🔥 Концерт ичидаги «концерт»… Микрофонда ОМОН…

Россиянинг Красноярск шаҳрида ўзбекистонлик хонанда Жалолиддин Аҳмадалиев концерти давомида мигрантларга қарши навбатдаги рейд ўтказилгани кескин муҳокамаларга сабаб бўлмоқда.

Маълум қилинишича, ФСБ, Росгвардия ва Ички ишлар ходимлари хизмат итлари билан «Корона» зиёфат залига бостириб кирган. 620 нафар меҳмондан 210 нафари хорижлик. Айримлар қўллари қайрилган ҳолда олиб чиқилган.

❗️Натижа: ҳеч қандай қурол ёки тақиқланган модда топилмаган.

Бу каби оммавий текширувлар Россияда узоқ йиллардан буён давом этаётган антимиграцион сиёсатнинг бир кўриниши сифатида баҳоланмоқда.

🇷🇺 Россиялик артистлар Ўзбекистонда ҳеч қандай тўсиқсиз концерт бераётган бир пайтда, Россия ҳудудларида мигрантлар турли баҳоналар билан босим ва таҳқирга учрамоқда.

Мухбир: Диёрбек Базарбаев

Telegram I Facebook I YouTube I Instagram

🎉 Қаршида ҳали ҳеч ким қилмаган акция – энди Grand Sarbon меҳмонхонасида!

✅ 5 нафар меҳмонингиз билан келсангиз, биз сизга қўшимча 1 та хонани мутлақо бепул тақдим этамиз.
✅ 10 нафар меҳмонингиз билан ташриф буюрсангиз, 2 та хонани ҳам бепул қўлга киритасиз.

🏨 Бу ажойиб имконият фақат сентябр ойининг охиригача амал қилади.

📍 Манзил: Қарши шаҳар Ватанпарвар боғи ёнида, мўлжал Тожмаҳал ресторани рўпарасида

☎️ Мурожаат учун: +998787711111

Нурафшон шаҳрида сифатсиз қурилиш ишлари буздирилди

Тошкент вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан ўтказилган рейд давомида Нурафшон шаҳрининг “Нурафшон” маҳалласда барпо этилаётган ишлаб чиқариш корхонаси қурилишида лойиҳа талабларига риоя этилмагани ва ғишт териш ишлари сифатсиз бажарилгани аниқланди.

Аниқланган камчиликлар юзасидан сифатсиз бажарилган ишлар инспекция ходимлари томонидан жойида буздирилди.

Қурилиш ва уй-жой коммунал хўжалиги соҳасида назорат тадбирлари Республика бўйлаб кучайтирилган тартибда изчил давом эттирилмоқда.

Telegram I Facebook I YouTube I Instagram

⚡️ Ҳукумат “супер контракт” тизимини бекор қилди

Вазирлар Маҳкамасининг 2025 йил 13 сентябрдаги 578-сонли қарорига кўра, эндиликда кириш имтиҳонларида 56,7 баллдан кам тўплаган абитуриентлар давлат олий таълим муассасаларида ўқиш ҳуқуқига эга бўлмайди.

Маълумот учун, 2017 йилдаги 393-сонли қарор асосида имтиҳонда минимал баллдан паст натижа кўрсатган абитуриентларга ҳам ўқиш имконияти берилган эди. Улар таълим йўналиши бўйича белгиланган энг юқори контракт миқдорининг 2 баробарида тўлов амалга ошириши шарт бўлган. Халқ орасида бу тартиб “супер контракт” номи билан машҳур бўлган.

Янги қарор билан мазкур тартиб тўлиқ бекор қилинди.

Telegram I Facebook I YouTube I Instagram

"Ўзбекистонда “супер-контракт” эмас, унинг тартиби ўзгартирилди" — Олий таълим, фан ва инновациялар вазирлиги

Ижтимоий тармоқларда тарқалаётган “Ўзбекистонда супер-контракт тўлиқ бекор қилинди” деган хабар ҳақиқатга тўғри келмайди. Бу ҳақда Олий таълим фан ва инновациялар вазирлиги маълум қилди.

Вазирлар Маҳкамасининг 2025 йил 13 сентябрдаги 578-сонли қарори билан 2017 йил 20 июнда қабул қилинган 393-сонли қарор ўз кучини йўқотди.

393-сонли қарорга мувофиқ, кириш имтиҳонларида 56,7 баллдан кам тўплаган абитуриентларга аввал ўқиш имконияти берилган эди. Бунинг учун улар амалдаги оширилган тўлов-контрактнинг таълим йўналиши бўйича белгиланган энг юқори миқдорининг 2 баробари миқдорида тўлов амалга ошириши шарт бўлган. Халқ орасида бу тартиб “супер-контракт” деб аталган.

Ҳозирги кунда айнан шу тартиб бекор қилинди.

Эндиликда тўлов-контракт миқдори амалда ўрнатилган базавий тўлов-контракт миқдорига нисбатан қуйидагича белгиланади:

✅ 1,05 баллгача етмаган абитуриентлар учун — базавий тўлов-контрактнинг 1,5 баробари;
✅ 1,06 баллдан 2,05 баллгача етмаганлар учун — 2,0 баробари;
✅ 2,06 баллдан 3,05 баллгача етмаганлар учун — 2,5 баробари;
✅ 3,06 баллдан 4,05 баллгача етмаганлар учун — 3,0 баробари.

Қабул чегарасига 4,05 баллдан ортиқ етмаган абитуриентлар учун эса тўлов-контракт миқдори олий таълим муассасалари раҳбарлари томонидан, базавий контрактнинг 3,0 баробаридан кам бўлмаган тартибда белгиланади.

Telegram I Facebook I YouTube I Instagram

Кўп қаватли уйлар ёнидаги яшил майдонларни бетонлаштириш учун жавобгарлик белгиланади

Олий Мажлис Қонунчилик палатаси депутатлари кўп қаватли уйларга туташ тупроқли ва яшил майдонларни ўзбошимчалик билан бетонлаштириш учун жавобгарлик белгилашни назарда тутувчи қонунни қабул қилди. Ҳужжат Сенатга юборилди.

Лойиҳага кўра, қонунга хилоф равишда ўрмон фонди ерларини бериш ва уларда бино-иншоотлар қуриш, шунингдек, кўп квартирали уйларга туташ ер майдонларини бетонайтириш ҳамда турли қурилмалар ўрнатиш учун ҳам жавобгарлик белгиланади.

Telegram I Facebook I YouTube I Instagram

‼️ Метан заправкаларда техник кўрикдан ўтмаган машиналарга газ қуйилмайди

Эндиликда метан заправкаларда янги тартиб жорий этилди. Унга кўра, агар автомашинанинг газ баллони техник кўрикдан ўтмаган бўлса ёки унинг амал қилиш муддати тугаган бўлса, бундай транспорт воситаларига газ қуйилмайди.

Бу чора хавфсизликни таъминлаш ҳамда йўл-транспорт воситаларида келиб чиқиши мумкин бўлган ёнғин ва портлашларнинг олдини олиш мақсадида жорий қилинган.

Telegram I Facebook I YouTube I Instagram

♨️ Хоразмда блогер оқланди, аммо хурсанд бўлишга эрта…

Хоразмлик блогер Иззат Бойназаровга қўйилган энг оғир айблов — терроризмни молиялаштириш судда тасдиқланмади. Вилоят суди судьяси Маҳмуд Маҳмудов раислигидаги судлов ҳайъати уни бу айбловдан тўлиқ оқлади

Бироқ блогер ҳозирча панжара ортида. Сабаби — у бошқа иш доирасидаги жиноий иш бўйича ҳам айбдор.

Унинг қамоққа ташланиши унинг тўғридан-тўғри фаолияти — ижтимоий тармоқлардаги чиқишлари билан боғлиқ эканлиги одамни ўйлантирмай қўймайди. Чунки, ишни судга оширган Хазорасп прокуратураси унга айнан блогерлар кўп дуч келадиган навбатчи моддаларни қўллаган.

📌 Ноябрда Бойназаров қамоққа олинганига бир йил тўлади. Бу вақт оиласи учун оғир синов бўлди. Савол: бунинг бадалини ким тўлайди?

Суд адвокатлар илтимосномалари инобатга олгани, иш пухта ўрганилгани ва суд ҳайъати чиқарган оқлов ҳукми мамлакатда одил судлов борлигини кўрсатмоқда.

Бироқ хурсанд бўлишга ҳали эрта: кейинги суд жараёнлари ҳақиқий адолат қай даражада қарор топишини ҳал этади.

👉 EFFECT.UZ воқеалар ривожини кузатиб боради.

👉 ТЎЛИҚ ВИДЕО

Telegram I Facebook I YouTube I Instagram

♻️ «World Cleanup Day»: Ўзбекистонда 55 минг тоннадан ортиқ чиқинди тозаланди

20 сентябрь куни Ўзбекистоннинг барча ҳудудларида «World Cleanup Day» — «Бутунжаҳон тозалик куни» доирасида оммавий плоггинг акцияси ўтказилди.

Тадбир «Ҳаёт учун жой ажратинг» шиори остида Экология, атроф-муҳитни муҳофаза қилиш ва иқлим ўзгариши вазирлиги ҳамда унинг ҳузуридаги Чиқиндиларни бошқариш ва сиркуляр иқтисодиётни ривожлантириш агентлиги ташаббуси билан амалга оширилди.

Чиқиндилар муаммоси

Чиқиндиларни бошқариш агентлиги директори Шарифбек Ҳасанов акцияни очиш маросимида шундай деди:

«Чиқиндилар сектори иқлим ўзгариши, биологик хилма-хилликнинг йўқолиши ва атроф-муҳитнинг ифлосланишига сабаб бўлмоқда. Статистик маълумотларга кўра, мамлакатимиз бўйича бир кунда 19–20 минг тонна чиқинди ҳосил бўлади. Улар турли хил металлар, шиша идишлар, қоғоз, пластик ҳамда озиқ-овқат маҳсулотлари қолдиқларидан иборат. Биргина 2024 йилда республикада йиғилган жами 14 миллион тонна чиқиндиларнинг фақат 5,2 фоизи қайта ишланган».

Якуний мақсад

Ташкилотчиларнинг таъкидлашича, мазкур акция нафақат шаҳар ва қишлоқларни тозалаш, балки аҳолида экологик маданиятни шакллантириш ва чиқиндиларни қайта ишлашга қизиқиш уйғотишга ҳам хизмат қилади. Бу эса мамлакатда сиркуляр иқтисодиёт ривожига олиб келиши кутиляпти.

Telegram I Facebook I YouTube I Instagram

⚡️Марғилонда аҳолига сотилган арзон уйлар: имтиёзми ёки тузоқ?

Effect.uz'да ёритилган «Марғилон ҳокими халқдан юз ўгирдими?» сарлавҳаси билан тарқалган репортаж катта муҳокамаларга сабаб бўлди.

Видеомурожаатда бир гуруҳ фуқаролар «Турон» маҳалласи, «Янги Фарғона» кўчаси, 93-уй манзилида қурилган 4 та кўп қаватли уйлар нархи оширилгани ва бошқа масалалар юзасидан норозилик билдирган.

Фуқароларнинг айтишича, улар бу масала юзасидан бир неча бор тегишли ташкилотларга мурожаат қилган, аммо қониқарли жавоб ололмаган. Марғилон ҳокимлиги ҳолат юзасидан муносабат билдирди.

👉 Батафсил ўқиш

👉 ВИДЕО РЕПОРТАЖ

Telegram I Facebook I YouTube I Instagram

“Ҳар гал Самарқандга келганимда, отам билан маънавий мулоқотни ҳис қиламан” — Лола Тиллаева

Лола Каримова (Тиллаева) Самарқандга сафар қилиб, ижтимоий тармоқдаги саҳифасида бу ҳақда фикр билдирди. У ташриф чоғида отаси – Ислом Каримовнинг мамлакат давлатчилиги ва сиёсий ривожланишига қўшган ҳиссасини ёдга олди.

“Ҳар гал бу ерга келганимда, мен отам билан учрашувни бир нечта даврларда, турли вақт кесимларида янада чуқур ҳис қиламан”, — дейди Лола Тиллаева.

Унинг таъкидлашича, хотира орқали аввал аҳамиятсиз туюлган, аммо кейинчалик катта маъно касб этган лаҳзалар намоён бўлади. “Бу гал ҳам худди шундай бўлди – мен яна саволларимга жавоб излаб, отам билан маънавий мулоқот қилдим”, — деб ёзади у.

Лола Тиллаева фикрига кўра, отасининг меросига турлича муносабат бўлиши мумкин, аммо кўпгина ўзбекистонликлар бу масканда ҳис қиладиган туйғулар мамлакатнинг шаклланиш даври ва миллий ўзлиги билан чамбарчас боғлиқ.

“Цивилизациялар чорраҳасида жойлашган Ўзбекистон бугунги давлатга айланган бўлса, бунинг асосий омилларидан бири – Биринчи Президентимиз, менинг отамнинг шахсий ҳиссаси бўлган. Янги мустақил мамлакатнинг тинчликда яшаши ва ривожланиш имконияти кўп жиҳатдан Президент Каримовнинг хизматлари билан боғлиқ эди”,

— дея таъкидлади Лола Тиллаева.

Унинг фикрича, отасининг энг катта хизматлари икки нарса билан ифодаланади:
— тинчлик;
— янги давлатнинг ўзини идентификация қилиши.

“Мен учун унинг мақбарасини зиёрат қилиш жуда муҳим эди. Мен юртимга ва халқимга тинчлик ҳамда фаровонлик тилайман”,

— деди Лола Тиллаева.

Telegram I Facebook I YouTube I Instagram

❗️Ўзбекистон катта қийматда олтин сотиш бўйича рекордини янгилади

📊 Жорий йил январ–август ойларида Ўзбекистон жами 22,98 млрд долларлик товар ва хизматлар экспорт қилди. Статистика қўмитаси маълумотига кўра, мазкур қийматнинг 8,42 млрд доллари (36,7%) олтин сотуви ҳиссасига тўғри келади. Бу мамлакат тарихида қайд этилган энг юқори кўрсаткичдир. Яъни, ўтган даврларда ҳатто йиллик сотувлар ҳам бу саккиз ойлик қийматга етмаган.

Таққослаш учун:
➖ 2024 йил январ–августда олтин экспорти 4,98 млрд доллар бўлган;
➖ 2023 йилда олтин экспорти кескин ўсиб, 8,1 млрд долларга етган;
➖ 2021 ва 2022 йилларда ҳар бири бўйича қиймат 4,1 млрд доллардан ташкил этган.
➖ 2018 йилда – 2,9 млрд доллар,
➖ 2019 йилда – 4,9 млрд доллар,
➖ 2020 йилда – 5,8 млрд долларлик олтин сотилган.

🏦 2025 йил 1 сентябр ҳолатига кўра, Ўзбекистоннинг олтин-валюта захиралари қиймати биринчи марта 50,1 млрд долларга етди. Шундан 40 млрд доллардан ортиғи олтин ҳиссасига тўғри келади. Мамлакат захирасида 11,8 млн унсия (334,5 тонна) олтин мавжудлиги қайд этилган.

Telegram I Facebook I YouTube I Instagram

❌ «Оғриқ мутлақо изсиз кетади»: «NIKA PHARM» нотўғри реклама учун жаримага тортилди

Ўзбекистонда дори воситаларини реклама қилишдаги қонунбузилиш ҳолатлари яна бир бор жамоатчилик эътиборини тортди.

Рақобат қўмитаси томонидан ўтказилган мониторинглар натижасида ижтимоий тармоқларда тарқалган реклама материаллари қонун талабларига зид экани аниқланган.

Масала нимада?

“Forsil – оғриқ мутлақо изсиз кетади” деган шов-шувли реклама кенг тарқалди. Бир қарашда бу оддий рекламадек кўринади, аммо қонунчилик нуқтайи назаридан — бу нотўғри. Чунки «Реклама тўғрисида»ги қонуннинг 34-моддаси аниқ белгилайди:

рецептсиз бериладиган дори воситаларини реклама қилишда унинг таъсири кафолатлангани ҳақидаги маълумот берилиши мумкин эмас.

Ҳолат ортидан қўмитанинг махсус комиссияси иш қўзғатди ва “NIKA FARM” МЧЖга нисбатан молиявий жарима қўллади.

Шу билан бирга, қонунбузилиш ҳолатини зудлик билан бартараф этиш ва келгусида бу каби ҳолатларга йўл қўймаслик ҳақида кўрсатма берилди.

❓ Савол: Нега компаниялар қонун талабларини билган ҳолда ҳам шундай йўл тутади? Реклама орқали тез фойда орттириш истагими ёки назорат механизмларига суянган «ўрганилган беэътиборлик»ми?

Ўйлаймизки, бу қарор фармацевтика соҳасида масъулият ва шаффофликни оширишга сабаб бўлади. Ахир, гап инсонлар саломатлиги ҳақида кетяпти.

Telegram I Facebook I YouTube I Instagram

Жиззахда 2 ГВт қувватли катта ва 110 МВт қувватли кичик АЭС қурилиши режалаштирилмоқда

Жиззах вилоятида қуввати 2 ГВт бўлган катта атом электр станцияси ва 110 МВт қувватли кичик АЭС қурилиши режалаштирилмоқда. Бу ҳақда 25 сентябрда Москвада бўлиб ўтган Глобал атом форумида Ўзбекистон бош вазири ўринбосари Жамшид Ходжаев маълум қилди.

“Бизнинг Росатом билан ҳамкорликдаги лойиҳамиз мамлакат тарихидаги илк АЭС бўлиб, ўзига хос хусусиятларга эга. Жиззахдаги ягона майдончада ҳар бири 1000 МВт қувватга эга иккита йирик реактор ва ҳар бири 55 МВт қувватли иккита кичик реактор қурилади. Бу комбинация 2,1 ГВт асосий қувват ва мослашувчан манёвр имкониятларини таъминлайди”,

— деди Ходжаев.

Унинг сўзларига кўра, 2035 йилга бориб 525 гектар майдондаги станция 15 млрд кВт/соатдан ортиқ энергия ишлаб чиқаради.

“Росатом” бош директори Алексей Лихачев Ўзбекистон ҳукумати кичик АЭС майдонига иккита йирик блокни қўшиш қарорини маълум қилди. “Биз Ўзбекистон билан бу борада фаол иш олиб бормоқдамиз”, — деди у.

“Ўзатом” директори Азим Ахмедхаджаев эса кичик ва йирик АЭС лойиҳаларини интеграциялаштириб, атом энергетикаси моделини ривожлантириш режасини маълум қилди. Унинг таъкидлашича, Ўзбекистон кичик модулли реакторлар бўйича пешқадам бўлиб, уларни йирик реакторлар билан интеграциялаб ривожлантириш режалаштирилмоқда.

Ахмедхаджаевнинг қўшимча қилишича, 2025 йил кузда Жиззахдаги кичик АЭС учун котлован қазиш ишлари бошланади. “Бир йил ичида майдонда ер ишлари бошланди ва барча тадқиқотлар якунланди. Президентимиз мартда биринчи бетонни қуйиш вазифасини қўйди”, — деди у.

Унинг сўзларига кўра, рухсатнома ва лицензиялар олиш, лойиҳанинг халқаро хавфсизлик талабларига мувофиқлигини текшириш МАГАТЭ билан параллел равишда олиб борилмоқда.

Telegram I Facebook I YouTube I Instagram

АҚШда 38 йил ноҳақ қамоқда ўтирган фуқаро 25 млн доллар товон пули олди

Бу Калифорнияда ноҳақ судланганлик учун белгиланган энг катта товон пули ҳисобланади.

Калифорнияда 38 йил давомида қилмаган жинояти учун қамоқда сақланган 72 ёшли Морис Хастингсга 25 миллион доллар миқдорида товон пули тўланди. Бу штат тарихида ноҳақ судланганлик учун тайинланган энг катта компенсация ҳисобланади.
 
Морис Хастингс 1983 йилда Роберта Видермайер қотиллиги учун айбланиб, умрбод қамоқ жазосига ҳукм қилинган эди. 2022-йилда ўтказилган ДНК экспертизаси унинг айбсизлигини исботлади. Таҳлил жабрланувчи танасидан олинган биологик намуна Морис Хастингсга эмас, балки бошқа шахс – кейинчалик бошқа жиноят учун ҳибсга олинган ва қамоқда вафот этган Кеннет Пакнетга тегишли эканини кўрсатди.
 
Суд 2023 йилда Хастингсни оқланди деб тан олди. У ўз чиқишида Инглевуд полицияси ҳамда Лос-Анжелес туман прокуратураси томонидан унга қарши далиллар сунъий равишда яратилганини таъкидлади.
 

“Ҳеч қандай пул мендан тортиб олинган 38 йиллик ҳаётни қайтара олмайди”,

– деди Хастингс.
 
Мазкур иш юзасидан тайинланган 25 миллион долларлик товон пули 2025 йил август ойида келишув асосида белгиланган, ҳужжатлар эса 22 сентябр куни оммага эълон қилинди.

Telegram I Facebook I YouTube I Instagram