Самарқандда тирбандликка қарши янги чора — автошоҳбекат ишга тушди!

Самарқанд шаҳрида ҳаракат хавфсизлигини таъминлаш ва тирбандликларни камайтириш мақсадида янги автошоҳбекат ташкил этилди.

🚦 Янги шоҳбекат “Дагбитская” чарраҳасида жойлашган бўлиб, бу ҳудуддаги асосий ҳаракат оқимини тартибга солиш ва ҳайдовчилар учун қулайлик яратишга хизмат қилади.

Мутахассисларнинг таъкидлашича, мазкур бекатнинг ташкил этилиши орқали мазкур йўналишдаги тирбандликлар сезиларли даражада қисқариши, йўл ҳаракати хавфсизлиги эса янада яхшиланиши кутилмоқда.

🟢 Янги бекат ҳақида сизнинг фикрингиз қандай? Бу чора ҳақиқатан ҳам тирбандликни камайтирадими? Изоҳда ёзиб қолдиринг...

Telegram I Facebook I YouTube I Instagram

Намангандаги кафеда нарколаборатория фош этилди

Янгиқўрғон туманида ҳуқуқни муҳофаза қилувчи органлар томонидан олиб борилган тезкор тадбир давомида “Версал” номи остидаги кафеда ноқонуний фаолият излари аниқланган.

Текширувлар жараёнида айрим шахслар томонидан ғайриқонуний моддалар тайёрлаш ва сақлаш билан боғлиқ ҳолатлар юзасидан дастлабки маълумотлар йиғилган. Ҳозирда мазкур ҳолат бўйича терговга қадар текширув ишлари олиб борилмоқда.

Расмий маълумотларга кўра, ҳодиса юзасидантегишли экспертизалар тайинланган ва қонун доирасида чора кўрилиши белгиланган.

Telegram I Facebook I YouTube I Instagram

Сурхондарёда қурилиш, уй-жой коммунал хўжалиги бўлими бошлиғи ва архитектор ушланди

Сурхондарё вилоятида қурилиш лойиҳалари билан шуғулланувчи хусусий МЧЖ архитектори фуқаронинг ишончига кириб, пора талаб қилган пайтда қўлга олинди.

Маълумотларга кўра, архитектор Музработ туманида яшовчи фуқарога тегишли қурилиши тугалланмаган бинога оид лойиҳа ҳужжатларини тегишли ташкилотлардан “осон ўтказиб бериш” эвазига 17 миллион сўм талаб қилган.

🕵️‍♂️ ДХХ ва ички ишлар органлари ҳамкорлигида ўтказилган тезкор тадбирда, у сўралган пулни олган вақтда ашёвий далиллар билан ушланган.

Тадбир давомида аниқланишича, архитектор олинган маблағнинг 1 миллион сўмини Музработ туман қурилиш ва уй-жой коммунал хўжалиги бўлими бошлиғига беришни режалаштирган. Ушбу мансабдор шахс ҳам пулни қабул қилаётган пайтда қўлга олинган.

Ҳозирда уларга нисбатан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

⚡️Вау-вау эмас: Блогернинг тез ёрдам машинлари ҳақидаги савиясиз фикрлари аҳоли вакилларининг нафратига дучор бўлмоқда

Ижтимоий тармоқларда Хуррамбек Ходжаев исмли фуқаро шаҳар кўчаларида тез тиббий ёрдам машиналарининг сирена билан ҳаракатланишидан норозилик билдирган. Унинг сўзларига кўра, бу ҳолат айрим ҳолларда аварияга сабаб бўлиши мумкин экан.

Афсуски, деярли ҳеч ким блогер ниқобидаги шахснинг фикрларига қўшилмаяпти. Бу каби савиясиз фикрлар ҳатто тез тиббий ёрдам ходимлари ҳам эътироз билдирган.

Telegram I Facebook I YouTube I Instagram

Ўзбекистонда катта тозалаш ишлари бошландими? ДХХ, Прокуратура, ИИВ ҳамкорлигининг натижалари…

👉 https://youtu.be/KA38bbQdqaE

Самарқандлик машҳур тадбиркор қамалди — Effect.uz воқеа жойида

13 октябрь куни Каттақўрғон шаҳар суди машҳур самарқандлик тадбиркор Толибхон Абдижалиловни 6 йил 1 ой муддатга озодликдан маҳрум этиш ҳақида ҳукм чиқарди. Шу билан бирга, у билан 30 ёшли А.Абдумаликов ва 27 ёшли Ш.Қўзибоев ҳам қамоқ жазосига ҳукм қилинди.

Судланувчилар ЖКнинг 167-моддаси (ўзлаштириш ёки растрата) ва 228-моддаси (ҳужжатларни қалбакилаштириш ёки улардан фойдаланиш) бўйича айбдор деб топилган.

Суд ҳукми ўқилгач, ижтимоий тармоқларда кўплаб эътирозли видеолар ва фикрлар тарқалди. Effect.uz воқеани ўрганиш мақсадида Самарқанд вилоятига йўл олди.

Маълум бўлишича, Абдижалилов Оқдарё туманидаги М-37 йўли бўйида катта бозор қурган, шунингдек, 30 гектарга яқин ёнғоқ ва шафтоли боғига эгалик қилади. Халқ орасида бу жой “Мағз, ёнғоқ бозор” номи билан танилган бўлиб, ҳар куни кечки 18:00 дан кейин фаолият юритади.

Бозорда 500 дан ортиқ тадбиркорлар ўз маҳсулотларини сотиб, даромад кўришмоқда. Effect.uz журналистлари ҳозирда суриштирув ишларини олиб боришмоқда ва тез орада тафсилотларни эълон қилади.

Telegram I Facebook I YouTube I Instagram

Бурса сув танқислигида!

Туркиянинг Бурса шаҳрини ичимлик суви билан таъминлаб турган Нилюфер ва Доганджи сув омборларида сув сатҳи 0% гача тушиб кетди.

Мутахассислар бу ҳолатни жиддий экологик хавф деб баҳоламоқда ва аҳолини сувни тежаб фойдаланишга чақирмоқда.

Telegram I Facebook I YouTube I Instagram

Ўзбекистонда иситиш мавсуми қачондан бошланиши айтилди

Қурилиш ва уй-жой коммунал хўжалиги вазирлиги республикада амалдаги меъёрларга мувофиқ, иситиш мавсуми ташқи ҳаво ҳарорати 5 кун мобайнида ўртача суткалик ҳисобда +8°Cдан паст бўлганда бошланишини маълум қилди.

Telegram I Facebook I YouTube I Instagram

Самарқандга кириш вақтинчалик чекланади

Шу йилнинг 30 октябридан 14 ноябригача Самарқандга кириш йўллари вақтинчалик ёпилади. Транзит автоуловлар учун айланма йўналишлар ташкил этилади.

Бу чекловлар ЮНEСКО Бош конференциясининг 43-сессияси Самарқандда ўтказилиши муносабати билан жорий этилмоқда.

Telegram I Facebook I YouTube I Instagram

⚡️Бу муттаҳамлик — Азиз Абдуҳакимов чиқиндилар тизимидаги “сунъий тўловлар” ҳақида гапирди

Экология вазири Азиз Абдуҳакимов чиқиндиларни тўплаш тизимидаги ўзгаришлар ҳақида гапирди.

Унинг таъкидлашича, эндиликда чиқиндиларни йиғиш хизмати амалга оширилмаган тақдирда, аҳолидан бежиз тўлов ундириш ҳолатлари тўхтатилган.

“Энди маҳаллага чиқинди йиғадиган машина кирмаса, аҳолидан пул йиғилмайди. Илгари айрим операторлар томонидан сунъий равишда пул йиғиб олинадиган ҳолатлар кузатилар эди. Машина 2–3 ҳафта келмаса ҳам, аҳоладан пул олиш ҳолатлари бўлган. Бу муаммолар деярли бартараф этилди”, — деди вазир.

Абдуҳакимовнинг сўзларига кўра, тизимдаги назорат кучайтирилиб, ҳар бир маҳаллада чиқинди ташиш хизматининг графиги ва масъуллари аниқ белгилаб чиқилган.

Telegram I Facebook I YouTube I Instagram

21-октябр – Ўзбек тили байрами!

Бугун биз учун ғурурли ва унутилмас сана — ўзбек тилига давлат тили мақоми берилган кун.

1989 йил 21 октябрда қабул қилинган “Давлат тили тўғрисида”ги қонун халқимизнинг ўзлигини, миллий қадриятларини, тарихини асраш йўлидаги муҳим қадам бўлган.

Ўз тилимизни севайлик, қадрлайлик ва ҳар бир сўзимизда унинг гўзаллигини ҳис этайлик!

Telegram I Facebook I YouTube I Instagram

IT-парк лойиҳасининг иккинчи босқичига старт берилди

Президент Шавкат Мирзиёев 21-октабр куни пойтахтимизнинг Мирзо Улуғбек туманида жойлашган IT-паркка ташриф буюриб, лойиҳанинг иккинчи босқичига тамал тоши қўйиш маросимида иштирок этди.

Telegram I Facebook I YouTube I Instagram

🧠 Ҳокимлик ва вазирликларда сунъий интеллект бўлимлари ташкил этилади

Эндиликда ҳар бир вазирлик ва тармоқ раҳбарларининг рақамлаштиришга масъул ўринбосарлари соҳада сунъий интеллектни ривожлантириш учун ҳам жавобгар бўлади.

Шунингдек, шаҳар ва туманларда ҳам ҳокимларнинг рақамлаштириш ва сунъий интеллект бўйича маслаҳатчиси лавозими жорий этилади.

Барча вазирлик ва ҳокимликлар ўз тузилмасида сунъий интеллект бўлими ташкил қилиши шарт. Бу бўлинмаларнинг асосий вазифаси — иш самарадорлигини ошириш, хизмат сифатини яхшилаш, ортиқча харажат ва бюрократияни қисқартириш, ҳамда “яширин иқтисодиёт”га қарши сунъий интеллект ечимларини жорий этишдан иборат бўлади.

Шу билан бирга, 100 нафар юқори малакали, хорижий тилни биладиган ва технологик билими кучли мутахассис АҚШ, Европа, Сингапур ва Япония каби давлатларда олти ойлик ўқув курсларига юборилади.

Келгуси йилдан эса вазирлик ва ҳудудларда сунъий интеллектни жорий этиш даражасига кўра рейтинг тизими ишга туширилади. Бу тизим орқали қайси идорада рақамлаштириш самарали амалга оширилаётгани баҳоланади.

Telegram I Facebook I YouTube I Instagram