Наманганда поезд ва «Gentra» тўқнашувида 6 киши ҳалок бўлди

2025 йил 13 сентябрь куни Наманган вилоятида Чортоқ ва Уйчи бекатлари ўртасидаги қўриқланмаган темирйўл кесишмасида йўл-транспорт ҳодисаси содир бўлди.

Йўл ҳаракати қоидаларини бузган «Gentra» ҳайдовчиси яқинлашиб келаётган поезд олдидан ўтиб кетишга уринган. Автомобилда беш аёл ва бир кичик бола бўлиб, кучли тўқнашув оқибатида уларнинг ҳеч бири тирик қолмаган.

Маълумотларга кўра, поезд машинистлари шошилинч тормоз қўллаган, аммо фожианинг олдини олиш имкони бўлмаган. Поездга озгина зарар етган.

“Ҳурматли транспорт воситалари ҳайдовчилари! “Темирйўл кесишмалари орқали ҳаракатланиш қоидаларни билиш ва уларга риоя қилиш муҳимлигини эслатиб ўтамиз!"

дейилади "Ўзбекистон темирйўллар" АЖ хабарида.

Ҳодиса юзасидан суриштирув ишлари олиб борилмоқда.

Telegram I Facebook I YouTube I Instagram

Муроджон Аҳмадалиев ва Наоя Иноуэ ўртасидаги жанг бошланиш арафасида

Профессионал бокс оламида катта мухлислар армиясига эга ўзбек боксчиси Муроджон Аҳмадалиевнинг япониялик Наоя Иноуэга қарши жанги старт олди.

Йилнинг энг кутилган ва шов-шувли баҳсини телевидение орқали томоша қилиш мумкин.

Ҳамюртимизни биргаликда қўллаб-қувватлайлик!

Telegram I Facebook I YouTube I Instagram

Тошкентда ўқувчилар пичоқлашгани юзасидан ИИББ расмий муносабат билдирди

Ижтимоий тармоқларда тарқалган мактаб ўқувчилари жанжалга аралашгани ҳақидаги маълумотлар юзасидан Тошкент шаҳар ИИББ ахборот хизмати изоҳ берди.

Маълумотларга кўра, 2025 йил 11 сентябрь куни соат 22:30 ларда Миробод тумани Қўйлиқ мавзесида 2005 йилда туғилган Б.Ф. таниши Ж.Э. билан юрган вақтида уларга нотаниш йигитлар билан оғзаки тортишув содир бўлган.

Шундан кейин Б.Ф. ва Э.Х.лар улардан бири — 2008 йилда туғилган вояга етмаган Ш.О. билан жанжаллашиб қолган. Тўқнашув вақтида Б.Ф. ўткир тиғли буюм билан Ш.О.га тан жароҳати етказган.

Жабрланувчи шифохонага ётқизилган бўлиб, унинг ҳолати шифокорлар назоратида.

Ҳодиса юзасидан Миробод тумани ИИО ФМБ Тергов бўлими томонидан Жиноят кодексининг 277-моддаси («Безорилик») бўйича жиноят иши қўзғатилган. Тергов ҳаракатлари олиб борилмоқда.

Telegram I Facebook I YouTube I Instagram

❗️Эркинжон Турдимов ҳоким ўринбосарлари фаолиятини танқид қилди

Эркинжон Турдимов таъкидлашича, ҳокимликлардаги айрим ўринбосарларнинг аниқ иш самараси кўринмаяпти. Уларнинг фаолияти саволлар уйғотмоқда, шу билан бирга улар давлат ҳисобидан юқори маош ва хизмат машинаси билан таъминланган.

Telegram I Facebook I YouTube I Instagram

Муроджон Аҳмадалиев Наоя Иноуэга қарши жангда мағлуб бўлди

Япониянинг Нагоя шаҳрида бўлиб ўтган профессионал бокс кечасида ўзбекистонлик боксчи Муроджон Аҳмадалиев жаҳоннинг мутлақ чемпиони Наоя Иноуэ билан тўқнаш келди.

Иккинчи енгил вазн тоифасидаги асосий жанг 12 раунд давом этди. Ҳақамлар якдил қарор билан япониялик боксчи Иноуэни ғолиб деб топишди.

Натижада Наоя Иноуэ WBA, WBO, WBC ва IBF чемпионлик камарларини ўз қўлида сақлаб қолди, Аҳмадалиев эса мағлубиятга учради.

Telegram I Facebook I YouTube I Instagram

Дунё университетлари Исроил таълим муассасаларини бойкот қилмоқда

Ғазодаги уруш сабабли жаҳоннинг қатор нуфузли университетлари Исроил академик муассасалари билан ҳамкорликни тўхтатмоқда.

Бразилия, Норвегия, Белгия, Испания ва Ирландия олийгоҳлари илмий дастурларни бекор қилди, Амстердам университети эса Қуддусдаги Яҳудий университети билан талабалар алмашинувини тўхтатди.

Фаластинни қўлловчи фаоллар академик муассасаларни давлат сиёсатида айбласа, Британия, Франция ва Германия университетлари бойкотга қарши чиқмоқда.

Европа Иттифоқи Исроилни “Horizon Europe” дастуридан қисман чиқаришни таклиф қилмоқда, бу эса молиялаштиришга салбий таъсир кўрсатиши мумкин.

Олимлар орасида “brain drain” хавфи ормоқда. Британиядаги фаластинлик жарроҳ Ғассон Абу-Ситта таъкидлаганидек:

“Академик бойкот Исроил ҳукуматини тўхтатишга мажбур қилувчи кучли восита бўлиши мумкин”.

БМТ маълумотларига кўра, 2023 йил октябридан буён Ғазода 64 мингдан ортиқ инсон ҳалок бўлган. Aсосий қисми — тинч аҳоли.

Telegram I Facebook I YouTube I Instagram

❓Устама олаётган ўқитувчиларга мукофот пули бериладими?

Мактабгача ва мактаб таълими вазирлиги юридик бўлими ходимлари ушбу саволга изоҳ берди.

Маълум қилинишича, 2019 йил 30 сентябрдаги Вазирлар Маҳкамасининг 823-сон қарорига асосан, педагог, психолог ва кутубхона ходимларига ҳар ойлик устама белгиланиши уларни мукофотлаш ва моддий рағбатлантириш ҳуқуқидан маҳрум этмайди. Бу жараён Жамғарма маблағлари доирасида ишчи гуруҳ қарори ва педагогик кенгаш фикри асосида амалга оширилади.

Шунингдек, Низомга кўра, умумтаълим муассасалари ходимлари ҳар йили “1 октябрь — Ўқитувчи ва мураббийлар куни” муносабати билан меҳнатга ҳақ тўлашнинг энг кам миқдорининг 75 фоизигача миқдорда мукофотланиши мумкин.

Бундан ташқари, Президент мактабларига танлов асосида қабул қилинган ҳар бир ўқувчи учун тегишли фан ўқитувчилари базавий тариф ставкасининг икки бараварига тенг бир марталик мукофот билан рағбатлантирилиши мумкинлиги ҳам белгиланган.

Вазирлик таъкидлашича, мукофот пулини тақсимлашда адолат ва холислик принципларига амал қилинади.

Telegram I Facebook I YouTube I Instagram

Тошкентда янги “ISUZU CITIPORT CNG” автобуси қатнай бошлайди

Тошкент шаҳар йўловчи транспорти тизимида синов тариқасида янги автобус ҳаракати йўлга қўйилади.

Маълумотларга кўра, Туркияда ишлаб чиқарилган, сиқилган табиий газда ҳаракатланувчи экологик тоза ва юқори сиғимли “ISUZU CITIPORT CNG” русумли автобус “Тошшахартрансхизмат” АЖ ҳамда Anadolu Isuzu ҳамкорлигида олиб келинди.

Ушбу автобус тажриба тариқасида пойтахтнинг 77-йўналишида қатнайди.

“Тошшахартрансхизмат” АЖ ахборот хизмати хабарига кўра, синов натижаларига қараб, келгусида шундай автобусларнинг сони кўпайтирилиши мумкин.

Telegram I Facebook I YouTube I Instagram

🥇 Асадхўжа Мўйдинхўжаев — яна жаҳон чемпиони!

Ливерпулдаги жаҳон чемпионати финал босқичи қизғин паллага кирди. Париж-2024 Олимпиадаси ғолиби, -65 кг вазн тоифасида куч синашаётган Асадхўжа Мўйдинхўжаев рингга чиқди.

Ҳамюртимиз бразилиялик рақиби Юрий Фалкао Дос Рейсни 4:1 ҳисобида мағлуб этди ва мамлакатимиз терма жамоаси ҳисобига иккинчи олтин медални қўшди.

Бу натижа билан Асадхўжа Мўйдинхўжаев икки карра жаҳон чемпионига айланди.

Telegram I Facebook I YouTube I Instagram

Учинчи олтин медаль қўлга киритилди

Жавоҳир Умматалиев терма жамоамизга учинчи олтин медални келтирди.

Франциялик Йожерлан Цезар билан баҳс олиб борган Умматалиев рақибини енгиб ушбу вазнда тенгсиз эканини исботлади.

Telegram I Facebook I YouTube I Instagram

Ислом мамлакатлари етакчилари Исроилнинг Доҳага зарбасини муҳокама қилмоқда

Al Jazeera маълумотича, Ислом ҳамкорлик ташкилотига аъзо 57 давлат етакчилари Доҳада ёпиқ эшиклар ортида йиғилиш ўтказмоқда. Учрашув яқинда ҲАМАС етакчиларига қаратилган ҳаво ҳужумларидан сўнг Исроилга нисбатан чоралар кўриш масаласига бағишланган.

Манбаларга кўра, йиғилишда Эрон президенти Масъуд Пизишкиён, Покистон бош вазири Шаҳбоз Шариф ва Малайзия бош вазири Анвар Иброҳим иштирок этмоқда.

Эслатиб ўтамиз, 9 сентябрь куни Исроил ҳарбий самолётлари Доҳадаги ҲАМАС раҳбарияти жойлашган бинога зарба берган, оқибатда гуруҳнинг 5 нафар аъзоси ҳалок бўлгани хабар қилинганди.

Telegram I Facebook I YouTube I Instagram

Кластернинг ошиғи олчи, фермер ҳароб аҳволда!

EFFECT.UZ журналистлари айни пайтда Андижон вилоятида бўлиб туришибди.

Бунинг сабаби Марҳамат туманидаги кластер ҳамда фермер ўртасида юзага келган можаро.

Мазкур зиддиятли вазият юзасидан журналист Акмал Эшонхонов ўзининг шахсий фикрлари билан ўртоқлашди.

Telegram I Facebook I YouTube I Instagram

Навбаҳор Ҳамидова жаҳон чемпионатида иккинчи бор кумуш медалга эга чиқди

Ўзбекистонлик боксчи Навбаҳор Ҳамидова (-65 кг) жаҳон чемпионати финалида яна рингга кўтарилди. Ҳал қилувчи баҳсда ҳамюртимиз қозоғистонлик Аида Абикеевага қарши жанг қилди ва афсуски ғалабани бой берди. Шу тариқа, Ҳамидова мусобақани кумуш медал билан якунлади.

Telegram I Facebook I YouTube I Instagram

Президент Шавкат Мирзиёев Бўстонлиқ туманида ўқитувчи ва мураббийлар билан мулоқот қилади

Бугун Президент Шавкат Мирзиёев Тошкент вилоятининг Бўстонлиқ туманига ташриф буюради ҳамда ўқитувчи ва мураббийлар билан мулоқот қилади.

Тадбирда давлат раҳбари таълим-тарбия тизимида алоҳида ўрнак кўрсатган ходимларга давлат мукофотларини тантанали топширади. Шунингдек, таълим сифати ошириш, ўқитувчи ва мураббийларни янада қўллаб-қувватлаш масалалари муҳокама этилади.

Ташриф доирасида туманда амалга оширилаётган бунёдкорлик ишлари билан ҳам танишиш режалаштирилган.

Telegram I Facebook I YouTube I Instagram

Абдуқодир Ҳусанов дербида ёрқин ўйини билан ажралиб турди

«Манчестер Сити» таркибида майдонга тушган Абдуқодир Ҳусанов «МЮ»га қарши дербида тўлиқ ҳаракат қилиб, жамоанинг энг яхши футболчиларидан бири сифатида намойиш этилди. Унинг ўйиндаги муҳим эпизодлари алоҳида видеотасвирга жамланди.

Telegram I Facebook I YouTube I Instagram

Президент Мирзиёев: “энг катта бойлик — ақл ва илм”

Шавкат Мирзиёев таъкидлаганидек, “Энг катта бойлик — бу ақл заковат ва илм. Энг катта мерос — бу яхши тарбия. Энг катта қашшоқлик — бу билимсизликдир”.

Давлат раҳбарининг ташаббуси билан мактабгача ва мактаб таълими соҳасида амалга оширилган ислоҳотлар ҳамда уларнинг натижаларига бағишланган эксклюзив видео эълон қилинди.

Telegram I Facebook I YouTube I Instagram

Таълим сифатини таъминлаш миллий агентлиги фаолияти тартибга солинди

Президент қарори (ПҚ–275-сон, 08.09.2025 й.) билан “Ўзбекистон Республикаси Президенти администрацияси ҳузуридаги Таълим сифатини таъминлаш миллий агентлиги тўғрисида”ги низом тасдиқланди.

Низом Таълим сифатини таъминлаш миллий агентлиги мақоми, вазифа ва функциялари, ваколатлари, ҳуқуқ ва мажбуриятлари, фаолиятини ташкил этиш тартибини белгилайди.

Агентлик ўрта махсус, касбий, олий ва олий таълимдан кейинги таълим, кадрларни қайта тайёрлаш ва уларнинг малакасини ошириш, малакаларни баҳолаш соҳаларида ташқи сифат назоратини амалга оширувчи махсус ваколатли давлат органи ҳисобланади.

Агентликнинг асосий вазифалари қуйидагилар ҳисобланади, жумладан:

🔹 таълим ташкилотларида ички сифат назорати мезонлари ва тартибларини такомиллаштириш ҳамда самарали амалга ошириш юзасидан услубий тавсиялар бериш;

🔹 таълим ташкилотларида таълим сифатини таъминлашга қаратилган чора-тадбирлар самарадорлигини ўрганиш юзасидан илмий ва амалий тадқиқотларни олиб бориш ҳамда сўровномалар ўтказиш.

Агентлик тузилмасига Агентликнинг марказий аппарати ҳамда Миллий малака тизимини ривожлантириш институти киради.

Telegram I Facebook I YouTube I Instagram

❗️Бокс бўйича Ўзбекистон терма жамоаси жаҳон чемпионатида 11 та медалга эга чиқди

Англиянинг Ливерпуль шаҳрида бўлиб ўтган бокс бўйича жаҳон чемпионатида Ўзбекистон терма жамоаси 6 та олтин, 2 та кумуш ва 3 та бронза медалига эришиб, умумжамоа ҳисобида иккинчи ўринни эгаллади.

🥇 Олтин медаллар:
60 кг: Абдумалик Халоков;
65 кг: Асадхўжа Мўйдинхўжаев;
75 кг: Фазлиддин Эркинбоев;
80 кг: Жавоҳир Умматалиев;
85 кг: Акмалжон Исроилов;
92 кг: Тўрабек Ҳабибуллаев.

🥈 Кумуш медаллар:
65 кг: Навбаҳор Ҳамидова;
+92 кг: Жаҳонгир Зокиров.

🥉 Бронза медаллар:
48 кг: Сабина Бобоқулова;
51 кг: Феруза Бобоқулова!
75 кг: Азиза Зокирова.

Telegram I Facebook I YouTube I Instagram

Президент: “Бир миллионлик педагоглар жамоасига чуқур миннатдорлик билдираман”

Ўқитувчи ва мураббийлар куни арафасида Президент Шавкат Мирзиёев соҳа ходимлари билан мулоқот ўтказди. Унда барча ҳудудлардан 40 мингдан зиёд педагоглар иштирок этди.

Давлатимиз раҳбари сўзининг аввалида ўз ҳаётини ёш авлод тарбияси ва таълимига бағишлаб келаётган бир миллионлик педагоглар жамоасини самимий табриклади.

Ўтган ҳафта эса жонкуяр ўқитувчи ва мураббийлар, таълим ва фан фидойиларини давлат мукофотлари билан тақдирлаш ҳақида Президент фармони имзоланган эди. Мукофотланганлар орасида нафақат соҳа вакиллари, балки ўз маблағи ҳисобидан таълим масканлари қурган ва таъмирлаган саховатпеша тадбиркорлар, таълимдаги илғор ютуқларни жорий этишда кўмаклашган хорижий ҳамкорлар ҳамда ҳудудларда таълим ривожи учун зарур шароит яратиб келаётган ҳокимлар ҳам бор.

Тадбирда Президент Шавкат Мирзиёев юксак унвон, орден ва медалларни уларнинг эгаларига тантанали равишда топширди.

Telegram I Facebook I YouTube I Instagram