“Ғафур Ғулом” метро бекатида йўловчи аёл чақалоқни дунёга келтирди — навбатчи ходима биринчи ёрдам кўрсатди

Бугун Тошкент метросининг “Ғафур Ғулом” бекатида кутилмаган ҳолат юз берди — йўловчи аёл тўсатдан туғруқ ҳолатига тушди.

Поездларни қабул қилиш ва жўнатиш бўйича навбатчи ходима Наима Махамаджонова хизмат пайтида бекат ўтиш йўлагидаги ички ишлар ходимидан мазкур ҳолат ҳақида хабар олгач, вазиятни тез баҳолаб, биринчи тиббий ёрдам кўрсатди.

У хизмат давомида ўрганган махсус билим ва кўникмаларини ишга солиб, аёлга чақалоқни соғ-омон дунёга келтиришда ёрдам берди. Шунингдек, чақалоқнинг kindigini боғлаб, нафас олиш рефлексини фаоллаштирди.

Бу вақтда тез ёрдам хизмати ва аёлнинг яқинлари чақирилган. Тиббиёт ходимлари етиб келгунга қадар (тахминан 10 дақиқа) метро ходимлари она ва чақалоқ ҳолатини назоратда ушлаб, уларнинг хавфсизлигини таъминлаган.

Ҳозирда она ва чақалоқнинг соғлиги яхши, улар шифохонага етказилган.

Наима Махамаджонова ўзининг фидойилик ва тезкорлиги билан инсонпарварлик намунасини кўрсатди — унинг саъй-ҳаракатлари туфайли она ва чақалоқ ҳаёти сақлаб қолинди.

Telegram I Facebook I YouTube I Instagram

Жаримага тортилганимиздан хафа эмасмиз, аксинча, хурсандмиз...

«Суд қандай қарор чиқаришидан қатъий назар, биз унда белгиланган жаримани албатта, тўлаймиз. Жаримага тортилганимиздан хафа эмасмиз, аксинча, хурсандмиз. Чунки нашримизда чоп этилган судьялар фаолиятига оид танқидий материаллар ёпиқ эшиклар ортида муҳокама бўляпти, суд тизимидаги раҳбарларга эса бу ёқмаяпти ва бизни суд орқали жазолашга уринишяпти. Демак, раҳбарлар бизни ўқияпти. Аммо кўтарилган муаммолар билан эмас, уни ёритганларга қарши курашиляпти. Бу жуда ачинарли ҳолат...»

Акмал Эшонхонов, EFFECT.UZ раҳбари

Telegram I Facebook I YouTube I Live

🔴 Сенат Фарғонада мактаб директорига нисбатан зўравонлик ҳолатини назоратга олди

Фарғона вилояти Фурқат туманида мактаб директори Гулираъно Қосимовага нисбатан ички ишлар ходимлари томонидан зўравонлик қўлланилгани ҳақидаги маълумот жамоатчиликни кескин хавотирга солди. Хабарларга кўра, 34 ёшли директор ечинтирилиб, дўппосланган ва кейинчалик ёлғон ариза ёзиб беришга мажбурланган.

Бу ҳолат жамиятда давлат идораларига бўлган ишончни янада пасайтириши мумкинлиги таъкидланмоқда.

Олий Мажлис Сенати маълум қилишича, Сенатнинг Мудофаа ва хавфсизлик масалалари қўмитаси мазкур ҳолатни ўз назоратига олган.

Сенатор Малика Кадирханова эса тизимдаги камчиликлар ва қонунбузилишларга қатъий баҳо берилиши зарурлигини билдирди.

Парламент назорати орқали бундай ҳолатлар очиқ-ошкора текширилиши ва қонун олдида ким бўлишидан қатъий назар, айбдорлар жавобгарликка тортилиши таъкидланмоқда.

Telegram I Facebook I YouTube I Instagram

🌿 Экология вазирлиги: хазон ва ўсимлик қолдиқларини ёқманг – жарима қўлланади

Экология, атроф муҳитни муҳофаза қилиш ва иқлим ўзгариши вазирлиги фуқароларни хазон, шох-шабба ва ўсимлик қолдиқларини ёқиб юбормасликка чақираяпти.

Вазирлик маълумотига кўра, бундай ҳаракат Маъмурий жавобгарлик тўғрисидаги кодекснинг 88-моддасига асосан қонунбузарлик ҳисобланади ва қуйидаги жазо чоралари қўлланади:

Фуқароларга — 1 млн 236 минг сўмдан 2 млн 60 минг сўмгача;

Мансабдор шахсларга — 2 млн 60 минг сўмдан 4 млн 120 минг сўмгача жарима.

Агар ҳуқуқбузарлик маъмурий жазо қўлланилгандан кейин бир йил ичида такрор содир этилса, жарима миқдори янада оширилади:

Фуқаролар учун — 2 млн 60 минг сўмдан 2 млн 884 минг сўмгача,

Мансабдор шахслар учун — 4 млн 120 минг сўмдан 6 млн 180 минг сўмгача.

Вазирлик таъкидлашича, ўсимлик қолдиқларини ёқиш натижасида атмосферага ис гази ва углерод оксиди каби инсон саломатлигига зарарли моддалар тарқалади.

♻️ Табиатни асраш — барчамизнинг бурчимиз. Хабарни яқинларингизга ҳам етказинг!

Telegram I Facebook I YouTube I Instagram

Жаҳонгир Тўлаганов оғир жудоликка учради

https://youtu.be/fDhq3ioD-7E

Давлат мудофаа буюртмасининг асосий вазифалари белгиланди

“Давлат мудофаа буюртмаси тўғрисида”ги қонун қабул қилинди.

Қонун, давлат мудофаа буюртмаси соҳасидаги муносабатларни тартибга солади.

Давлат мудофаа буюртмаси – Ўзбекистон Республикаси Қуролли Кучларини қуроллантириш бўйича давлат комиссияси томонидан тасдиқланадиган ҳарбий ва икки хил мақсадга мўлжалланган маҳсулотларни харид қилиш учун давлат буюртмаси ҳисобланади.

Давлат мудофаа буюртмасининг асосий вазифалари қуйидагилардан иборат:

▪️ мамлакатнинг миллий манфаатларидан, жаҳондаги ва минтақадаги ҳарбий-сиёсий вазиятдан, ҳарбий соҳада миллий хавфсизликка бўлган таҳдидлар даражасидан, замонавий ҳарбий можароларнинг хусусиятидан келиб чиққан ҳолда, давлат мудофаа буюртмасини шакллантириш, тасдиқлаш ва бажариш;

▪️ буюртмачиларни ҳарбий ва икки хил мақсадга мўлжалланган маҳсулотлар билан ўз вақтида ҳамда кафолатли тарзда қуроллантириш ва таъминлаш;

▪️ давлат мудофаа буюртмаси учун ажратилган молиявий ресурслардан мақсадли ва самарали фойдаланилишини таъминлаш.

Давлат мудофаа буюртмасининг лойиҳаси Давлат комиссияси томонидан кўриб чиқилади ва унинг қарори билан тасдиқланади.

Давлат комиссияси томонидан тасдиқланган давлат мудофаа буюртмаси навбатдаги йил учун Ўзбекистон Республикасининг Давлат бюджети тўғрисидаги қонун лойиҳасини ишлаб чиқишда инобатга олинади.

Telegram I Facebook I YouTube I Instagram

Тошкентда “Марказий Осиё ичимлик сув таъминоти ва оқова сув хизматлари” халқаро конференцияси бошланди

Тошкент яна бир нуфузли халқаро анжуманга мезбонлик қилмоқда.

“Марказий Осиё ичимлик сув таъминоти ва оқова сув хизматлари” халқаро конференциясига старт берилди.

Конференциядан кўзланган асосий мақсад — аҳолини сифатли ичимлик суви билан таъминлаш, сув ресурсларини тежаш, қайта ишлаш ҳамда соҳани янада ривожлантириш масалаларига бағишланган.

Telegram I Facebook I YouTube I Instagram