ДХХ томонидан қатор коррупцион ҳолатлар фош этилди

Давлат хавфсизлик хизмати ва бошқа ҳуқуқ-тартибот органлари ҳамкорлигида ўтказилган тезкор-қидирув тадбирлари давомида айрим мансабдор шахсларнинг ноқонуний ҳаракатларига чек қўйилди.

🔹 Андижон вилоятида Бўстон тумани ҳокимининг икки нафар ўринбосари фермер хўжалигига тегишли 500 минг долларлик экспорт режасини сохта операциялар орқали ёпиб бериш эвазига 65 млн сўм пора талаб қилган. Улардан бири 25 млн сўмни олган, қолган 40 млн сўмни олаётганда ашёвий далиллар билан қўлга олинган.

🔹 Тошкент шаҳрида икки нафар шахс Сергели туманидаги 1 гектар ер майдонининг мақсадини ўзгартириб, кўп қаватли уй қуришга рухсат олиб бериш эвазига 900 минг доллар талаб қилган. Миробод туманида ўтказилган тадбирда улар 220 минг долларни олган вақтларида қўлга олинди.

🔹 Қашқадарё вилоятида “Ватанпарвар” ташкилоти вилоят кенгаши раиси ўринбосари имтиҳонсиз ҳайдовчилик гувоҳномаси олиб бериш учун 20 млн сўм пора олган пайтда ашёвий далиллар билан ушланди.

Барча ҳолатлар бўйича жиноят ишлари қўзғатилиб, айбдор шахсларга нисбатан “қамоқ” эҳтиёт чораси қўлланди. Тергов ҳаракатлари олиб борилмоқда.

Telegram I Facebook I YouTube I Instagram

2026 йилдан транспорт воситалари экологик тоифаларга ажратилади

2026 йилдан бошлаб, барча транспорт воситалари атмосфера ҳавосига таъсирига қараб “тоза”, “ўрта” ва “зарарли” тоифаларга ажратилади.

Транспорт воситаларига “яшил”, “сарик” ва “қизил” электрон стикерлар берилади.

Жорий қилиш босқичлари:

2025–2027: Тошкент;

2028–2030: Нукус ва вилоятлар марказлари, экологик муҳим зоналар;

2031–2034: Қолган ҳудудлар.

Ишлаб чиқарилганига уч йилдан ошмаган воситалар эгалари онлайн мурожаат орқали бепул “яшил” стикер олишлари мумкин.

Telegram I Facebook I YouTube I Instagram

Жаҳонда гўшт нархлари рекорд даражага кўтарилди

БМТнинг Озиқ-овқат ва қишлоқ хўжалиги ташкилоти маълумотига кўра, 2025 йил август ойида жаҳон гўшт бозорида нархлар тарихий рекорд даражани қайд этди. Бу ҳолатнинг асосий сабаблари сифатида АҚШ ва Хитойда гўштга талабнинг сезиларли ошиши ҳамда чорва сонининг камайиши кўрсатилмоқда.

Bloomberg хабарида айтилишича, гўшт индекси июль ойидаги рекордни орқада қолдирди. Бу эса айрим давлатларда инфляция босимини кучайтирмоқда. Масалан, Буюк Британияда июль ойида мол ва қўй гўшти нархи қарийб 25% га қимматлади.

FAO ҳисоботида иқлим ўзгариши ва турли касалликлар туфайли кўплаб мамлакатларда чорвачилик қисқаргани қайд этилган. АҚШда чорва сони сўнгги ўн йилликда энг паст кўрсаткичга тушган. Бразилияда ҳам чорва сони камаймоқда, беқарор об-ҳаво эса уларни етиштиришни мураккаблаштирмоқда.

Ўзбекистонда ҳам нархлар сезиларли ўсди: сўнгги бир йилда суяксиз мол гўшти 25,7%, суякли мол гўшти 24,9%, қўй гўшти эса 28,5% га қимматлади.

Telegram I Facebook I YouTube I Instagram

“Тошкент-Хатирчи” йўналишида ортиқча чипта пуллари истеъмолчиларга қайтарилади

Рақобат қўмитаси кўрсатмасига мувофиқ, “Тошкент-Хатирчи” йўналишида автобус хизматларидан фойдаланиш жараёнида 74 419 та йўловчидан 710 млн сўм ортиқча ҳақ ундирилгани аниқланди. Мазкур ҳолат фуқаро Ў.Ч.дан келиб тушган шикоят асосида таҳлил қилинди.

Ўрганишлар давомида чипта сотиш жараёнида қўшимча хизматлардан фойдаланишга мажбурлаш ва кўрсатилмаган хизматлар учун ҳақ олиш аломатлари аниқланган. Шу боис Махсус комиссия ортиқча олинган маблағларни истеъмолчиларга қайтариш чораларини белгилади ва "Ҳунарманд" МЧЖга тегишли кўрсатмалар берилди.

Маълумот учун, 2024 йил ва 2025 йилнинг ўтган 7 ойи давомида транспорт соҳасида фуқаролардан 1 050 га яқин мурожаат келиб тушган, натижада қарийб 1,4 млрд сўм маблағ уларнинг фойдасига қайта ҳисобланган.

Telegram I Facebook I YouTube I Instagram

Ота-оналар фарзандини синфдан синфга ўтказиш ҳуқуқига эга

Маҳаллий қоидаларга кўра, ота-оналар фарзандларини хоҳишига кўра ўқув йили давомида ёки унинг тугаганидан сўнг бир синфдан бошқа синфга ўтказиш учун мактаб директори номига ариза топшириши мумкин.

Директор аризани олганидан сўнг бир иш кунида кўриб чиқиб, ўқувчини синфдан синфга ўтказиш тўғрисида буйруқ чиқаради. Агар синфдаги ўқувчилар сони меъёрдан (35 нафар) ортиқ бўлса, директор сўровни рад этиши мумкин ва рад этиш ҳақида ота-оналарга 3 кунда ёзма маълумот берилади.

Ўқувчини синфдан синфга ўтказиш тўғрисида буйруқ қабул қилингач, 3 кунда синф журнали ва ўқувчилар ҳаракати дафтарига тегишли ёзув киритилади.

Telegram I Facebook I YouTube I Instagram

❗️Мактабларда маслаҳатчи лавозими жорий этилади

Ўқувчилар ташаббусларини қўллаб-қувватлаш ва “Келажак” марказлари тизимини жорий этиш мақсадида мактабларда янги лавозим — мактаб маслаҳатчиси ташкил этилади.

➖ маслаҳатчи маоши мактаб директори ўринбосари маошига тенглаштирилади;
➖ менежерлик сертификатига эга бўлган маслаҳатчиларга ҳар ойлик 30% қўшимча устама берилади;
➖ мактабларда erp.portfolio платформаси йўлга қўйилиб, ўқувчилар портфолиоси юритилади ва 2028–2029 ўқув йилдан шаҳодатномаларда акс эттирилади.

Telegram I Facebook I YouTube I Instagram

Ўзбекистонда 12 йиллик таълим тизими жорий этилади

Ўзбекистонда мактабга тайёрлов гуруҳлари умумий таълимга қўшилиши билан 12 йиллик таълим тизими жорий этилади. Бу орқали ўқувчилар хорижий университетларга ҳужжат топширганда бир йиллик “foundation” курсларини ўқимай, тўғридан-тўғри бакалавр босқичига кириш имконига эга бўлади, деб хабар қилмоқда Мактaбгача ва мактаб таълими вазири ўринбосари Сардор Раджабов.

Янги тизим уч босқичдан иборат бўлади:
▪️ 1 йил мактабга тайёрлов ва 4 йиллик бошланғич таълим;
▪️ 5 йиллик умумий ўрта таълим (5–9-синфлар);
▪️ 2 йиллик тўлиқ ўрта таълим — мактаб, академик лицей, ҳарбий мактаб ёки техникумлар

Telegram I Facebook I YouTube I Instagram

Президент Шавкат Мирзиёев раҳбарлигида видеоселектор йиғилиши бўлиб ўтади

Бироздан сўнг президент Шавкат Мирзиёев раҳбарлигида мактабгача ва мактаб таълими соҳасидаги ислоҳотлар ижроси ҳамда келгусидаги устувор вазифалар юзасидан видеоселектор йиғилиши бошланади.

Telegram I Facebook I YouTube I Instagram

Президент: “Иқтисодиёт ривожланиши, юртимиз ва фарзандларимиз келажаги фақат таълим ва муаллимга боғлиқ”

Президент Шавкат Мирзиёев раислигида таълим соҳасидаги ислоҳотлар ижроси ва келгусидаги вазифаларга бағишланган видеоселектор йиғилиши бошланди.

“Иқтисодиёт ривожланиши, юртимиз ва фарзандларимиз келажаги фақат ва фақат таълим ва муаллимга боғлиқ. Сизлар билан иш бошлаган биринчи кундан айтаман: таълим, таълим, таълим, муаллим, муаллим, муаллим”,

– деди давлатимиз раҳбари.

Йиғилишда ўқитувчилар учун муносиб шароит яратиш, боғча ва мактаблар қуриш, жиҳозлаш, хориждан мутахассислар жалб этиш, замонавий дарслик ва ўқув дастурларини жорий қилиш ишлари изчил давом эттирилаётгани таъкидланди.

Шунингдек, президент ҳар бир туман ва вилоят раҳбарлари таълим масаласига жиддий ёндашиши кераклигини қайд этди:

“Одамларимиз яхши яшаши учун иқтисодиётимиз кучли бўлиши керак! Бунинг учун янги товар, янги хизмат, янги технология керак! Сифатли таълим тизими орқалигина буларга эриша оламиз! Бошқа йўлимиз йўқ! Шу ҳақиқатни англаб, ҳар куни ўзини қийнаб ишлаган раҳбарнинг туманида, боғчаси, мактаби, техникуми, олийгоҳида албатта ўзгариш ва натижа бўлади”,

– деди президент.

Telegram I Facebook I YouTube I Instagram

Олий таълим вазирининг ўринбосарлари лавозимидан озод этилди

Жумладан, вазирнинг биринчи ўринбосари Далиев Шахрух Хожакбарович;

- вазир ўринбосари Махкамов Отабек Мухтарович;

- вазир ўринбосари Бузрукхонов Сарвархон Мунавархонович лавозимидан озод этилди.

- Шунингдек, вазирлик қошидаги Инновацион ривожланиш агентлиги директори Ражаббаев Шароф Рахимбердиевич ҳам лавозимидан озод этилган.

Telegram I Facebook I YouTube I Instagram

"Касб-ҳунар ва олий таълимга масъул мутасаддилар ҳалигача таълимдаги ислоҳотлар мазмунини тўлиқ тушуниб етгани йўқ" – президент

Жорий йил бошидан халқаро фан олимпиадаларида Ўзбекистон ўқувчилари 195 та медалга эга бўлди. Уларга оширилган ставкада жами 10 миллиард сўм, мураббий-ўқитувчиларига эса 3,5 миллиард сўм пул мукофоти тақдим этилади.

Хорижий тил эгалари жалб қилинган 1 мингдан зиёд мактабларда тил бўйича сертификат олган ўқувчилар сони бир йилда 2,5 баробарга ошгани қайд этилди.

“Тўғри, мактабгача ва мактаб таълимида ўзгаришлар бўляпти, дастурлар ишлаяпти, натижалар бор. Лекин касб-ҳунар ва олий таълимга масъул мутасаддилар ҳалигача таълимдаги ислоҳотлар мазмунини тўлиқ тушуниб етгани йўқ”,

дея таъкидлади давлат раҳбари.

Шу муносабат билан Олий таълим, фан ва инновациялар вазирининг биринчи ўринбосари Шоҳрух Далиев, ўринбосарлар Отабек Маҳкамов ва Сарвархон Бузрукхонов ишдан олингани эълон қилинди.

Шунингдек, Президент фармони ва қарорига кўра, Президент Администрацияси ҳузуридаги Таълим сифатини таъминлаш миллий агентлиги директори Адҳам Худайқулов бошқа ишга ўтгани сабабли, ҳамда Олий таълим, фан ва инновациялар вазирлиги ҳузуридаги Инновацион ривожланиш агентлиги директори Шароф Ражаббаев лавозимидан озод этилди.

Эндиликда мактабгача ва мактаб таълими ҳамда олий таълим соҳаси раҳбарлари ва уларнинг ўринбосарлари, шунингдек ҳокимлар превентив ва проактив иш усулига ўтиб, таълимнинг барча йўналишларида катта ўзгаришлар қилишлари зарурлиги қайд этилди.

Telegram I Facebook I YouTube I Instagram

80 та туманда боғча очиш учун имтиёзлар эълон қилинди

Тадбиркорлар билан очиқ мулоқот чоғида 80 та туманда боғча очиш учун имтиёзлар белгиланди.

Ушбу механизмдан унумли фойдаланиб, боғча ўринларини кўпайтириш зарурлиги таъкидланди.

Қашқадарёнинг барча туманларида хусусий сектор ва хорижий ҳамкорлар билан икки йил ичида боғча ва мактаб ўринлари 3 баробарга ошгани қайд этилди. Вилоят ҳокимларига бу тажрибани ўрганиш топширилди.

Шунингдек, ҳар бир туманда боғча қамрови 80 фоиздан кам бўлмаслиги шартлиги белгиланди. Бунинг учун вилоят ва туман ҳокимлари олдига бўш ерларни топиб, аукционга чиқариш, Мактубгача ва мактаб таълими вазирлиги билан ҳамкорликда қайси мактаб ва боғчада бўш жой бўлса, ўша ерда боғча қуриш режасини белгилаш вазифаси қўйилди.

Мутахассисларга бўш ерларда боғча ташкил этиш бўйича хусусий шериклик ёки сармоя киритиш шартлари билан уч йиллик дастур қабул қилиш, янги хусусий боғчаларга субсидия бериш, тарбиячилар маошини қисман қоплаш тартибини жорий этиш вазифаси юклатилди.

Telegram I Facebook I YouTube I Instagram

"Айни пайтда олис ҳудудлардаги 74 минг ўқувчи ҳозиргача 5–7 километр узоқликдан мактабга қатнамоқда" — президент

Йиғилишда мактаб таълими масаласи муҳокама қилинди. Айни пайтда олис ҳудудлардаги 74 минг ўқувчи ҳозиргача 5–7 километр узоқликдан мактабга қатнаётгани қайд этилди.

Қашқадарё ва Сурхондарё ҳокимлари мазкур масалани ҳал қилиб, 100 та мактабда беғараз автобус қатновини йўлга қўйди. Самарқанд ва Жиззах вилоятлари ҳокимлари ҳам бир ой ичида 100 та мактабда шунга ўхшаш ташаббусни амалга оширишини эълон қилди. Бу бошқа ҳудудлар учун намуна сифатида кўрсатилди.

Шунингдек, уч йил ичида иқтидорли ўқувчилар учун 201 та ихтисослашган мактаб ташкил қилинди, бироқ 12 та мактабда қурилиш ва таъмирлаш ишлари ҳали якунланмаган. Тегишли вилоят ҳокимларига ишларни йил охиригача тугаллаш топширилди.

Telegram I Facebook I YouTube I Instagram

Педагогика олийгоҳларида “1+5” бакалавр таълим шакли жорий қилинади — президент

Президент таъкидлаганидек, боғчаларга янги методика кириши ва тарбиячиларнинг салоҳияти бунга мос бўлиши керак.

Ёз мавсумида 118 минг тарбиячининг малакаси оширилган, бироқ бу етарли эмаслиги қайд этилди. Шу боис, янги ўқув йилидан педагогика олийгоҳларида ўрта махсус маълумотли тарбиячилар учун “1+5” (1 кун ўқиш, 5 кун иш) бакалавр таълим шакли жорий этилади. Бу орқали боғчаларга ҳар йили қарийб 10 минг олий маълумотли мутахассис кириб келади.

Шунингдек, хусусий ва давлат боғчалари учун таълим-тарбия сифати бўйича ягона ёндашув йўқлиги қайд этилди. Шу муносабат билан келгуси йилда ҳар бир вилоятда боғча тарбиячилари педагогик маҳоратини оширишга методик кўмак берувчи таянч “Янги авлод” боғчалари барпо этилади.

Мутахассисларга “Янги авлод” боғчаси лойиҳасини эски ва бир хил ёндашувлардан чекиниб, янгича ишлаб чиқиш топширилди.

Telegram I Facebook I YouTube I Instagram

Мирзо Улуғбек ва Ибн Сино мактаблари ташкил этилади

Ўтган йилдан бошлаб 1-синфларда ахборот технологиялари дарслари йўлга қўйилди. Кейинги ўқув йилидан юқори синфлар учун сунъий интеллект бўйича дарслар киритилади.

Бу мақсад учун 2 минг синфхонага компьютер ва 6 минг 300 та интерфаол доска харид қилиниши зарурлиги, ушбу маблағлар келаси йил давлат бюджетида назарда тутилиши топширилди.

Иқтидорли ўқувчиларга шарт-шароит яратиш мақсадида вилоятларда ахборот технологияларига ихтисослашган Ал-Хоразмий мактаблари, муҳандислик йўналишида Мирзо Улуғбек мактаблари, ва табиий фанлар йўналишида Ибн Сино мактаблари филиаллари ташкил этилади.

Энди ушбу мактаблар ҳудудлардаги техника олийгоҳларига номма-ном бириктирилади. Яхши натижага эришган битирувчилар шу олийгоҳларнинг 2-курсига қабул қилинади.

2026 йилда мактаб ўқувчилари ўртасида энг нуфузли халқаро кимё ва информатика олимпиадалари Марказий Осиё давлатлари орасида илк бор Ўзбекистонда бўлиб ўтади. Бош вазирга пойтахтимизда ушбу олимпиадаларни юқори савияда ўтказиш учун барча ташкилий масалаларни назоратга олиш топширилди.

Telegram I Facebook I YouTube I Instagram

219 мактаб асосида “Kelajak” марказлари ташкил этилади

Жойлардаги 219 та "Barkamol avlod" мактаби, "Yoshlik" спорт жамияти, O‘quvchi yoshlar маркази ва O‘zbekiston bolalar ташкилоти асосида республика, ҳудуд ва туманларда “Kelajak” марказлари ташкил этилади.

“Kelajak” марказлари мактаблар билан узвий ва мақсадли тадбирларни ривожлантириб, муҳандислик, илм-фан, маданият, санъат, китобхонлик, спорт ва экологик йўналишлар бўйича ўқувчиларни тўгаракларга жалб қилади.

Шу билан барча мактаблар тизимга қамраб олинади. Ҳар бир ўрта мактабда маслахатчи лавозими жорий қилинади. Маслахатчилар ўқувчиларнинг қобилияти ва қизиқишига қараб тил, касб, муҳандислик, ижод, санъат ва спорт тўгаракларини ташкил қилади.

Telegram I Facebook I YouTube I Instagram

Касбий таълим агентлиги ташкил этилади

Бу ҳақда президент раислигида ўтказилаётган видеоселектор йиғилишида маълум қилинди.

Мутахассисларга вилоят ва туман ҳокимлари билан биргаликда Президент ва ихтисослашган мактабларда орттирилган тажриба асосида жорий йилда 598 та техникумга халқаро стандарт бўйича замонавий касбга ўқитиш муҳитини жорий этиш вазифаси қўйилди.

Умуман, вилоят ва туман ҳокимларига келгуси ўқув йилида 9-синф битирувчиларининг камида 50 фоизини, ҳозиргига қўшимча яна 200 минг ўқувчини техникумга қамраб олиш топширилди.

Ушбу ишларни ягона сиёсат асосида олиб бориш учун Касбий таълим агентлиги ташкил этилади.

Telegram I Facebook I YouTube I Instagram

⚡️Мактаб ва боғчалардаги барча хизматлар тўлиқ рақамли форматга ўтади

Боғча ва мактаблардаги 10 дан зиёд хизматлар рақамлашгани ҳисобига соҳада коррупция кескин камайди.

Шу билан бирга, мактабларга ўқувчиларни қабул қилиш, боғча тарбияланувчилари давомати ҳалигача рақамли платформага тўлиқ ўтмаган.

Масалан, микроҳудудлар аниқ белгиланмагани учун 144 та тумандаги 8 мингта мактабда ўқувчилар эскича тартибда қабул қилинмоқда, боғчаларда ходимлар табели қоғозда юритиляпти.

Мутасаддиларга йил якунигача 144 та тумандаги мактабларнинг микроҳудудини аниқ белгилаш топширилди. Кейинги ўқув йилигача мактаб ва боғчалардаги барча хизматлар тўлиқ рақамли форматга ўтиши шартлиги қайд этилди.

Telegram I Facebook I YouTube I Instagram

Тадбиркорлар ҳоҳлаган ҳудуддаги судга мурожаат қилса бўлади

Бизнес-омбудсман томонидан таъкидланишича, амалиёт таҳлили шуни кўрсатадики, низога тааллуқли ишни объект ёки ариза берувчи жойлашган жойдан қатъи назар, бошқа судда кўриб чиқилиши айрим ҳолларда холис қарор қабул қилиш имкониятини берган.

Бироқ қонунчиликда судга мурожаат қилишда экстерриториаллик принципи мавжуд эмаслиги тадбиркорларни судни танлаш имкониятидан маҳрум қилиб келар эди.

Давлат раҳбари иқтисодий ва маъмурий судларда мурожаат қилишда экстратерриториаллик тамойилини жорий этилишни таклиф қилди.

Энди тадбиркорлар объект ёки аризачи жойлашган жойдан қатъи назар судга мурожаат қилишлари мумкин бўлади.

@effectuz

📉 9 ойда 100 мингдан ортиқ текширув: 812 мансабдор жавобгарликка тортилди

👉 Жорий йилнинг 9 ойи давомида жами 106 259 та текширув ўтказилган.

🚫 Шундан:

12 та назорат органи томонидан 367 та ноқонуний текширув ўтказилган;

27 та назорат органида эса 3 490 та тартиб бузилиш ҳолати аниқланган.

⚖️ Ушбу қонунбузарликлар юзасидан 812 нафар мансабдор шахсга маъмурий жавобгарлик чораси қўлланилган.

Telegram I Facebook I YouTube I Instagram