⚡️Қамоқ, кўз ёш ва оқлов: Навоийда 1,5 йиллик азобнинг драматик тарихи…

Навоийда фаолият юритган самарқандлик тадбиркор Шаҳло Худаева тилла дўконлари билан ном қозонганди. Бироқ у “Табассум” номли дўконни сотиб олгач, ўзи билмаган ҳолда жиноят ишига шерик сифатида жалб ва фирибгарликда айбланиб, Кармана судининг ҳукми билан 5 йилга озодликдан маҳрум этилади.

Ҳа, Шаҳло 2024 йилнинг сўнгги байрами – янги йилни қамоқда кутиб олишга мажбур бўлди. Бу даврда эса унинг қўлидаги норасида гўдак ҳаётнинг атиги 2–3 кунини онаси билан ўтказа олган эди холос.

Кармана судининг ҳукми қанчалик асосли ва қонуний бўлган?

Қарийб 10 ойлик азобдан сўнг, бу саволга жавоб топилди: Худаеванинг айби тасдиқланмади. Апелляция тартибида иш кўриб чиқилиб, Навоий вилоят суди 30 сентябрь куни уни оқлади ва суд залидан озод этди.

6 ойлик уй қамоғи ва 10 ойлик қамоқ муддати ортида адолатга ишонган аёл ва унинг оиласи, яқинлари собитлик билан туриб берди. Умид учқунлари йўқолмаганди.

Шаҳлонинг яқинлари Effect.uz орқали халқка мурожаат қилиб, унинг ҳақ-ҳуқуқини ҳимоя қилишга чақиришди, ноҳақлик ҳақида бонг уришди. Бироқ айримлар бу овозларни эшитгиси келмади, чунки улар, айбсиз инсонга тухмат тошлари отишни ўзларига касб қилишганди. Лекин ҳақиқат барибир устун келди. Суд адолатли қарор чиқарди – Шаҳло энди айбсиз!

Бу воқеа яна бир бор кўрсатадики, Ўзбекистонда одил судлов мавжуд ва унга ишониш мумкин. Худаеванинг онаси қизи оқлангач, президент Шавкат Мирзиёевга миннатдорлик билдираркан, мамлакатда бундай оқлов ҳукмлари кўпроқ бўлишини тилаб дуо қилди.

👉 ТЎЛИҚ ВИДЕО

Telegram I Facebook I YouTube I Instagram

Ўзбекистонда субсидияга ариза бериш бошланди

Бугун, 2 октябрдан бошлаб Ўзбекистонда ипотека кредитлари бўйича субсидиялар учун ариза қабул қилиш қайтадан очилди. Бунинг учун Давлат хизматлари марказларига бевосита борган ҳолда ёки my.gov.uz орқали мустақил равишда ариза топшириш керак.

Субсидия ажратишда ижтимоий мезон ишлаб чиқилган. Бунда аризачилар бир нечта мезонлар бўйича балл тўплаши мумкин.

Ойлик маошга қараб ҳудудларда (Қорақалпоғистон ва вилоятлар) қуйидагича балл берилади:

МҲТEКМнинг 2,7 баробаридан 7 баробаригача ёки  3 431 700 сўмдан 8 897 000 сўмгача — 10 балл;
МҲТEКМнинг 7 баробаридан кўп ва 8 баробаригача ёки 8 897 000 сўмдан 10 168 000 сўмгача — 5 балл.

Тошкент шаҳрида эса қуйидагича:
МҲТЭКМнинг 2,7 баробаридан 8 баробаригача ёки 3 431 700 сўмдан 10 168 000 сўмгача — 10 балл;
МҲТЭКМнинг 8 баробаридан кўп ва 9,2 баробаригача ёки 10 168 000 сўмдан 11 693 200 сўмгача — 5 балл.

Бутун мамлакатда ариза берувчи ёки унинг оиласига тегишли мулк ёки турар-жой бўлмаслиги — 20 балл. «Лабор-мигратион» дастурида рўйхатдан ўтган меҳнат мигранти — 10 балл.

Олис ёки чекка ҳудудларда меҳнат фаолиятини амалга оширувчи мутахассислар, тиббиёт ходимлари, 30 ёшгача бўлган ёшлар, оғир ижтимоий аҳволга тушиб қолган аёллар (ажрашган, бева ёки ёлғиз оналар), «Тиббий ижтимоий экспертиза» тизимидан рўйхатдан ўтганлар — 5 баллдан.

Самарқандда сифатсиз қурилиш: тиббиёт марказидаги бино деворлари буздирилмоқда

Самарқанд вилояти ҳудудий қурилиш ва уй-жой коммунал хўжалиги назорати инспекцияси қурилиш объектларида доимий текширувлар ўтказмоқда. Шундай текширувлардан бири Самарқанд вилояти кўп тармоқли тиббиёт маркази ҳудудида янгидан қурилаётган бинода ўтказилганда жиддий қоидбузарликлар аниқланди.

Инспекция маълумотларига кўра, қурилиш жараёнида ШНҚ талаблари қўпол равишда бузилган: базальт қопламаси деворга ёпиштирилганда орқа қисмига тўлиқ клей суртилмаган, иш эса сифатсиз бажарилган.

Бундан ташқари, объект ҳудудида қурилиш маданиятига ҳам риоя этилмагани қайд этилди – майдон қурилиш чиқиндилари билан тўлиб кетган.

Telegram I Facebook I YouTube I Instagram

Метро 18 октябрдан йўловчиларга хизмат кўрсатади

Бир қанча вақт аввал Тошкент метрополитенининг «Ўзбекистон мустақиллигининг 30 йиллиги ерусти ҳалқа йўли» бекатлари профилактик ишлар олиб бориш учун вақтинча ёпилганди.

«Тошкент метрополитени» ДУК маълумот беришича, ҳозирда ишларнинг якуний босқичи амалга оширилмоқда. Шунингдек, поездлар ҳаракати ва йўловчилар хавфсизлигини таъминлаш мақсадида йўналишда поездлар аввал синов тариқасида – йўловчиларсиз – ҳаракатланади.

Агар синов жараёнлари муваффақиятли ўтса, 18 октябрдан йўналиш тўлиқ ишга туширилиши ва йўловчиларга хизмат кўрсатиши кутилмоқда.

Расмий хабар «Тошкент метрополитени» ижтимоий тармоқ саҳифаларида қўшимча эълон қилинади.

Telegram I Facebook I YouTube I Instagram

Ўзбекистон футбол тарихи учун янги саҳифа очилди

Бу сафар кичик мундиал илк бор Марказий Осиё ва Кавказда ўтказилади.

Аввалроқ икки мамлакат футбол уюшмалари қўшма ариза топширган эди ва бугун, 2 октябр куни FIFA Кенгаши якуний қарорни эълон қилди.

Тарихий воқеа — икки халқ учун янги имконият, ёш футболчилар учун эса катта саҳна!

Telegram I Facebook I YouTube I Instagram

Жиноятни яшириш учун тезкор вакилга 10 минг доллар таклиф қилинди

Тасаввур қилинг: кимдир ўз ишини ҳал қилиш учун 10 000 АҚШ долларини тезкор вакилга пора сифатида таклиф қилади.

Аммо ҳуқуқ-тартибот органлари пора орқали масалани ҳал қилиш ҳаракатини вақтида фош этади.

Ҳозирда ҳолат юзасидан жиноят иши қўзғатилиб, тергов жараёнлари олиб борилмоқда.

🔴 Эслатиб ўтамиз, пора бериш ҳам, пора олиш ҳам қонун олдида оғир жавобгарликка олиб келади!

Telegram I Facebook I YouTube I Instagram

Тошкентга 10 млрд сўмлик гул кўчатлари экилади

Халқ депутатлари Тошкент шаҳри кенгаши қарорига кўра, мавсумий гул экиш ишларига 10 миллиард сўм ажратилди.

1,82 млрд сўм – шаҳар ободонлаштириш бошқармаларига
8,18 млрд сўм – туманлар кесимида

Энг кўп маблағ – 815 млн сўм марказий майдонларни ободонлаштириш бошқармасига тўғри келди.
748 млн – алоҳида аҳамиятга эга кўчалар,
190 млн – ҳукумат объектларига хизмат кўрсатиш,
67 млн – фуқароларга хизмат кўрсатиш бошқармаларига ажратилди.

Telegram I Facebook I YouTube I Instagram

Ўзбекистонда ўқитувчилар сони тобора кўпаймоқда

2024/2025-ўқув йили бошида мактаблардаги ўқитувчилар сони сезиларли даражада кўпайган.

Telegram I Facebook I YouTube I Instagram

Хоразмда сайёр қабул: раҳбарлар халқ билан юзма-юз!

Боғот тумани, “Ҳуррият” маҳалласи, 14-сонли болалар мусиқа ва санъат мактабида, 3 октябрь, соат 10:00да.

Қабулда ҳуқуқни муҳофаза қилувчи органлар, суд ва адлия раҳбарлари иштирок этади.

Фуқаролар ўз мурожаат ва саволлари билан тўғридан-тўғри мурожаат қилишлари мумкин.