🙌 “Яшил Келажак” Eco-Camp қизғин давом этмоқда!

Оромгоҳ иштирокчилари турли йўналишларда ўз ғоя ва ташаббусларини тақдим этмоқда:

🌿 Экологик таълим ва маърифат

♻️ Чиқиндиларни қайта ишлаш лойиҳалари

🚀 Ёшлар стартаплари ва инновацион ечимлар

🌍 Атроф-муҳитни муҳофаза қилиш бўйича амалий таклифлар

🔑 Энг муҳими, оромгоҳдаги ҳар бир ёшнинг фикри эшитилмоқда ва уларнинг ғоялари келгуси амалий ишларга асос бўлиб хизмат қилади.

💚 Биргаликда — барқарор ва тоза келажак учун!

Telegram I Facebook I YouTube I Instagram

Ўзбекистон ва Россия фуқароларнинг ID-карта билан саёҳати масаласини муҳокама қилмоқда

Ўзбекистон ва Россия ўртасида фуқароларнинг ички паспорт (ID-карта) орқали саёҳат қилиши мумкинлиги борасида музокаралар олиб борилмоқда. Бу ҳақда Ташқи ишлар вазирлиги матбуот котиби Ахрор Бурханов маълум қилди.

ТИВ изоҳида таъкидланишича, ҳозирда зарур давлатлараро келишув жараёнлари давом этмоқда. Шу сабабли аниқ муддатлар ҳақида гапиришга ҳали эрта.

Шу билан бирга, «Известия» манбасига кўра, Ўзбекистон Россия, Қозоғистон ва Озарбайжон фуқаролари учун ички паспорт асосида 30 кунгача визасиз ташриф имкониятини жорий этиш вариантларини ҳам муҳокама қилмоқда.

Telegram I Facebook I YouTube I Instagram

❗️Эҳтиёжманд аҳолига 2025/2026 йилги иситиш мавсумида 1 млн сўмлик ёрдам берилади

2025/2026 йилги иситиш мавсумида эҳтиёжманд аҳоли учун бир марталик 1 миллион сўм моддий ёрдам ажратилади.

✅ Ёрдамни олиш ҳуқуқига қуйидагилар эга:

🔷“Ижтимоий ҳимоя ягона реестри”даги оилалар;

🔷“Камбағал оилалар реестри”даги оилалар;

🔷“Маҳалла еттилиги” киритган қўшимча рўйхатдагилар.


👥 Устувор тоифалар:

🔷боқувчисини йўқотган оилалар;

🔷ногиронлиги бор аъзоси ёки боласи бўлганлар;

🔷иситиш тизими йўқ уйларда яшовчилар;

🔷бир хонадонда 3 ва ундан ортиқ оила истиқомат қилаётганлар;

🔷оғир касаллиги бор беморни парваришлаётганлар;

🔷ёлғиз кексалар.

Мурожаат учун сўнгги муддат — 25 сентябрь. Фуқаролар “Маҳалла еттилиги”га мурожаат қилиши лозим.

Telegram I Facebook I YouTube I Instagram

Ўзбекистонлик 8 нафар боксчи жаҳон чемпионати ярим финалида

Англиянинг Ливерпул шаҳрида ўтаётган бокс бўйича жаҳон чемпионатида Ўзбекистон терма жамоаси муносиб натижа қайд этди. Чорак финал беллашувларида жамоамиздан 8 нафар спортчи ғалаба қозониб, ярим финалга йўлланма олди.

Ярим финал баҳслари 12 сентябр куни бўлиб ўтади. Рингга чиқадиган боксчиларимиз:

Аёллар:

51 кг: Феруза Казакова — Бусе Наз Чакироглу

65 кг: Навбаҳор Ҳамидова — Ниен-Чин Чен

Эркаклар:

60 кг: Абдумалик Халоков — Сюнсуке Китамото

65 кг: Асадхўжа Мўйдинхўжаев — Лаша Гурули

75 кг: Фазлиддин Эркинбоев — Саиджамшид Жафаров

80 кг: Жавоҳир Умматалиев — Габриэл Веочич

90 кг: Тўрабек Ҳабибуллаев — Энмануэл Рейес Пла

+90 кг: Жаҳонгир Зокиров — Данабике Байикевузи.

Шу билан бирга, Нигина Ўктамова, Ситора Турдибекова, Олтиной Сотимбаева, Ҳуморабону Мамажонова, Миразизбек Мирзахалилов ва Шавкатжон Болтаев чорак финалда мағлуб бўлиб, мусобақани тарк этди.

Telegram I Facebook I YouTube I Instagram

Тошкентда экологик хавфли корхоналар вилоятга кўчирилади

Тошкент шаҳрида атроф-муҳитга салбий таъсир кўрсатаётган саноат корхоналари пойтахтдан чиқарилиб, Тошкент вилоятидаги махсус зоналарга жойлаштирилади. Бу ҳақда 11 сентябрь куни президент Шавкат Мирзиёев раислигида ўтган йиғилишда маълум қилинди.

Маълумотга кўра, вилоятда бўш ерлар “Тошкент инвест” компанияси ва пойтахт саноат зоналари дирекцияси ихтиёрига берилади. Шу ерда янги саноат корхоналари ташкил этилади.

Нурафшон, Олмалиқ ва Чирчиқ шаҳарларида хорижий сармоя иштирокида йирик саноат лойиҳаларини амалга ошириш учун иккита нимстанция қуриш режалаштирилган. Шунингдек:

Бекободда автомобил эҳтиёт қисмлари ишлаб чиқариш,

Оққўрғонда озиқ-овқат ва тўқимачилик корхоналарини очиш,

Оҳангарон, Ангрен ва Ўрта Чирчиқдан ўтувчи Қорасув канали бўйида эса туризм ва савдо масканларини ташкил этиш имкониятлари борлиги таъкидланди.

Тошкент вилоятида умумий қиймати 2,5 миллиард доллар бўлган инвестиция лойиҳалари ишлаб чиқилган. Улар амалга оширилса, 11 мингдан ортиқ иш ўрни яратилиши ва 434 миллион долларлик экспорт қуввати таъминланиши кутилмоқда.

Президент таъкидлашича, вилоят саноат ва қишлоқ хўжалигида катта салоҳиятга эга бўлиб, пойтахтга яқинлиги янада кўпроқ имконият яратади.

Шунингдек, йиғилишда Тошкент вилоятининг барча ҳудудларини пойтахт билан тезюрар электр поездлари орқали боғлаш вазифаси қўйилди. Бу орқали янги уй-жойлар ва инфратузилмага талаб ортиб, аҳолининг Тошкентга қатнаб ишлаши учун қулайлик яратилиши айтилди.

Telegram I Facebook I YouTube I Instagram

Пахта ва дон қабул қилиш ҳамда унинг электрон ҳисобини юритиш тартиби белгиланди

Ҳукумат қарори (573-сон, 09.09.2025 й.) билан “Пахта ва дон қабул қилиш ҳамда унинг электрон ҳисобини юритиш тартиби тўғрисида”ги низом тасдиқланди.

Низом Қишлоқ хўжалиги вазирлигининг “Agrotarozi”, “Hosil qabuli” ва “AgroDocs” ахборот тизимлари орқали пахта ва дон қабул қилиш ҳамда унинг электрон ҳисобини юритиш тартибини белгилайди.

Фойдаланувчи интернет ахборот тармоғидаги расмий веб-сайт орқали “Agrotarozi” ва “Hosil qabuli” АТлари имкониятларидан фойдаланиш учун рўйхатдан ўтади.

Фойдаланувчилар “Agrotarozi” АТдан рўйхатдан ўтишда ахборот тизимидан фойдаланиш шартларини қабул қилиш бўйича электрон шаклда шартнома имзолайди.

Пахта ва дон товар-транспорт юк хати асосида қабул қилинади.

Хўжаликлар битта юк хати билан барча сифат кўрсаткичлари бир хил бўлган пахта ва донни топшириш учун юборишлари керак, яъни:

🔹 битта селекция, саноат нави ва синфига оид;

🔹 авлоди ва дала гуруҳи бир хил уруғлик пахта ва дон.

Пахта қабул қилиш куни соат 24:00 да якунланади ва кунлик ҳисоботлар физик вазнда юритилади.

Telegram I Facebook I YouTube I Instagram

Ёшларни қўллаб-қувватлаш бўйича "Маҳалла еттилиги" ва таълим муассасалари ҳамкорлик қилади

“Маҳаллаларда ёшлар билан ишлаш тизими самарадорлигини оширишга доир чора-тадбирлар тўғрисида”ги Президент Фармони (ПФ–163-сон, 10.09.2025 й.) қабул қилинди.

Фармонга кўра “Маҳалла еттилиги” ва таълим муассасалари ўртасида ёшлар, жумладан, умумтаълим мактабларининг битирувчи синф ўқувчиларини қўллаб-қувватлаш бўйича ҳамкорлик қилиш тизими жорий этилади.

Мактабларнинг маънавий-маърифий ишлар бўйича директор ўринбосарлари ҳар ой синф раҳбари ва мактаб психологи билан хулқ-атворида мураккабликлар кузатилган ўқувчилар ўртасида хорижий тиллар, касбларни ўрганиш ҳамда меҳнат фаолиятига қизиқиш билдирганларини аниқлайди.

Ушбу ўқувчиларнинг рўйхати шакллантирилиб, ёшлар етакчиси ва маҳалла раисига тақдим этилади.

Ёшлар етакчилари маҳалла ҳудудидаги мураббийлар, касб эгалари ва тадбиркорлар билан ҳамкорликда ўқувчилар учун устозлик тизимини йўлга қўяди.

Маҳалла раислари ёшларнинг фанларни ўрганиши, ахборот технологияларини ўзлаштириши, китобхонлик, спорт билан шуғулланиши учун зарур шарт-шароитларни яратиш бўйича ташаббуслар ишлаб чиқади.

Telegram I Facebook I YouTube I Instagram

Маҳаллаларда ёшлар билан ишлаш тизими самарадорлиги оширилади

“Маҳаллаларда ёшлар билан ишлаш тизими самарадорлигини оширишга доир чора-тадбирлар тўғрисида”ги президент фармони қабул қилинди.

Маҳаллаларда ёшлар билан ишлаш тизимини такомиллаштиришнинг асосий мақсадлари этиб қуйидагилар белгиланди, жумладан:

🔹 ёшлар муаммолари билан индивидуал ва манзилли ишлаш орқали ёшлар етакчилари фаолияти самарадорлигини ошириш;

🔹 ёшларнинг касбий қизиқишларини барвақт аниқлаш орқали меҳнат бозорига рақобатбардош кадр сифатида кириб боришини таъминлаш.

Фармонга кўра, қуйидагилар маҳаллалардаги ёшлар етакчиларининг асосий вазифалари этиб белгиланди, жумладан:

🔸 ёшларнинг ўзига бўлган ишончини ошириш, жамият учун фойдали лойиҳаларни маҳалла даражасида амалга ошириш;

🔸 ёшларнинг иқтидорини рўёбга чиқаришга қаратилган тадбирларни ташкил этиш, “Беш ташаббус олимпиадаси”ни ёшлар ўртасида кенг тарғиб қилиш;

🔸 меҳнат бозорига кириб келаётган ёшларнинг тадбиркорлик кўникмаларини кучайтириш орқали бандлигига кўмаклашиш;

🔸 “Ёшлар дафтари”га киритилган ёшларга кўрсатиладиган ёрдамнинг ижтимоий ҳамкорлик тамойилига асосланишини таъминлаш.

Ушбу асосий вазифаларга боғлиқ бўлмаган бошқа вазифа ва топшириқларни ёшлар етакчилари зиммасига юклаш тақиқланади.

Telegram I Facebook I YouTube I Instagram

Ёшларни қўллаб-қувватлаш бўйича "Маҳалла еттилиги" ва таълим муассасалари ҳамкорлик қилади

Фармонга кўра “Маҳалла еттилиги” ва таълим муассасалари ўртасида ёшлар, жумладан, умумтаълим мактабларининг битирувчи синф ўқувчиларини қўллаб-қувватлаш бўйича ҳамкорлик қилиш тизими жорий этилади.

Мактабларнинг маънавий-маърифий ишлар бўйича директор ўринбосарлари ҳар ой синф раҳбари ва мактаб психологи билан хулқ-атворида мураккабликлар кузатилган ўқувчилар ўртасида хорижий тиллар, касбларни ўрганиш ҳамда меҳнат фаолиятига қизиқиш билдирганларини аниқлайди.

Ушбу ўқувчиларнинг рўйхати шакллантирилиб, ёшлар етакчиси ва маҳалла раисига тақдим этилади.

Ёшлар етакчилари маҳалла ҳудудидаги мураббийлар, касб эгалари ва тадбиркорлар билан ҳамкорликда ўқувчилар учун устозлик тизимини йўлга қўяди.

Маҳалла раислари ёшларнинг фанларни ўрганиши, ахборот технологияларини ўзлаштириши, китобхонлик, спорт билан шуғулланиши учун зарур шарт-шароитларни яратиш бўйича ташаббуслар ишлаб чиқади.

Telegram I Facebook I YouTube I Instagram

Тошкентда ўқувчилар олдида ўқитувчиларни ҳақорат қилган директор лавозимидан озод этилди

Аввалроқ Тошкент шаҳри Учтепа туманидаги 62-сонли мактаб директори 1-синф ўқувчилари олдида аёл педагогларни ҳақорат қилгани акс этган видео эълон қилган эдик.

Маълум қилинишича, Тошкент шаҳар мактабгача ва мактаб таълими бошқармаси ушбу ҳолат юзасидан текширув ўтказган. Текширув натижасига кўра, директор қонун доирасида жавобгарликка тортилиб, лавозимидан озод этилган.

Шу билан бирга, бошқарма тизимидаги барча ходимларга касбий одоб-ахлоқ қоидаларига қатъий амал қилиш зарурлиги яна бир бор эслатиб ўтилган.

Telegram I Facebook I YouTube I Instagram

“ToshTech” техника университети ташкил этилади

“Тошкент шаҳрида “ToshTech” техника университетини ташкил этиш тўғрисида”ги президент қарори қабул қилинди.

Қарорга кўра, Тошкент шаҳрида “ToshTech” техника университети ташкил этилади.

Университет академик, молиявий ва ташкилий-бошқарув соҳаларида мустақил ҳисобланади

2025/2026 ўқув йилидан Давлат бюджетидан молиялаштириладиган 1 йиллик тайёрлов курси жорий этилади.

2026/2027 ўқув йилидан бакалавриат таълим йўналишлари бўйича таълим жараёни йўлга қўйилади.

2027/2028 ўқув йилидан босқичма-босқич магистратура ва олий таълимдан кейинги таълим босқичлари жорий этилади.

Университетда таълим жараёни давлат гранти ва тўлов-контракт асосида давлат ва хорижий тилларда амалга оширилади.

2029/2030 ўқув йилигача ўқишга қабул қилинган талабалар тўлиқ давлат гранти асосида ўқитилади.

Telegram I Facebook I YouTube I Instagram

ЕИ раҳбари Урсула фон дер Ляйен Исроил билан эркин савдони ҳам чеклашни таклиф қилди

Европа Комиссияси президенти Урсула фон дер Ляйен Исроил билан эркин савдо муносабатларини тўхтатиш зарурлигини таъкидлади. Унинг сўзларига кўра, Ғазода давом этаётган уруш ва гуманитар инқирозга Европа томонидан муносиб жавоб берила олмаётгани «оғриқли ҳолат» ҳисобланади.

Европарламентдаги йиллик «Иттифоқ ҳолати» маърузасида фон дер Ляйен Исроил ҳукуматини кескин танқид қилди. У Ғарбий Соҳилда ноқонуний равишда қурилаётган посёлкалар ҳамда айрим исроиллик вазирларнинг зўравонликка чорловларини «икки давлат ечимини издан чиқаришга қаратилган очиқ ҳаракат» сифатида баҳолади.

Еврокомиссия раҳбари Европа Иттифоқи Исроилга кўрсатиладиган икки томонлама ёрдамни тўхтатишини эълон қилди. Фақат фуқаролик жамияти ташкилотлари ва Холокост хотира маркази бундан мустасно бўлади. Шунингдек, ЕИ–Исроил ассоциация келишувининг савдо қисмларини бекор қилиш таклифлари ишлаб чиқилиши ҳамда Ғарбий Соҳилда зўравонлик содир этган шахслар ва айрим вазирларга қарши санкциялар тайёрланиши айтилди.

Шу билан бирга, Европа Иттифоқи аъзолари ушбу масалада турли фикрларга эга бўлиб, эркин савдони чеклаш бўйича қарор қабул қилиниши ҳозирча ноаниқ. Айрим мамлакатлар ҳатто нисбатан юмшоқ чораларни ҳам қўллаб-қувватламаяпти.

Маълумот учун, ЕИ Исроилнинг энг йирик иқтисодий ҳамкори ҳисобланади. Икки томонлама савдо ҳажми йилига 68 миллиард еврога етса-да, ЕИнинг умумий савдосида Исроилнинг улуши 1 фоизга ҳам етмайди.

Фон дер Ляйен, шунингдек, ЕИ ташқи сиёсатини бошқаришда якдиллик тамойилини бекор қилиш вақти келганини таъкидлаб, «якдиллик кишанларидан чиқиш зарур» дея изоҳ берди.

Европарламентдаги социалистлар етакчиси Гарсия Перес эса бу ташаббусни қўллаб-қувватлади, бироқ уни «кечиккан ва етарлича кучли бўлмаган қадам» сифатида баҳолади.

Telegram I Facebook I YouTube I Instagram

Лутфий кўчасида қурилиш туфайли автобус йўналишлари вақтинча ўзгартирилди

Лутфий кўчасининг Фарҳод кўчасидан Ширин ота кўчасигача бўлган қисмида олиб борилаётган қурилиш ишлари туфайли автобус йўналишларида вақтинча ўзгаришлар жорий қилинди, деб хабар берди Тошкент шаҳар транспорт бош бошқармаси ахборот хизмати.

🔹 Бир томонлама ҳаракатга ўтказилган йўналишлар: 2, 9т, 13, 17т, 56, 113-йўналишлар — Фарҳод, Катта Хирмонтепа ва Ширин кўчалари орқали.

🔹 Ўзгариш билан ҳаракат қиладиган йўналишлар: 41, 70, 127, 150-йўналишлар — Кичик ҳалқа йўли, Фарҳод, М. Шайхзода ва Ширин кўчалари орқали ўз йўналишида ҳаракат қилади.

Telegram I Facebook I YouTube I Instagram

Чилонзорда Spark ЙПХ машинасига урилди

12 сентябрь куни соат 00:45 ларда Чилонзор тумани Бунёдкор кўчасида ЙТҲ содир бўлди.

2008 йилда туғилган, ҳайдовчилик гувоҳномасига эга бўлмаган йигит давлат рақам белгиларисиз Spark’ни бошқариб, қатнов қаторига кескин ўзгариш киритган.

Натижада автомашина ЙПХ ходими бошқарувидаги Lacetti хизмат машинасига бориб урилди.

Ҳодиса оқибатида ҳайдовчиларга биринчи тиббий ёрдам кўрсатилди. Оғир жароҳат олганлар қайд этилмади.

Telegram I Facebook I YouTube I Instagram

Кадастр хизматларида вақтинча узилишлар кузатилиши мумкин

Кадастр агентлигининг Давлат кадастрлари палатаси ахборот тизимларида 12 сентябр соат 20:00 дан 15 сентябр соат 09:00 гача техник ва профилактик ишлар олиб борилиши режалаштирилган. Шу сабабли айрим кадастр хизматларида вақтинча узилишлар кузатилиши мумкин.

Юртдошларимиздан ноқулайликлар учун узр сўраймиз,

дейилади хабарда

Telegram I Facebook I YouTube I Instagram

Тошкентда қонунлар бажарилмай, кўчаларда хаос юзага келмоқда

Тошкент кўчаларини тинмай ёпаётган валломатлар ҳукумат қарорига қарши чиқишармикин, деб ёзади Indallo Telegram-канали муаллифи.

"Албатта, билишади. Айнан била туриб шундай қилишяпти. Кундуз куни кўчалар ва йўллар таъмирланмасин, бўялиб-чизилмасин дейилишига қарамай, корчалонлар пинагини бузмаяпти.

Аввалига Шота Руставели бутунлай ёпилди, бугундан Сергелидаги марказий кўча таъмирлаш сабаб тўсилган бўлса, Бунёдкор кўчасида қанақадир тадбир бўлаётгани сабабли 5 кунга ёпилибди (суратда).

Ахир айтгандик-ку, биздаги қонунлар шунчаки чанг босиб қоғозда қолиб кетади. Амалдорлар уларни бузмаса, "ломка" тутиб қолади", —

дейилади постда.


Тошкентда қонунлар ва ҳукумат қарорлари амалга оширилмай, кўчаларда хаос юзага келмоқда. Бу аҳоли учун транспорт ва инфратузилмада узилишлар келтириб чиқариши мумкин. Қонун устуворлигини таъминлаш ва тизимли ҳаракатни йўлга қўйиш зарур.

Telegram I Facebook I YouTube I Instagram

Иркутскдан Тошкентга учаётган самолёт қушлар галаси билан тўқнашиб ортга қайтди

12 сентябр куни Иркутскдан Тошкентга Ural Airlines’нинг А-319 самолёти қушлар галасига тўқнашди. Ҳодиса маҳаллий вақт билан соат 07:40да (Тошкент вақти билан 09:40) содир бўлган.

Самолётда 91 нафар йўловчи ва 6 нафар экипаж аъзоси бўлган, ҳеч ким жабрланмаган. Қувватдаги двигательга қушлар урулгани сабабли самолёт учиш-қўниш йўлагидан ортга қайтган.

Транспорт прокуратураси томонидан текширув тайинланган. Самолёт кейин парвозни давом эттириб, Тошкентга соат 13:35да етиши кутилмоқда.

Telegram I Facebook I YouTube I Instagram

Тошкент саноат корхоналари ва туристик лойиҳалар Тошкент вилоятига кўчирилади

➖ Пойтахтдаги экологияга зарар етказаётган 50 дан ортиқ чармни қайта ишлаш корхоналари Оҳангарон туманидаги саноат зонасига кўчирилади. Шунингдек, 35 та тўқимачилик корхонаси ҳам Тошкент вилоятига олиб ўтилади.

➖ Ангрен шаҳридаги Оҳангарон сув омбори атрофидан 168 гектар ер Тошкент шаҳар ҳокимлиги ихтиёрига берилиб, туристик зона барпо этилади.

➖ Пойтахт туманлари Тошкент вилояти туманларига бириктирилади. Масалан, Миробод — Паркент туманига, Учтепа — Зангиота туманидаги лойиҳаларга масъул этилади.

➖ Ангреннинг Янгобод ва Лашкерек қишлоқларига туризм қишлоқлари мақоми берилади.

Telegram I Facebook I YouTube I Instagram