Россия осмонида Uzbekistan Airways самолёти бизнес-жет билан хавфли яқинлашди

29 сентябрга ўтар кечаси Россиянинг Серпухов шаҳри осмонида йирик авиация ҳодисаси қайд этилди. Самарқанддан Москвага йўналган Uzbekistan Airways’нинг Airbus A320 самолёти ва Бодрумдан учган Embraer Legacy 650 бизнес-жети радиоалоқа узилиши сабабли ҳавода меъёрдан ортиқ яқинлашиб қолган.

Маълум бўлишича, алоқа муаммоси туфайли ўзбекистонлик самолёт белгиланган эшелондан тушиб кетган. Шунинг натижасида икки ҳаво кемаси орасидаги хавфсизлик масофаси кескин қисқарган: горизонтал йўналишда 5 км ўрнига 3 км, вертикалда эса 1000 фут ўрнига 700 фут қолган.

Шунга қарамай, тўқнашув содир бўлмаган ва ҳар икки самолёт ҳам Внуково халқаро аэропортига хавфсиз қўнган.

Россиянинг “Росавиация” агентлиги мазкур воқеани расман авиация инциденти сифатида қайд этди ва текширув бошланди. Расмий маълумотларга кўра, жорий йил бошидан буён Россия ҳаво ҳудудида шунга ўхшаш тўққизта ҳолат кузатилган.

Telegram I Facebook I YouTube I Instagram

“Миллат келажаги сизга омонат” — Алишер Қодиров устоз ва мураббийларни табриклади

Миллий тикланиш партияси раиси, депутат Алишер Қодиров устоз ва мураббийларга табрик йўллади.

У ўз табригида таълим-тарбияга эътибор миллат тақдири учун ҳал қилувчи аҳамиятга эга эканини таъкидлади:

Миллатни обод қилмоқчи бўлганлар таълим-тарбияга ҳомийлик қилиб, устозларни обод қиладилар, барбод қилмоқчи бўлганлар устозлар ҳаққини еб, тарбияни барбод ва миллатни бесавод қиладилар”.

Шунингдек, у Янги Ўзбекистон ислоҳотларининг энг устувор вазифаси таълим-тарбия тизимини ислоҳ қилиш эканини қайд этди. “Миллий тикланиш” партияси ҳам Давлат раҳбарининг ташаббуслари атрофида мустаҳкам туришини маълум қилди.

Ўзбекистонда миллий тараққиёт йўли — Янги Ўзбекистон ислоҳотларининг энг устувор вазифаси таълим-тарбия тизимини ислоҳ қилишдир. “Миллий тикланиш” партияси бутун фидойи тарафдорлари билан бу ислоҳотларнинг бош ташаббускори — Давлат раҳбарининг ёнида, ислоҳотларни натижага олиб бориш учун мустаҳкам туради.

Азиз устоз, ўқитувчи ва тарбиячилар, байрамингиз билан табриклайман! Миллат келажаги сизга омонат эканлигини унутманг,

дея ёзади Қодиров ўз табригида.

Telegram I Facebook I YouTube I Instagram

🌐 Ижтимоий ҳимоя агентлиги халқаро мукофотга сазовор бўлди

2025-йил 27–28 сентябр кунлари Тошкентда Марказий Осиёдаги энг йирик креатив коммуникациялар фестивали — Red Jolbors бўлиб ўтди. Тадбирда 550 дан ортиқ лойиҳа тақдим этилган бўлиб, уларнинг фақат 15 фоизи финалга чиқди.

Ижтимоий ҳимоя миллий агентлиги “Qizimga” лойиҳаси билан иштирок этиб, International Awards йўналишида кумуш совринга сазовор бўлди.

Лойиҳа қиз фарзандга нисбатан стереотипларни йўққа чиқариш, меҳр-муҳаббат ва ижобий муносабатни тарғиб қилишга қаратилган бўлиб, қисқа вақт ичида 5 миллиондан ортиқ инсонни қамраб олди.

Telegram I Facebook I YouTube I Instagram

“Ишончим комил, яқин келажакда ҳар бир ўқитувчи муносиб маош олади” — Саида Мирзиёева.

Президент администрацияси раҳбари ўқитувчи ва мураббийларни касб байрами билан табриклади.

Telegram I Facebook I YouTube I Instagram

Ўзбекистон ўқитувчи ва мураббийларига табрик
—
Поздравление учителям и наставникам Узбекистана

Telegram I Facebook I YouTube I Instagram

⚡️Ўзбекистон ва Иордания стратегик ҳамкорликни кенгайтириш масаласини муҳокама қилди

Иордания подшоҳи Абдулла II Ўзбекистон Президентининг стратегик ривожланиш масалалари бўйича маслаҳатчиси Сардор Умурзоқовни қабул қилди.

Учрашув Ўзбекистон делегациясининг Иорданияга ташрифи доирасида бўлиб ўтди. Мазкур ташриф Абдулла IIнинг ўтган ой Ўзбекистонга қилган расмий сафарида эришилган келишувларни амалга ошириш мақсадида ташкил этилгани таъкидланди.

Музокараларда савдо, инвестиция, соғлиқни сақлаш, таълим, туризм ва мудофаа соҳаларида ҳамкорликни янада ривожлантириш масалалари муҳокама қилинди. Шунингдек, Тошкентда имзоланган 9 та келишув ва протокол ҳамда 3 та англашув меморандумини самарали амалга ошириш учун яқин ҳамкорлик зарурлиги қайд этилди.

Томонлар минтақавий масалалар, жумладан, Ғазо сектори, Ғарбий соҳил ва Қуддусдаги вазият юзасидан ҳам фикр алмашди.

Telegram I Facebook I YouTube I Instagram

Садир Жапаров: Қирғизистонда ўлим жазоси қайта тикланиши мумкин

Қирғизистон президенти Садир Жапаров оғир жиноятлар учун ўлим жазосини қайта жорий этиш таклифини билдирди. Бу ҳақда унинг матбуот котиби Аскат Алагозов маълум қилди.

Баёнотга кўра, Президент Администрациясига болалар, қизлар ва аёлларга нисбатан содир этиладиган жиноятлар учун энг оғир жазо чораларини назарда тутувчи қонун лойиҳасини тайёрлаш топшириқ қилинган.

Ташаббусга 17 ёшли Айсулу Мукашева билан боғлиқ фожиали воқеа сабаб бўлди. У 27 сентябр куни бедарак йўқолган, кейинроқ жасади Кемин туманида топилган. Полиция қўлга олган 41 ёшли шахс қизни ўғирлаб, зўрлаб ва ўлдирганини тан олди.

Telegram I Facebook I YouTube I Instagram

❗️Қонунчиликда ўқитувчиларга берилган айрим имтиёзлар

🔹1 октябрь “Ўқитувчи ва мураббийлар куни” этиб белгиланган ҳамда ушбу кун байрам (дам олиш) куни ҳисобланади.

🔹Болаларга таълим-тарбия берадиган барча педагог ходимлар доимий равишда бепул тиббий кўрикдан ўтказилади.

🔹Педагоглар учун 56 кунлик йиллик ҳақ тўланадиган узайтирилган таътиллар берилади.

🔹Педагоглар ходимлар учун иш вақтининг давомийлиги ҳафтасига кўпи билан 36 соат қилиб белгиланади.

🔹Мактаб ўқитувчиларига фаолиятни баҳолаш мезонлари асосида 10 фоиздан 40 фоизгача, кутубхоначи ва психологларга 10 фоиздан 20 фоизгача устама белгиланади.

🔹Фан олимпиадаси ғолибини тайёрлаган ўқитувчилар рағбатлантирилади.

🔹Ўқитувчилар касал бўлиб қолганида моддий ёрдам берилади.

🔹Олимпиада ғолиби бўлган ўқитувчиларга 150 фоизгача устама берилади.

🔹Ўзи дарс берадиган фани бўйича халқаро тан олинган ва миллий сертификатга эга бўлган ўқитувчиларга уларнинг тариф ставкасига нисбатан 50 фоиз миқдорида ҳар ойлик қўшимча устама тўланади.

🔹“Хорижий тилларни ўқитиш бўйича энг яхши мактаб” танлови ғолиби бўлган мактабга ярим миллиард сўм берилади.

🔹Инклюзив синф ўқитувчиларига 40 фоизгача устама берилади.

🔹Олис ҳудудларда дарс бераётган ўқитувчиларга 50 фоизгача устама берилади.

🔹Математика, физика, кимё ва биология фанлари бўйича халқаро ва республика олимпиадалари ғолибларини тайёрлаган профессор-ўқитувчиларга пул мукофоти берилади.

🔹Кўп йиллик стажга эга педагоглар мажбурий аттестацияга жалб қилинмайди.

🔹Халқаро фан олимпиадаларини тайёрлаган ўқитувчиларга малака тоифаси аттестациясиз берилади.

🔹Республика фан олимпиадаси ғолибларини тайёрлаган ўқитувчилар малака тоифаси бир поғона оширилади.

🔹Тиббиёт соҳаси профессор-ўқитувчиларига даволаш-ташхис ишларини бажарганликлари учун қўшимча ҳақ тўланади.

🔹Таълим муассасаларининг чет тиллар фанлари ўқитувчиларига ойлик устамалар берилади.

🔹Ўқитувчиларнинг фаолиятига аралашганлик учун жавобгарлик бор.

Telegram I Facebook I YouTube I Instagram

Ўзбекистонда интернетдан фойдаланиш тобора оммалашиб бормоқда

Миллий статистика қўмитаси маълумотларига кўра, 2025-йилнинг январ–август ойларида аҳолининг 94,2 фоизи интернетдан фойдаланган. Бу деярли ҳар бир хонадонда интернет мавжудлигини англатади.

Сўнгги йилларда бу кўрсаткич барқарор ўсиб келмоқда:
• 2021-йилда — 76,6 %
• 2022-йилда — 83,9 %
• 2023-йилда — 89 %
• 2024-йилда — 93,3 %
• 2025-йил январ–август ҳолатига кўра — 94,2 %

Шундай қилиб, атиги тўрт йил ичида интернетдан фойдаланиш даражаси 18 фоиздан ортиққа ошди.

Telegram I Facebook I YouTube I Instagram

Тошкент ерусти метроси 18 октябрдан қайта ишга тушиши кутилмоқда

Тошкент метрополитенининг “Ўзбекистон мустақиллигининг 30 йиллиги ер усти ҳалқа йўли” йўналиши яқин кунларда ўз фаолиятини тиклайди.

Маълумотларга кўра, ҳозирда йўналишдаги бекатларда режали профилактика ишларининг якуний босқичи олиб борилмоқда. Шу боисдан поездлар ҳаракати аввал бир муддат синов тариқасида (йўловчиларсиз) амалга оширилади.

Синов жараёнлари муваффақиятли якунлангач, мазкур йўналиш 18 октябрдан одатдаги тартибда йўловчиларга хизмат кўрсатиши режалаштирилган. Бу ҳақда “Тошкент метрополитени” ДУК расмий баёнот берди.

Telegram I Facebook I YouTube I Instagram

«Ўқитувчи ва мураббийлар куни билан ушбу шарафли касб эгаларини самимий табриклайман

Ҳарф ўргатган, илм тарқатган, ҳаётий сабоқ берган барча устозларга раҳмат»,

— Президент администрацияси раҳбари Саида Мирзиёеванинг маслаҳатчиси Комил Алламжонов ўқитувчи ва мураббийларни касб байрами билан табриклади.

Telegram I Facebook I YouTube I Instagram

Тошкентда 26,9 мингдан ортиқ автоулов экологик текширувдан ўтказилди

10 сентябрдан буён пойтахтда 26 минг 900 дан зиёд автотранспорт воситалари экологик назоратдан ўтказилди.

Текширув жараёнида 367 та автоулов атмосферага меъёрдан ортиқ зарарли моддалар чиқараётгани аниқланган.

Маълумот учун, Тошкент шаҳрида “Тоза ҳаво” ойлигининг иккинчи босқичи 10 октябргача давом этади.

Telegram I Facebook I YouTube I Instagram

Устозларга бағишланган фильм томошабинлар қалбини забт этмоқда

Бугун янги фильм кенг жамоатчилик эътиборини тортмоқда. Асарда бутун умрини ёш авлод тарбиясига бағишлаган инсон тақдири ҳақида сўз юритилади. Қаҳрамон қийинчиликлар ва ёлғизликка қарамай, ўз йўлидан қайтмайди.

Фильмда билимга ва таълимга бўлган ишонч, меҳр билан айтилган ҳар бир сўз орқали болалар тақдирини ўзгартириш мумкинлиги кўрсатиб берилган. Қаҳрамон нафақат ўз фарзандларига, балки юзлаб ўқувчиларга ҳам нурли келажак эшигини оча олган.

Агробанк ҳамда Мактабгача ва мактаб таълими вазирлиги ҳамкорлигида суратга олинган ушбу фильм устозликнинг оддий касб эмас, балки буюк қадрият эканини томошабинга эслатади.

Telegram I Facebook I YouTube I Instagram

Афғонистон аҳолиси интернетдан фойдаланиш учун Покистон билан чегара ҳудудларга йўл олмоқда

Бу ҳақда маҳаллий оммавий ахборот воситалари хабар бермоқда.

Аввалроқ NetBlocks халқаро интернет мониторинг хизмати “Толибон” бутун мамлакат бўйлаб интернетни тўлиқ ўчириб қўйгани ҳақида хабар берган эди. Қайд этилишича, интернетга кириш “ахлоқсизликнинг олдини олиш” мақсадида тўсиб қўйилган.

Бу узилишлар ҳаётий муҳим соҳалар, жумладан авиация, банклар, савдо ва оммавий ахборот воситалари фаолиятига жиддий таъсир кўрсатди.

Чоршанба куни Кобул аэропорти парвозларни тўхтатди, чунки авиакомпаниялар алоқадаги муаммолар туфайли парвозларни мувофиқлаштира олмаяпти.

Telegram I Facebook I YouTube I Instagram

Сурхондарёдаги уддабирон фирибгарлар!

EFFECT.uz таҳририятига мурожаат қилган сурхондарёлик фуқаро Т.М.нинг маълум қилишича, у 2025 йил 25 май куни “Учқизил” маҳалла фуқаролар йиғини Tелеграм гуруҳида “Том ёпиш, тарнов ва сув оқизиш тизимлари монтажи хизматлари” ҳақидаги эълонни кўриб, мазкур хизматдан фойдаланишга қарор қилган.

Сизда ҳам муаммо ёки мурожаат борми? @Effectgamurojaat ботига ёки +998909053332 рақамига қўнғироқ қилинг.

Telegram I Facebook I YouTube I Instagram

⚡️Қамоқ, кўз ёш ва оқлов: Навоийда 1,5 йиллик азобнинг драматик тарихи…

Навоийда фаолият юритган самарқандлик тадбиркор Шаҳло Худаева тилла дўконлари билан ном қозонганди. Бироқ у “Табассум” номли дўконни сотиб олгач, ўзи билмаган ҳолда жиноят ишига шерик сифатида жалб ва фирибгарликда айбланиб, Кармана судининг ҳукми билан 5 йилга озодликдан маҳрум этилади.

Ҳа, Шаҳло 2024 йилнинг сўнгги байрами – янги йилни қамоқда кутиб олишга мажбур бўлди. Бу даврда эса унинг қўлидаги норасида гўдак ҳаётнинг атиги 2–3 кунини онаси билан ўтказа олган эди холос.

Кармана судининг ҳукми қанчалик асосли ва қонуний бўлган?

Қарийб 10 ойлик азобдан сўнг, бу саволга жавоб топилди: Худаеванинг айби тасдиқланмади. Апелляция тартибида иш кўриб чиқилиб, Навоий вилоят суди 30 сентябрь куни уни оқлади ва суд залидан озод этди.

6 ойлик уй қамоғи ва 10 ойлик қамоқ муддати ортида адолатга ишонган аёл ва унинг оиласи, яқинлари собитлик билан туриб берди. Умид учқунлари йўқолмаганди.

Шаҳлонинг яқинлари Effect.uz орқали халқка мурожаат қилиб, унинг ҳақ-ҳуқуқини ҳимоя қилишга чақиришди, ноҳақлик ҳақида бонг уришди. Бироқ айримлар бу овозларни эшитгиси келмади, чунки улар, айбсиз инсонга тухмат тошлари отишни ўзларига касб қилишганди. Лекин ҳақиқат барибир устун келди. Суд адолатли қарор чиқарди – Шаҳло энди айбсиз!

Бу воқеа яна бир бор кўрсатадики, Ўзбекистонда одил судлов мавжуд ва унга ишониш мумкин. Худаеванинг онаси қизи оқлангач, президент Шавкат Мирзиёевга миннатдорлик билдираркан, мамлакатда бундай оқлов ҳукмлари кўпроқ бўлишини тилаб дуо қилди.

👉 ТЎЛИҚ ВИДЕО

Telegram I Facebook I YouTube I Instagram