⚡️ Банкларда олтин қуймалар деярли қолмади

2025 йил 3 октябрь ҳолатига кўра, Тошкент шаҳридаги банкларда жами 17 та олтин қуйма қолгани маълум қилинди. Уларнинг асосий қисми “Капиталбанк” филиалларига тўғри келади. 100 граммлик қуймаларни ҳам фақат шу банк орқали сотиб олиш мумкин.

Қуймалар сонининг кескин камайишига асосий сабаб — уларга бўлган талаб ортиши. Таъкидланишича, банкларда қуймалар нархи заргарлик дўконларига нисбатан арзонроқ, шунинг учун харидорлар кўпроқ банкларга йўналмоқда.

Шунга қарамай, таҳлилчилар олтин нархи эндиликда аввалгидек кескин кўтарилишини кутмаяпти. Улар фақат барқарор равишда секин-асталик билан 10–15 фоиз ўсишини тахмин қилмоқда. Шу билан бирга, бозорда нархлар қайта тўғирланиб, кейинчалик пасайиш эҳтимоли ҳам йўқ эмас.

👉 Эслатма: келажакдаги нархларни аниқ башорат қилишнинг иложи йўқ.

Telegram I Facebook I YouTube I Instagram

Пахтачилик кооперативининг ҳуқуқ ва мажбуриятини биласизми?

🔰 Президентнинг 2025 йил 17 январдаги ПФ-7-сонли Фармони билан пахта хом ашёсини сақлаш ва бирламчи (тегирмон усулида) қайта ишлаш хизматларини ташкил этиш учун зарур бўлган асбоб-ускуналарни сотиб олишга Жамғарма ресурслари ҳисобидан тижорат банклари имтиёзли давр билан кредитлар олиш.

🔰 Президентнинг 2025 йил 28 мартдаги ПҚ-131-сон қарори билан қишлоқ хўжалиги кооперативларига аъзо бўлган фермер хўжаликлари етиштирган пахта хомашёсини тўғридан-тўғри харид қилиш.

Бунда, тўғридан-тўғри шартномалар “Ўзбекистон республика товар-хом ашё биржаси” АЖнинг ахборот порталида тузилиши ва улар бўйича тўловлар биржанинг қоидалари асосида амалга оширилади.

🔰Вазирлар Маҳкамасининг 2023 йил 25 декабрдаги 680-сон қарори билан тасдиқланган низомга мувофиқ, ўз маблағи ва/ёки тижорат кредити ҳисобидан етиштирилган пахта хом ашёсини кооперативлар томонидан биржа савдолари орқали спот шартномалари асосида сотиш.

🔹Пахтачилик кооперативининг мажбурияти:

-Спот шартномалари расмийлаштиришни режалаштирган сотувчилар Агроинспекцияси хулосаси ва ушбу омборни ижара олиш тўғрисида тузилган шартномани

“Агроплатформа” ахборот тизимига киритиши;

-пахта қабул қилиш масканларидаги электрон тарозидаги
маълумотлар тўғридан-тўғри Қишлоқ хўжалиги вазирлигининг “Ҳосил қабули” ахборот тизимига узатилишини йўлга қўйиши;

-қабул масканларини кузатув камералари билан жиҳозлаш, дастурий ечимларни жорий этиш, узлуксиз интернет ва қувват манбаларини ўрнатиш ва кунлик терилган пахтани электрон тарзидан ўтказиш ва ҳужжатларни расмийлаштириш мажбуриятлари юклатилган.

Telegram I Facebook I YouTube I Instagram

⚡️ Учта банкка 2,5 млрд сўмдан ортиқ жарима қўлланди

Марказий банк текширувлари натижасида ТБС банк, Давр банк ва Ҳамкорбанкда қатор қонунбузилиш ҳолатлари аниқланди. Натижада ушбу молия муассасалари жами 2,5 млрд сўмдан ортиқ жаримага тортилди.

Аниқланган қоидабузарликлар қуйидагилардан иборат:

🔶кредит шартномаларида тўлиқ маълумот бермаслик;

🔶гаров мулкларини реестрдан ўз вақтида чиқармаслик;

🔶онлайн микрокредит ва валюта кредитларида фоизларни нотўғри ҳисоблаш;

🔶истеъмолчилардан асоссиз комиссия ундириш;

🔶банк сайтларида ахборотни тўлиқ тақдим этмаслик.


Жарималар миқдори:

🔷ТБС банк — 615 млн сўм;

🔷Давр банк — 931 млн сўм;

🔷Ҳамкорбанк — 955 млн сўм.

Шу билан бирга, банклар томонидан мижозларга ортиқча ҳисобланган маблағларни қайтариш белгиланди:

🔶ТБС банк — 4,2 млрд сўмга яқин фоиз ва тўловларни қайтарди;

🔶Давр банк — жами 4 млрд сўмдан ортиқ маблағни мижозларга қайтарди;

🔶Ҳамкорбанк — 20 млрд сўмдан зиёд қонунга зид тўловларни қайтариши керак.

Марказий банк таъкидлашича, банклар фаолияти устидан назорат кучайтирилади.

Telegram I Facebook I YouTube I Instagram

Фирибгарлик империяси: Umid avto lizing” — одамларнинг умидини ўғирлаган компания!

Автомобилга бўлган талаб йил сайин ортаётгани ҳеч кимга сир эмас. Аммо афсуски, ушбу эҳтиёж ортидан "ташаббускор" тадбиркорлар эмас, балки фирибгарлик билан бойлик орттиришга уринаётган компаниялар ҳам кўпаймоқда. Улардан бири — Umid Avto Lizing, ягона.

Бир неча ойдан бери Effect.uz’га МЧЖдан алданган фуқаролар мурожаат қилади. Улар ҳақларини талаб қилиб бормаган жой қолмади ҳисоб: идорама-идора сарсон бўлишди, ҳатто айрим мансабдорлар қабулига кирдилар, Бош прокуратурага қайта-қайта ариза ёзишди. Мурожаатлар қабул қилинди, фарёдлар эшитилди, аммо натижадан дарак йўқ.

Расмий маълумотларга кўра, компания ходимларига нисбатан Жиноят кодексининг 168-моддаси 4-қисми «а, б» бандлари билан иш қўзғатилган. 843 нафар фуқаро жабр кўрувчи сифатида эътироф этилган, умумий зарар эса 50 миллиарддан ортиқ.

Иш доирасида компанияга тегишли 339 та транспорт воситаси хатланиб, ишга алоқадор 9 шахсга нисбатан айблов эълон қилинган ва улар қамоққа олинган.

Telegram I Facebook I YouTube I Instagram

Истанбулда ўзбекистонлик блогер «Жасмин» ва яна 5 киши ҳибсга олинди

2025 йил 29 сентябр куни Истанбул шаҳрида 6 нафар шахс, жумладан блогер Музаффар Раҳимов («Жасмин») маҳаллий полиция томонидан қўлга олинди.

Маълумотларга кўра, улар 30 сентябр куни Малтепе ёпиқ турдаги жазони ижро этиш муассасасига жойлаштирилган.

Ҳибсга олинган шахслар гиёҳвандлик воситалари ва психотроп моддаларнинг ноқонуний айланмаси билан боғлиқ жиноятда гумон қилинмоқда. Тинтув жараёнида қўлга киритилган ашёий далиллар экспертизага юборилган.

Ҳозирда тергов ишлари давом этмоқда.

Telegram I Facebook I YouTube I Instagram

111 кг гиёҳвандлик моддаси мусодара қилинди

Ички ишлар вазирлиги, Давлат хавфсизлик хизмати ва Божхона қўмитаси ходимлари ҳамкорлигида ўтказилган халқаро тезкор-қидирув тадбири натижасида йирик миқдорда гиёҳвандлик моддалари қўлга олинди.

Тадбир чоғида жами 111 кг гиёҳвандлик моддаси, жумладан 81 кг гашиш ва 30 кг опий мусодара қилинди.

Telegram I Facebook I YouTube I Instagram

Пенсионерлар учун поезд чипталарига 20 фоиз чегирма жорий этилди

«Ўзтемирйўлйўловчи» маълумотига кўра, «Кексалар ҳафталиги» (2–8 октябрь) ва «Кексалар учун туризм ойлиги» (1–30 ноябрь) доирасида пенсионерлар учун поезд чипталарига 20 фоиз чегирма амал қилади.

Чегирма Ўзбекистон фуқароларига – 55 ёшдан ошган аёллар ва 60 ёшдан катта эркакларга тааллуқли.

Ушбу имконият барча маҳаллий йўналишлардаги поездлар учун амал қилади. Бироқ юқори тезликда ҳаракатланувчи «Афросиёб» электропоездлари акцияга кирмайди.

Чипталарни eticket.railway.uz онлайн платформаси ёки барча чиптахоналар орқали харид қилиш мумкин.

Telegram I Facebook I YouTube I Instagram

Дунё бўйлаб Исроилнинг халқаро ҳарбий-денгиз флотилиясини тўхтатишига қарши норозилик намойишлари бўлиб ўтди

Халқаро сув ҳудудида Исроил кучлари томонидан ҳарбий-денгиз флотилиясини ноқонуний тўхтатилиши бутун дунё жамоатчилигида қаттиқ эътироз уйғотди.

Миллионлаб инсонлар турли мамлакатларда кўчаларга чиқиб, мазкур ҳаракатни қoрaлаб,, адолат ва халқаро ҳуқуққа риоя қилишни талаб этди.

Telegram I Facebook I YouTube I Instagram

Британияда 16 йил давомида меъёрдан ортиқ ишлаган фаррош ишдан бўшатилди

Британияда 16 йил давомида кунига 17 соатдан ишлаган фаррош ишдан бўшатилди.

Маълумотларга кўра, у ҳафтанинг деярли ҳар куни, жумладан шанба ва якшанба кунлари ҳам ишлаган. Бу эса мамлакат қонунчилигида белгиланган меҳнат меъёрларига зид ҳисобланади.

Британия қонунларига кўра, ишчилар сменалар орасида камида 11 соат дам олиши шарт. Мазкур ҳолатда қонун бузилгани учун фаррош ишдан бўшатилгани хабар қилинмоқда.

Telegram I Facebook I YouTube I Instagram

1 ноябрдан автомобилга газбаллон ўрнатилганда техпаспортни алмаштириш шарт эмас

Президентнинг 2025 йил 16 сентябрдаги қарорига мувофиқ, 2025 йил 1 ноябрдан бошлаб автомобилларга газ баллон ўрнатилганидан кейин транспорт воситаси техпаспортни алмаштириш талаб этилмайди.

Эндиликда газбаллон ҳақидаги маълумотлар электрон тарзда юритилади. Бу эса ортиқча қоғозбозликни камайтиради ҳамда транспорт воситалари эгалари учун техпаспортни қайта расмийлаштириш жараёнини бекор қилади.

Telegram I Facebook I YouTube I Instagram

3–4-курс талабалари мактабларда дарс беришлари мумкин

Олий таълим, фан ва инновациялар вазирлиги маълумотига кўра, 2024 йил 20 майдаги буйруқ ва давлат таълим стандартларига киритилган ўзгаришлар асосида қатор йўналишларда таҳсил олаётган талабалар мактабларда педагогик фаолият олиб боришлари мумкин.

Жумладан, математика, амалий математика, физика, кимё, биология, география ва тарих йўналишлари бўйича таҳсил олаётган 3–4-босқич талабалари ҳамда битирувчилар умумий ўрта, ўрта махсус ва касбий таълим муассасаларида дарс бериш ҳуқуқига эга бўлади.

Telegram I Facebook I YouTube I Instagram

Конституциявий суд педагоглар билан муддатли шартнома тузишни Конституцияга зид деб топди

Олий таълим муассасаларида педагог ходимлар билан муддатли меҳнат шартномаси тузиш масаласи узоқ йиллардан бери долзарб бўлиб келмоқда.

1992 йил 24 августдаги Вазирлар Маҳкамасининг 394-сон қарорига кўра, педагоглар билан 1–5 йиллик контракт тузиш тартиби жорий этилган эди. Бу эса ОТМ раҳбарларига педагоглар билан турли муддатларда шартнома тузиш ва уларни ишдан бўшатиш имконини бериб, ўқитувчиларни сарсон қилган.

Конституциявий суд кейинчалик ушбу қарорни Конституцияга хилоф деб топган. Бироқ амалиёт тўлиқ тўхтамаган — ҳозир ҳам педагоглар билан муддатли шартнома тузиш ҳолатлари учраб турибди.

Юрист Саидали Мухторалиевнинг таъкидлашича, бу амалиёт қонунга зид бўлиб, Конституциявий суд яна тарихий қарор қабул қилиши ва ҳукуматнинг педагоглар билан муддатли шартнома тузишни назарда тутувчи барча қарорларини Конституцияга зид деб топиши зарур.

Telegram I Facebook I YouTube I Instagram

Фабио Каннаваро Ўзбекистон билан шартнома имзолаганидан сўнг йилига 4 млн евро маош олади

"Спорт-Экспресс" нашрининг ёзишича, Фабио Каннаваро Ўзбекистон билан шартнома имзолаганидан кейин унга йилига қарийб 4 миллион евро маош тўланади.

Ушбу суммага мутахассиснинг шахсий маоши билан бирга унинг ёрдамчиларининг иш ҳақи ҳам киритилган.

Telegram I Facebook I YouTube I Instagram

Биргина автомобиль шинасини ёқиш – табиат ва инсон саломатлиги учун катта таҳдид

Автомобиль шинасини ёқиш кўпчиликка оддий ҳолдек туюлиши мумкин, аммо бу амалиёт атроф-муҳит ва инсон саломатлиги учун жуда катта зарар келтиради.

Биргина шина ёқилганда ҳавога 200 дан ортиқ зарарли кимёвий моддалар – углерод оксиди, диоксинлар, кадмий, сурма ва свинец моддалари тарқалади. Бу моддалар нафақат ҳавони ифлослантиради, балки тупроқ ва сув манбаларига ҳам сингиб, узоқ муддатли экологик хавф туғдиради.

Шиналар ёқилиши натижасида чиқадиган қора тутун нафас олиш тизимига жиддий зарар етказади, айниқса болалар, кексалар ва нафас йўллари касалликларига мойил инсонлар учун хавфлидир.

Мутахассислар шина ёқиш ўрнига уларни махсус қайта ишлаш корхоналарига топширишни тавсия этишади. Қайта ишланган шиналардан йўл қопламаси, спорт майдончалари қопламаси ва бошқа фойдали маҳсулотлар ишлаб чиқариш мумкин.

Табиатни асраш – ҳар биримиз зиммасидаги масъулиятдир. Бир шина ёқилганда атроф-муҳитга етказиладиган зарар йиллар давомида бартараф бўлмаслиги мумкин.

Telegram I Facebook I YouTube I Instagram

🇺🇿 Ўзбекистон Россиядаги меҳнат мигрантлари учун имтиҳон талабларини енгиллаштиришни таклиф этди

Ўзбекистон Республикаси Вазирлар Маҳкамаси ҳузуридаги Миграция агентлиги раҳбари Беҳзод Мусаев Россияда меҳнат қилаётган ўзбекистонлик фуқаролар учун тил ва билим синовларини соддалаштириш таклифини илгари сурди. Бу ҳақда у “Oʻzbekiston 24” телеканали орқали маълумот берди.

Маълумотларга кўра, Тошкент шаҳрида “Ўзбекистон – Россия меҳнат бозорини барпо этиш” форуми бўлиб ўтди. Анжуманда икки давлат ўртасида меҳнат ҳамкорлигини ривожлантириш, фуқароларнинг ҳуқуқ ва манфаатларини ҳимоя қилиш, шунингдек, иш рухсатномалари билан боғлиқ жараёнларни енгиллаштириш масалалари муҳокама қилинди.

Ҳозирда Россияда тахминан 1,3 миллион ўзбекистонлик меҳнат фаолияти билан шуғулланмоқда. Бу кўрсаткич мавсумий омиллар ва иш берувчилар эҳтиёжига қараб ўзгариб туради.

Ўзбекистон томони рус тили бўйича имтиҳонларни тўғридан-тўғри мамлакат ҳудудида, жумладан вилоятларда ҳам ўтказиш таклифини берган. Россия томони эса ушбу ташаббусни ижобий баҳолаган.

“Имтиҳон жараёнида тарих ёки қонунчиликка оид кўплаб ортиқча ва амалда кераксиз саволлар мавжуд. Биз бу ҳолатларни мисолларда келтирдик ва Россия Инсон ҳуқуқлари кенгаши раҳбарияти ҳам фикримизни қўллаб-қувватлади”, — деди Беҳзод Мусаев.

Миграция агентлиги маълумотларига кўра, жорий йил бошидан буён 400 мингдан ортиқ россиялик фуқаро Ўзбекистонда рўйхатдан ўтган бўлиб, уларнинг 4 мингдан зиёдига расмий ишлаш ҳуқуқи берилган.

Telegram I Facebook I YouTube I Instagram

🏃‍♀️ Нукусда “Саломатлик марафони” старт олди: аҳоли кенг кўламли тиббий кўрикдан ўтказилмоқда

Нукус шаҳрида ўтказилаётган “Саломатлик марафони” доирасида ҳудуд аҳолиси бир ой давомида оммавий скрининг ва профилактик тиббий кўриклар билан қамраб олинади.

Тиббий текширувлар бир вақтнинг ўзида 13 та локацияда — Қорақалпоғистон тиббиёт институти клиникаси ҳамда 12 та оилавий поликлиникада амалга оширилмоқда.

Шунингдек, 3 та жамоат жойида ташкил этилган “Саломатлик майдончалари”да соғлом турмуш тарзини тарғиб қилишга қаратилган тадбирлар, антропометрия, қон босими ва пульс ўлчаш каби кўриклар ўтказилмоқда.

Жараёнга маҳаллий шифокор ва ҳамширалар билан бирга, Республика ихтисослаштирилган тиббиёт марказлари ҳамда бир қатор етакчи хорижий клиникалар мутахассислари ҳам жалб этилган.

Текширув натижалари ягона электрон ахборот базаси — DMED тизимига киритилиб, беморлар саломатлигини доимий равишда мониторинг қилиш имкони яратиляпти.

Шу билан бирга, марафон доирасида ҳудуддаги тиббиёт ходимлари учун воркшоплар ташкил этилмоқда. Улар интерактив машғулотлар орқали ўз билим ва малакасини оширмоқда.

Telegram I Facebook I YouTube I Instagram

«Мен бу циркнинг бир қисми бўлмайман» — Шерзод Игамбердиев ЎФАдан кетди

Ўзбекистон футбол ассоциацияси терма жамоалар бўлими бошлиғи Шерзод Игамбердиев ўз лавозимини тарк этди. У бу қарорини шундай изоҳлади:

«Жимгина рози бўлиб, оқим билан бирга кетиш мумкинмиди? Ҳа, мумкин эди. Мукофотлар, АҚШга сафар ва чиройли суратлар учун. Бироқ мен бу жамоани жуда яхши кўраман ва мамлакатимизни жуда қадрлайман. Шунинг учун йўқ. Мен бу циркнинг бир қисми бўлмайман!»

Аввалроқ, Ўзбекистон терма жамоаси бош мураббийи этиб тайинланиши кутилган Фабио Каннаваронинг маоши ва мураббийлар штаби харажатлари билан бирга тахминан 4 миллион еврони ташкил қилиши ҳақида хабар берилганди.

Telegram I Facebook I YouTube I Instagram

Ҳар бир туман ҳокими ўша туманнинг энг муаммоли зоналарида ташкил этилган хизмат уйларида яшаб ўша ердан ишга қатнаши шарт деб хисоблайман.

☝️ Мансаб - бу орзу хаваслар рўëби эмас аксинча жуда катта  масъулият ва фидоийлик дегани.

Адвокат Абдумаликович