2026 йилдан қурилиш соҳасида янги электрон ва автоматлаштирилган тизим жорий этилади

2026 йилдан бошлаб қурилиш соҳасида бир қатор муҳим янгиликлар амалга оширилади:

🔷“Қурилиш ресурслари миллий классификатори” ишлаб чиқилади;

🔷Реконструкция учун рухсатнома, арxитектура-режалаштириш топшириқ ва “кенгаш хулосаси” бирлаштирилиб, инсон омилисиз тақдим этилади;

🔷Биноларни фойдаланишга қабул қилиш далолатномаси электрон шаклда расмийлаштирилади;

🔷Фасадни келишиш тўлиқ сунъий интеллект орқали амалга оширилади ва натижа автоматик равишда тақдим этилади.

Ушбу чора-тадбирлар қурилиш жараёнини шффофлаштириш ва автоматлаштиришга қаратилган.

Telegram I Facebook I YouTube I Instagram

“С5+1” саммитида ўзбек журналисти Дональд Трампдан Jekson–Venik тузатмасини бекор қилиш муддатини сўради

Саммит музокарлари давомида Доналд Трамп журналистлар учун бироз вақт ажратди. Ўзбек журналисти Азиза Қурбонова АҚШ президенти Дональд Трампга Jekson–Venik тузатмасини бекор қилиш муддатини сўраб савол йўллади:

"АҚШ Савдо тўғрисидаги қонунга 1974 йилда Собиқ Иттифоққа жазо сифатида киритилган ва ҳанузгача Ўзбекистон билан савдо алоқаларига техник тўсиқ сифатида сақланиб қолган Jekson-Venik ўзгартириши қачон бўлади?"

Дональд Трамп саволни музокараларда иштирок этаётган сенатор Жим Ришга йўналтирди.

"Jekson-Venik қоидаларини бекор қилиш вақти аллақачон келган. Президентнинг ёрдами билан, у билан ҳамкорликда биз бу қарорни жуда яқин орада бекор қиламиз,

дея маълум қилди сенатор

Маълумот учун, Jekson–Venik тузатмаси 1974 йилда АҚШнинг “Савдо тўғрисидаги” қонунига киритилган. Унинг мақсади Совет Иттифоқига нисбатан жазо чораси сифатида, агар мамлакат фуқароларига чиқиш визаси бермаса, АҚШга савдо имтиёзи ва инвестиция имкониятларини чеклаш эди.

СССР парчалангач 1991 йилда янги мустақил республикалар — Ўзбекистон, Қозоғистон, Қирғизистон, Тожикистон ва Туркманистон — ҳуқуқий жиҳатдан “собиқ социалистик давлатлар” рўйхатидан чиқмаган, шу боис Jekson–Venik тузатмаси уларга ҳам автоматик тарзда татбиқ қилинган. Бу ҳозирда асосан техник тўсиқ сифатида кўринса-да, савдо битимлари ва инвестицион шартномаларда бюрократик кечикмаларга сабаб бўлади.

Telegram I Facebook I YouTube I Instagram

General Motors Ўзбекистонда Chevrolet моделларини кенгайтиради

Бу ҳақда Вашингтонда бўлиб ўтган Шавкат Мирзиёев ва GM'нинг ижрочи директори Шилпан Амин учрашувида маълум қилинди.

Ўзбекистон Chevrolet бренди учун АҚШдан кейин иккинчи йирик бозорга ҳамда Марказий Осиё ва МДҲ бозорларида сотувлар бўйича етакчига айланган.

Telegram I Facebook I YouTube I Instagram

“Одам укол олганми бу ерда ёки мол?” — Қашқадарёдаги тиббиёт муассасасининг аҳволи муҳокамада

Телеграмдаги каналларда Қашқадарё вилоятининг Кўкдала туманида жойлашган тиббиёт муассасасининг абгор ҳолати акс этган видео тарқалди. Кадрларда биноларнинг вайрон бўлгани ва антисанитария ҳолати кўзга ташланади.

Вилоят соғлиқни сақлаш бошқармаси ҳамда туман ҳокимлиги мазкур муассаса туман ҳудудида жойлашганини рад этди. Ҳозирча видеодаги объектнинг аниқ манзили ва тегишли идорага қарашлилиги бўйича расмий маълумот берилмаган.

Telegram I Facebook I YouTube I Instagram

Тошкентда “18+” Telegram-канали юритган қиз судланди

Тошкентда 26 ёшли бухоролик қиз “18+” Telegram-канали орқали пулли контент тарқатгани учун судланди. У порнографик материал тайёрлаш ва тарқатишда айбдор деб топилиб, 41,2 млн сўм жаримага тортилди. Иш Чилонзор туман судида кўриб чиқилган.

Telegram I Facebook I YouTube I Instagram

Вашингтонда қандай келишувларга эришилди?

Президент Шавкат Мирзиёевнинг АҚШга амалий ташрифи давомида Вашингтонда қатор йирик келишувлар имзоланди.

Қуйида асосий келишувлар:

♦ Табиий ресурслар соҳаси:
Ўзбекистон ва АҚШ уран, мис, вольфрам, молибден ва графитни қазиб олиш ҳамда қайта ишлаш йўналишида ҳамкорлик қилади.

♦ Авиация соҳаси:
Uzbekistan Airways яна 8 та Boeing 787 Dreamliner самолётини харид қилади. Шу билан жами 22 та самолёт бўлади. Лойиҳада АҚШнинг Экспорт-импорт банки иштирок этади.

♦ Қишлоқ хўжалиги техникаси:
John Deere компанияси билан 300 миллион долларлик битим тузилди. Унинг 150 миллион доллари пахта териш машиналари харидига йўналтирилади.

♦ Молиявий ҳамкорлик:
АҚШнинг Халқаро молиявий тараққиёт корпорацияси (DFC) Тошкентда минтақавий офис очади.

♦ Рақамли тўлов тизимлари:
Ўзбекистонда Apple Pay ва Google Pay тўлов тизимлари жорий этилади.

♦ Инвестиция режаси:
Яқин уч йилда 35 миллиард, келгуси ўн йилда эса 100 миллиард долларлик инвестиция ва харидлар амалга оширилиши режалаштирилган.

Президент Мирзиёевнинг ташрифи якунланди, у Ўзбекистонга қайтмоқда.

Telegram I Facebook I YouTube I Instagram

Шавкат Мирзиёев ва Дональд Трамп Оқ уйда учрашув ўтказди

Дастлаб, президентимиз Оқ уйнинг Фахрий меҳмонлар китобида қайд ёзиб қолдирди.

Сўнг, Овал хонада етакчилар музокара ўтказди. Учрашувда Ўзбекистон ва АҚШ ўртасидаги муносабатларни ривожлантириш, сиёсий мулоқотни мустаҳкамлаш, савдо-иқтисодий, инвестициявий ва маданий-гуманитар ҳамкорлик масалалари муҳокама қилинди.

Президент Шавкат Мирзиёев учрашув якунида Дональд Трампни Ўзбекистонга расмий ташриф билан келишга таклиф қилди, унинг мамлакатимизга келиши учун қулай муддат белгиланди.

Бу учрашув икки давлат муносабатларини янги босқичга олиб чиқиш ва стратегик ҳамкорликни кенгайтиришда муҳим аҳамиятга эга экани таъкидланди.

Telegram I Facebook I YouTube I Instagram

"Браконьерликка қарши курашиш” ойи эълон қилинди

Экология, атроф-муҳитни муҳофаза қилиш ва иқлим ўзгариши вазирлиги томонидан республикада ноябрь ойи “Браконьерликка қарши курашиш” ойи деб белгиланди.

Мақсад — Ўзбекистон Республикасининг “Экологик назорат тўғрисида”, “Табиатни муҳофаза қилиш тўғрисида” ва “Ҳайвонот дунёси ва ундан фойдаланиш тўғрисида”ги қонунлари ижросини таъминлаш ҳамда браконьерликка қарши қатъий чоралар кўришдир.

Oй давомида барча муҳофаза қилинадиган табиий ҳудудларда, шунингдек, республика чўл, тоғли ҳудудлари ва табиий сув ҳавзаларида ноқонуний равишда ўсимлик ва ҳайвонот дунёсидан фойдаланиш, жумладан ноқонуний балиқ овлаш бўйича тегишли ташкилотлар билан ҳамкорликда рейд тадбирлари амалга оширилади.

Ҳар бир ҳудудда рейд тадбирлари ўтказиш бўйича тезкор гуруҳлар шакллантирилиб, ҳайвонот ва ўсимлик дунёси объектларидан фойдаланиш, ов қилиш ва балиқ овлаш қоидаларига риоя этилишини тарғибот ва профилактика ишлари орқали таъминлайди.

Экология вазирлиги браконьерлик ҳолатлари қонунчиликка кўра қатъий жавобгарликка сабаб бўлишини яна бир бор эслатади.

Агар шундай ҳолатларга гувоҳ бўлсангиз, вазирликнинг (71) 207-11-07, (71) 207-11-08 телефон рақамлари, 1157 ва 1207 қисқа рақамлари ёки @ecogovuz_bot орқали хабар беринг,

дейилади вазирлик хабарида.

Telegram I Facebook I YouTube I Instagram

Сергели тумани ИИБ раҳбариятида ўзгариш

Сергели тумани ИИБ бошлиғи Эргашев Элёр Урдушевич лавозимидан озод этилди.

Унинг ўрнига Анваров Баҳодир Бахтиёрович Сергели тумани ИИБ бошлиғи этиб тайинланди.

Telegram I Facebook I YouTube I Instagram

Эндиликда чиқиндилар хизматлари учун фақат кўрсатилган хизматлар учун тўлов амал қилади

Санитар тозалаш хизматлари сифати ва тўлов интизомини мустаҳкамлаш мақсадида 2026 йил 1 январдан бошлаб қаттиқ маиший чиқиндиларни тўплаш ва олиб чиқиш хизматлари учун янги тўлов тартиби жорий этилади.

Эндиликда истеъмолчилардан санитар тозалаш соҳасида фақат кўрсатилган хизматлар учун тўлов олинади.

Telegram I Facebook I YouTube I Instagram

Мигрантлар учун ихтиёрий суғурта тизими ва имтиёзли тарифлар жорий этилади

Ҳукумат хорижда ишлаши мумкин бўлган фуқароларнинг ҳаёти, соғлиғи ва бошқа таваккалчиликларини ҳимоя қилиш мақсадида ихтиёрий суғурта тизимини йўлга қўйиш ҳақида қарор қабул қилди. Унга кўра, мигрантлар учун суғурта компаниялари имтиёзли тарифлар ва янги суғурта маҳсулотларини ишлаб чиқади.

Вазирлар Маҳкамаси ҳузуридаги Миграция агентлиги таклифи асосида мигрантлар ҳаёти ва соғлиғини қўллаб-қувватлаш учун қуйидаги механизмлар жорий этилади:

🔷Хорижда меҳнат фаолияти даврида ҳаёт ва соғлиқни суғурталаш;

🔷Патент ёки рухсатнома рад этилиши хавфини суғурталаш;

🔷Хорижда ишга жойлашиш учун олинган кредитларнинг қайтмаслик хавфини суғурталаш;

🔷Ўзбекистонда ихтиёрий тиббий суғурта полиси бериш ёки мигрант бўлган мамлакатда ассистанс хизматлари орқали тиббий ёрдамни таъминлаш.

Суғурта қопламаси тўланган валютада амалга оширилади. Узоқ муддатли ҳаёт суғуртасида суғурталанувчи вафот этса ёки I–II гуруҳ ногиронлиги юз берса, суғурта суммаси тўлиқ қопланади; белгиланган ёшга етганда эса суғурта суммаси ва инвестиция даромадидан улуш тўланади.

Янги механизм мигрантлар учун молиявий ва тиббий хавфларни камайтиради, рад этилган ҳужжатлар ва қарз қайтмаслиги таваккалчиликларини қоплайди ҳамда хорижда бўлган мигрантлар учун тезкор тиббий ёрдамни таъминлайди.

Telegram I Facebook I YouTube I Instagram

“Шаффоф қурилиш” миллий ахборот тизими орқали ўзбошимчалик билан қурилган бинолар аниқланади

Қурилиш ва уй-жой коммунал хўжалиги вазирлиги “Шаффоф қурилиш” миллий ахборот тизими яратилганини маълум қилди. Ушбу автоматлаштирилган тизим ўзбошимчалик билан қурилган бино ва иншоотларни аниқлаш ва бартараф этишга қаратилган. Қурилиш ва уй-жой коммунал хўжалиги вазири матбуот котиби Саидносир Усмонов бу ҳақда батафсил маълумот берди.

Тизим Адлия вазирлигининг “Notarius”, Ички ишлар вазирлигининг “E-maʼmuriy ish”, Олий суднинг “Adolat” ва Кадастр агентлигининг “UzKad” ахборот тизимлари билан интеграция қилинган.

Бугунги кунда вазирликнинг Давлат архитектура назорати департаменти ҳамда туман ва шаҳар бўлимлари ходимлари 232 та махсус планшетлар билан таъминланган. Шунингдек, “Огоҳ фуқаро” платформаси орқали фуқаролар ўзбошимчалик билан қурилган ёки қурилаётган бинолар ҳақида фото ва видео хабар юборишлари мумкин.

Ҳозирги пайтда Давлат архитектура назорати департаменти томонидан 333 та ўзбошимчалик билан қурилган бино ва иншоотлар аниқланган, шундан 75 тасига маъмурий баённома расмийлаштирилган ва 258 тасига маъмурий жазо чоралари қўлланган.

Telegram I Facebook I YouTube I Instagram