Жиззахда АЭС қурилиши бошланди

Вилоят ҳокимлигининг маълумот беришича, Марказий Осиё – Россия саммити доирасида, Фориш туманида кам қувватли атом электр станцияси реакторининг биноси учун котлован қазиш ишларига старт берилган. Биринчи бетонни қуйиш 2026 йил март ойига режа қилинган.

Telegram I Facebook I YouTube I Instagram

⚡️Картошкага қўшиб адолат ҳам сотилаётгандек: Дўстликдаги эски бозорнинг мавҳум тақдири…

Жиззах вилоятининг Дўстлик туманида бир неча ойдирки, “деҳқон бозори” атрофидаги можаро тинмай келяпти.

Бозорнинг бузилиши, тадбиркорларга босимлар, тушунарсиз суд жараёнлари ва солиқ текширувлари — буларнинг барчаси маҳаллий аҳоли орасида катта шов-шувга сабаб бўлди.

Effect.uz бир неча бор бу масала бўйича жойига бориб, видео репортажлар тайёрлади. Ачинарлиси — муҳокама бор, баҳс бор, аммо ечим йўқ. Бозор бузиляпти, одамлар ишсиз қолмоқда, тадбиркорлар розилигисиз судланмоқда, аммо ҳокимият расмийлари чуқур сукутни афзал кўрмоқда.

Туман ҳокими Шавкат Дарвишев жазоланди. Савол: бу жазо бозор можароси учун берилдими? Йўқ. Ҳамма билади — бу “жазо”нинг сабаби бошқа.

Асосий иллат шундаки, бугунги кунда можарони ҳал этиш ўрнига, муаммони кўтарганлар билан курашилаётгани кузатилмоқда.

Ҳокимлар, масъуллар, ҳуқуқни муҳофаза қилиш идоралари буни яхши билишса-да, тадбиркорларнинг нолаларини эшитиш ўрнига бюрократик жараёнлар ва сукут пардаси ортига яширинаётгандек.

Натижада Дўстлик бозорида картошка билан бирга адолат ҳам сотилаётгандек тасаввур уйғонмоқда.

👉 ТЎЛИҚ ВИДЕО

Telegram I Facebook I YouTube I Instagram

“Deadpool” телеграм наркодўкони тарқатувчилари қўлга олинди

Божхона органлари ҳуқуқни муҳофаза қилувчи бошқа идоралар билан ҳамкорликда ўтказган кўп босқичли тезкор тадбирлар натижасида Марказий Осиёдаги энг йирик телеграм наркодўконлардан бири — “Deadpool”нинг йирик тарқатувчилари қўлга олинди.

Маълумотларга кўра, мазкур наркодўкон 2017 йилдан буён фаолият юритиб келган бўлиб, унинг 4 минг нафар фаол обуначиси бўлган. Ҳозирда айбдор шахсларга нисбатан тергов ҳаракатлари олиб борилмоқда.

Telegram I Facebook I YouTube I Instagram

Ўзбекистон ҳудудларининг бош режалари жамоатчилик учун онлайн очиқ қилинди

Қурилиш ва уй-жой коммунал хўжалиги вазирлиги томонидан яратилган махсус платформа орқали эндиликда фуқаролар ўзлари истиқомат қилаётган ёки тадбиркорлик фаолиятини амалга ошираётган ҳудуднинг келгуси 20–25 йиллик ривожланиш режаси билан онлайн тарзда танишиш имкониятига эга бўлдилар.

Мазкур янгилик доирасида мамлакатимиздаги шаҳар ва қишлоқлар, шунингдек, барча ҳудудларнинг бош режалари рақамлаштирилиб, очиқ тарзда жамоатчиликка тақдим этилмоқда.

Фойдаланувчилар мазкур маълумотлар билан танишиш учун dshk.shaffofqurilish.uz сайтига киришлари кифоя.

Telegram I Facebook I YouTube I Instagram

Афғонистон ва Покистон чегарасида кескин тўқнашувлар авж олди

Афғонистон ва Покистон чегара ҳудудларида қўшинлар ўртасида жанговар тўқнашувлар бошланди. Афғонистон Мудофаа вазирлиги маълумотларига кўра, мамлакат қуролли кучлари Покистон ҳудудига еттита чегара пункти орқали ҳужум амалга оширган.

Шундан сўнг Покистон армияси Афғонистоннинг Данди Патан чегарасида жойлашган “Толибон” позицияларига бошқариладиган ракеталарни учиргани хабар қилинмоқда.

“Толибон” ҳукумати воқеага муносабат билдириб, Афғонистон Ислом амирлиги миллий армияси чегара ортидаги ҳарбий объектларга зарба берганини тасдиқлади. Уларга кўра, мазкур объектлар тинч аҳолига ҳужум уюштириш ҳамда мамлакат ҳудудий яхлитлигига таҳдид солиш учун ишлатилган.

Покистон расмийлари ҳозирча расмий баёнот бермаган, бироқ маҳаллий ОАВ маълумотларига кўра, чегара ҳудудларида жанговар тайёргарлик кучайтирилган.

“Толибон” вакиллари операция Покистон томонидан чегарадаги тажовузлар тўлиқ тўхтатилмагунча давом этишини маълум қилган.

Telegram I Facebook I YouTube I Instagram

Табиат қудрати ва инсон меҳнати уйғунлашган лойиҳа — Қуйи Чотқол ГЭС

«Ўзбекгидроэнерго» АЖ Бошқаруви раиси Абдуғани Сангинов бошчилигидаги ишчи гуруҳ Қуйи Чотқол ГЭС қурилиш объектига ташриф буюрди. Улар жойида қурилиш-монтаж жараёнларини, ишлаш сифати ва бажарилаётган режавий кўрсаткичларни кўздан кечирди.

👷 Ишчи гуруҳ мутахассислари билан биргаликда амалга оширилаётган ишлар таҳлил қилиниб, кейинги босқичлар учун аниқ вазифалар белгиланди. Қурилиш майдонида ободонлаштириш ва кўкаламзорлаштириш ишларига ҳам алоҳида эътибор қаратилди. Бу нафақат иншоотнинг чиройини оширади, балки атроф-муҳитни асрашга хизмат қилади.

⚙️ Қуйи Чотқол ГEС — табиат қудрати ва инсон меҳнати уйғунлашган, мамлакатимизда «яшил энергия» ишлаб чиқаришни оширадиган янги марказ ҳисобланади.

🔹 Қуввати: 90 МВт
🔹 Йиллик ишлаб чиқариш ҳажми: 300 млн кВт·соат
🔹 Таъминланадиган хонадонлар сони: 125 мингдан ортиқ

🌿 Лойиҳанинг ишга туширилиши натижасида Ўзбекистонда қайта тикланувчи энергия улуши кенгаяди, электр таъминоти барқарорлиги мустаҳкамланади ва минглаб оилалар учун фаровон ҳаётга замин яратилади.

Telegram I Facebook I YouTube I Instagram

Скидка қайтариш мумкин эмас – Фермерлар кенгаши раиси Актам Хаитов Қашқадарёда фермерларни қийнаётган масалаларни ўрганишга киришди

Актам Хаитов Қарши туманида қишлоқ хўжалигидаги ислоҳотлар, замонавий агротехнологияларни жорий этиш ҳамда юқори ҳосилдорликка эришиш бўйича амалга оширилаётган ишлар билан бирга ҳудуддаги фермерларни қийнаб келаётган масалаларни ўрганиб, пахта хом-ашёсини қабул қилиш жараёнида очиқлик ва шаффофликни таъминлаш бўйича муҳим тавсиялар берди.

“Фермер ўз ҳуқуқини билса ва уни ҳимоя қила олса, ҳосил топшириш жараёни адолатли кечади. Пахта қабул қилишдаги шаффоф тизим — нафақат фермернинг, балки бутун тармоқнинг ишончи ва самарадорлигини оширади,” — деди Актам Хаитов.

Telegram I Facebook I YouTube I Instagram

Тоза сув – соғлом ҳаёт манбаи!

InnoWeek–2025ʼда хоразмлик тадбиркорлар сувни тозалаб, ичимлилик сифатини оширувчи инновацион ускунани тақдим этди.

Ускуна масофадан бошқарилади ва табиий тоза сув билан таъминлайди.

Telegram I Facebook I YouTube I Instagram

⚡️Картошкага қўшиб адолат ҳам сотилаётгандек: Дўстликдаги эски бозорнинг мавҳум тақдири…

Жиззах вилоятининг Дўстлик туманида бир неча ойдирки, “деҳқон бозори” атрофидаги можаро тинмай келяпти.

Бозорнинг бузилиши, тадбиркорларга босимлар, тушунарсиз суд жараёнлари ва солиқ текширувлари — буларнинг барчаси маҳаллий аҳоли орасида катта шов-шувга сабаб бўлди.

Effect.uz бир неча бор бу масала бўйича жойига бориб, видео репортажлар тайёрлади. Ачинарлиси — муҳокама бор, баҳс бор, аммо ечим йўқ. Бозор бузиляпти, одамлар ишсиз қолмоқда, тадбиркорлар розилигисиз судланмоқда, аммо ҳокимият расмийлари чуқур сукутни афзал кўрмоқда.

Туман ҳокими Шавкат Дарвишев жазоланди. Савол: бу жазо бозор можароси учун берилдими? Йўқ. Ҳамма билади — бу “жазо”нинг сабаби бошқа.

Асосий иллат шундаки, бугунги кунда можарони ҳал этиш ўрнига, муаммони кўтарганлар билан курашилаётгани кузатилмоқда.

Ҳокимлар, масъуллар, ҳуқуқни муҳофаза қилиш идоралари буни яхши билишса-да, тадбиркорларнинг нолаларини эшитиш ўрнига бюрократик жараёнлар ва сукут пардаси ортига яширинаётгандек.

Натижада Дўстлик бозорида картошка билан бирга адолат ҳам сотилаётгандек тасаввур уйғонмоқда.

👉 ТЎЛИҚ ВИДЕО

Telegram I Facebook I YouTube I Instagram

Андижонда “Нексия-3” ҳайдовчиси икки вояга етмаган пиёдани уриб юборди

Андижон вилояти ИИБ ЖХХ ЙҲХБ ҳолат юзасидан расмий баёнот берди.

Маълумотларга кўра, 2025 йил 12 октябрь куни соат 14:30 ларда Андижон тумани Қурама маҳалласи ҳудудидан ўтган А-373 халқаро аҳамиятга эга автомобиль йўлининг 343-километрида йўл-транспорт ҳодисаси содир бўлган.

1969 йилда туғилган ҳайдовчи С.Р. “Боғишамол – Жалақудуқ” йўналиши бўйлаб ҳаракатланиб кетаётганда, тартибга солинмаган пиёдалар ўтиш жойидан йўлни кесиб ўтаётган вояга етмаган Н.Я. ва Н.И.ни уриб юборган.

Оқибатда Н.И. “чап оёғининг ёпиқ синиши” ташхиси билан РШТТЁИМ Андижон филиалига ётқизилган. Н.Я. тан жароҳати олмаган.

Ҳозирда мазкур ҳолат юзасидан Андижон тумани ИИБ томонидан терговга қадар текширув ҳаракатлари олиб борилмоқда.

Telegram I Facebook I YouTube I Instagram

Сирдарёда 400 га яқин хусусий боғчада санитария талаблари бузилгани аниқланди

Сирдарё вилоятида ўтказилган кенг қамровли санитария текширувлари натижасида 398 та хусусий ва оилавий боғчада турли қоидабузарликлар аниқланди. Бу ҳақда Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси хабар берди.

Маълумотларга кўра, 60 та боғчада ошхона таъмирталаб ҳолатда экани, айримларида сув таъминотида узилишлар мавжудлиги, қўл ювиш жойлари етарлича жиҳозланмагани аниқланган. Шунингдек, ходимларнинг тиббий кўрикдан ўз вақтида ўтмагани, ётоқ жиҳозлари ва хоналар эскиргани ҳам маълум бўлган.

Текширувлар натижасида қатор боғчаларнинг фаолияти вақтинча тўхтатилди, масъул шахсларга нисбатан жами 333 миллион сўмдан ортиқ жарима қўлланди.

Telegram I Facebook I YouTube I Instagram

Сурхондарёлик деҳқонлар республикада биринчи бўлиб пахта режасини бажарди

Сурхондарё вилояти миришкор деҳқон ва фермерлари республика бўйича биринчи бўлиб пахта терими режасини бажардилар. Бу ҳақда вилоят ҳокимлиги ахборот хизмати хабар берди.

Маълумотларга кўра, жорий йилда ҳудудда 275 минг 600 тоннадан ортиқ “оқ олтин” етиштирилди. Об–ҳаво шароити ноқулай келгани ва сув танқислиги кузатилганига қарамасдан, сурхонлик деҳқонлар сабот ва тажриба билан меҳнат қилиб, мўл ҳосилга эришган.

Ҳосилни ўз вақтида ва сифатли йиғиб олиш мақсадида вилоятда 1 минг 277 та терим отряди тузилган. Пахтани қабул шохобчаларига етказиб бериш учун 2 минг 10 та трактор ва 2 минг 965 та тиркама жалб этилган.

Бу йилдан бошлаб хорижий тажриба асосида юқори ҳосилдор навлар етиштирилиб, айрим майдонларда гектарига 80 центнергача ҳосил олинган. Шунингдек, Хитойдан келтирилган 60 та замонавий пахта териш машиналари ҳосилни қисқа вақтда ва сифатли йиғиб олишда катта ёрдам берган.

Миришкорларнинг фидойи меҳнати ҳамда кластер ва фермер хўжаликларининг самарали фаолияти туфайли Сурхондарё вилояти пахтачиликда яна бир бор республикада етакчи бўлди. Ҳозирда ҳудудларда қолган ҳосилни йиғиб-териб олиш ишлари жадал суръатларда давом этмоқда.

Telegram I Facebook I YouTube I Instagram

Шаҳноза Мирзиёева севимли мушуги йўқолгани ҳақида ижтимоий тармоқ орқали мурожаат қилди

Президентнинг қизи Шаҳноза Мирзиёева 11 октябрь куни Instagram тармоғида севимли мушуги йўқолгани ҳақида мурожаат билан чиқди.

Унинг маълум қилишича, мушук оила учун жуда қадрли бўлиб, болалар билан бирга ўсган ва айниқса кичик қизлари Рания учун азиз жонзот ҳисобланади.

“У бизнинг оиламиз аъзоси, болаларимиз билан бирга ўсган ва улар учун, айниқса, кичик қизимиз Рания учун жуда қадрли”,

— деб ёзди Шаҳноза Мирзиёева.

У, шунингдек, Тошкент шаҳрининг Қорасув-1 маҳалласи, Луначарский ҳудудидаги фуқароларга мурожаат қилиб, мушук ҳақида маълумоти борларга ёрдам сўради:

“Илтимос, агар шунга ўхшаш мушукни кўрган бўлсангиз ёки маълумот тарқатишда ёрдам бера олсангиз, албатта, хабар беринг. Ҳар қандай ёрдам биз учун жуда муҳим”,

— деди у.

Маълумот бериш учун алоқа рақами ҳам кўрсатилган: +998 88 102 77 70.

Telegram I Facebook I YouTube I Instagram