Инсофсиз рақобат ҳолати аниқланди: ‘HAMKOR NUR BIZNES’ МЧЖга нисбатан жарима қўлланди

Рақобат қўмитасининг Тошкент вилояти ҳудудий бошқармаси томонидан “HAMKOR NUR BIZNES” МЧЖга нисбатан инсофсиз рақобат ҳолати бўйича таъсир чораси кўрилди.

Маълумотларга кўра, “BCG GROUP OZ” МЧЖ (ООО “ТД ГраСС” ишончномаси асосида) томонидан келиб тушган мурожаатда “HAMKOR NUR BIZNES” МЧЖ “Grass”, “Azelit”, “Gloss”, “Milana”, “Wc-gel”, “Arena”, “Clean Glass”, “Universal Cleaner” каби товар белгиларига ўхшаш “Gel Milena”, “Aze-1, Aze-2, Aze-3, Gaz-elit”, “Universal Cleaner”, “Clean Glass”, “Arena” номларидан фойдалангани билдирилган.

Текширув натижасида мазкур товар белгилари фуқароларни адаштириб юбориш даражасида ўхшашлиги ва бу ҳолат “Рақобат тўғрисида”ги Қонуннинг 21-моддаси талабларини бузиш сифатида баҳоланди.

Шу асосда ҳудудий бошқарма махсус комиссияси томонидан “HAMKOR NUR BIZNES” МЧЖга нисбатан иш қўзғатилиб, молиявий жарима қўллаш ҳақида қарор қабул қилинди.

Шунингдек, қонунбузилиш ҳолатини бартараф этиш ва келгусида бундай ҳолатларга йўл қўймаслик бўйича мажбурий кўрсатма берилди.

Telegram I Facebook I YouTube I Instagram

Мопед ва скутер ҳайдовчилари учун ‘A1’ гувоҳнома жорий этилади: имтиҳондан ўтиш учун 16 та тўғри жавоб кифоя

Вазирлар Маҳкамасининг янги қарорига кўра, 2026 йил 1 январдан мопед ва скутер ҳайдовчилари учун “A1” тоифали гувоҳнома жорий этилади.

Янги тартибга мувофиқ, мопед ва скутер ҳайдовчилари назарий ҳамда амалий курсларда ўқишга мажбур эмас. Улар мустақил тайёргарлик кўриб, имтиҳон топшириш имконига эга бўлади. Тест синовидаги 20 саволдан 16 тасига тўғри жавоб берганлар “A1” ҳайдовчилик гувоҳномасини олишади.

Шу билан бирга, “A”, “B”, “C” ва “D” тоифаларига эга ҳайдовчиларга алоҳида “A1” рухсатномаси талаб этилмайди.

2026 йил 1 февралдан бошлаб “A” ва “B” тоифалари бўйича назарий машғулотларни мустақил ўрганиш имкони ҳам яратилади. Бу автомактаблардаги ортиқча бюрократик тўсиқларни қисқартириши кутилмоқда.

Шунингдек, 2026 йил 1 апрелдан жарима баллари тизими янгича асосда ишлайди — камералар орқали қайд этилган қоидабузарликлар учун балллар автомашина эгасига эмас, балки қоидабузар ҳайдовчининг ўзига ёзилади.

Мазкур ўзгаришлар ҳайдовчилар учун қулайлик яратиш, тизимни соддалаштириш ва масъулиятни оширишга қаратилган.

Telegram I Facebook I YouTube I Instagram

“‘UzAuto Motors’: 2025 йилги Cobalt тормоз тизимида носозлик ҳақидаги хабарлар асоссиз”

“UzAuto Motors” АЖ айрим Телеграм-каналларда тарқалган 2025 йилда ишлаб чиқарилган Cobalt автомобилининг тормоз тизимида носозлик аниқлангани ҳақидаги маълумотларни рад этди.

Компания маълум қилишича, ушбу модел бўйича тормоз тизимига оид ҳеч қандай мурожаат келиб тушмаган.

“UzAuto Motors” таъкидлашича, ҳар бир автомобиль ишлаб чиқариш жараёнида кўп босқичли сифат ва хавфсизлик назоратидан ўтади. Шу жумладан, тормоз тизими ҳам махсус ускуналар ёрдамида статик ва динамик ҳолатда синовдан ўтказилади.

Компания аҳолини текширилмаган маълумотларни тарқатмасликка ва фақат расмий манбаларга ишонишга чақирди.

Telegram I Facebook I YouTube I Instagram

Президент иқтисодий натижалар ва халқаро учрашувлар бўйича йиғилиш ўтказади

Президент Шавкат Мирзиёев бугун жорий йилда иқтисодиётда кутилаётган натижалар ҳамда 2026 йилга мўлжалланган асосий макроиқтисодий кўрсаткичлар юзасидан кенгайтирилган йиғилиш ўтказади.

Шунингдек, давлат раҳбари АҚШ Президентининг Жанубий ва Марказий Осиё бўйича махсус вакили Сержио Гор бошчилигидаги делегацияни қабул қилиши режалаштирилган.

Ҳафта давомида президент ЮНЕСКО Бош конференсиясининг 43-сессияси очилишида иштирок этади ва қатор икки томонлама учрашувлар ўтказади.

Шунингдек, мамлакатимизга ташриф буюрадиган Сербия Республикаси президенти Александр Вучич ҳамда Финляндия Республикаси президенти Александр Стубб билан олий даражадаги музокаралар бўлиб ўтади.

Telegram I Facebook I YouTube I Instagram

Мактаб директорлари ва ўринбосарларига KPI асосида ҳар ойлик устама тўланади

Вазирлар Маҳкамасининг 2024 йил 21 октябрдаги 662-сонли қарорига мувофиқ, умумтаълим муассасаси директори ва унинг ўринбосарларига фаолият самарадорлиги кўрсаткичлари (KPI) натижасига кўра ҳар ойлик устама тўлаш тартиби жорий этилди.

Унга кўра, раҳбар ходимлар фаолияти Мактабгача ва мактаб таълими вазирлиги тасдиқлаган методика асосида баҳоланади. Баллар миқдорига қараб устамалар миқдори қуйидагича белгиланади:

✅Директорлар учун: 3% – 20% гача

✅Ўринбосарлар учун: 2,5% – 10% гача

Халқаро фан олимпиадаларида ўқувчилари ғолиб бўлган мактаб директорлари ушбу чекловлардан мустасно ҳисобланади.

Устамалар жамғарма маблағлари ҳисобидан тўланади. Бунда директор ёки ўринбосар камида 9 ой давомида асосий лавозимида ишлаган бўлиши шарт.

Telegram I Facebook I YouTube I Instagram

"Тарқалаётган инфекция ҳолати мавсумий, хавотирга ўрин йўқ" — ССВ

Соғлиқни сақлаш вазирлиги (ССВ) жамоатчиликка мурожаат қилиб, ижтимоий тармоқларда болалар орасида ич кетиш ва қайт қилиш билан кечаётган инфекция ҳақида тарқалаётган хабарларга изоҳ берди.

Вазирлик маълум қилишича, бу ҳолатлар мавсумий ўткир респиратор вирусли инфекциялар (ОРВИ) билан боғлиқ. Куз фаслида ҳарорат пасайиши натижасида бундай касалланишлар сонининг ортиши табиий ҳолат ҳисобланади.

Респиратор инфекциялар ҳар хил кўринишда намоён бўлиши мумкин: баъзи беморларда йўтал, ҳарорат ва бурун битиши кузатилса, бошқаларида ошқозон-ичак тизими бузилиши (ич кетиш, қайт қилиш) белгилари пайдо бўлади. Бу ҳолат турли вирус штаммларининг мавжудлиги билан изоҳланади.

ССВнинг таъкидлашича, бу касалликларни коронавирус мутацияси билан боғлаш нотўғри. Ҳозирги кунда COVID-19 оддий респиратор инфекция кўринишига айланган ва мамлакатда эпидемиологик вазият барқарор.

Тиббиёт муассасаларида ўткир респиратор вирусли инфекцияларни даволаш учун етарли ўрин-жой ҳамда дори воситалари захираси мавжуд.

Вазирлик ота-оналарга фарзандларида шундай белгилари кузатилса, ўз вақтида оилавий шифокорга мурожаат қилишни тавсия этди.

Telegram I Facebook I YouTube I Instagram

"Тошкентда 174 туп дарахт кесилгани аниқланди, айбдорларга нисбатан чора кўрилади" — Эковазирлик

Ижтимоий тармоқларда жорий йилнинг 25 октябрь куни тунги вақтда “дарахтларнинг кесилганлик ҳолати” бўйича видео тарқалди. Экология вазирлиги Давлат экологик назорат инспекцияси масъуллари томонидан ҳолат юзасидан ўрганиш ўтказилганда, Тошкент шаҳри Яккасарой тумани Нуқус ва Бобур кўчалари кесишмасидан бошлаб, автомобиль йўли ёқасида жами 174 туп дарахт ва бута кесилгани аниқланди.

Экология инспектори томонидан ҳолат бўйича тегишли тартибда баённомалар расмийлаштирилиб, жами 1 миллиард 460 миллион 952 минг сўм зарар ҳисобланди.

Шу билан бирга, Тошкент шаҳар ҳокимлиги раҳбарияти вазиятни шахсан ўз назоратига олди. Атроф-муҳитга зарар етказган айбдор масъул шахсларга нисбатан қонунчилик нормаларига мувофиқ қатъий чора кўрилиши маълум қилинди. Шунингдек, келгусида шаҳар ҳудудида бундай ҳолатлар такрорланмаслиги учун вазирлик билан ҳамкорликда ишлар олиб борилиши таъкидланди.

Маълумотларга кўра, инспекторлар томонидан тўпланган барча ҳужжатлар қонунчиликда белгиланган тартибда чора кўрилишини таъминлаш учун прокуратура органларига юборилган.

Бундан ташқари, ҳокимлик томонидан кесилган дарахтларнинг ўрнига 62,1 минг дона бута ва манзарали дарахт кўчатлари экилиши маълум қилинган.

Telegram I Facebook I YouTube I Instagram

Абдуқодир Ҳусанов — Осиёнинг энг қиммат футболчиси

21 ёшли ўзбекистонлик футболчи Абдуқодир Ҳусановнинг бозор қиймати ҳозирда 35 миллион еврога етди.

Бу натижа билан Ҳусанов Осиё қитъасидаги энг қиммат футболчи мақомини қўлга киритди.

Ёш ҳимоячи сўнгги мавсумлардаги муваффақиятли ўйинлари орқали Европанинг етакчи клублари эътиборини ҳам қозонгани айтилмоқда.

Telegram I Facebook I YouTube I Instagram

Ҳафта ўрталарида ҳаво ҳарорати пасайиши кутилмоқда: айрим ҳудудларда ёмғир, тоғли ҳудудларда эса қор ёғади

“Ўзгидромет” маълумотларига кўра, жорий ҳафтада Ўзбекистоннинг катта қисмида илиқ ва қуруқ об-ҳаво ҳукм суради. Бироқ ҳафтанинг ўрталарига келиб ҳаво ҳарорати пасайиши натижасида айрим ҳудудларда ёмғир ёғиши, баланд тоғли ҳудудларда эса қор кузатилиши мумкин.

Душанба куни республика бўйича ёғингарчилик кутилмайди, фақат Қорақалпоғистон Республикаси ва Хоразм вилоятида кечга томон қисқа муддатли ёмғир ёғиши эҳтимоли бор. Кундузи ҳаво ҳарорати +23…+28 даража, шимолий ҳудудларда +19…+24 даража бўлади.

28 октябр куни ҳаво ҳарорати пасайиб, республика бўйича баъзи жойларда кучсиз ёмғир ёғиши, тоғолди ва тоғли ҳудудларда ёмғир қорга айланиши мумкин. Кундузги ҳарорат +20…+23 даража атрофида бўлади.

Шамолнинг йўналиши ғарб томонга ўзгариб, 7–12 метр/сония тезликда эсиши, айрим ҳудудларда 13–18 метр/сониягача кучайиши ва чанг-тўзонлар кузатилиши мумкин. Ҳарорат кечалари +8...+13 даража, кундузи +21…+26 даража бўлиб, бу меъёрдан 3–5 даража юқори ҳисобланади.

Пойтахтда ҳафтанинг биринчи ярми илиқ ва қуруқ бўлади. Душанба куни ёғингарчилик кутилмайди, ҳарорат кундузи +23…+25 даража бўлади. 28 октябрда куннинг иккинчи ярмида қисқа муддатли ёмғир ёғиши мумкин. 29–30 октябр кунлари Тошкентда ҳаво ўзгарувчан, лекин қуруқ бўлиб, ҳарорат кундузи +22…+25 даража атрофида бўлиши кутилмоқда.

Telegram I Facebook I YouTube I Instagram

Андижоннинг 10-сонли умумтаълим мактаби — тажрибали ва малакали устозлар мактаби

Андижон шаҳри 10-сонли умумий ўрта таълим мактаби жамоаси 2025–2026 ўқув йилини юқори тайёргарлик билан қарши олди. Таълим муассасасида тажрибали, малакадор ва замонавий ёндашувларга эга устозлар фаолият юритмоқда.

Мактабда ҳозирда 4 нафар олий тоифали, 12 нафар биринчи тоифали ва 11 нафар иккинчи тоифали ўқитувчи меҳнат қилмоқда. Шунингдек, 7 нафар устоз турли йўналишлар бўйича маҳаллий сертификатларга, 1 нафар ўқитувчи эса халқаро сертификатга эга.

Ўқитувчилар жамоаси таълим сифатини ошириш, ўқувчиларнинг билим ва кўникмаларини ривожлантириш ҳамда замонавий педагогик усулларни амалиётга жорий этиш йўналишида самарали фаолият олиб бормоқда.

Андижоннинг 10-сонли умумтаълим мактаби бугунги кунда фақат таълим сифати билан эмас, балки устозлар малакаси ва ташаббускорлиги билан ҳам ажралиб турибди.

Telegram I Facebook I YouTube I Instagram

“Реал Санжик”нинг ташаббуси бўйича ижтимоий ҳимоя органлари расмий баёнот берди

Ижтимоий ҳимоя миллий агентлигининг Тошкент шаҳар бошқармаси маълумот беришича, 2025 йил 24 октябрь куни блогер “Реал Санжик” “Меҳрибонлик” уйи №22 га ташриф буюриб, турар-жойни текин фойдаланишга бериш нияти ҳақида ариза қолдирган. Бироқ ҳозирга қадар уйни расман топширишга оид нотариал ҳужжатлар тақдим этилмаган.

Бошқарма таъкидлашича, мазкур муассаса тўлиқ давлат таъминотида фаолият юритади — болалар уй-жой, кийим-кечак, таълим ва тиббий хизмат билан давлат ҳисобига таъминланади. Шу сабабли давлат муассасаларига кўчмас мулк ёки бошқа моддий ёрдамни топшириш зарур эмас.

Айни пайтда мамлакатда болаларни оила муҳитига яқин шароитда тарбиялаш тизими босқичма-босқич жорий этилмоқда. Бу орқали болалар васийлик ёки ғамхўрлик асосида тарбияланиши учун кенг имконият яратилмоқда.

Агентлик болаларни қўллаб-қувватлашга қаратилган эзгу ташаббусларни маъқуллайди, бироқ бу жараёнда амалдаги ҳуқуқий тартибларга риоя этиш зарурлигини эслатди.

Telegram I Facebook I YouTube I Instagram

2026 йилда самарасиз субсидия ва имтиёзлар бекор қилинади

2026 йил давлат бюджети лойиҳасига кўра, самарадорлиги паст бўлган субсидия ва имтиёзлар бекор қилинади. Ҳужжатда иқтисодий барқарорликни таъминлаш ва бюджет харажатларини оптималлаштиришга қаратилган бир қатор чоралар белгиланган.

Маълумотларга кўра, келгуси йилда асосий солиқ ставкалари ўзгаришсиз қолади. Шу билан бирга, давлат харажатлари кескин қисқартирилиши режалаштирилган.

Давлат иштирокидаги корхоналарнинг дивиденд сиёсати тартибга солинади, халқаро молия ташкилотлари маблағлари ҳисобига амалга оширилаётган лойиҳаларни тўлиқ якунлагандан сўнггина янги лойиҳаларга ресурслар йўналтирилади.

Иқтисодий кўрсаткичлар бўйича, 2026 йилда ўсиш суръатини 6,6 фоиз даражасида таъминлаш, ялпи ички маҳсулот ҳажмини 150 миллиард доллардан ошириш ва иқтисодиётга камида 400 триллион сўм инвестиция йўналтириш режалаштирилган. Инфляция даражаси эса 7 фоиздан ошмаслиги прогноз қилинмоқда.

Telegram I Facebook I YouTube I Instagram

⚡️«Аҳвол ёмон» – Расул Кушербаев Яккасаройдаги дарахткушликда экоинспекторларга босим бўлганини тасдиқлади

Аввалроқ Яккасаройда 144 туп дарахт мораторий талаблари зид равишда кесиб ташлангани тўғрисида хабарлар тарқалган эди.

Дарахткушлик 25 октябр куни тунда содир бўлган, жараённи расмийлаштириши керак бўлган Экология вазирлиги ҳузуридаги инпекция ва экоинспекторларга босим ўтказилган.

Эковазир маслаҳатчиси Расул Кушербаев ҳақиқатда экология ходимларига нисбатан турли босимлар ўтказилганини тасдиқлади.

«Биз туман, шаҳар инспекторларига босим ўтказилгач, воқеа жойига Экология вазирлиги ходимларини юборишга мажбур бўлганмиз.

Дунёнинг ривожланган мамлакатларида эковазирликлар Ҳукуматга эмас балки Президент ёки Парламентга бўйсунади, яъни манфаатлар тўқнашувининг олдини олиш лозим.

Аксарият ҳолларда экология идорасида вазирлика эмас афсуски, маҳаллий ҳокимият ёки бошқа идораларга бўйсунади. Бу эса экологиядаги аҳвол қанчалик ёмонлигини кўрсатмоқда.

Ҳокимият вакилларини дарахт кесишга қарши мораторий эълон қилинганига қарамасдан, дарахткушликдан ҳеч қандай омил тўхтата олмаяпти», дейди Кушербаев.

Telegram I Facebook I YouTube I Instagram

Жаҳолатга ютқазаётган авлод…

Йўқлик томон кетаётган ватаннинг янги авлоди ххдди онасидан ажратиб олинган бандиполапонлар каби эркидан маҳрум.

Бу аҳволда ўтмишнинг ёди, келажакнинг умиди йўқ, чунки унинг вужуди ваҳшийлик панжалари ичида бурда-бурда қилинган. Бундай аҳволга тушишига миллатнинг ўзи ҳам айбдор.

Чунки, у илм-фандан юз ўгирди. Жаҳолатни ўзига ёр деб билди, бундай ғафлат уйқусида ётиб, дўст билан душманнинг фарқига бормади. Оқибатда эса инқирозга юз тутди…

Telegram I Facebook I YouTube I Instagram

Тошкентда иссиқлик таъминоти тарифлари 15 фоизга оширилди

Тошкент шаҳар ҳокимининг қарори билан “Veolia Energy Tashkent” томонидан кўрсатиладиган марказлашган иссиқлик таъминоти хизматлари учун янги тарифлар тасдиқланди.

Қарорга мувофиқ, аҳоли учун иссиқлик таъминоти хизматлари тарифлари 15 фоизга оширилди.

Янги тарифларга кўра:
✅ Базавий тариф (ҚҚСсиз) — 711 641 сўм/Гкал
✅ Аҳоли учун — 139 860 сўм/Гкал
✅ Бюджет ташкилотлари учун — 952 797 сўм/Гкал
✅ Бошқа улгуржи хизмат кўрсатувчи ташкилотлар учун — 342 296 сўм/Гкал

Бу нархлар Тошкент шаҳар халқ депутатлари кенгаши томонидан 22 август куни маъқулланган эди.

Қарор расмий эълон қилинган сана — 27 октябрдан кучга киради. Бироқ қонунчиликка кўра, коммунал хизматлар нархи оширилиши ҳақида аҳолига камида 15 кун олдин оммавий ахборот воситалари орқали хабар берилиши лозимлиги таъкидланмоқда.

Telegram I Facebook I YouTube I Instagram