Ургутда жанжал кўтарган ўқувчи қизларнинг ота-онаси жавобгарликка тортилди

Ижтимоий тармоқларда Ургут туманидаги 41-умумтаълим мактаби 9-синф ўқувчи қизлари ўртасида жанжал бўлгани акс этган видео кенг муҳокамаларга сабаб бўлди.

Мазкур ҳолат юзасидан Самарқанд вилояти Мактабгача ва мактаб таълими бошқармаси ишчи гуруҳи ҳамда туман ички ишлар бўлими ходимлари томонидан ўрганиш ишлари олиб борилган. 12 нафар қизнинг ота-онасига мамурий баённомалар расмийлаштирилган.

Масъуллар бундай ҳолатларнинг такрорланмаслиги учун мактабларда тушунтириш ва тарбиявий ишларни кучайтириш бўйича топшириқлар берган.

Мухбир: Камола Қурбонова

Telegram I Facebook I YouTube I Instagram

Humans’нинг собиқ топ-менежери Бехзод Ботиров ҳибсга олинди

PayWay тўлов ташкилоти ҳаммуассиси ва кузатув кенгаши аъзоси Беҳзод Ботиров Ўзбекистонда қимор ўйинларини ноқонуний ташкил этгани учун ҳибсга олинди.

Қайд этилишича, Humans гуруҳига тегишли UPay тўлов ташкилотининг 6,5 йилдан ортиқ вақт давомида бош директори лавозимида ишлаган ва илгари Humans топ-менежери бўлган Ботиров 4 июл куни Тошкент шаҳар Яккасарой туман суди қарори билан ҳибсга олинган. У Жиноят кодексининг 278-моддаси 2-қисми «а» ва «б» бандлари — «қимор ва таваккалчиликка асосланган бошқа ўйинларни қонунга хилоф равишда ташкил этиш ёки ўтказиш»ни бузганликда айбланмоқда.

Telegram I Facebook I YouTube I Instagram

“Қибрайдаги ‘қонун’: терговчи айтса — ҳақиқат, адвокат айтса — қаршилик!”

Қибрайда қонун битта қаҳрамонни яхши кўради — бу терговчи.
У гапирса — қонуннинг ўзи, адвокат гапирса — “қаршилик”.

Адвокат Зебохон Камилова шунчаки фикр билдирмоқчи бўлгани учун ҳам айбдорга айланди. Терговчи эса “қурбонлик пиёласини” кўтариб, уни саҳнага чиқарди.

Бу ерда қонун гапирмайди — у фақат томошабин.
Терговчи сўзлаганда у қўл чапак чалади, адвокат сўзласа — “қаршилик” деб бақиради.

Қибрайда янги қоида пайдо бўлди:
“Терговчи ҳақ, қонун четда.”
Ёзилмаган, лекин ҳамма бўйсунган.

Эҳтимол, яқин кунларда адвокат Камилова видеомурожаати орқали шу саҳнадаги ёлғон пардасини кўтарса ажаб эмас.
Ахир, қонунга овоз керак — у сукутда қолса, адолат ҳам йўқолади.

Telegram I Facebook I YouTube I Instagram

"Тошкентда экологик тартиб: чиқинди ташлаганлар миллионлаб жаримага тортилди”

Тошкент шаҳрида “Тозалик ва озодалик ойлиги” доирасида экологик рейдлар ўтказилмоқда. Тадбирнинг мақсади — чиқиндиларни тўғри бошқариш, атроф-муҳитни муҳофаза қилиш ва тоза пойтахтни барпо этишдир.

Рейдлар давомида ноқонуний чиқинди ташлаш ҳолатлари аниқланиб, ҳуқуқбузарларга нисбатан Маъмурий жавобгарлик тўғрисидаги кодекс асосида жарималар қўлланилди.

Ҳозиргача 739 та рейд ўтказилиб, 584 та экологик қонунбузарлик аниқланган. Жами 357,6 млн сўмлик жарима қўлланилиб, шундан 57,2 млн сўми ундирилган. Табиатга етказилган 132,6 млн сўм зарардан 43,6 млн сўм қопланган.

Шунча чораларга қарамай, айрим ҳудудларда чиқиндиларни ноқонуний ташлаш ҳолатлари ҳануз кузатилмоқда. Мутасаддиларнинг таъкидлашича, тозаликни таъминлаш — ҳар бир фуқаронинг бурчи.

Cobalt билан тўқнашган Lacetti ёниб кетди

21 октябрь куни соат 00:10 ларда Чилонзор тумани Бунёдкор шоҳ кўчасида Lacetti ва Cobalt тўқнашишиоқибатида ЙТҲ содир бўлган. Тўқнашувдан сўнг Lacetti машинаси деярли тўлиқ ёниб кетган.

ЙТҲ оқибатида Cobalt йўловчисига биринчи тез тиббий ёрдам кўрсатилган. Мазкур ҳолат юзасидан суриштирувишлари олиб борилмоқда.

Telegram I Facebook I YouTube I Instagram

Олтин нархи кескин пасайди 💰

Нью-Йорк товар биржаси (COMEX) маълумотларига кўра, 21 октябр куни олтин нархи 6 фоиздан ортиққа тушиб, бир унцияси 4100 доллардан паст даражага етди. Бу 2013 йилдан бери кузатилмаган энг катта бир кунлик пасайиш ҳисобланади.

Ўзбекистон бозорида ҳам олтин қуймалари арзонлашди:
5 г — 8,33 млн сўм
10 г — 16,65 млн сўм
20 г — 33,30 млн сўм
50 г — 83,26 млн сўм
100 г — 166,52 млн сўм

Мутахассислар бу ҳолатни халқаро бозордаги ноаниқлик ва инвестицион талабнинг пасайиши билан изоҳламоқда.

Telegram I Facebook I YouTube I Instagram

Навоий вилояти ва Россия ҳудудлари ўртасида ҳамкорликнинг янги босқичи бошланди

Навоий вилояти ҳокими Нормат Турсунов бошчилигидаги делегациянинг Россия Федерациясига хизмат сафари фаол учрашув ва музокараларга бой бўлмоқда.

Сафар доирасида Москва шаҳрида вилоят делегацияси савдо-иқтисодий, илмий-техникавий, ижтимоий ҳамда маданий-гуманитар соҳаларда, шунингдек халқаро ва ташқи иқтисодий алоқаларни ривожлантиришга қаратилган қатор келишувларга эришмоқда.

Навоий вилояти ҳокими Нормат Турсунов Россия Федерацияси Архангельск вилояти губернатори Александр Цибульский билан учрашиб, икки ҳудуд ўртасидаги ҳамкорликни мустаҳкамлашга қаратилган йўл харитасини имзолади. Учрашувда қурилиш соҳасидаги ҳамкорлик, Архангельск вилоятига Навоийдан сайқалланган мармар ва гранит маҳсулотларини экспорт қилиш, шунингдек кимёвий маҳсулотлар, хусусан водород пероксиди етказиб бериш ва кооперация масалалари атрофлича муҳокама қилинди.

Шунингдек, ҳоким бошчилигидаги делегация Москва шаҳрида бўлиб ўтаётган Россия Федерацияси ва Ўзбекистон Республикаси II ҳудудлараро иқтисодий кенгашининг ялпи мажлисида ҳам иштирок этмоқда. Тадбир доирасида Нормат Турсунов Чувашия Республикаси Раиси Олег Николаев билан учрашиб, савдо-иқтисодий, саноат, ижтимоий-гуманитар ва инвестиция соҳаларидаги ҳамкорлик бўйича йўл харитасини имзолади.

Ялпи мажлисда икки давлат Бош вазирлари ўринбосарлари иштирокида имзоланган ҳужжатларнинг тантанали алмашинуви бўлиб ўтди.

Бундан ташқари, Навоий вилояти ҳокими Омск вилояти губернатори Виталий Хоценко билан ҳам учрашиб, савдо-иқтисодий, илмий-техникавий, ижтимоий ва маданий-гуманитар соҳаларда ҳамкорликни кенгайтириш бўйича мақсадли йўл харитасини имзолади. Учрашувда Омск делегациясининг Навоий вилоятига ташрифи, инвестицион ҳамкорликни ривожлантириш ҳамда Навоийдан Омскка қишлоқ хўжалиги маҳсулотлари, жумладан мева ва сабзавотларни экспорт қилиш масалалари муҳокама этилди.

Бу музокаралар икки давлат ҳудудлари ўртасидаги ҳамкорликни янги босқичга кўтариш, ишончли иқтисодий ва маданий кўприклар яратишга хизмат қилмоқда.

Telegram I Facebook I YouTube I Instagram

Ҳафталик дайжест: Қурилиш соҳасида назорат ишлари кучайтирилди

Қурилиш ва уй-жой коммунал хўжалиги соҳасида назорат қилиш инспекцияси ўтган ҳафта давомида амалга оширилган ишлар юзасидан ахборот берди:

➖ Тошкент шаҳрида кўп қаватли уйнинг том қисмига мулкдор томонидан ноқонуний бассейн қурилганлиги аниқланди.

➖ Наманган вилоятида қурилиш объектида ишлатилган сифатсиз темир-бетон плиталар инспекция ходимлари томонидан буздирилди.

➖ Республика бўйлаб бошқарув сервис компанияларининг фаолиятини ўрганиш мақсадида тунги рейд тадбирлари ўтказилмоқда.

➖ Навоий вилоятида кўп қаватли уйнинг юк кўтарувчи устунларини бузиб ташлаган мулкдор аниқланиб, қонун доирасида чоралар кўрилди.

Telegram I Facebook I YouTube I Instagram

Сардорбек Умурзаков – Президент Администрациясида Ташқи алоқалар департаменти бошлиғи бўлди. Алишер Пайгамов бу лавозимдан озод этилди

Ўзбекистон Республикаси Президентининг тегишли фармонлари билан:

Сардорбек Улуғбекович Умурзаков Президент Администрацияси Ташқи алоқалар департаментининг бошлиғи лавозимига тайинланди ва шу муносабат билан Президент Администрацияси бош инспектори лавозимидан озод этилди;

Алишербек Азизович Пайгамов бошқа ишга ўтиши муносабати билан Ўзбекистон Республикаси Президенти Администрацияси Ташқи алоқалар департаментининг раҳбари лавозимидан озод этилди.

Telegram I Facebook I YouTube I Instagram

⚡️Тошкентда яшаш уйи ҳокимият ходимлари ёллаган ишчилар томонидан бузиб ташланган оила целлофан уйда яшамоқда

Тошкент шаҳри Яккасарой тумани Чўпонота кўчасида жойлашган 48-50 уй аввалроқ маҳаллий ҳокимият ходимлари ёллаган ишчилар томонидан бузиб ташланганди.

Деярли яшашга имконият қолмаган хонадонда оила вакиллари целлофан пакетдан девор қуриб, ўтин ёқиб ҳаёт кечиришмоқда. Ҳеч ишонгинг келмайдики, бу каби ачинарли ҳолат Ўзбекистон пойтахти Тошкентда содир бўляпти.

Telegram I Facebook I YouTube I Instagram