Ўзбекистонда болаларга нисбатан жинсий зўравонлик учун жавобгарлик кучайтирилади

Олий Мажлис Сенатининг ялпи мажлисида вояга етмаганлар ҳуқуқларини ҳимоя қилиш тизимини такомиллаштириш доирасида “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси иккинчи ўқишда моддама-модда кўриб чиқилмоқда.

Қонун лойиҳасида қуйидагилар назарда тутилган:

болалар тасвири туширилган порнографик маҳсулотни сақлаш учун жавобгарлик жорий этиш;

вояга етмаганларни жинсий зўравонликдан, шу жумладан интернет орқали ҳимоя қилиш нормаларини аниқлаштириш;

болаларга нисбатан уятсиз-бузуқ ҳаракатлар учун жавобгарликни кучайтириш мақсадида Жиноят ва Маъмурий жавобгарлик кодексларига ўзгартишлар киритиш;

Жиноят-процессуал кодексига вояга етмаган гувоҳ ва жабрланувчиларни сўроқ қилиш тартибини ҳамда уларнинг қонуний вакиллари иштирокини белгиловчи қўшимчалар киритиш.

Шунингдек, вояга етмаганларни сўроқ қилиш давомийлиги бир кун ичида чекланиши назарда тутилмоқда. Бу эса болаларга психологик юкламани минималлаштиришга хизмат қилади.

Telegram I Facebook I YouTube I Instagram

Россия Украинaга 500 дрон ва 40та ракета йўллади

Россиянинг Украинага йўллаган оммавий ҳужуми оқибатида 500 та дрон ва 40 та ракета ишлатилди. Ҳужум натижасида 4 киши ҳалок бўлди.

Киевдаги беш қаватли уйга ҳам зарба берилган. Унинг вайроналари остида қолиб кетган 12 ёшли қизалоқ ҳаётидан айрилди.

“Бу жирканч ҳужум БМТ Бош Ассамблеяси ҳафталиги якунланиши арафасида содир бўлди ва Россия ўзининг ҳақиқий позициясини айнан шундай намоён этмоқда”,

— деди Владимир Зеленский.

Telegram I Facebook I YouTube I Instagram

“Келдинг, ишладинг, кетдинг.” — ЛДПР мигрантларга пенсия тайинлаш тартибини бекор қилиш ташаббуси билан чиқди

Россия Давлат Думасидаги ЛДПР фракцияси 28 сентябрь куни мигрантлар ва фуқаролиги йўқ шахсларга ижтимоий пенсия тайинлашни бекор қилишни назарда тутувчи қонун лойиҳасини муҳокамага тақдим этди.

Фракция вакиллари таъкидлашича, лойиҳанинг асосий мақсади пенсия тизимини ортиқча мажбуриятлардан ҳимоя қилиш ва давлат бюджети харажатларини қисқартиришдан иборат. Уларнинг фикрича, кўпгина мигрантлар Россия ижтимоий фондига суғурта тўловларини амалга оширмаган ҳолда пенсия олиш ҳуқуқини қўлга киритмоқда. Бу эса маҳаллий фуқаролар манфаатларига зид ҳолат сифатида баҳоланмоқда.

Партия раҳбари Леонид Слуцкийнинг таъкидлашича, мамлакат ҳозирги пайтда махсус ҳарбий операция, ижтимоий ва демографик қийинчиликлар сабаб катта молиявий босимни ҳис қилмоқда.

“Шундай вазиятда давлатнинг чет элликларга пенсия ажратиши тўғри эмас, чунки бизнинг ўз пенсионерларимиз жуда кам маблағ билан кун кечирмоқда”,

— дея таъкидлади у.

Слуцкийнинг қўшимча қилишича, Россия миграция сиёсатида асосий қоида шундай бўлиши керак: “Келдинг, ишладинг, кетдинг.”

Telegram I Facebook I YouTube I Instagram

“Дарахтлар реестри” ишга тушди

“Замин” фонди томонидан “Дарахтлар реестри” лойиҳаси доирасида пойтахтдаги 400 мингдан ортиқ дарахт яшил майдонлар тўғрисидаги тўлиқ маълумотларни ўз ичига олган green.tashkent.uz онлайн платформаси электрон маълумотлар базасига киритилди.

Дарахтлар рақамлаштирилгандан сўнг, улар нави, ҳолати, ёши ва бошқа хусусиятлари бўйича дендролог мутахассислар томонидан текширилади.

Telegram I Facebook I YouTube I Instagram

Тошкент вилоятида боғча болаларининг заҳарланиши бўйича тергов бошланди — Бош прокуратура

24-сентябр куни Тошкент вилоятининг Пискент, Бўка, Бекобод, Қуйи Чирчиқ ва Оққўрғон туманларидаги мактабгача таълим муассасаларида болалар заҳарланиш ҳолатлари қайд этилди.

Вилоят ИИБ ҳузуридаги тергов бошқармаси томонидан бир нечта аутсорсинг корхоналари масъулларига нисбатан Жиноят кодексининг 257-1-моддаси 1-қисми бўйича жиноят иши қўзғатилди. Мазкур иш Бош прокуратура назоратига олинган бўлиб, махсус ишчи гуруҳ тузилди.

Расмий маълумотларга кўра, заҳарланган болалар тўлиқ тиббий кўрикдан ўтказилмоқда ва оғир ҳолатлар аниқланмаган. Шу билан бирга, барча давлат боғчаларига аутсорсинг асосида етказиб берилаётган озиқ-овқат маҳсулотлари бўйича кенг қамровли текширув ишлари олиб борилмоқда.

Тергов якунлари бўйича қўшимча маълумот берилиши таъкидланди.

Telegram I Facebook I YouTube I Instagram

Президент қисқа муддатли меҳнат таътилига чиқди

🇺🇿 Ўзбекистон Республикаси президенти Шавкат Мирзиёев 2025 йил 29 сентябрдан қисқа муддатли меҳнат таътилига чиқди.

Telegram I Facebook I YouTube I Instagram

❗️Мубашшир Аҳмад иши бўйича суд яна 4 кунга қолдирилди

Жиноят ишлари бўйича Учтепа туман судида бугун кўрилиши керак бўлган Алишер Турсунов(Мубашшир Аҳмад) иши бўйича суд мажлиси 2 октябрга қолдирилди.

Ҳимоячининг маълум қилишича, ишни кўраётган судья бетоб бўлиб қолган.

Шу йил 10 май куни қамоққа олинган Мубашшир Аҳмад қарийб 5 ойдан буён ҳибсда сақланмоқда.

Telegram I Facebook I YouTube I Instagram

"Суд менинг 19 йиллик интизорлигимга чек қўйди" — Қашқадарёда 19 йилдан кейин божхона ходими оқланди

Қашқадарё вилоятида 2006 йилда жиноят иши бўйича маҳкум қилинган собиқ божхона инспектори сафга қайта тикланди. Бу ҳақда Олий суд матбуот хизмати маълумот берди.

Маълум қилинишича, у вақтда Сурхондарё вилояти божхона бошқармасида катта инспектор бўлиб ишлаган шахсга хизмат мавқейидан фойдаланиб, ҳамкорлари билан биргаликда катта миқдордаги мандарин маҳсулотларини декларацияга киритмасдан божхона тўловларидан қочиш айблови қўйилган.

Қашқадарё вилояти ва Қарши шаҳар судлари томонидан 2006 йилда чиқарилган ҳукм ва ажрим бу йил бекор қилинди. Жорий йилнинг 22 сентябр куни мазкур шахс X.Ч. тўлиқ оқланди.

“Суд менинг 19 йиллик интизорлигимга чек қўйди. Бу кун мен учун ҳақиқий тантана бўлди”,

— дея ўз хурсандчилигини билдирди фуқаро.

Telegram I Facebook I YouTube I Instagram

Тадбиркорлар янгича ёндашувлар асосида қўллаб-қувватланади

“Тадбиркорлик субъектларини янгича ёндашувлар асосида қўллаб-қувватлаш чора-тадбирлари тўғрисида”ги президент фармони қабул қилинди.

Фармонни қабул қилишдан кўзланган мақсад этиб 2026–2027 йилларда “Тадбиркорликни ривожлантириш компанияси” АЖ томонидан 4 трлн сўмлик молиявий қўллаб-қувватлаш чораларини тақдим этиш орқали 5 мингта тадбиркорлик лойиҳаларини амалга ошириш белгиланди.

Фармонга кўра, 2025 йил 1 ноябрдан Компания томонидан тадбиркорларни молиявий қўллаб-қувватлашга қаратилган қуйидаги қўшимча инструментлар жорий этилади:

🔹 тадбиркорларни “чемпион” тадбиркор тоифасига олиб чиқишга кўмаклашиш учун ишлаб чиқариш ва хизмат кўрсатиш лойиҳаларига тижорат банклари орқали 10 млрд сўмгача кредитлар ажратиш учун ресурс жойлаштириш;

🔹 кичик тадбиркорлик субъектларининг ишлаб чиқариш, хизмат кўрсатиш ва “яшил” иқтисодиёт йўналишидаги микролойиҳаларига тижорат банклари томонидан 500 млн сўмгача ажратилган кредитларни қуйидаги шарт ва ҳолларда қайта молиялаштириш:

▪️ ажратилган кредитнинг фоиз ставкасини 6 фоизгача, бироқ Марказий банк асосий ставкасидан 4 фоизлик пункт юқори ставкагача камайтириш;

▪️ камида 1 йил фаолият юритган ва 2 нафар ходими бўлган тадбиркорларининг 5 та ва ундан ортиқ янги иш ўринларини яратишни назарда тутган лойиҳаларига тақдим этиш.

Telegram I Facebook I YouTube I Instagram

Кечаси телефонингизни қувватлагичда қолдирманг

Тошкент шаҳар ФВБ фуқароларни огохлантирди.

Telegram I Facebook I YouTube I Instagram

⚡️Қурилишдаги коррупция сояси: Пул бор, сифат йўқ, миллиардлар эвазига сотиб олинган хатолар…

Мирзо Улуғбек туманидаги «Янги Ўзбекистон» массивида прокуратура тизими ходимлари учун қурилаётган уйлар юзасидан жиддий эътирозлар билдирилмоқда.

Соҳа мутахассисларидан бири мурожаат билан чиқиб, ҳудудда қурилиш нормаларига зид ишлар амалга оширилаётганини очиқлади.

Коррупция …

Бугунги кунда Ўзбекистонда энг кўп коррупция қайд этиладиган соҳалардан бири — айнан қурилиш. Кўплаб компаниялар қураётган уйлар меъёр ва стандартларга жавоб бермайди.

Сабаб оддий: кам харажат қилиб, кўп фойда олиш. Суриштирув давомида маълум бўлдики, қурувчиларнинг кўпчилиги «кимнингдир жияни, қариндоши».

Махсус комиссия текшируви ҳам четлаб ўтадими?

Президент қарори билан ташкил этилган махсус комиссия текширувлари ҳам бундай камчиликларни кўрмай ўтиши мумкинми?

Нега текширув натижалари қоғозларда шаффоф эмас?

Ҳолат юзасидан масъуллардан расмий муносабат кутамиз.

Telegram I Facebook I YouTube I Instagram

Ўзбекистонда электр энергияси нархи пасайиши кутилмоқда

Ўзатом агентлиги директори Азим Ахмедхўжаев Spot’нинг АЭС қурилиши электр энергияси арзонлашишига олиб келадими, деган саволига нархлар “шубҳасиз пасаяди”, дея жавоб берди.

Telegram I Facebook I YouTube I Instagram

Ҳокимият рестобар эмас, интизом маскани бўлиши керак!

Сўнгги кунларда интернетда тарқалган видео кўпчиликда турли мазмунда савол уйғотди. Dili.me номли блогер Тошкент шаҳар ҳокимлиги биносига бориб, у ерда ишлайдиган опасини табриклаган.

Бир қарашда оддий табрикдек кўринган бу ҳолат ортида мутлақо бошқача манзара кўринади. Чунки блогер табрик чоғида опаси учун турли хизматлар кўрсатган туризм компаниясини ҳам реклама қилган.

Ҳокимлик ахборот хизмати раҳбари Гулноза Қосимованинг Effect.uz’га маълум қилишича, ҳокимият ходимлари блогернинг бундай режаси ҳақида олдиндан хабардор қилинмаган.

Воқеадан сўнг блогернинг опаси билан тушунтириш суҳбати ўтказилган, шунингдек, ҳокимликни қўриқлаётган ходимларга ҳам қўшимча кўрсатмалар берилган.

Telegram I Facebook I YouTube I Instagram

Фермер мажлисга боришга мажбурми?

Бизда селектор, ZOOM, семинар — йиғилишлар жуда кўп. Гоҳ эрталаб, гоҳ кечаси, ҳатто дам олиш куни ҳам чақириш одатга айланган.

👨‍🌾 Фермер эса қонунан ўзига хўжайин, ҳеч кимга бўйсунмайди. Шунинг учун у мажлисга хоҳласа боради, хоҳламаса йўқ.

Амалда эса фермерлар кўпинча мажбуран йиғилишга олиб келинади. Ҳатто баъзан ички ишлар ходимлари уйига бориб, ҳокимнинг топшириғи билан мажлисга олиб чиқади.

❗️Фермер “бормайман” деса, “ходимнинг қонуний талабига бўйсунмади” деб 5–15 суткага қамалиши ҳам мумкин.

👉 Савол туғилади:

Қонуний бўлмаган йиғилишга боришни талаб қилишнинг ўзи қонунийми?

Шуни рад этгани учун фермерни жазолаш тўғрими?

📌 Хулоса:

Фермер — мустақил. Уни мажлисга мажбурлаш қонунга зид. Агар мажлисга чақириш “қонуний талаб” сифатида талқин қилинса, бу фермернинг ҳуқуқларини очиқдан-очиқ бузишдир.

Суратнинг постга алоқаси йўқ.

Telegram I Facebook I YouTube I Instagram

Ўзбекистонда шамолли ва салқин об-ҳаво кутилмоқда

Республиканинг айрим жойларида 1–2 октябрь кунлари ёмғир ёғади. Ҳаво ҳарорати кундуз кунлари 18–21 даражагача, кечалари 8–13 даражагача, шимолда кундуз кунлари 13–16 даражагача, кечалари 4–7 даража илиққача пасаяди.

Республика бўйича баъзи жойларда шамол тезлиги 13–18 м/с гача кучайиши, айрим жойларда чанг-тўзонлар билан кузатилиши мумкин.

Россияда бутун шаҳар электрсиз қолди!

28-сентябр куни кечқурун Белгородда кучли портлашлар юз берди.
Зарба оқибатида иссиқлик электр станцияси ва “Луч” станцияси ишдан чиқди.

Telegram I Facebook I YouTube I Instagram

Бўзсув канали ифлосланмоқда!

Тошкент шаҳар сув таъминоти хабариига кўра, бу муаммо анчадан бери давом этмоқда. Пойтахтдаги учта тозалаш иншооти канални чиқиндилардан тозaлаб улгурмаяпти.

Telegram I Facebook I YouTube I Instagram

Эxтиёт бўлинг “лайк” босманг

Сурхондарёлик фуқаро 6 йил аввал Абдуллох домланинг маърузасига “лайк” босгани учун 3 йилга озодликдан маҳрум этилди.
Суд унинг бу ҳаракатини диний-экстремистик материални тарқатиш деб баҳолаган.

Сурхондарё вилояти Қумқўрғон туман судида ахборот хавфсизлигига оид жиноят иши юзасидан ҳукм эълон қилинди.

Telegram I Facebook I YouTube I Instagram

Нетаньяҳунинг БМТдаги нутқи – залнинг бўшаб қолиши билан ёдда қолди

Исроил Бош вазири Бенямин Нетаньяҳунинг 41 дақиқа давом этган БМТ Бош Ассамблеясдаги нутқидан кўра, унинг бошланишидан олдин юз берган оммавий чиқиб кетиш кўпроқ муҳокамаларга сабаб бўлди.

Telegram I Facebook I YouTube I Instagram