Иситиш мавсумида эҳтиёжманд оилаларга 1 млн сўмдан моддий ёрдам берилади

2025/2026 йилги иситиш мавсуми учун жорий йил ноябр ойида эҳтиёжманд оилаларга бир марталик 1 миллион сўм моддий ёрдам тўлаб берилади.

Моддий ёрдам қуйидаги тоифадаги оилаларга берилади:
✅ “Ижтимоий ҳимоя ягона реестри” орқали болалар нафақаси ва моддий ёрдам олувчи оилалар
✅ “Камбагал оилалар реестри”га киритилган оилалар
✅ “Маҳалла еттилиги” хулосаси асосида реестрга киритилмаган, аммо камбағалликка тушиш хавфи бўлган эҳтиёжманд оилалар.

🖋 Қўшимча рўйхатга киритиладиган оилалар:
✅ Боқувчисини йўқотган оилалар
✅ Аъзолари I ёки II гуруҳ ногирони бўлган оилалар
✅ Ногиронлиги бўлган болани парваришлаётган оилалар
✅ Узоқ муддатли даволанишни талаб қиладиган касалликка чалинганлар бор оилалар
✅ Ёлғиз яшовчи, парваришга муҳтож шахслар
✅ Газ таъминоти йўқ ва марказлашган иситиш тизими мавжуд бўлмаган кўп қаватли уйларда яшовчи оилалар
✅ Бир хонадонда 3 ва ундан ортиқ оила биргаликда яшовчи оилалар.

📍 Агар сиз ушбу тоифага мос келсангиз, жорий йил 25 сентябрга қадар “Маҳалла еттилиги”га мурожаат қилинг.

Telegram I Facebook I YouTube I Instagram

Қирғизистон Ўзбекистон ва Қозоғистонга сувни пулли асосда беришни режалаштирмоқда

💧 Қирғизистонда янги таҳрирдаги Сув кодекси ишлаб чиқилмоқда. Унга кўра, сув ресурслари ҳам газ, нефт ва олтин каби табиий бойлик сифатида баҳоланиши таклиф қилинган.

📌 Лойиҳага кўра, дарё сувларини қўшни мамлакатларга — жумладан, Ўзбекистон ва Қозоғистонга пулли асосда бериш режалаштирилмоқда.

Telegram I Facebook I YouTube I Instagram

Бухорода янги туризм лойиҳаси

Бухоро туризм бошқармаси ташаббуси билан янги лойиҳа амалга оширилди.

🔹 7000 дан ортиқ керамик идишлар ташқи кўриниш учун ўрнатилди.

🔹 ички дизайнда эса маҳаллий кулоллар ясаган, тарихий обидалар тасвирланган 3000 дан ортиқ сопол лаганлар ишлатилган.

Telegram I Facebook I YouTube I Instagram

❗️Шаҳрисабзда қоидабузар ҳайдовчига кескин чора кўрилди

Куни кеча ижтимоий тармоқларда тарқалган видеода пиёдалар ўтиш жойидан ўтаётган мактаб ўқувчисини катта тезликда келган “Дамас” уриб кетишига сал қолди.

ИИБ маълумотига кўра, ҳайдовчи — 68 ёшли эркак. У бир кун давомида ҳуқуқни муҳофаза қилувчи органлардан яшириниб юрган.

Натижада, 1 йилга транспорт бошқариш ҳуқуқидан маҳрум қилинди. 25 БҲМ (10 млн 300 минг сўм) миқдорида жаримага тортилди

Telegram I Facebook I YouTube I Instagram

Иммунитет пасайганда болаларни асраш учун ССВдан 6 тавсия

Ҳаво совиши билан иммунитет сустлашиб, айниқса болаларда шамоллаш ва вирусли касалликлар хавфи ортади. Соғлиқни сақлаш вазирлиги ота-оналарга фарзандлари соғлиғини муҳофаза қилиш учун амалий тавсиялар берди.

ССВ тавсиялари қуйидагилардан иборат:

🔹 Қўл гигиенаси. Болалар кўпчилик орасида бўлгани учун қўлларни мунтазам совун билан ювиш, беморлар билан яқин алоқада бўлмаслик муҳим.

🔹 Шамоллаш белгиларида уйда қолдириш. Бу нафақат боланинг соғлиғини тиклашга, балки касаллик тарқалишининг олдини олишга ёрдам беради.

🔹 Фаслга мос кийим. Болалар на жуда енгил, на жуда қалин кийинмаслиги керак. Нам кийимлар эса дарҳол алмаштирилиши шарт.

🔹 Соғлом овқатланиш. Рационда мевалар, сабзавотлар, кўкатлар, сут ва балиқ маҳсулотлари, товуқ гўшти ва дуккакли егуликлар бўлиши керак. Газли ичимликлар, чипс ва ширинликлардан воз кечиш зарур.

🔹 Уйқу режаси. Мактаб ёшидаги болалар ҳар куни 8–10 соат ухлаши шарт. Ухлашдан олдин телефон ва планшетдан фойдаланмаслик тавсия этилади.

🔹 Шахсий гигиена. Юз-қўлларни ювиш, тишларни кунда икки марта тозалаш, кийимларни мунтазам алмаштириш соғлом ўсиш учун асосий шарт ҳисобланади.

Соғлиқни сақлаш вазирлиги ота-оналарни фарзандларига эътиборли бўлишга, уларнинг иммунитетини кучайтириш учун соғлом турмуш тарзини қўллаб-қувватлашга чақиради.

Telegram I Facebook I YouTube I Instagram

Мактабларда ортиқча тадбирларга чек қўйилади

Таҳлилларга кўра, деярли ҳар бир мактаб ва боғчада ўқув йили давомида 200 дан ортиқ маънавий-маърифий тадбирлар режалаштирилган. Бироқ уларнинг аксарияти самарасиз бўлиб, кўзланган натижани бермаган.

Мутасаддилар таъкидлашича, бундай кўп сонли тадбирлар ўқувчиларнинг билим олишига салбий таъсир кўрсатмоқда. Натижада ёшлар билим олиш ўрнига турли тадбирларда иштирок этишга кўпроқ вақт сарфламоқда.

Шу боисдан эндиликда мактабларда ортиқча тадбирларга чек қўйилиб, асосий эътибор таълим сифати ва ўқувчиларнинг билим олишига қаратилади.

Telegram I Facebook I YouTube I Instagram