Андижонда Nexia-2 мактаб ўқувчисини уриб юборди

Андижон вилояти Йўл ҳаракати хавфсизлиги бошқармаси хабарига кўра, 25 сентябрь куни соат 15:35 да Андижон шаҳрида йўл-транспорт ҳодисаси содир бўлди.

Маълумотларга кўра, 1993 йилда туғилган ҳайдовчи Nexia-2 русумли автомашинасида “Боғишамол” МФЙ ҳудудидан ўтадиган A-373 халқаро автомобиль йўлида ҳаракатланиб, тартибга солинмаган пиёдалар йўлакчасидан йўлни кесиб ўтаётган, 2015 йилда туғилган мактаб ўқувчисини уриб юборган.

Ҳодиса натижасида ўқувчи енгил тан жароҳати олиб, шифохонага мурожаат этган.

Ҳозирда мазкур ҳолат юзасидан масъул идоралар томонидан суриштирув ишлари олиб борилмоқда.

Telegram I Facebook I YouTube I Instagram

Ўзбек санъатининг фидойиси Шерқўзи Ғозиев 75 ёшида вафот этди

Ўзбек санъатининг фидойиси, машҳур актёр ва ҳажв устаси Шерқўзи Ғозиев 75 ёшида оламдан ўтди.

1950 йилда Фарғонада туғилган санъаткор ёшлигидан саҳнага меҳр қўйиб, “Алиш ва Валиш” дуэти орқали томошабинлар қалбини забт этган. У Ёш томошабинлар театрида, “Телеминатюралар театри” ва филармонияда фаолият юритиб, саҳнага қувонч ва кулгу олиб кирган.

1990 йилда ҳиндлар билан суратга олинган “Чангалозор қироли” фильмида иштирок этган. Кейинчалик “Шерхон” студиясини очиб, бир қанча фильмлар яратиб, ўзбек киноси ривожига ҳам ҳисса қўшган.

Шерқўзи Ғозиев наfaqat актёр, балки халқни кулдирган, ўйлантирган ва кўнгилларга қувонч улашган санъаткор сифатида ёдда қолади.

Telegram I Facebook I YouTube I Instagram

Супер-контракт бекор қилинмади, арзонлаштирилди

Сўнгги кунларда тарқалган “супер-контракт тўлиқ бекор қилинди” деган хабарлар ҳақиқатга тўғри келмайди. Янгича қарор эскисини бекор қилгани билан, “супер-контракт” ўрнига абитуриентлар учун табақалаштирилган контракт жорий этилди.

Янги тизимга кўра, абитуриентнинг ўтиш балидан қанча кам йиғганига қараб тўлов миқдори белгиланади:

1,05 баллга етмаганлар — базавий контрактнинг 1,5 баробари (618 минг сўм),

1,06–2,05 балл — 2 баробари,

2,06–3,05 балл — 2,5 баробари,

3,06–4,05 балл — 3 баробари.


4,05 баллдан ортиққа етолмаганлар учун эса тўловни олий таълим муассасаси раҳбарияти белгилайди, лекин у базавий контрактнинг камида 3 баробари бўлиши шарт.

Telegram I Facebook I YouTube I Instagram

📊 Дунёда энг кўп ўлимга олиб келаётган хасталик маълум қилинди

Сўнгги халқаро ҳисобот маълумотларига кўра, юрак-қон томир касалликлари ҳали ҳам инсоният учун энг катта хавф бўлиб турибди.

🔻 1990 йилда бу касалликлардан 13,1 миллион киши ҳаётдан кўз юмган бўлса, 2023 йилга келиб рақам 19,2 миллионга етган. Бу ҳар учинчи ўлим ҳолатига тўғри келади.

🔻 Кўплаб минтақаларда эркаклар ўлим даражаси аёлларникидан юқорироқ экани ҳам қайд этилган.

🔻 Юрак-қон томир касалликлари ДАЛЙ индикатори (эрта ўлим ёки ногиронлик сабабли йўқотилган соғлом ҳаёт йиллари)да ҳам етакчи омил сифатида қайд этилди.

⚠️ Экспертлар таъкидлашича, хавф омилларининг 80 фоизигача бартараф этиш мумкин: семизлик, юқори қон босими, қанд ва холестерин кўплиги асосий сабаблардан.

✅ Мутахассислар юрак саломатлигини асраш учун қуйидагиларни тавсия қилади:
— овқатланиш тартибини назорат қилиш;
— доимий жисмоний машқлар;
— турмуш тарзини соғлом йўлга қўйиш;
— шифокор кўригидан мунтазам ўтиш.

👉 Сиз ҳам профилактика чораларига риоя қиласизми?

Telegram I Facebook I YouTube I Instagram

Самарқандда илк ер ости чиқинди мажмуаси ишга тушди

Ўзбекистонда биринчи марта ер ости чиқинди мажмуаси Самарқанд шаҳрида қурилди. 2 метр чуқурликдаги, 550 литрли контейнерлар 1000–1500 нафар аҳолига хизмат қилади.

Келгусида яна 5 та шундай мажмуа барпо этилиши режалаштирилган. Шунингдек, бу йил чиқиндидан электр энергия ишлаб чиқарадиган завод ҳам қурилиб, йилига 240 млн кВт электр беради.

Telegram I Facebook I YouTube I Instagram

Тошкент вилоятида 2 мингга яқин боғча тарбияланувчиси заҳарланди

26 сентябрь соат 10:00 ҳолатига қадар қуйидаги туман ва шаҳарларда овқатдан заҳарланиш ҳолатлари қайд этилди:

Оққўрғон — 413 нафар
Бўка — 537 нафар
Пискент — 430 нафар
Қуйи Чирчиқ — 64 нафар
Бекобод — 98 нафар
Олмалиқ — 285 нафар
Нурафшон — 113 нафар

Жами: 1940 нафар боғча тарбияланувчилари заҳарланиш аломатлари билан тиббиёт муассасаларига мурожаат қилди.

Барча болаларга тегишли тиббий ёрдам кўрсатилмоқда.

Тошкент вилояти ИИББ ҳузуридаги тергов бошқармаси томонидан 25 сентябрь куни Жиноят кодексининг 257−1-моддаси 1-қисми асосида жиноят иши қўзғатилган ва тергов ҳаракатлари давом этмоқда.

Шунингдек, «Адолат» партияси фракцияси Бош прокуратурага депутатлик сўрови юбориб, ҳодиса сабабларини ўрганиш ҳамда айбдорларни жавобгарликка тортиш зарурлигини таъкидлади.

Telegram I Facebook I YouTube I Instagram

«Zamin Foundation» - истиқболли, болалар соғломлиги ва келажаги учун қайғурадиган дастур!

Айнан шу дастур доирасида Ўзбекистоннинг биринчи хоними ва кўплаб мамлакатлардан келган олий меҳмонлар иштирокида катта анжуман бўлиб ўтди!

Telegram I Facebook I YouTube I Instagram

Комил Алламжонов Жорж Вашингтон университети CAP дастурига махсус маслаҳатчи этиб тайинланди

Жорж Вашингтон университети ҳузуридаги Европа, Россия ва Евросиё тадқиқотлари институти (IERES) Марказий Осиё дастури (CAP) Комил Алламжоновни дастурнинг махсус маслаҳатчиси этиб тайинлаганини маълум қилди.

Университет президенти Эллер Гранберг Алламжоновни шахсан янги лавозим билан қутлаган.

Алламжонов шу билан бирга Президент Администрацияси раҳбари Саида Мирзиёеванинг маслаҳатчиси сифатида ҳам фаолиятини давом эттиради.

CAP директори Себастьян Пейруз ушбу тайинлов Ўзбекистон ва Марказий Осиёдаги жараёнларни англаш ва уларни халқаро жамоатчиликка етказишда муҳим қадам бўлишини таъкидлади.

Маълумот учун, CAP АҚШдаги энг йирик халқаро муносабатлар мактаби — Эллиотт мактаби қошидаги институт таркибида фаолият юритиб, Марказий Осиё бўйича илмий тадқиқотлар, сиёсий ва дипломатик мулоқот ҳамда халқаро ҳамкорликка йўналтирилган лойиҳаларни амалга ошириб келади.

Дастур Ўзбекистонга илмий, дипломатик ва иқтисодий соҳаларда катта имкониятлар яратиши кутилмоқда.

Telegram I Facebook I YouTube I Instagram

Тошкент вилоятидаги заҳарланиш ҳолати бўйича расмий баёнот: 694 бола шифохонада, 13 нафари оғир аҳволда

Соғлиқни сақлаш вазирлиги Тошкент вилоятидаги бир қатор давлат боғчаларида болалар заҳарланиши билан боғлиқ ҳолат юзасидан ахборот берди.

Маълумотга кўра, жами 1922 нафар, шу жумладан бемор болалар билан мулоқотда бўлганлар ҳам тиббий кўрикдан ўтказилди. Уларнинг 959 нафарида ҳеч қандай клиник белгилар кузатилмагани учун уйларига жавоб берилган. Кейинчалик яна 269 нафар бола соғайиб, уйга қайтарилди.

Ҳозирги кунда вилоятдаги шифохоналарда 694 нафар бола даволанмоқда, улардан 13 нафарининг аҳволи ўртача оғирлиги таъкидланди. Бугун яна 421 нафар болага аҳволи яхшилангани сабабли шифохонадан чиқариш режалаштирилган.

Даволаш жараёнларига Тошкент шаҳридаги 17 та ихтисослаштирилган муассасадан 100 дан ортиқ профессор ва мутахассислар жалб қилинган. Улар замонавий стандартлар асосида тиббий ёрдам кўрсатмоқда.

Вазирлик қошидаги штаб хулосасига кўра, бемор болаларга “ўткир гастроэнтерит” ташхиси қўйилган. Бу касаллик оғир ёки ҳаёт учун хавфли ҳисобланмайди ва асоратсиз ўтиб кетиши қайд этилган.

Ҳозирда эпидемиологик суриштирув ва лаборатория текширувлари давом этмоқда. Вазирлик барча болаларнинг соғлиги давлат назоратида эканини ва вазият барқарорлашиб бораётганини маълум қилди.

Telegram I Facebook I YouTube I Instagram

Кореяда халқаро мусобақа — Ўзбекистон ҳарбийлари яна биринчӣ ўринда!

21–26 сентябр кунлари Корея Республикасида илмий-жанговар тайёргарлик мусобақаси бўлиб ўтди.

Ўзбекистон ҳарбийлари тоғолди, ўрмон ва шаҳар шароитидаги 12 босқичли жанговар синовларда қатнашиб, барча босқичларни муваффақиятли якунлади.

Шартли душман қўмондонлик пунктини 21 дақиқада қўлга олишди — бу янги рекорд!
Мудофаада эса душманни 25 дақиқада яксон қилишди — бу ҳам рекорд кўрсаткич!

Учинчи даражали сержант Бекзод Нодиров «Энг яхши ўқчи» номинациясида ғолиб бўлди.

Шу тариқа Ўзбекистон Мудофаа вазирлиги жамоаси учинчи бор ўтказилган халқаро мусобақада кетма-кет биринчӣ ўринда ғолиб бўлишди.

Telegram I Facebook I YouTube I Instagram

Самарқандда фуқароларни Мексика орқали АҚШга ноқонуний юборишга уриниш фош этилди

Самарқанд шаҳридаги сайёҳлик фирмаси раҳбари 3 нафар фуқарони ишончига кириб, уларни Мексика орқали Америка Қўшма Штатларига ноқонуний юбориш эвазига ҳар биридан 32 минг АҚШ долларидан, жами 96 минг доллар талаб қилган.

Давлат хавфсизлик хизмати ва Иқтисодий жиноятларга қарши курашиш департаменти ҳамкорлигида ўтказилган тезкор тадбирда у олдиндан 15 минг доллар олган пайтида қўлга олинди.

Ҳозирда ушбу шахсга нисбатан Жиноят кодексининг 25, 168-моддаси 4-қисми “а” банди билан жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Сурхондарёда Damas носозлиги сабаб бир неча пиёдани уриб кетди

Сурхондарё вилояти Шўрчи туманида 22 сентябрь куни Damas автомашинаси носозлиги оқибатида қарама-қарши йўлга чиқиб кетиб, пиёдалар ўтиш жойидан ўтаётган 3 нафар пиёдани уриб юборди. Ҳодиса соат 14:00 ларда “Наврўз” маҳалласи ҳудудидаги 4K 592 автомашина йўлининг 2-километрида содир бўлди.

1998-йилда туғилган ҳайдовчи Damasни бошқариб кетар экан, рул бошқарув қурилмасида носозлик юзага келган. Пиёдалар тан жароҳатлари билан туман тиббиёт бирлашмасига етказилди.

Ҳозирда Шўрчи тумани ИИБ томонидан ҳодиса сабабларини аниқлаш мақсадида судга оид тиббий ва техник экспертизалар тайинланиб, терговга қадар суриштирув ишлари олиб борилмоқда.

Видеони кўнгли бўшлар ва ҳомиладор аёллар кўрмаслиги тавсия этилади.

Telegram I Facebook I YouTube I Instagram