Бу юртда ҳуқуқий давлат қурилган, инсон қадри устувор, қонун — олий. Ана шу шиорни эшитган одам ўзи ҳам қонунга ишониб кетади. Лекин баъзан шундай саҳналар бўладики, қонуннинг ўзи ҳам “кулиб йиғлаб”, орқа пардага ўтиб кетади.

Ижтимоий тармоқларда адвокат Зебохон Камилова тарқатган видео ана шундай “юқори драматик” саҳналардан бири бўлди. 64 ёшли аёл киши оғир аҳволда, кома ҳолатида ётибди. Унинг қўли эса кишанланган. Ҳушсиз, лекин хавфли. Тизимга кўра — у нафақат айбланувчи, балки “реанимация залидаги энг хатарли қочоқ”.

🧠 Тергов ва прокуратура мантиғига кўра:
— У комадан туриб терговдан қочиши мумкин,
— Тиббий аппаратни “далил” деб йўқ қилиб ташлаши мумкин,
— Ёки прокурорнинг сценарийсини хаёлан бузиши мумкин.

Шу боис энг оқилона қарор қабул қилинган: кишан ва қамоқ эҳтиёт чораси.

📜 Омбудсман — саҳнадаги ягона “овоз” бўлди. У Бош прокуратурага тақдимнома киритди. Аммо Булунғур туман прокуратураси “мастер-класс” кўрсатди: “важлар тасдиқланмади”. Мантиқ эса бу қарорга кира олмаган — чунки у тизимдаги қора рўйхатда экан, шекилли.

📌 Адвокат эса мурожаат қилиб чарчамаяпти. Аммо расмий идоралар жавоби стандарт:
— “Ҳурматли адвокат, мурожаат расмий муддатда кўриб чиқилади.”
Аёл эса комада. Ҳушсиз ҳолда… кутади.

⚖️ Эҳтиёт чораларининг асослари ҳам классик ҳуқуқий қонундан эмас, ҳажвий сценарийдан олингандек:
— Қочиш хавфи бор (ҳушсиз ҳолда),
— Далилларни йўқотиш хавфи бор (аппаратни нафас билан “йўқ қилиш” мумкин),
— Ҳатто прокурор режасини бузиш хавфи бор (орзу орқали).

🎬 Бу ҳақиқий ҳуқуқий театр:
— Прокурор — режиссёр,
— Терговчи — актёр,
— Комадаги аёл — “хатарли жиноятчи” ролида,
— Қонун — орқа пардада томошабин.

🕊 Инсон қадри — шиорда гўзал, амалда эса кишанга айланган. Бу юртда айрим ҳолларда кишан қўлда эмас, тафаккурда турар экан...

👉 Натижа: кома ҳолатидаги инсон терговдан қочиши мумкин деган тизимда — адолатнинг ўзи ҳам “реанимацияда” ётади.

“Раҳбарларни ишдан олиш билан муаммо ҳал бўлмайди. Бу шунчаки симптомни яшириш, аммо касаллик қоляпти”,

Қонунга кўра, 18 ёшга тўлмаган шахслар автомобиль бошқариш ҳуқуқига эга эмас. Шу сабабли, вояга етмаганларнинг транспорт воситасига ўтириши нафақат қонунбузарлик, балки жамият учун ёмон намуна ҳисобланади.

Bizni kuzating