🔥 Непалда исёнчилар Hilton меҳмонхонасига ўт қўйди

Исёнчилар ўт қўйган меҳмонхона биносини ўчириш имкони бўлмаган. 10 сентябр куни Ҳиндистоннинг ANI ахборот агентлиги эълон қилган видеода бино бутунлай ёниб, қурум билан қопланганини кўриш мумкин.

Меҳмонхона ва «Непал конгресси» ҳукмрон партияси раҳбарининг ўғли ўртасида алоқадорлик бор деган хабарлар тарқалгандан сўнг, исёнчилар Hilton биносига ўт қўйишган.

Бунгача Непалдаги «Z авлод» исёнлари чоғи ҳукумат уйи ва мамлакат рамзи — Сингҳа Дурбар саройи ёниб кулга айланганди.

Telegram I Facebook I YouTube I Instagram

“Ватанга қайтариш” хайрия акцияси натижалари маълум қилинди

“Ватанга қайтариш” хайрия акцияси доирасида жорий йилнинг 30 июлидан 30 августига қадар хорижда қийин аҳволга тушиб қолган 1300 нафар фуқаро дунёнинг 15 та давлатидан Ўзбекистонга қайтарилди.

Шу давр мобайнида агентликнинг колл-маркази ҳамда дипломатик ваколатхоналарнинг ишонч телефонлари орқали 3400 дан ортиқ мурожаат қабул қилинди. 2100 дан зиёд фуқарога ҳужжат расмийлаштириш ва жазони ўташ муассасаларидан қайтариш бўйича ҳуқуқий ёрдам кўрсатилди.

Қайтарилганлар орасида Россиядан – 993, Туркиядан – 106, АҚШдан – 56, Қозоғистондан – 39, Кореядан – 8, Арманистондан – 4 нафар, Ҳиндистон, Япония, Польша ва Беларусдан – 3 тадан, Мисрдан – 2 нафар ҳамда Қирғизистон, Латвия, Саудия Арабистони ва Озарбайжондан – 1 нафардан фуқаро бор.

Шунингдек, 654 нафар аёл ва 438 нафар бола, шунингдек, хорижий мамлакатларнинг депортация марказларида сақланиб келган 163 нафар фуқаро ҳам юртга олиб келинди.

Айни пайтда тегишли идоралар томонидан уларни жамиятга мослаштириш чоралари кўрилмоқда. Миграция агентлиги маълумотига кўра, бундай ишлар давом эттирилади.

Telegram I Facebook I YouTube I Instagram

Рақамли технологиялар вазири UzIMEI тизимидаги муаммоларни очиқламади

Июль ойида сенаторлар рақамли технологиялар вазири Шерзод Шерматовга UzIMEI тизимидаги бюрократия ва техник муаммолар юзасидан сўров йўллашганди. Вазир жавобида бюрократик талабларни юмшатиш бўйича чоралар белгиланганини айтди, аммо уларнинг аниқ мазмуни ошкор этилмади.

Telegram I Facebook I YouTube I Instagram

ToshTech техника университетига ректор тайинланди

Адҳам Худойқулов янги ташкил этилган ToshTech техника университети ректори этиб тайинланди.

У бу лавозимга келгунга қадар Президент администрацияси ҳузуридаги Таълим сифатини таъминлаш миллий агентлиги директори сифатида фаолият юритган.

Telegram I Facebook I YouTube I Instagram

Трамп: “Украинадаги можарони ҳал қилиш суръатидан сабрим тугаяпти”

АҚШ президенти Доналд Трамп Fox News телеканали эфирида Украинадаги можарони ҳал қилиш жараёнидан жаҳли чиқаётганини ва сабри тугаб бораётганини маълум қилди.

Трампнинг бошқа баёнотлари:
◾️ Агар Украинада тинчликка эришилмаса, Россияга қарши банкларга нисбатан қақшатқич санкциялар, нефт етказиб беришга чекловлар ва бож ставкаларини жорий этишни истисно қилмайман;
◾️ Можарони ҳал қилишга томонлар ўртасидаги “нафрат” тўсиқ бўлмоқда. Путин учрашмоқчи бўлганида Зеленский истамаганди, энди эса Зеленский учрашишни истаяпти, Путиннинг позицияси номаълум;
◾️ Ҳиндистон Россия нефтини харид қилгани учун унга қарши бож ставкаларини ошириш қийин қарор бўлди, бу қарама-қаршиликларни келтириб чиқаради;
◾️ Дронлар нафақат Полша осмонида, балки ушбу мамлакат яқинида ҳам бўлмаслиги керак эди.

Telegram I Facebook I YouTube I Instagram

Россиядаги ўзбек мигрантлар қийин аҳволда қолди

Россия Федерациясида меҳнат қилиб юрган бир гуруҳ ўзбекистонлик мигрантлар таҳририятимизга мурожаат қилишди. Уларнинг сўзларига кўра, ишга жойлаштиришда ваъда қилинган маош берилмаяпти, иш шароитлари оғир ва қийин аҳволда қолишган.

Мигрантлар айтишича, уларни ишга жалб қилган айрим фирмалар ва шахслар алдов йўли билан ўзига тортиб, кейинчалик ваъдаларини бажармаган. Бу эса ишчиларни моддий ҳамда маънавий жиҳатдан оғир ҳолатга солиб қўйган.

Ўз навбатида улар масъул ташкилотлар ва тегишли идоралардан ёрдам сўраб, ҳуқуқларини ҳимоя қилишни талаб қилмоқда.

Улар билан боғланиш учун Ражаббоев Муслим +79529113716

Telegram I Facebook I YouTube I Instagram

❗️Испания Ғазога ёрдам беролмаётганидан афсусдалигини билдирди

Испания бош вазири Педро Санчес Ғазо секторидаги босқини учун Исроилни жазолашга мамлакатида ядровий қурол йўқлигидан афсусдалигини айтган.

Telegram I Facebook I YouTube I Instagram

Тошкентда «Док-1 Макс» сиропи иши бўйича 3,2 млн донадан ортиқ дори йўқ қилинмоқда

Мажбурий ижро бюроси Тошкент шаҳар бошқармаси томонидан Жиноят ишлари бўйича Тошкент шаҳар судининг ижро варақасига асосан, “Quramax Medical” МЧЖ ҳамда божхона омборхоналарида сақланаётган 3,2 млн. дондан зиёд дори воситалари йўқ қилинмоқда. Бу ҳақда Мажбурий ижро бюроси ахборот хизмати. хабар берди.

Шу жумладан, юртимизда болалар ҳалокати ва ногиронлигига сабабчи бўлган “Док1 Макс” ва “Амбронол” дори воситалари ҳам тегишли тартибда махсус печларда ёқиш орқали зарарсизлантирилмоқда.

Telegram I Facebook I YouTube I Instagram

Мирзиёев Қатарга қилинган ҳужумни қоралади

Президент Шавкат Мирзиёев Исроил томонидан Қатар пойтахти Доҳа шаҳрига амалга оширилган ракета зарбаларини кескин қоралади.

Давлат раҳбари бундай хатти-ҳаракатлар Қатар мустақиллиги ва суверенитетига тажовуз экани, шунингдек, унинг хавфсизлигига таҳдид солиб, БМТ Низоми ҳамда халқаро ҳуқуқнинг асосий қоидалари ва тамойилларига зид келишига урғу берди.

Ўзбекистон халқаро муносабатларда куч ишлатишнинг ҳар қандай шаклига қарши экани ҳамда Яқин Шарқда вазиятнинг янада кескинлашишига олиб келадиган қадамларни қўллаб-қувватламаслиги таъкидланди.

Шавкат Мирзиёев Қатар ташаббуси билан чақирилаётган навбатдан ташқари араб-ислом саммитининг муваффақиятли ўтишини тилади.

Қатар амири эса Ўзбекистон томонидан билдирилган бирдамлик ва қўллаб-қувватлов учун миннатдорлик изҳор этди.

Telegram I Facebook I YouTube I Instagram

❗️Сурхондарёда прокурор пора билан қўлга тушди

Сурхондарё вилояти прокуратураси 16-бўлим прокурори 2000 доллар пора олгани учун қамоққа олинди. У аризачига Денов тумани ИИБ Тергов бўлими иш юритувидаги материал бўйича жиноят иши қўзғатмасликни ваъда қилган.

Ҳозирда мазкур ҳолат юзасидан тегишли тартибда тергов ҳаракатлари олиб борилмоқда.

Telegram I Facebook I YouTube I Instagram

⚡️Олий таълимнинг “олий раҳбарияти”даги ўзгаришлар: Тизимда update бошландими?

Ҳозирги пайтда жамоатчилик диққати Олий таълим вазирлигидаги катта ўзгаришларга қаратилган. Вазирлик раҳбарияти таркибидаги ўринбосарлар алмашиши табиий равишда кўплаб саволлар ва баҳс-мунозараларга сабаб бўлди. Бироқ, бу жараённи тўғри англаш зарур.

Аввало, бу – тизимни тубдан ислоҳ қилиш жараёнининг бир қисми. Ишлаб чиқариш ва бозор талабига жавоб берувчи, инновацияга очиқ, замонавий менежмент кўникмасига эга кадрларни олий таълимга жалб этиш вақти келган эди.

Янги сиёсатчи-менежерлар сафга кириши орқали таълим сифати ошиши, университетлар молиявий ва ташкилий жиҳатдан мустақиллашгани, талабалар учун эркин ва ранг-баранг имкониятлар яратилиши кутилмоқда.

Бу ўзгаришлар давлатнинг билимга, илмга, инсон капиталини ривожлантиришга қаратган жиддий эътиборидан далолат беради.

Жамиятда “ислоҳотлар натижа бермайди” деган кайфият ҳам учрайди. Лекин бу сафарги қадам оддий ротация эмас – ўқув дастурларини халқаро стандартларга яқинлаштириш, илмий изланишларни рағбатлантириш ва энг муҳими, ёшлар учун сифатли таълим муҳитини яратишга қаратилган.

Шунинг учун бу ўзгаришларга танқидий кўз билан эмас балки қўллаб-қувватлаш рухида қараш даркор. Чунки ҳақиқий ислоҳотлар кўпинча кучли қаршиликлар билан бошланади. Аммо натижада бутун авлод учун янгича имкониятлар эшиги очилади.

Telegram I Facebook I YouTube I Instagram

Андижонда ҳоким ўринбосари маъмурий жавобгарликка тортилди

Андижон вилояти Асака тумани ҳокимининг қишлоқ ва сув хўжалиги масалалари бўйича ўринбосари, шунингдек туман қишлоқ хўжалиги бўлими бошлиғи тадбиркорлик субъектларининг ҳисобварақларидаги пул маблағлари тўғрисидаги маълумотларни тижорат банкидан қонунга хилоф равишда талаб қилиб олгани аниқланди.

Бизнес-омбудсман девони ходимлари Қишлоқ хўжалиги вазирлиги ҳамда тизимдаги ташкилотлар фаолиятини ўрганиш жараёнида мазкур ҳолатни фош этди.

Маълумотларга кўра, мансабдор шахс тумандаги 15 нафар фермер хўжалигининг ҳисобрақамларидаги пул маблағлари ҳақида ахборот тақдим этилишини талаб қилган. Бу эса “Банк сири тўғрисида”ги қонуннинг 16-моддаси талабларига зид ҳисобланади.

Шу асосда ҳоким ўринбосари Маъмурий жавобгарлик тўғрисидаги кодекснинг 241-8-моддасига асосан жавобгарликка тортилди.

Бундан ташқари, тадбиркорлик субъектларининг банк ҳисоб рақамларидаги айланма маблағлари ҳақидаги маълумотлар қонунчиликда назарда тутилмаган ҳолда ошкор этилгани учун “Агробанк” АТБга тақдимнома киритилди.

Telegram I Facebook I YouTube I Instagram

Прокурор, судья ёрдамчиси ва адвокат пора билан қўлга тушди

Ўзбекистоннинг турли ҳудудларида ҳуқуқни муҳофаза қилиш органлари ва суд тизими ходимларига нисбатан пора олиш ҳолатлари аниқланди.

1️⃣ Сурхондарёда прокурор қўлга тушди
Сурхондарё вилояти прокуратурасининг бўлим прокурори терговга қадар текширув материалларида жиноят иши қўзғатмаслик тўғрисида кўрсатма бериш эвазига 2000 доллар талаб қилган. 5 млн. сўмни пластик картага ўтказиб олган, яна 1300 доллар олган пайтида ДХХ ходимлари томонидан ашёвий далиллар билан ушланган. Унга нисбатан ЖК 168-моддаси 3-қисми “в” банди билан жиноят иши қўзғатилиб, қамоқ эҳтиёт чораси қўлланилди.

2️⃣ Андижонда судья катта ёрдамчиси ушланди
Андижон вилояти суди фуқаролик ишлари бўйича судлов ҳайъати судьясининг катта ёрдамчиси аёлнинг даъво аризасини ижобий ҳал қилиб бериш учун 500 доллар талаб қилган. Сўралган пулдан 200 доллар олган, қолган 3 млн. 800 минг сўмни қабул қилиб олаётганда ДХХ ва Иқтисодий жиноятларга қарши курашиш департаменти томонидан қўлга олинган. Унга нисбатан ЖК 168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, қамоқ эҳтиёт чораси қўлланилди.

3️⃣ Жиззахда адвокат ушланди
Жиззахлик адвокат маҳкумни муддатидан олдин озодликка чиқариб беришни ваъда қилиб, 6000 доллар талаб қилган. ДХХ ва прокуратура органлари томонидан ўтказилган тезкор тадбирда, пулни олган вақтда ашёвий далиллар билан қўлга тушди. Унга нисбатан ЖК 25,168-моддаси 3-қисми “в” банди ва 28,211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

Ҳозирда барча ҳолатлар бўйича суриштирув ишлари давом этмоқда.

Telegram I Facebook I YouTube I Instagram

Солиқ мобил иловасида ижара шартномаларини рўйхатдан ўтказиш имконияти яратилди

Эндиликда фуқаролар кўчмас мулк ижара шартномаларини тўғридан-тўғри “Солиқ” мобил иловаси орқали ҳисобга қўйишлари мумкин.

Солиқ қўмитаси ахборот хизмати маълумотига кўра, янгиланган функция орқали ижара муносабатлари шаффофлиги таъминланиши ва жараён фойдаланувчилар учун анча енгиллашиши кутилмоқда.

Батафсил маълумот қўмита тайёрлаган видеороликда бериб ўтилган.

Telegram I Facebook I YouTube I Instagram

БМТ Бош ассамблеяси Фаластин давлатини тан олиш бўйича декларацияни маъқуллади

12 сентябр куни БМТ Бош ассамблеяси кўпчилик овоз билан Исроил ва Фаластин давлатлари тўғрисидаги қарорни амалга ошириш бўйича қадамларни назарда тутувчи декларацияни қўллаб-қувватлади. Бу ҳақда Туркиянинг TRT нашри хабар берди.

Маълумотга кўра, 7 саҳифадан иборат ҳужжат июл ойида БМТ бош қароргоҳида Саудия Арабистони ва Франция ташаббуси билан ўтказилган халқаро конференцияда тайёрланган.

Декларацияда, “Ғазодаги урушни тўхтатиш учун ҲАМАС ўз ҳукмронлигини якунлаши ва суверен ҳамда мустақил Фаластин давлатини яратиш мақсадида Фаластин маъмуриятига қурол топшириши зарур”, дея қайд этилган.

Қарорни 142 давлат қўллаб-қувватлади, 10 давлат қарши овоз берди, 12 давлат бетараф қолди. АҚШ ва Исроил эса бойкот қилди.

Telegram I Facebook I YouTube I Instagram

Россияда мигрантларга фуқаролик беришни чеклаш таклиф этилди

“Адолатли Россия – Ҳақиқат учун” партияси раҳбари Сергей Миронов Марказий Осиёдан келган мигрантларга нисбатан янги чора кўришни таклиф қилди. Унга кўра, 2030 йилгача Россия фуқаролиги ва яшаш учун рухсатнома беришга мораторий жорий этилиши керак.

Мироновнинг таъкидлашича, мамлакатга мигрантлар оқимининг ортиши миллий хавфсизликка салбий таъсир кўрсатиши мумкин.

“Россияга кучсиз назорат қилинаётган мигрантлар оқими тобора ошиб бормоқда. Ички ишлар вазирлиги маълумотларига кўра, 2025 йилнинг дастлабки олти ойида хорижликларга қарийб 114 мингта меҳнат рухсатномаси берилган. Бу эса ўтган йилнинг шу даврига нисбатан деярли ярим баравар кўп. Расмий ҳисоб-китобларга кўра, ҳозирда мамлакатда 6,5 миллиондан зиёд мигрант яшайди. Улардан бир қисми ишласа-да, катта қисми соғлиқни сақлаш ва таълим тизимидан фойдаланувчи оилалар аъзоларидир”, — деди Миронов.

Депутат бу ҳолат Россия аҳолиси фаровонлиги ва миллий хавфсизлиги учун жиддий хавф туғдириши мумкинлигини қайд этди.

Telegram I Facebook I YouTube I Instagram

Андижонда светофорнинг қизил чироғида ҳаракатланган Nexia мотоцикл ва велосипедни уриб кетди

Воқеа Қўрғонтепа туманида содир бўлган. Nexia светофор қизил бўлишига қарамай ҳаракатланган. Моторанспорт ва велосипед ҳайдовчисининг ҳолати ҳақида аниқ маълумот йўқ.

Telegram I Facebook I YouTube I Instagram