Савдо-саноат палатаси раисига ўринбосар тайинланди

Ибрагимова Шахло Алимбаевна Ўзбекистон Савдо-саноат палатаси раисининг хотин-қизлар ва ёшлар тадбиркорлигини ривожлантириш ҳамда тадбиркорлик асосларига ўқувларни ташкил этиш бўйича ўринбосари лавозимига тайинланди.

Тайинловга қадар Шахло Ибрагимова “Микрокредитбанк” акциядорлик тижорат банки бошқаруви раиси ўринбосари сифатида фаолият юритиб келган.

Telegram I Facebook I YouTube I Instagram

"Матбуот котиблари масъулиятни ҳис қилиши керак": Тошкентда ҳокимликлар матбуот котиблари учун семинар бошланди

Тошкент шаҳрида ҳокимликлар матбуот котиблари учун семинар бошланди.

Президент матбуот котиби Шерзод Асадов тадбир очилишида иштирок этиб, ахборот хизмати соҳасида ҳали ҳам тизимли камчиликлар мавжудлигини таъкидлади.

Унинг сўзларига кўра, айрим матбуот котибларида тезкорлик, таҳлилий ёндашув ва ижодкорлик етишмаяпти.

“Матбуот котиблари масъулиятни ҳис этиб, ОАВ билан очиқ мулоқотда бўлиши, саволларга ўз вақтида жавоб қайтариши зарур”, — деди Шерзод Асадов.

Мулоқот чоғида ахборот сиёсатини янада очиқ қилиш, ҳамкорлик ва тезкорликни кучайтириш масалалари муҳокама қилинди.

Telegram I Facebook I YouTube I Instagram

1 ноябрдан Ягона портал орқали шахсий маълумотлар реал вақтда тақдим этилади

1 ноябрдан бошлаб Ягона интерактив давлат хизматлари порталида жисмоний шахсларнинг шахсга доир 30 турдаги маълумотлари уларнинг шахсий кабинети орқали реал вақт режимида тақдим этилади.

Ягона портал орқали тақдим этилган шахсий маълумотлар уларнинг қоғоз шаклига тенглаштирилади. Шу билан бирга, мазкур маълумотлар Ягона порталнинг мобил иловаси орқали кўрсатилганда, давлат органлари ва ташкилотлари фуқаролардан маълумотларнинг қоғоз шаклини талаб қилиши тақиқланади.

Telegram I Facebook I YouTube I Instagram

Хорижий тилни ўрганаётган ёшларга субсидия ажратилади

Ҳукумат қарори (632-сон, 08.10.2025 й.) билан тасдиқланган тегишли Низомга кўра, "2+6" дастури белгиланган хорижий тилларни билиш бўйича баллнинг (даражанинг) камида минимал кўрсаткичли сертификатига эга бўлган ариза берувчи ўқув маркази томонидан унга хорижий тилни ўқитиш хизматини кўрсатгани учун дастлабки 2 ой учун ўқиш харажатини ўз ҳисобидан тўлаганда, кейинги 6 ойгача ўқиш харажати учун Ёшлар ишлари агентлигининг Ёшларга оид давлат сиёсатини қўллаб-қувватлаш жамғармасига ажратилган маблағлар доирасида субсидия ажратилишини назарда тутади.

"2+6" дастурига мувофиқ, ёшларга ҳар ой якуни бўйича қуйидаги миқдорда субсидия ажратилади:

▪️Тошкент шаҳрида – БҲМнинг 2 бараваригача;

▪️ Қорақалпоғистон Республикаси ва вилоятлар марказларида – БҲМнинг 1,5 бараваригача;

▪️туман (шаҳар)ларда – БҲМнинг 1 бараваригача.

Агентлик томонидан 2025–2026 йилларда ўқув марказларида хорижий тилларни ўрганадиган 20 минг нафаргача, 2031 йилга қадар ҳар йили 20 минг нафаргача ёшларга ўқиш харажатлари учун субсидия ажратилади.

Бунда тегишли йилда субсидия ажратилган ёшлар сони 20 минг нафардан ошган тақдирда, ўша йил учун субсидия ажратиш кейинги йилга қадар тўхтатилади.

Ариза берувчиларнинг хорижий тилни ўқитиш харажати учун:

▪️ ўқув марказларининг рейтингини шакллантириш учун белгиланган тартибда электрон платформа орқали рўйхатдан ўтган;

▪️ ариза берувчиларнинг ўқув машғулотларида қатнашганини кунлик электрон назорат қилиш имконини берувчи электрон платформага интеграция қилинган ўқув марказларига "2+6" дастури доирасида субсидия ажратилади.

Telegram I Facebook I YouTube I Instagram

Озиқ-овқат ва ичимлик ниқобига яширинаётган гиёҳванд моддалар

Гиёҳвандлик инсониятнинг энг ўткир муаммоларидан бири бўлиб қолмоқда. Аммо бугун бу таҳдид қўрқинчли янги қиёфа касб этди. Ўзбекистон Президенти Администрацияси ҳузуридаги Наркотик моддаларни назорат қилиш миллий маркази катта инспектори Муҳаммадқодир Маҳмудовнинг сўзларига кўра, гиёҳванд моддалар энди анъанавий табиий моддаларга ўхшамайди.

Бугунги кунда гиёҳванд моддалар ичимликлар, энергетик батончиклар, қаҳва ва ширинликлар сингари энг оддий маҳсулотлар таркибида ҳам учрашни бошлади. Бу даҳшатли факт, чунки бундай воситалар бир марта истеъмол қилингандаёқ қарамликни келтириб чиқаради.

Уларни тарқатиш усулларининг ўзгариши муаммони янада чуқурлаштирмоқда. Замонавий дилерлар “қўлдан-қўлга” етказишдан воз кечиб, аноним жойлашув ва интернет технологияларидан фойдаланмоқда. Вазият чиндан ҳам яхши эмас: минглаб инсонларни домига тортувчи дозалар яратиладиган яширин наркологик лабораториялар пайдо бўлган. Биргина 2025 йилнинг биринчи ярмида 8 та шундай лаборатория аниқланган.

Шуниси аниқки, ҳар биримиз ўта ҳушёр бўлишимиз керак. Янги авлод гиёҳванд моддалари дарҳол ўзини намоён қилмайди, балки хуш кайфият ва тетиклик ниқоби ортига яширинади.

Telegram I Facebook I YouTube I Instagram

Ўзбекистон президенти Шавкат Мирзиёев амалий ташриф билан Душанбега етиб борди

2025 йил 9 октябрь куни Ўзбекистон Республикаси Президенти Шавкат Мирзиёев амалий ташриф билан Тожикистон Республикаси пойтахти – Душанбе шаҳрига келди.

Душанбе халқаро аэропортида давлат раҳбарини Тожикистон Бош вазири Қоҳир Расулзода ва бошқа расмий шахслар тантанали равишда кутиб олди.

Ташриф доирасида Президент Шавкат Мирзиёев “Марказий Осиё – Россия” форматidagi иккинчи саммит ҳамда Мустақил Давлатлар Ҳамдўстлиги Давлат раҳбарлари кенгашининг навбатдаги йиғилишида иштирок этиши режалаштирилган.

Telegram I Facebook I YouTube I Instagram

Айрим дорихоналарда сертификатланмаган дори воситалари аниқланди

Рақобат қўмитасига республикадаги айрим дорихоналарда чет элда ишлаб чиқарилган, сифати кафолатланмаган дори воситалари сотилаётгани ҳақида маълумотлар келиб тушган.

Шундан сўнг Қўмита Фармацевтика маҳсулотлари хавфсизлиги маркази билан ҳамкорликда назорат хариди тадбирини ўтказди. Текширувлар давомида айрим дорихоналардан харид қилинган дори воситаларининг сериялари Давлат реестрига киритилмагани ёки мувофиқлик сертификати мавжуд эмаслиги аниқланди.

Хусусан, Наманган вилоятида “NAVBAHOR” МЧЖ, Андижон вилоятида “OYATULLO 88” МЧЖ, “BARAKA FARM GRANT” МЧЖ, “INOMJON XOJI FARM” МЧЖ ҳамда Тошкент шаҳрида “GLOBUS FARM” МЧЖ, “EZOZA PHARM PLUS”, “SAIDAZIM PHARM” МЧЖ ва “FOMERS” МЧЖ дорихоналарида мос ҳолатлар кузатилган.

Аниқланган ҳолатлар бўйича тўпланган ҳужжатлар Фармацевтика маҳсулотлари хавфсизлиги маркази ҳамда Иқтисодий жиноятларга қарши кураш департаментига юборилган. Бу орқали сифатсиз ва сертификатланмаган дори воситалари савдодан йиғиб олиниши кўзда тутилмоқда.

Рақобат қўмитаси фуқароларга дори воситаларини харид қилишдан аввал уларнинг сертификатини текшириб кўришни тавсия этди. Шунингдек, сертификатлар ҳақидаги маълумотларни Фармацевтика маҳсулотлари хавфсизлиги марказининг махсус электрон тизими орқали онлайн текшириш имконияти ҳам мавжуд.

Telegram I Facebook I YouTube I Instagram

Шавкат Мирзиёев Озарбайжондан кейин Тожикистонга йўл олди

Президент Шавкат Мирзиёев амалий ташриф билан Тожикистонга етиб борди. Душанбе халқаро аэропортида давлат раҳбарини Тожикистон Бош вазири Қоҳир Расулзода ва бошқа расмий шахслар кутиб олди.

Маълумот ўрнида, Мирзиёев Душанбе шаҳрида ўтадиган "Марказий Осиё - Россия" форматидаги иккинчи саммит ва Мустақил Давлатлар Ҳамдўстлиги Давлат раҳбарлари кенгашининг навбатдаги йиғилишида иштирок этади.

Telegram I Facebook I YouTube I Instagram

Дўстликдаги норозиликлар: катталар туманга етиб борди

Жиззах вилояти, Дўстлик туманидаги эски деҳқон бозори бузилиши билан боғлиқ можаро ҳануз жамоатчилик муҳокамасида. EFFECT.uz таҳририяти бу ҳолатни бир неча бор ёритган — тадбиркорларнинг норозилиги, уларнинг ҳуқуқларига муносабат ва маҳаллий раҳбарият фаолияти таҳлил қилинган материаллар эълон қилинган эди.

🟨 Мутасаддилар ҳаракатга тушди

Репортажлардан сўнг, масала вилоят даражасида кўриб чиқилди. Жиззах вилояти Давлат хавфсизлик хизмати бошқармаси раҳбари, вилоят прокурори ва Ички ишлар бошқармаси бошлиғи Дўстлик туманига келиб, тадбиркорлар билан учрашув ўтказди.

👉 https://youtu.be/SvRP_dXXnxA

Ўзбекистон ва Тожикистон президентлари икки томонлама ҳамкорликни ривожлантириш масалаларини муҳокама қилди

9 октябрь куни Душанбе шаҳрида Ўзбекистон Республикаси президенти Шавкат Мирзиёев ва Тожикистон Республикаси президенти Эмомали Раҳмоннинг учрашуви бўлиб ўтди.

Суҳбат аввалида президент Шавкат Мирзиёев ҳамкасбини Тожикистоннинг Мустақил Давлатлар Ҳамдўстлигига раислиги самарали бўлгани билан табриклаб, “Марказий Осиё — Россия” форматидаги бўлажак учрашув ва МДҲ саммити муваффақиятли ўтишини тилади.

Учрашувда Ўзбекистон ва Тожикистон ўртасидаги дўстлик, яхши қўшничилик, стратегик шериклик ва иттифоқчилик муносабатларини янада мустаҳкамлаш масалалари кўриб чиқилди.

Томонлар икки давлат ўртасидаги ҳамкорлик ижобий суръат билан ривожланаётганини мамнуният билан қайд этдилар. Товар айирбошлаш ҳажми, юк ташиш ва авиақатновлар сони ортиб бораётгани таъкидланди.

Учрашувда савдо, саноат, энергетика, қишлоқ хўжалиги ва бошқа устувор соҳаларда кооперация лойиҳаларини илгари суриш, маданий-гуманитар алмашинув ва ҳудудлараро алоқаларни фаоллаштириш муҳимлигига эътибор қаратилди.

Шунингдек, халқаро ва минтақавий аҳамиятга молик масалалар, жумладан жорий йил ноябрь ойида Тошкент шаҳрида ўтказиладиган Марказий Осиё давлатлари раҳбарларининг Маслаҳат учрашувига тайёргарлик кўриш юзасидан фикр алмашилди.

Telegram I Facebook I YouTube I Instagram

⚡️Гиёҳванд ва синтетик моддаларга қарамликдан исталган вақт қутулиш мумкин (ми)!?

Қатъий йўқ! Аксарият инсонлар, хусусан, ёшлар гиёҳванд ёки синтетик моддаларни биринчи марта истеъмол қилганда ўрганиб қолмаслик ёки такрор истеъмол қилмаслик "ишончи"га таянади.

БМТ маълумотларига кўра, 2024 йилда дунё бўйича 292 миллион одам, яъни деярли ҳар ўн олтинчи киши Гиёҳвандлик воситаларини истеъмол қилган. 2013 йилга нисбатан бу рақам 62 миллионга кўпайган ва ўсиш суръати ҳануз тўхтамаган.

Бу фожианинг оқибати ўта аянчли: ҳар йили гиёҳвандлик воситалари 500 мингдан ортиқ инсоннинг ҳаётини сўндиради. Ачинарлиси, наркобизнеснинг асосий нишони 30 ёшгача бўлган ёшлар.

Мухбир: Камола Қурбонова

Telegram I Facebook I YouTube I Instagram

✨Statsionar davolanish bemorning sog‘lig‘ini doimiy nazorat qilish va tezroq tiklanish uchun muhim.
🧑🏻‍⚕️Shifokor ko‘rsatmalariga rioya qilish sog'ayish jarayonini yanada samarali qiladi.

☎️ (71) 205 14 12
☎️ (94) 112 14 12

Manzil: Toshkent shahri, Yunusobod tumani, Moyqo‘rg‘on ko‘chasi, 66-uy

"Ўт очишни тўхтатиш вақтинчалик чора эмас, балки узоқ муддатли сиёсий ечим сари муҳим қадам" — Ўзбекистон ТИВ

Ўзбекистон Республикаси Ташқи ишлар вазирлиги баёнот берди.

Ўзбекистон Республикаси АҚШ Президенти Дональд Трампнинг бевосита кўмагида Ғазо секторида о‘t очишни тўхтатиш ва гаровга олинганларни озод этиш бўйича эришилган келишувни олқишлайди.

Миср, Қатар ва Туркиянинг ушбу муҳим жараёнда мувофиқлаштирилган фаолияти ҳамда уларнинг муҳим роли юқори баҳоланади. Таъкидланишича, мазкур саъй-ҳаракатлар зўравонликни тез фурсатда тўхтатиш, гуманитар инқирозни енгиллаштириш ва сиёсий мулоқотни тиклаш учун замин яратмоқда.

Ўзбекистон доимо халқаро ҳуқуқ меъёрлари ва БМТ Хавфсизлик Кенгаши резолюцияларига асосланиб, Яқин Шарқда мустаҳкам ва адолатли тинчлик ўрнатилишини қўллаб-қувватлайди.

Баёнотда таъкидланишича, о‘t очишни тўхтатиш вақтинчалик чора эмас, балки томонлар ўртасида хавфсизликни таъминлаш, барқарор ҳамжиҳатликни ўрнатиш ва ўзаро ишончни тиклашга қаратилган узоқ муддатли сиёсий ечим сари муҳим қадам бўлиши керак.

Ўзбекистон Республикаси Яқин Шарқда тинчлик, барқарорлик ва гуманитар енгилликни таъминлашга қаратилган халқаро саъй-ҳаракатларга конструктив ҳисса қўшишга тайёрлигини яна бир бор тасдиқлади.

Telegram I Facebook I YouTube I Instagram

Аёллар уйда пул топяпти...

Ўрта Чирчиқ туманидаги “S-Familiy” бош кийим ишлаб чиқарувчи корхонаси “Камбағалликдан фаровонлик сари” дастури доирасида аҳолини банд қилишга ҳисса қўшмоқда.

Корхона камбағаллик реестридаги оилаларга ярим тайёр маҳсулотлар — ип ва материаллар етказиб беради.
Бугунги кунда 30 дан ортиқ хонадон билан ҳамкорлик йўлга қўйилиб, кўплаб аёллар уйдан чиқмасдан даромад топиш имконига эга бўлмоқда.

Мухбир: Мохинур Хамдамова

Telegram I Facebook I YouTube I Instagram

Президент “Марказий Осиё – Россия” саммитида стратегик шерикликни мустаҳкамлашга қаратилган 10 дан ортиқ ташаббус илгари сурди

Президент Шавкат Мирзиёев “Марказий Осиё – Россия” форматидаги иккинчи саммитда иштирок этар экан, стратегик шерикликни мустаҳкамлаш, иқтисодий ҳамкорликни ривожлантириш ва минтақавий барқарорликни таъминлашга қаратилган бир қатор муҳим ташаббусларни илгари сурди.

Хусусан, давлат раҳбари:

– биргаликда қабул қилинган қарор ва лойиҳалар ижросини тезлаштириш мақсадида ҳукумат раҳбарлари ўринбосарлари даражасида Мувофиқлаштирувчи кенгаш таъсис этишни;

– товар айирбошлашни кўпайтириш ва қишлоқ хўжалиги маҳсулотларини етказиб бериш жараёнларини енгиллаштириш учун “Марказий Осиё – Россия агроэкспресси” лойиҳасини ишга туширишни;

– транспорт, темир йўл ва авиация алоқаларини уйғунлаштириш мақсадида Транспорт-логистика контурини ишлаб чиқишни;

– Бухоро шаҳрида “Марказий Осиё – Россия” саноат инжиниринг хабини ташкил этишни;

– Тошкентдаги “Иннопром. Марказий Осиё” кўргазмали форумига минтақанинг асосий саноат ва инновация майдони мақомини беришни таклиф этди.

Шунингдек, давлат раҳбари атом энергетикаси бўйича Минтақавий компетенциялар марказини Ўзбекистонда ташкил этиш, Москва давлат муҳандислик-физика институти Тошкент филиали негизида Кадрлар тайёрлаш дастурини амалга ошириш ташаббусини билдирди.

Президент Мирзиёев, шунингдек, “Марказий Осиё ва Россия энергетик шериклиги” дастурини ишлаб чиқиш, углеводородларни қидириш ва қайта ишлаш, энергия тежовчи ҳамда “яшил” технологияларни жорий этиш бўйича ҳамкорликни кучайтиришни таклиф этди.

Шу билан бирга, у сунъий интеллект ва рақамли технологиялар бўйича Минтақавий эксперт кенгашини ташкил этиш, “Сколково” инновация маркази филиалларини мамлакатларда очишни, ҳамда “Келажак муҳандислари” консорциумини тузиш ғоясини илгари сурди.

Шунингдек, Президент ҳар йили ўтказиладиган Марказий Осиё ва Россия халқлари маданияти, санъати ва ижодиёти фестивали — Этномаданият форумини ташкил этишни таклиф қилди.

Саммитда терроризм, экстремизм, кибертаҳдидлар ва одам савдосига қарши курашиш бўйича ҳамкорликни кучайтириш, шунингдек, Афғонистон бўйича юқори даражадаги маслаҳатлашувлар ўтказиш муҳимлиги ҳам таъкидланди.

Telegram I Facebook I YouTube I Instagram

Паралимпия спорт турлари бўйича спорт терма жамоаларини шакллантириш тартиби белгиланди

Ҳукумат қарори (630-сон, 08.10.2025 й.) билан “Паралимпия спорт турлари бўйича спорт терма жамоаларини шакллантириш тартиби тўғрисида”ги низом тасдиқланди.

Мазкур Низом иқтидорли спортчиларни аниқлаш, танлаш ва саралаш (селекция) орқали паралимпия спорт турлари бўйича спорт терма жамоаларини шакллантириш тартибини белгилайди.

Қуйидагилар спорт терма жамоаларини ва уларнинг захирасини шакллантиришнинг асосий вазифалари ҳисобланади:

🔹 паралимпия спорт турлари бўйича республика ва халқаро нуфузли спорт мусобақаларида юқори натижадорликни таъминлаш;

🔹 спортчиларни тайёрлашнинг илғор методларини ўқув-машғулот жараёнига жорий этиш;

🔹 спортчиларнинг жисмоний, техник-тактик, психологик тайёрлигини такомиллаштириш, уларнинг спорт маҳоратини ошириш;

🔹 жисмоний тарбия-спорт ҳаракатини ва соғлом турмуш тарзини тарғиб қилиш.

Спорт терма жамоаларини ва уларнинг захирасини шакллантиришга фақат Ўзбекистон Республикаси Спорт вазирлиги томонидан белгиланган тартибда Спорт турлари реестрига киритилган паралимпия спорт турлари бўйича йўл қўйилади.

Спорт терма жамоаларининг таркиблари тегишли буйруқ билан 1 йил муддатга тасдиқланади ва календарь йилнинг 1 январидан 31 декабригача амал қилади.

Telegram I Facebook I YouTube I Instagram

Россиядан яна бир гуруҳ болалар Ватанга қайтарилди

Ташқи ишлар вазирлиги, Ички ишлар вазирлиги, Ижтимоий ҳимоя миллий агентлиги ҳамда Соғлиқни сақлаш вазирлиги ҳамкорлигида хорижда ота-оналарсиз қолган Ўзбекистон фуқаролари бўлган болаларни ватанга қайтариш бўйича изчил ишлар давом этмоқда. 2025 йил 9 октябрь куни Санкт-Петербург шаҳридан учиб келган рейс билан 6 нафар вояга етмаган бола Ўзбекистонга қайтарилди.

Болалар дастлаб, Тошкент шаҳар ички ишлар бош бошқармаси ҳузуридаги марказга вақтинча жойлаштирилди. Тиббий кўрикдан ўтказилгач, уларнинг 5 нафари Бекобод шаҳридаги «Инсон» ижтимоий хизматлар маркази директори қарорига асосан яқин қариндошлари қарамоғига, 1 нафари эса онасининг қарамоғига топширилди.

Вояга етмаганларнинг кейинги ижтимоий қўллаб-қувватлови ва реабилитация жараёни уларнинг доимий яшаш жойида давом эттирилади.

Telegram I Facebook I YouTube I Instagram

⚡️Ўзбекистон Исроил ва ҲАМАС ўртасидаги тинчлик битимини қўллаб-қувватлади

Ўзбекистон собиқ ташқи ишлар вазири, Ўзбекистон Президентининг ташқи сиёсат бўйича маслаҳатчиси Абдулазиз Комилов «Ўзбекистон 24» телеканалига берган интервьюсида Исроил Ғазода «тўғридан-тўғри геноцид» содир этганини айтди. Ўзбекистон можарони тинч йўл билан ҳал этиш бўйича музокараларни, жумладан, АҚШнинг тинчлик режасини қўллаб-қувватлайди.

«АҚШ президенти янги ғояни илгари сурди. Мен Яқин Шарқда кўп йиллар ишладим ва бу режа қўллаб-қувватланиши мумкинлигига ишонаман. Агар бу жараён давом этса ва тинчликка эришилса, президентимизнинг позицияси ва муносабати АҚШникига янада яқинроқ бўлади», — деди Абдулазиз Комилов.

Telegram I Facebook I YouTube I Instagram

⚡️Яқин Шарқда адолатли ва барқарор тинчлик ўрнатилишини олқишлаймиз – Ўзбекистон Ташқи ишлар вазирлиги

Ўзбекистон Республикаси Ташқи ишлар вазирлиги Ғазо секторида отишмани тўхтатиш ва гаровдаги шахсларни озод этиш бўйича эришилган келишувни олқишлади.

Расмий баёнотда таъкидланишича, мазкур келишув АҚШ президенти Доналд Трампнинг бевосита кўмагида амалга ошган. Шунингдек, бу жараёнда Миср, Қатар ва Туркиянинг мувофиқлаштирилган ҳаракатлари ҳам юқори баҳоланди.

Ташқи ишлар вазирлигига кўра, мазкур саъй-ҳаракатлар зўравонликни тўхтатиш, гуманитар инқирозни енгиллаштириш ва сиёсий мулоқотни қайта йўлга қўйиш учун муҳим қадам бўлди.
“Ўзбекистон халқаро ҳуқуқ меъёрлари ва БМТ Хавфсизлик Кенгаши резолюциялари асосида Яқин Шарқда адолатли ва барқарор тинчлик ўрнатилишини қўллаб-қувватлайди”, — дейилади баёнотда.

Вазирликка кўра, отишмани тўхтатиш вақтинчалик чора бўлиб қолмаслиги, балки хавфсизликни таъминлаш ва ўзаро ишончни тиклашга хизмат қиладиган узоқ муддатли сиёсий ечим сари муҳим қадам бўлиши керак.

Ўзбекистон Яқин Шарқда тинчлик, барқарорлик ва гуманитар енгилликни таъминлашга қаратилган халқаро ташаббусларда конструктив иштирок этишга тайёрлигини яна бир бор тасдиқлади.

Telegram I Facebook I YouTube I Instagram