Скутер ва мопед ҳайдовчилари учун янги талаблар кучга кирди

1 октябрдан бошлаб мопед ва скутерларни фақат А тоифали ҳайдовчилик гувоҳномасига эга шахслар бошқариши мумкин.

Эндиликда бу турдаги транспорт воситалари рўйхатдан ўтказилиши ва давлат рақамига эга бўлиши ҳам мажбурий ҳисобланади.

Янги тартиб йўл ҳаракати хавфсизлигини таъминлаш, йўл-транспорт ҳодисаларини камайтириш ҳамда қоидабузарликларнинг олдини олиш мақсадида жорий этилган.

Маълумотларга кўра, 2025 йилнинг шу пайтига қадар мопед ва скутерлар иштирокида 303 та ЙТҲ содир бўлиб, натижада 259 нафар киши жароҳатланган, 53 нафар фуқаро ҳалок бўлган.

Telegram I Facebook I YouTube I Instagram

Асар муаллифининг дахлсиз ҳуқуқлари ҳақида биласизми?

Муаллиф ўз асарига нисбатан бир қатор шахсий номулкий ҳуқуқларга эга:

▪️ Муаллифлик ҳуқуқи — асарнинг ҳақиқий муаллифи сифатида тан олиниш ҳуқуқи.

▪️ Муаллифлик исмига бўлган ҳуқуқ — асардан исми кўрсатилган ҳолда, тахаллус билан ёки исмсиз фойдаланишга рухсат бериш ҳуқуқи.

▪️ Ошкор қилиш ҳуқуқи — асарни исталган шаклда ошкор этиш ёки ошкор қилишга рухсат бериш, шу жумладан асарни оммадан чақириб олиш ҳуқуқи.

▪️ Муаллиф обрўсини ҳимоя қилиш ҳуқуқи — асар ёки унинг номи муаллифнинг шаъни ва қадр-қимматига тажовуз қилувчи тарзда бузилишидан ҳимоя қилинади.

▪️ Шахсий номулкий ҳуқуқлар мулкий ҳуқуқлардан мустақил ҳисобланади — ҳатто мулкий ҳуқуқлар бошқа шахсларга ўтган тақдирда ҳам, шахсий ҳуқуқлар муаллифда сақланиб қолади.

Telegram I Facebook I YouTube I Instagram

Ўзбекистонда айрим касб эгалари учун муддатидан олдин пенсияга чиқиш тартиби белгилаб берилди

Вазирлар Маҳкамасининг 2025 йил 10 октябрдаги 637-сон қарори билан имтиёзли шартларда пенсияга чиқиш ҳуқуқини берувчи ишлаб чиқаришлар, муассасалар, касблар ва лавозимлар рўйхати ҳамда унга ўзгартириш ва қўшимчалар киритиш тартиби тасдиқланди.

🟢 Ҳужжатга кўра, уруш ногиронлари, болаликдан ногирон фарзандларнинг оналари, шунингдек лилипутлар ва паканалар муддатидан олдин пенсияга чиқиш ҳуқуқига эга бўлади.

Ёшидан қатъи назар, қуйидагилар ҳам пенсияга илгари чиқиши мумкин:

📌 Кончилик саноати ходимлари — соҳада камида 20 йил иш тажрибасига эга бўлганлар.

📌 Кўмир, руда ва бошқа фойдали қазилмаларни қазиб олиш ишларида иштирок этувчилар — ер ости ёки очиқ конларда камида 25 йил меҳнат қилганлар.

📌 Учувчилар ва синовчи учувчилар — эркаклар учун камида 25 йил, аёллар учун 20 йил иш стажи билан.

📌 Театр ва томоша муассасалари артистлари — ижодий фаолият стажи 20–30 йил бўлганлар.

📌 Спортчиларнинг айрим тоифалари — камида 20 йиллик стажга эга бўлганлар.

Шунингдек, қарорга мувофиқ, имтиёзли пенсия рўйхатига ўзгартириш киритиш ёки янги касбларни қўшиш бўйича таклифлар иш шароити ва жароҳатланиш хавфи бўйича ўтказилган аттестация натижаларига асосан кўриб чиқилади.

Telegram I Facebook I YouTube I Instagram

Собиқ депутат Олим Сулаймоновга нисбатан жиноят иши қўзғатилиб, терговга олиб кетилди

Ички ишлар бош бошқармаси маълумотига кўра, собиқ депутат ва тадбиркор Олим Сулаймоновга нисбатан жиноят иши қўзғатилган.

Маълумотга кўра, 1964 йилда туғилган Олим Сулаймоновга Жиноят кодексининг 109-моддаси 2-қисми — қасддан баданга енгил шикаст етказиш банди бўйича айб қўйилган.

Тергов органлари уни бир неча бор чақирув қоғози орқали расман чақирган бўлса-да, Сулаймонов терговга келишдан бўйин товлаган. Шу сабабли 14 октябрь куни уни мажбурий равишда тергов жараёнига келтириш чораси қўлланилган.

Ҳозирда иш юзасидан тергов ҳаракатлари олиб борилмоқда.

ИИББ тергов жараёни давомида интернет орқали ишга таъсир кўрсатиш ёки тергов ҳаракатларига аралашиш жиноий жавобгарликка сабаб бўлиши мумкинлигини ҳам эслатган.

Маълумот учун, Олим Сулаймонов 2017 йил март ойида суд ҳукми билан уч йил ва бир ой муддатга озодликдан маҳрум этилган, шу йили 5 декабрь куни эса озодликка чиққан эди.

Telegram I Facebook I YouTube I Instagram

Математика фанидан ўтган олимпиада адолатсизлик сабабли қайта ташкил этилади

Ихтисослаштирилган таълим муассасалари агентлиги маълумотига кўра, математика фанидан ўтказилган олимпиадада саволлар тарқалиши билан боғлиқ ҳолат аниқлангани учун мусобақа қайта ўтказиладиган бўлди.

Агентлик билдиришича, ҳозирда вазият юзасидан ўрганиш ишлари олиб борилмоқда.

“Фан олимпиадалари маркази томонидан тузилган саволлар ҳудудий бошқармалардаги штабларда чоп этилиши жараёнида айрим ходимлар ўз вазифасига масъулиятсизлик билан ёндашгани, адолатни таъминламагани оқибатида материаллар тарқалган”,

— дейилади расмий маълумотда.

Маълумотга кўра, бу ҳолатга сабабчи бўлган шахслар аниқланиб, уларга амалдаги қонунчилик доирасида жавобгарлик чоралари қўлланади.

Шунингдек, Фан олимпиадалари маркази жараёнларнинг адолатли ва шаффоф бўлиши учун фуқароларни @Murojaat_FOM_bot ёки (+998 71 207 05 24) орқали шубҳали ҳолатлар ҳақида хабар беришга чақирди.

Telegram I Facebook I YouTube I Instagram

Қуёшдан рекорд даражадаги магнит бўронлари кутилмоқда

Қуёшдаги кучли фаоллик натижасида Ер томон соатига 800 км/с тезликда плазма оқими ҳаракатланмоқда. Бир сутка ичида 23 та портлаш рўй берди, шулардан учтаси “М” тоифали бўлиб, улар орасида бу йилги энг йирик плазма чиқиши ҳам бор.

Россия қуёш астрономияси лабораторияси муттахассислари магнит бўронлари давомийлиги бўйича рекордлар кутилмоқда, деб огоҳлантирмоқда.

Мутахассислар техника воситалари ва инсон саломатлигига таъсир қилиши мумкин бўлган магнит бўронларига тайёр туришни тавсия қилмоқда.

Telegram I Facebook I YouTube I Instagram

Ёмғир керак: Табиат ва инсон ўртасидаги мувозанат издан чиқмоқда

“Ёмғир нафақат ерга, балки инсоннинг руҳига ҳам керак”, - дея таъкидлайди иқлимшунос Эркин Абдулаҳатов. Унинг фикрича, бу йилги куз фасли табиат билан инсон ўртасидаги нозик мувозанат бузилганини кўрсатмоқда: ҳаво оғир, чангли ва қуруқ, осмонда булут сийрак, табиат эса гўё нафас олишни унутгандек.

https://effect.uz/6649

Telegram I Facebook I YouTube I Instagram

Ўзбекистон туризми тарихий рекордларни янгиламоқда

Мамлакат тарихида илк бор хорижий сайёҳлар сони рекорд кўрсаткичларга эришмоқда — 2025 йил апрель ойидан бошлаб Ўзбекистон ҳар ойда 1 миллиондан ортиқ хорижий туристларни қабул қилмоқда.

Жорий йилнинг тўққиз ойи давомида мамлакатимизга 8,6 миллиондан зиёд хорижий сайёҳ ташриф буюрди. Бу кўрсаткич ўтган йилнинг мос даврига нисбатан 112,5 фоизга кўпдир.

Давлатлар кесимида 2025 йилда постпандемия даври (2022 йил)га нисбатан туристлар оқими қуйидагича ўсган:

🇬🇧 Британиядан — 2,6 баробар,
🇶🇦 Қатардан — 6,2 баробар,
🇺🇸 АҚШдан — 3 баробар,
🇫🇷 Франциядан — 2,9 баробар,
🇷🇺 Россиядан — 2,1 баробар,
🇭🇺 Венгриядан — 3,3 баробар,
🇩🇪 Германиядан — 2,5 баробар,
🇵🇱 Польшада — 6,2 баробарга етган.

Шунингдек, 2025 йилда туризм хизматлари экспорти ҳам рекорд даражага — 3,6 миллиард АҚШ долларидан ошган.

Туризм соҳасидаги бундай мислсиз ютуқлар Ўзбекистон Республикаси Президенти Шавкат Мирзиёев раҳбарлигида амалга оширилаётган чуқур ислоҳотлар, мамлакатнинг туризм салоҳиятини тўлиқ намоён этишга қаратилган мақсадли ҳаракатлар натижасидир.

Бундан ташқари, етакчи жаҳон медиа платформалари билан ҳамкорлик, хорижда ўтказилаётган йирик road-show тадбирлари, халқаро кўргазмаларда фаол иштирок ва чет эл ОАВларида чоп этилган мақолалар Ўзбекистон брендининг жаҳон миқёсидаги нуфузини янада мустаҳкамламоқда.

Telegram I Facebook I YouTube I Instagram