Россияда 770 мингга яқин мигрант “чиқариб юбориш рўйхати”га киритилди

Россияда миграция қоидаларини бузган чет эл фуқаролари ҳақида ягона маълумотлар базаси шакллантирилмоқда. Янги тартибга кўра, 2025 йил 5 февралдан бошлаб бундай шахслар махсус реестрга киритилади ва уларга нисбатан бир қатор чекловлар қўлланади.

Давлат думаси раиси Вячеслав Володин маълум қилишича, 1 сентябр ҳолатига кўра, бу рўйхатда 770 мингга яқин киши мавжуд бўлиб, улар орасида аёллар ва болалар ҳам бор.

Маълумотларга кўра, реестрга киритилган фуқаролар ҳайдовчилик гувоҳномаси олиш, транспорт бошқариш, кўчмас мулк ёки автомобил харид қилиш ёки сотиш, никоҳдан ўтиш ҳамда банк ҳисоб рақами очиш ҳуқуқидан маҳрум этилади.

Володин таъкидлашича, бу шахслар Россияда қонуний мақомини расмийлаштирмаган бўлса, ўз ихтиёри билан мамлакатни тарк этиши керак. Акс ҳолда, уларга нисбатан жарима ёки мажбурий депортация чоралари қўлланади.

Жорий йил бошидан буён Федерал суд ижрочилари хизмати томонидан 35 мингга яқин хорижлик қонунбузар миграция тартибини бузгани учун мамлакатдан чиқарилган.

Таъкидланишича, мазкур тизимнинг асосий мақсади — Россия ҳудудида миграция жараёнларини тартибга солиш ва чет эл фуқаролари томонидан қонунларга риоя этилишини таъминлашдир.

Telegram I Facebook I YouTube I Instagram

Ўзбекистонда 8 ой ичида 81 киши оилавий зўравонлик учун қамалди

Жорий йилнинг январь–август ойларида Ўзбекистонда оилавий (маиший) зўравонлик учун 298 киши жиноят жавобгарлигига тортилган. Бу ҳақда расмий маълумотларда қайд этилган.

Жиноят кодексининг 126–1-моддаси бўйича судланганлардан 81 нафари озодликдан маҳрум этилган. Солиштириш учун, 2024 йилда бу модда бўйича 472 киши судланган бўлиб, уларнинг 150 нафари қамоқ жазосига ҳукм қилинган.

Маъмурий жавобгарлик тўғрисидаги кодекснинг 59–2-моддаси асосида эса 2025 йилнинг саккиз ойида 7 минг 624 нафар шахсга нисбатан маъмурий чоралар кўрилган. 2024 йилда бу кўрсаткич 16 минг 524 нафарни ташкил этган эди.

Шунингдек, ҳисобот даврида оилавий зўравонлик оқибатида фуқаролик ишлари бўйича судларга никоҳни бекор қилиш учун 47 та ариза келиб тушган. Улардан 37 таси, яъни ҳар бештадан тўрттаси қаноатлантирилган.

Маълумотларга кўра, мамлакатда оилавий зўравонлик ҳолатларини камайтириш ва жабрланувчиларни ҳимоя қилиш бўйича профилактик ишлар давом этмоқда.

Telegram I Facebook I YouTube I Instagram

Журналист Носир Зокир 73 ёшида вафот этди

Журналист Носир Зокир 73 ёшида вафот этди.

Носир Зокир ўз фаолияти давомида “Озодлик” радиосида мухбир сифатида ишлаган, шунингдек, “Бирлик” ҳаракатининг Наманган бўлими раҳбари бўлган. У мухолиф фикрлари ва фуқаролик фаоллиги учун беш маротаба ҳибсга олингани маълум.

Марҳум фидойи, жасур ва қўрқмас журналист сифатида танилган.

Таҳририят номидан Носир Зокирнинг яқинлари ва оила аъзоларига чуқур ҳамдардлик билдирамиз.

Telegram I Facebook I YouTube I Instagram

Ўзбекистонда олтин нархи яна рекорд даражага етди

14 октябрь ҳолатига кўра, Ўзбекистонда олтин қуймалар нархи 41-марта рекорд даражага етди.

Марказий банк маълумотларига кўра, қуймаларнинг янги нархлари қуйидагича белгиланди:
🔸 5 грамм — 8 млн 314 минг сўм;
🔸 10 грамм — 16 млн 628 минг сўм;
🔸 20 грамм — 33 млн 255 минг сўм;
🔸 50 грамм — 83 млн 138 минг сўм;
🔸 100 грамм — 166 млн 276 минг сўм.

📈 Сўнгги 9,5 ой ичида олтин нархи 46,8 фоизга ошгани қайд этилган.

Халқаро биржаларда ҳам олтин нархи тарихий чўққига чиқди — 1 трой унция учун $4 150 дан ошиб кетди.

Муттахассислар фикрича, жаҳон бозоридаги беқарорлик ва доллар курсидаги ўзгаришлар олтин нархининг ошишига асосий омил бўлмоқда.

Telegram I Facebook I YouTube I Instagram

Фарғонада газ қуйиш шохобчасида ёнғин содир бўлди

Фарғона вилоятининг Олтиариқ туманида жойлашган “ЭСО МЕТАН” МЧЖ га қарашли газ қуйиш шохобчасида ёнғин ҳолати қайд этилди.

Вилоят Фавқулодда вазиятлар бошқармаси маълумотларига кўра, ҳодиса 13 октябрь куни соат 13:51 да метан қуйиш жараёни вақтида содир бўлган. Шохобчада турган “Дамас” автомобилининг ташқи кузов қисми қисман ёнган.

Ёнғинни “ЭСО МЕТАН” МЧЖ ишчилари ва ҳайдовчилар тезда ўчиришга муваффақ бўлган.

Ҳодиса натижасида ҳеч ким жабр кўрмаган. Ҳозирда ёнғиннинг келиб чиқиш сабаблари ва етказилган зарар миқдори ўрганилмоқда, — дея маълум қилинди Фавқулодда вазиятлар вазирлиги томонидан.

Telegram I Facebook I YouTube I Instagram

Президент бошчилигидаги маҳалла тизимидаги ислоҳотлар бўйича видеоселектор йиғилиши бўлиб ўтади

Бироздан сўнг президент Шавкат Мирзиёев раислигида маҳалла тизимидаги ислоҳотларни янги босқичга олиб чиқиш ҳамда жойларда ишларни самарали ташкил этиш масалалари юзасидан видеоселектор йиғилиши бошланади.

Telegram I Facebook I YouTube I Instagram

Давлат кадастрлари палатаси: коррупция — жамиятга хиёнат!

Коррупция — бу оддий ўғрилик эмас. Бу фақат бир шахснинг қингир иши эмас. Бу бутун жамиятга қарши қилинган жиноят!

Коррупция, аслида халқнинг келажагига қилинган хиёнатдир.

Давлат кадастрлари палатаси коррупцияга доимо қарши!!!

Telegram I Facebook I YouTube I Instagram

Президент: “Ҳар бир маҳаллада ‘еттилик’нинг кўзини очиб, сифат ва компетенцияни ошириш зарур”

Президент Шавкат Мирзиёев раислигида маҳалла тизимини янада такомиллаштириш ва жойларда ишларни самарали ташкил этиш масалалари юзасидан видеоселектор йиғилиши бошланди.

Маълумотга кўра, маҳаллада “еттилик” тизими жорий қилиниб, кредит, субсидия, компенсация, моддий ёрдам ажратиш каби 100 дан зиёд хизматлар маҳалла даражасига туширилгани ҳисобига 7,5 миллион фуқаро камбағалликдан чиқди, ишсизлик даражаси икки баробар қисқарди. Шунингдек, 3,5 минг маҳалла замонавий қиёфа касб этди.

Маҳалла раисларининг ваколат муддати 3 йилдан 5 йилга узайтирилди. Улар бошчилигида “еттилик” вертикал тизими яратилди, етарли шароит, ресурс ва ваколатлар берилди.

Маҳалладаги ҳар бир имкониятни лойиҳага айлантириб, иш ўрни яратиш учун маҳаллаларга банкир ва солиқчилар бириктирилди, инфратузилмага ҳам алоҳида маблағ ажратилмоқда.

Давлат раҳбари булардан самарали фойдаланиб, натижа кўрсатаётган маҳаллалар кўплигини таъкидлади. Бироқ айрим маҳаллалар ҳалигача ягона жамоа бўлиб ишлашни ўрганмагани қайд этилди.

“Норин туманидаги Шўрариқ маҳалласига борганим вилоят ҳокимлари, республика, вилоят, туман раҳбарлари, ‘еттилик’ни кўзини очиб, уларни сифат ва компетенцияни оширишга ундаши керак”,

— деди президент.

Telegram I Facebook I YouTube I Instagram

“Янги Ўзбекистон қиёфаси кириб борадиган 33 туман ва 330 маҳалла белгиланди” — президент

Президент Шавкат Мирзиёев маҳаллаларда инфратузилмани яхшилаш масалаларига алоҳида эътибор қаратди.

Маълумотга кўра, ўтган ҳафта имзоланган қарорга мувофиқ, Янги Ўзбекистон қиёфаси кириб борадиган 33 та туман ва 330 та оғир маҳалла белгилаб олинди.

Бу туманларнинг ҳар бирига 100 миллиард сўмдан, 330 та маҳалланинг ҳар бирига эса 5 миллиард сўмдан маблағ ажратилади. Шунингдек, Жаҳон банки ва Ислом тараққиёт банкидан жалб қилинган 100 миллион доллар ҳам мазкур мақсадларга йўналтирилади.

Бундан ташқари, ушбу туман ва маҳаллалардаги “драйвер” лойиҳалар инфратузилмаси учун яна 2 триллион сўм ажратилиши белгиланган.

Умуман, дастурни молиялаштириш учун жами 7 триллион сўмдан зиёд маблағ йўналтирилади.

Шунингдек, вилоят ҳокимларининг ўзи ҳам 2 тадан, туман ҳокимлари эса 1 тадан оғир маҳаллани белгилаб, уларга 5 миллиард сўмдан ажратиши, яна 236 та маҳаллада аҳоли турмушида кескин ўзгариш қилиш зарурлиги таъкидланди.

Telegram I Facebook I YouTube I Instagram

Миришкор туманида пахта “хитойча усул”да терилмоқда

Қашқадарё вилояти Миришкор туманида пахта ҳосили “хитойча усул” орқали териб олинмоқда.

Бу усул ҳосилдорликни оширади, лекин қўл меҳнатини йўққа чиқаради.

Telegram I Facebook I YouTube I Instagram

Энг яхши солиқ тўловчи маҳаллага инфратузилма харажатининг 75 фоизи давлат ҳисобидан қопланади

Президент Шавкат Мирзиёев маҳаллаларни ривожлантириш ва инфратузилмасини яхшилаш бўйича амалга оширилаётган ишларга тўхталиб, янги ташаббусларни эълон қилди.

Бир ой олдин “Ташаббусли бюджет” бўйича янги қарор қабул қилиниб, маҳаллада одамларнинг ўзи фаол бўлиб бошлаган лойиҳаларга кўмак берадиган тизим жорий қилинди. Энди қайси маҳаллада аҳоли йўл, сув, мактаб ёки боғчани таъмирлашни бошласа, харажатининг ярмини давлат қоплайди. Бу мақсадлар учун келгуси йилда 1 мингта лойиҳага 500 миллиард сўм ажратилади.

Жорий йилдан бошлаб Солиқ қўмитаси ер ва мол-мулк солиқларини тўланганлик даражасига қараб, “Энг яхши солиқ тўловчи маҳалла” рейтингини эълон қилади.
Рейтингга кирган 100 та маҳаллага “Ташаббусли бюджет”нинг янги тизими бўйича инфратузилма харажатининг 75 фоизи бюджетдан тўлаб берилади ҳамда ҳар бирига қўшимча 2 миллиард сўм ажратилади.

Шунингдек, Қонунчилик палатаси депутатларига ўз округидаги маҳаллалар инфратузилмасини яхшилаш учун ҳар бирига 3 миллиард сўмдан маблағ берилади.

Маҳалла ҳудудида санитария, экология ва ноқонуний қурилишлар бўйича ундириладиган жарималарнинг 10 фоизи маҳалла бюджетига йўналтирилади. 2026 йилдан бошлаб маҳаллалар бюджетига ҳар йили 200 миллиард сўм ажратилиши белгиланган.

“Ана шу айтиб ўтган бешта манба ҳисобидан келгуси бир йил учун 2 мингта маҳаллага қўшимча 8,5 триллион сўм маблағ беряпмиз”,

— деди президент.

Telegram I Facebook I YouTube I Instagram

❗️Рецептсиз дори сотганлик учун жавобгарлик кучайтирилади

Олий Мажлис депутатлари рецепт асосида бериладиган дори воситаларининг ноқонуний муомаласига қарши жазо чораларини кучайтиришни назарда тутувчи қонун лойиҳасини иккинчи ўқишда қабул қилди.

Таркибида кучли таъсир қилувчи моддалар бўлган дориларни рецептсиз сотганлик учун жиноий жавобгарлик белгиланмоқда. Жарима миқдори 200–300 бараваргача бўлиши мумкин.

Шунингдек, Маъмурий жавобгарлик тўғрисидаги кодексга ҳам жарималар миқдорини ошириш бўйича ўзгартишлар киритиляпти.

Қонун аҳоли саломатлигини ҳимоя қилиш ва дори воситаларининг назоратсиз сотилишига чек қўйишга хизмат қилади.

Telegram I Facebook I YouTube I Instagram

Президент: “Ҳар бир маҳаллада бўш ер ва бинолар бор, фақат мутахассис билан лойиҳа тайёрлаб, инфратузилма қилиб бериш керак”

Президент Шавкат Мирзиёев туман ҳокимлари берилаётган маблағдан оқилона фойдаланиб, “маҳалла еттилиги” билан янги ёндашувлар асосида ишлаши зарурлигини таъкидлади.

Масалан, Норин туманидаги Шўрариқ маҳалласи атрофидаги яна олтита маҳаллага хизмат кўрсатадиган марказга айланмоқда. Бундан руҳланиб, “Замонавий гузар, сервис маркази, боғча, мактаб қураман, ишлаб чиқариш қиламан!” деб ўнлаб тадбиркорлар ташаббус билан чиқди.

Атрофдаги олтита маҳалла штатидан тўғри фойдаланиб, тежалган маблағ ҳисобидан архитектор ва урбанист жалб қилинди. Натижада, ушбу еттита маҳалланинг қиёфасини тубдан ўзгартириш учун имконият пайдо бўлди.

“Чунки тадбиркорлар ишини бошлаш ва бизнесини кенгайтириш учун, биринчи навбатда, яхши жой сўраяпти. Ҳар бир маҳаллада гавжум кўча борми – бор! Бўш ер ва бинолар борми – бор! Фақат мутахассис билан шу жойнинг лойиҳасини тайёрлаб, инфратузилма қилиб бериш керак!”

— деб вазифа қўйди президент.

Вилоят, туман ва шаҳар ҳокимларига Ислоҳотлар штаби билан ҳамкорликда биринчи босқичда 33 та туман ва 330 та маҳаллада ишларни ана шундай ёндашув асосида ташкил этиш топширилди.

Telegram I Facebook I YouTube I Instagram

Сотувдан тушган маблағнинг 70 фоизи маҳалланинг ўзида қолади” — президент

Маҳаллаларга ажратилган маблағ ва яратилган шароитлар натижасида шу йилнинг ўзида 237 минг оила камбағалликдан чиқди.

Шу билан бирга, 28 та кичик туманда ишсизликка қарши етарли чоралар кўрилмаётгани қайд этилди. Президент маҳалла тизими учун масъул раҳбарларга бугунданоқ ишчи гуруҳи тузиш ва ушбу туманларда ишсизлик, камбағаллик ҳамда жиноятчиликни келаси йили икки баробар қисқартириш бўйича чора-тадбирлар ишлаб чиқишни топширди.

Маҳаллаларга 2 минг квадрат метргача бўш турган давлат объектларини аукционга чиқариш ваколати берилди. Масалан, Самарқанд шаҳридаги “Шодлик” маҳалласи 1,5 минг квадратли бинодан 5 миллиард сўм тушум олган.

“Кўряпсизларми, қолган маҳаллаларда ҳам “еттилик” изланса, 3 мингга яқин бундай биноларни сотиш орқали анча масалани ҳал қилиш мумкин”,

— деди президент.

Эндиликда маҳалла раиси ва ҳоким ёрдамчиси бўш турган 5 минг квадрат метргача бўлган давлат мулкини аукционга чиқариши мумкин бўлади.

Сотувдан тушган маблағнинг 70 фоизи маҳалланинг ўзида қолиб, инфратузилмага сарфланади.

Telegram I Facebook I YouTube I Instagram

«Оила қуриш — бу фақат ўзинг эмас, турмуш ўртоғинг ва фарзандларинг олдидаги катта масъулият» — президент

Йиғилишда маҳаллалардаги ижтимоий муҳит ва ёшлар тарбияси бўйича ечим топилиши лозим бўлган бир қатор масалалар кўрсатиб ўтилди.

Масалан, йил бошидан 32 мингга яқин оила ажрашиб кетгани, 16 минг ота-она алимент тўлашдан бўйин товлаб келаётгани, оиласи ва болаларини кредит қарзлари билан ташлаб кетиш ҳолатлари учраётгани қайд этилди.

Яқин қариндошлар ўртасидаги ва эрта никоҳларнинг салбий оқибатлари ҳам ҳокимлар, “маҳалла еттилиги”, нуронийлар ҳамда бутун жамоатчиликни жиддий ташвишга солиши кераклиги таъкидланди.

Оила қуриш — бу нафақат ўзинг, балки турмуш ўртоғинг ва фарзандларинг олдидаги катта масъулият эканини ёшларга тушунтириш зарурлиги айтилди.

Шунингдек, ажримлар пайтида тарафлар, айниқса, фарзандлар оғир моддий аҳволга тушиб қолишининг олдини олиш учун никоҳ шартномаси тузишнинг афзалликларини кенг тарғиб қилиш лозимлиги таъкидланди.

Telegram I Facebook I YouTube I Instagram

"Ҳокимлар “маҳалла еттилиги” билан янги ёндашув асосида ишлаши зарур" — президент

Президент туман ҳокимлари берилаётган маблағдан оқилона фойдаланиб, “маҳалла еттилиги” билан янги ёндашувлар асосида ишлаши зарурлигини таъкидлади.

Масалан, Норин туманидаги Шўрариқ маҳалласи атрофидаги яна олти маҳаллага хизмат кўрсатадиган марказга айланмоқда. Бу ташаббусдан руҳланиб, “Замонавий гузар, сервис маркази, боғча, мактаб қураман, ишлаб чиқариш қиламан”, деб ўнлаб тадбиркорлар янги ғоялар билан чиқди.

Атрофдаги маҳалла штатларидан тежалган маблағ ҳисобидан архитектор ва урбанистлар жалб этилди. Бу орқали етти маҳалланинг қиёфасини тубдан янгилаш учун янги имконият яратилди.

“Тадбиркорлар ишини бошлаш ва бизнесини кенгайтириш учун, биринчи навбатда, яхши жой сўраяпти. Ҳар бир маҳаллада гавжум кўча борми — бор! Бўш ер ва бинолар борми — бор! Фақат мутахассис билан лойиҳа тайёрлаб, инфратузилмани қилиб бериш керак"

таъкидлади президент.

Шу муносабат билан вилоят, туман ва шаҳар ҳокимларига Ислоҳотлар штаби билан ҳамкорликда биринчи босқичда 33 та туман ва 330 та маҳаллада ишларни ана шундай ёндашув асосида йўлга қўйиш топширилди.

Telegram I Facebook I YouTube I Instagram

“Маҳалла еттилиги” фаолияти комплекс баҳоланади

Давлат раҳбари “еттилик” иш вақтининг ярмини турли мажлис ва тадбирларда ўтказаётганини таъкидлади. Шу билан бирга, уларнинг вазифалари ва KPI белгиланган бўлса-да, маҳалладаги умумий натижадорликни баҳолайдиган самарали тизим йўқлиги қайд этилди.

Маълум бўлишича, ҳозирда “еттилик” аъзоларининг 1 минг 700 нафари маҳалла ҳудудидан 20–30 километр узоқдан қатнайди. Ўтган йили 68 нафар ходим бириктирилган маҳалласига бир неча ой келмаган. Шу боис мутасаддиларга “еттилик” фаолиятини комплекс баҳолайдиган тизимни ишга тушириш вазифаси юклатилди. Туман ҳокимларига эса йил якунига кўра яхши ишлаган 10 та “еттилик”ни мукофотлаш ва қўшимча устама бериш топширилди.

Telegram I Facebook I YouTube I Instagram

Черногория Ўзбекистон фуқаролари учун визасиз тартибни бекор қилди

9 октябрь куни Черногория ҳукумати Ўзбекистон фуқаролари учун амал қилган визасиз режимни бекор қилиш тўғрисида қарор қабул қилди. Бу чора мамлакатнинг миллий виза сиёсатини Европа Иттифоқи талаблари билан мувофиқлаштириш мақсадида амалга оширилган.

Шунингдек, Арманистон ва Миср фуқаролари учун ҳам вақтинча визадан озод қилиш тартиби бекор қилинди.

Ҳозирча Ўзбекистон ТИВ ва Черногория консулликлари расмий муносабат билдирмаган. Маълумотлар хорижий расмий манбалардан олинган.

Telegram I Facebook I YouTube I Instagram