раҳбарлари, бош шифокорлар ҳамда поликлиника мудирларига мурожаат қилиб, ўзларига савол беришни сўради:

“Бемор шифохона ёки поликлиникага келганда қанча вақт сарфлаяпти, олган хизматидан қай даражада рози?”

“Агар мазкур раҳбарлар ўзларини беморнинг ўрнига қўйиб, эшикдан кириб, врач қабулxонасига кириш учун хонама-хона юрса, рентген, лаборатория, УЗИ, ЭКГ учун алоҳида қаватларга чиқиб-тушса, шунда одамларнинг ҳолатини ҳис этиб, бу саволга жавоб топади,”

– деди президент.

Шу муносабат билан давлат раҳбари ҳар бир вилоят ва туман тиббиёт раҳбари, бош шифокор ҳамда поликлиника мудирларига беморларга эътиборли бўлиш, уларнинг иши тез ва қулай ҳал этилиши учун барча шароитларни яратишни қатъий топширди.

Telegram I Facebook I YouTube I Instagram

Президент тиббиёт ва фармацевтика ходимлари билан учрашув ўтказди. Унда нималарга эътибор қаратилди?

❗️Тиббиёт соҳасида янги ислоҳотлар қилиниши таъкидланда: эндиликда шифокор ва ҳамширалар учун кенг имкониятлар яратилади.

✅Келгуси ўқув йилидан тиббиёт олийгоҳларида педиатрия ва даволаш йўналишларини қамраб олган умумий тиббиёт факультети очилади.

✅Шунингдек, оилавий шифокорлик бўйича резидентура ва магистратура ташкил этилади.

✅Резидентура талабалари бепул таълим олиб, оилавий шифокор сифатида ишлагани учун маош олади. Уни битирганлар тор соҳа дипломи ва 150 фоиз устамага эга бўлади.

✅Ҳамширалар академияси Тошкент давлат тиббиёт университети тасарруфига ўтказилиб, унинг негизида Олий касбий тиббиёт академияси ташкил этилади.

✅Келгуси йилдан барча тиббиёт олийгоҳларида олий ҳамширалик иши йўналиши очилиб, қабул квоталари икки бараварга оширилади.

✅Тиббий ускуна, жиҳоз ва тез ёрдам машиналарини олиб кириш бўйича имтиёзлар уч йилга узайтирилади.

✅Замонавий клиникаларни ташкил этиш ва жиҳозлаш учун тадбиркорларга 200 миллион долларлик имтиёзли ресурс ажратилади.

✅Туманда янги даволаш усулини жорий этган шифокорлар 21 миллион сўм миқдорида мукофот олади.

✅Тиббиёт ходимларига барча турдаги давлат хизматларининг тўлови 2 карра камайтиради. Бунга қўшимча 100 миллиард сўм ажратилади.

Telegram I Facebook I YouTube I Instagram

Тиббиёт ва фармацевтика соҳаси фидойилари президент томонидан тақдирланди

Президент Шавкат Мирзиёев 9 ноябрь куни Тиббиёт ходимлари куни муносабати билан соҳа вакилларини мукофотлаш тўғрисидаги фармонни имзолади.

Бугун Тошкент давлат тиббиёт университетида давлатимизнинг юксак унвон, орден ва медалларига сазовор бўлган тиббиёт ва фармацевтика соҳаси ходимларига мукофотлар топширилди. Улар орасида дунёнинг нуфузли олийгоҳларида таҳсил олган ёш шифокорлар ҳамда хорижий ҳамкорлар ҳам бор.

Президент мамлакатда тиббиёт тизимини ривожлантириш борасида катта ишлар амалга оширилаётганини таъкидлади. Бирламчи тиббиёт муассасалари қуввати 60 фоизга ошди, 400 дан ортиқ юқори технологияли муолажалар ҳудудларда йўлга қўйилди, 45 та туманда буйрак кўчириб ўтказиш амалиёти бошланди.

– Юртимизда ўртача умр давомийлиги эркаклар орасида 71 дан 73 ёшга, хотин-қизларда 76 дан 77,5 ёшга узайгани – сизлар билан эришилган катта ютуқдир,

– деди президент.

Давлат раҳбари мукофотланганларни бутун халқ номидан табриклаб, соҳа фидойиларига миннатдорлик изҳор этди.

Telegram I Facebook I YouTube I Instagram

Президент: “Касаба уюшмалари – янги жамият қуришда муҳим куч”

Президент Шавкат Мирзиёев 11 ноябрь – Касаба уюшмалари куни муносабати билан фаоллар ва аъзоларни байрам билан табриклади. Давлат раҳбари бу йил мамлакатимизда касаба уюшмалари ҳаракатининг 120 йиллиги нишонланаётганини таъкидлади.

– Янги Ўзбекистон – инсон ҳаёти, соғлиғи, ҳуқуқ ва манфаатлари ишончли ҳимоя қилинадиган давлатдир, – деди президент. – Касаба уюшмалари бу жараёнда адолат ва тенглик тамойилларини таъминлашда муҳим роль ўйнамоқда.

Сўнгги беш йилда касаба уюшмалари ташаббуси билан 500 минг фуқаронинг ҳуқуқи тикланди, 20 мингдан ортиқ жамоатчилик назорати тадбирлари ўтказилди, 1 миллионга яқин ходим ва оила аъзолари соғломлаштирилди, 800 минг болалар учун дам олиш имкониятлари яратилди.

Президент меҳнат муносабатларини такомиллаштириш, норасмий бандликни қисқартириш ва халқаро меҳнат стандартларини миллий қонунчиликка жорий этиш вазифаларини белгилаб берди. Шунингдек, касаба уюшмалари билан давлат идоралари ҳамкорлигини кучайтириш учун қўшимча имкониятлар яратилиши айтилди.

Президент барча касаба уюшмалари фаолларини байрам билан табриклаб, уларга соғлик ва фаолиятларида муваффақият тилади.

Telegram I Facebook I YouTube I Instagram

ХОҚ трансгендер спортчиларнинг аёллар мусобақаларида иштирокини чекламоқчи

The Times нашрининг ёзишича, Халқаро олимпия қўмитаси (ХОҚ) яқин вақтларда трансгендер спортчиларнинг олимпиададаги аёллар беллашувларида қатнашишини чеклашни режалаштирмоқда. Манбаларга кўра, қарор 2026 йил бошида қабул қилиниши мумкин.

ХОҚ томонидан ўтказилган илмий тадқиқотлар шуни кўрсатганки, эркак жинсида туғилган спортчилар гормон терапиясидан сўнг ҳам муайян жисмоний устунликни сақлаб қолади. Бу ҳолат аёллар спортида тенг рақобат муҳитини таъминлаш бўйича муҳокамаларга сабаб бўлмоқда.

Маълумотларга кўра, янги сиёсат Милан ва Кортина-д’Ампеццода бўлиб ўтадиган 2026 йилги қишки Олимпия ўйинлари олдидан ХОҚ сессиясида тақдим этилиши кутилмоқда.

Аввалроқ, трансгендер спортчиларнинг мусобақаларда иштирок этиш масаласи халқаро федерациялар ихтиёрига топширилган эди. Олимпиада тарихида илк бор трансгендер спортчи сифатида Янги Зеландиялик оғир атлетчи Лорел Хаббард Токио ўйинларида иштирок этган, аммо натижага эришмаган.

Янги қарор билан ХОҚ аёллар спортида тенг имконият ва соғлом рақобатни таъминлашни мақсад қилмоқда.

Telegram I Facebook I YouTube I Instagram

Самарқанд ва Қашқадарёда ер майдонларини ноқонуний сотиш билан боғлиқ ҳолатлар фош этилди

Самарқанд ва Қашқадарё вилоятларида ер майдонларини қонунга хилоф равишда сотишга уриниш ҳолатлари аниқланди.

Самарқанд вилояти Оқдарё туманида донли экинлар етиштириш билан шуғулланувчи фермер хўжалиги раҳбари ҳокимият тизимидаги танишлари орқали хўжаликка тегишли 3 гектар ер майдонини иссиқхона ташкил этмоқчи бўлган, Самарқанд шаҳрида яшовчи фуқаро номига расмийлаштириб бериш эвазига 300 минг АҚШ доллари талаб қилган.

Давлат хавфсизлик хизмати ва вилоят ички ишлар бошқармаси ҳамкорлигида ўтказилган тезкор тадбирда у олдиндан 20 минг АҚШ доллари олган вақтида ашёвий далиллар билан қўлга олинди.

Ҳозирда фермер раҳбарига нисбатан Жиноят кодексининг 168-моддаси 4-қисми “а” банди ва 28,211-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда.

Қашқадарё вилоятида эса, Қарши туманида яшовчи 1992 ва 1998 йилларда туғилган икки нафар шахс давлат захирасидаги 8 сотих ер майдонини мансабдор танишлари орқали фуқарога уй-жой қуриши учун олиб бериш эвазига 180 миллион сўм талаб қилишган.

Улар олдиндан 10 минг АҚШ доллари олган вақтда Давлат хавфсизлик хизмати ва Иқтисодий жиноятларга қарши курашиш департаменти ходимлари томонидан ушланган.

Ушбу шахсларга нисбатан Жиноят кодексининг 168-моддаси 2-қисми “а”, “б” бандлари ва 28,211-моддаси 1-қисми билан жиноят иши қўзғатилди.

Эслатма: Ер майдонларини давлат томонидан белгиланган тартибсиз сотиш ёки сотиб олиш жиноий жавобгарликка сабаб бўлади.

Умуммиллий бойлик бўлган ер ресурсларидан оқилона ва қонуний фойдаланиш ҳар бир фуқаронинг бурчи ҳисобланади.


Telegram I Facebook I YouTube I Instagram

Фирибгарлик ҳолатларидан эҳтиёт бўлинг!

Ҳурматли фуқаролар!
Сўнгги пайтларда номаълум рақамлардан қўнғироқ қилиб, шахсий маълумотларни сўраш ҳолатлари кузатилмоқда.

Илтимос, бундай ҳолатларда ҳеч қандай шахсий маълумотингизни (паспорт рақами, банк картаси маълумотлари, SMS код ва ҳ.к.) берманг!

Фирибгарлик қурбони бўлмаслик учун эҳтиёт бўлинг, яқинларингизни ҳам огоҳлантиринг.

Кибержиноятлардан ҳимояланиш — ҳар биримизнинг масъулиятимиз!

Telegram I Facebook I YouTube I Instagram

Толиблар Ҳиротда аёллар учун янги чекловлар жорий этди

Толиблар ҳокимияти аёллар учун қоидаларни янада қатийлаштирди. ExpressAsia’нинг маълумот беришича, вилоятда аёлларга паранжи ёки ниқобли ҳижобсиз дўконларга кириш тақиқланди.

Янги буйруқ савдо шохобчалари эгалари билан ўтказилган йиғилишда эълон қилинган. Унга кўра, сотувчилар юзини тўлиқ ёпмаган аёлларга хизмат кўрсатмасликлари шарт.

Бу чекловлар ҳаракатнинг аёлларни жамоат ҳаётидан чеклаш сиёсатининг навбатдаги босқичи сифатида баҳоланмоқда.

Афғонистонда қизлар ҳанузгача мактаб ва университетларда таълим олиш имконидан маҳрум. Илгари ҳам шундай тақиқлар судлар, шифохоналар ва давлат муассасаларида жорий этилган, шунингдек, аёлларга Ўзбекистон билан чегарадаги бозорга бориш ҳам тақиқланган эди.

Telegram I Facebook I YouTube I Instagram

Трамп: Украина атрофидаги вазият жаҳон уруши хавфини келтирмайди

АҚШ президенти Дональд Трамп Украина атрофидаги вазиятнинг эндиликда жаҳон уруши хавфини келтирмаслигини айтди.

“Агар мен президент бўлмагандим, бу уруш учинчи жаҳон урушига олиб келиши мумкин эди. Бундай бўлмайди. Олам ловуллаб ёнарди. Агар бизда нима қилаётганини билмайдиган президент бўлмаганида, АҚШ бу аланага жуда осон тушиб қолиши мумкин эди”,

деди у Оқ уйдаги тадбирда.

Telegram I Facebook I YouTube I Instagram

Ўзбекистонда энг кўп кутубхона Фарғонада, энг ками Навоийда фаолият юритади

Миллий статистика қўмитаси маълумотларига кўра, 2025 йил 1 январ ҳолатига Ўзбекистонда 14 999 та кутубхона фаолият юритмоқда. Ҳудудлар ичида энг кўп кутубхона Фарғона вилоятида — 2 108 та, энг ками эса Навоий вилоятида — 489 та.

Маълумотларга кўра, мамлакат кутубхоналари фонди 85 миллион нусха нашрдан иборат. Фойдаланувчилар сони 12,8 миллион кишини ташкил қилади, уларнинг 31,6 фоизи 14 ёшгача, 45,9 фоизи 15–24 ёшдаги, 22,6 фоизи эса 25 ёш ва катталардан иборат.

Ҳудудлар кесимида кутубхоналар сони қуйидагича:

◇ Фарғона вилояти — 2 108 та

◇ Самарқанд вилояти — 1 863 та

◇ Қашқадарё вилояти — 1 476 та

◇ Тошкент вилояти — 1 467 та

◇ Сурхондарё вилояти — 1 159 та

◇ Андижон вилояти — 1 065 та

◇ Қорақалпоғистон Республикаси — 934 та

◇ Наманган вилояти — 891 та

◇ Жиззах вилояти — 868 та

◇ Бухоро вилояти — 764 та

◇ Хоразм вилояти — 688 та

◇ Тошкент шаҳри — 701 та

◇ Сирдарё вилояти — 526 та

◇ Навоий вилояти — 489 та

Статистикага барча таълим муассасалари кутубхоналари, маҳаллий ҳокимиятлар ахборот-ресурс марказлари ҳамда вазирлик ва идораларга қарашли ахборот-кутубхона марказлари киритилган.

Telegram I Facebook I YouTube I Instagram

Хонобод судининг собиқ раиси 10,5 йилга озодликдан маҳрум қилинди

Олий суднинг жиноят ишлари бўйича судлов ҳайъати 2025 йил 17 октябрь куни Ю. Э. (1974 йилда Андижон вилоятида туғилган, жиноят ишлари бўйича Хонобод шаҳар суди раиси лавозимида ишлаган)га нисбатан ҳукм эълон қилди.

Ҳукмга мувофиқ, Ю. Э. Жиноят кодексининг 25,168-моддаси 4-қисми “а” банди ва 25,211-моддаси 3-қисми “а” бандида назарда тутилган жиноятларни содир этганликда айбдор деб топилди. Унга 2,5 йил давомида мансаб лавозимларида, суд ва ҳуқуқни муҳофаза қилувчи органларда ишлаш ҳуқуқидан маҳрум қилган ҳолда 10,5 йил муддатга озодликдан маҳрум қилиш жазоси тайинланди.

Эслатиб ўтамиз, Ю. Э. муқаддам бошқа суд томонидан тайинланган озодликдан маҳрум қилиш жазо муддатини камайтириш ваъда қилиб, судланган шахснинг онасидан 30 000 АҚШ доллари миқдордаги пулларни олган вақтда ҳуқуқни муҳофаза қилувчи органлар ходимлари томонидан ушланган эди.

Биринчи инстанция судининг ҳукми устидан тарафлар қонунда белгиланган тартиб ва муддатда Олий суднинг жиноят ишлари бўйича судлов ҳайъатига апелляция ёки кассация тартибида шикоят бериш ва протест келтиришга ҳақли.

Telegram I Facebook I YouTube I Instagram

Тошкентда чиқинди хизматидан қарздор 6 минг абонентнинг электр тўловига чеклов жорий этилди

Жорий йилнинг 5 ноябридан Тошкентда чиқинди хизматидан қарздор 6 минг абонентнинг электр тўловига вақтинча чеклов ўрнатилди. Бу “Чиқиндиларни тўплаш ва олиб чиқиш хизматлари соҳасида тўлов интизомини мустаҳкамлаш” тўғрисидаги 1044-сонли қонунга асосан амалга оширилмоқда. Бу ҳақда Чиқиндиларни бошқариш ва циркуляр иқтисодиётни ривожлантириш агентлиги маълум қилди.

Хабарда айтилишича, ҳар ойнинг 3-санасига қадар қарздорлар рўйхати “Тоза макон” билинг тизимидан “Ҳудудий электр тармоқлари” АЖга узатилади. 5 ноябрда юзага келган қарздорлик 2,239 млрд сўм бўлиб, жами 25 121 абонент SMS орқали огоҳлантирилди. 5 кун ичида қарзини тўламаган 6 минг абонентга чеклов қўлланди.

Ҳозирда Тошкентда чиқинди хизматларидан 582 млн сўмдан ортиқ дебитор қарздорлик мавжуд. Чеклов қарз тўланганидан сўнг дарҳол олиб ташланади. Мазкур тартиб декабрдан республиканинг қолган ҳудудларида ҳам жорий этилади.

"Таклиф ва шикоятлар учун 24/7 “1205” қисқа рақамига мурожаат қилиш мумкин",

дейилади хабарда

Telegram I Facebook I YouTube I Instagram

Meta фирибгарлик рекламаларидан 16 миллиард доллар даромад олган

Reuters хабар қилишича, Facebook, Instagram ва WhatsApp каби ижтимоий тармоқларни ўз ичига олган Meta корпорацияси 2024 йилда фирибгарлик аломатлари бор рекламалардан 16 миллиард доллар даромад олган.

Текширувда аниқланган фактлар:

Ҳар куни миллионлаб фойдаланувчига шубҳали рекламалар кўрсатилган;

Уларнинг аксарияти сохта инвестициялар ва қалбаки лойиҳалар билан боғлиқ бўлган;

Системада фирибгарликни аниқлаш ўрнига, шубҳали рекламалар учун нарх оширилган ва улар фойдаланувчиларга кўрсатилмоқда давом этган;

Алгоритмлар фойдаланувчини шубҳали эълонларга қайта олиб кирган.

Meta айбловларга расмий раддия бермаган, аксинча, сўнгги 18 ойда фирибгарлик бўйича шикоятлар 58% камайганини иддао қилган.

Хулоса: рекламаларга кўр-кўрона ишонманг, айниқса “тез бойиш”, “осон даромад”, “катта фойда” кабиларга эътибор берманг.


Telegram I Facebook I YouTube I Instagram

Ўзбекистонда ўғил болалар қизларга қараганда кўпроқ туғилмоқда

Жаҳон банки маълумотларига кўра, дунёда туғилишдаги гендер нисбати табиий меъёрдан юқори бўлган мамлакатлар мавжуд. Масалан, Лихтенштейнда ҳар 100 та қиз болага 116 та ўғил бола тўғри келган.

Ўзбекистон ҳам бу кўрсаткич бўйича дунёдаги юқори 10 давлатдан бири ҳисобланади. Бу ерда ҳар 100 та қиз болага тахминан 108–109 та ўғил бола тўғри келади ва сўнгги ўн йилликда нисбат ҳеч қачон 108 дан паст бўлмаган.

Иқтисодчи Миркомил Холбоевнинг қайд этишича, гендер нисбати юқори бўлган давлатларда дунё аҳолисининг катта қисми асосан Хитой ва Ҳиндистонда яшайди. Табиий равишда туғилишда ҳар 100 та қиз болага тахминан 105 та ўғил бола тўғри келиши керак, чунки ўғил болалар эрта ёшда касаллик ва ўлимга кўпроқ мойил.

Жаҳон банки экспертлари таъкидлашича, кўп давлатларда юқори гендер нисбати жинсий танлаш ёки ижтимоий-иқтисодий сабаблар билан боғлиқ бўлиши мумкин.

Telegram I Facebook I YouTube I Instagram

Октябрда Ўзбекистонга 1,17 миллион сайёҳ ташриф буюрди

Жорий йилнинг октябрь ойида Ўзбекистонга 1 миллион 170 минг нафар хорижий сайёҳ келган. Бу ўтган йилнинг шу даврига нисбатан 13,2 фоизга кўпдир.

Йил бошидан бери мамлакатга умумий ҳисобда 9,7 миллиондан ортиқ хорижий фуқаролар кириб келган.

Туризм йўналишлари ичида анъанавий тарзда Самарқанд, Бухоро, Хива ва Тошкент етакчи бўлиб турибди. Шу билан бирга, сўнгги ойларда экологик ва гастрономик туризмга қизиқиш ортиб, кўплаб меҳмонлар Фарғона водийси ва мамлакат жанубига саёҳат қилишни афзал кўрмоқда.

Telegram I Facebook I YouTube I Instagram

❗️Россия чет эллик ёлланма жангчиларни ватанига депортация қилмайди

Россия ҳукумати Украинадаги урушда шартнома асосида қатнашган чет элликларни ватанига экстрадиция қилмаслик ҳақида қарор қабул қилди.

Улар жиноий жавобгарликка тортилмаслик учун фақат жарима ёки жамоат ишлари билан чекланади.

Бу чора Россия армиясида жанг қилаётганлар учун “қўшимча рағбат” сифатида баҳоланмоқда.

Эслатма: Ўзбекистон фуқароларига чет давлатлар ҳарбий хизматига ёлланиш қонунан тақиқланган.

Бу учун 10 йилгача озодликдан маҳрум этиш жазоси белгиланган.

Telegram I Facebook I YouTube I Instagram