Нодавлат суд-экспертиза институти роли янада оширилади

Қарорга кўра, нодавлат суд-экспертиза ташкилотларининг ихтиёрий аъзолигига асосланган Ўзбекистон суд экспертлари палатаси ташкил этилади.

☑️ Нодавлат суд экспертларининг касбий ва амалий тайёргарлик даражасини аниқлаш, уларнинг ноқонуний ҳаракатлари билан боғлиқ ҳолатларнинг адолатли кўриб чиқилишини таъминлаш учун Адлия вазирлиги ҳузурида Эксперт-малака комиссияси фаолияти йўлга қўйилади.

📝 2025 йил 1 ноябрдан маъмурий ҳуқуқбузарлик тўғрисидаги ишлар бўйича шартнома асосида адвокат сўровига кўра суд-экспертиза ташкилотларида экспертиза ўтказиш тартиби жорий этилади.

⚠️ 2025 йил 1 декабрдан нодавлат суд экспертларига якка тартибда суд-экспертлик бюроси шаклида фаолият юритиш ҳуқуқи берилади.

📑 2025 йил 15 декабрдан шахслар учун Х.Сулаймонова номидаги Республика суд экспертизаси марказига экспертиза тадқиқотлари ўтказиш бўйича “Sud-ekspert” портали орқали онлайн мурожаат қилиш имконияти яратилади.

📷 2026 йилдан 1 январдан Республика суд экспертизаси маркази суд экспертлари объектларни кўздан кечириш учун жойларга чиққанда мажбурий равишда мобил видеокамера (бодикамера)лардан фойдаланиши тартиби йўлга қўйилади.

Telegram I Facebook I YouTube I Instagram

Ўқувчиларнинг ташаббусларини қўллаб-қувватлаш бўйича мактаб маслаҳатчиси лавозими жорий қилинади.

“Баркамол авлод” болалар мактаби, Республика ўқувчи-ёшлар маркази ҳамда “Ëшлик” жисмоний тарбия ва спорт жамияти негизида “Келажак” марказлари ташкил этилади.

Янги кўп қаватли уйлар қурилишида улардаги аҳоли сонига мутаносиб мактабгача таълим ташкилоти ҳам бўлиши назарда тутилади. Боғчаларда ишлаётган ўрта махсус маълумотли мутахассислар учун дуал таълим ва малака ошириш тизими жорий этилади.

Боғча ва мактабларнинг бўш майдонларида давлат-хусусий шериклик асосида мактабгача таълим ташкилоти қуришга рухсат этилади. Тадбиркорларга фаолиятни ўзгартирмаслик шарти билан ер участкалари бепул берилади ҳамда 7 йилгача бўлган имтиёзли кредит ажратилади.

2026-2028 йилларда республиканинг 14 та ҳудудида Болаларни ривожлантириш инновацион марказини ўз ичига олган “Янги авлод” мактабгача таълим ташкилотлари тармоғи ташкил этилади.

Telegram I Facebook I YouTube I Instagram

“Benom” гуруҳи эътибор марказида

Ўзбекистоннинг таниқли гуруҳларидан бири — “Benom” гуруҳи аъзолари вилоятлар ора сафарларидан бирида 185 км тезликда автомобилда ҳаракатланаётган видеоларини ижтимоий тармоқлардаги саҳифаларига жойлашди.

Видеода улар йўл қоидаларини бузиб, жуда хавфли тезликда ҳаракатланаётганини кўриш мумкин.

Эслатиб ўтамиз, юқори тезликда ҳаракатланиш нафақат ҳайдовчи, балки йўловчилар ва йўлдаги бошқа иштирокчиларнинг соғлиги ҳамда ҳаёти учун жиддий хавф туғдиради.

Telegram I Facebook I YouTube I Instagram

🇺🇿 Ўзбекистон терма жамоаси финал олдидан стадионга етиб келди

Айни дақиқaлaрда “Олимпия” стадионида бўлиб ўтадиган “CAFA Nations Cup” финалига тайёргарлик кўриш мақсадида Ўзбекистон миллий терма жамоаси аъзолари майдонга ташриф буюришди.

Telegram I Facebook I YouTube I Instagram

Тўқаев Ўзбекистон ва Россияга ташриф буюриши режалаштирилганини маълум қилди

Қозоғистон президенти Қосим-Жўмарт Тўқаев халққа йўллаган мурожаатида яқинда амалга оширилиши кутилган ишлар ва ташрифлар ҳақида сўзлади, деб хабар берди Tengrinews.

Унинг таъкидлашича, йил охирида Россия ва Ўзбекистонга расмий ташриф буюрилиши режалаштирилган. Шунингдек, Остонада Озарбойжон, Арманистон ва Туркманистон раҳбарларини қабул қилиш кўзда тутилмоқда. Шу билан бирга, Осиё ва Европанинг бир қатор давлатлари етакчилари билан учрашув ва музокаралар ҳам ташкил этилиши белгиланган.

Президент яқин кунларда Нью-Йоркда бўлиб ўтадиган БМТ Бош Ассамблеясининг юбилей сессиясида нутқ сўзлаши ҳақида ҳам маълум қилди. Унинг айтишича, Қозоғистон халқаро вазият юзасидан ўз қарашларини баён қилиб, Бирлашган Миллатлар Ташкилотини ислоҳ қилиш бўйича таклифларни тақдим этади.

Telegram I Facebook I YouTube I Instagram

Магистратурада таҳсил олаётган хотин-қизларнинг контракти давлат томонидан қоплаб берилади

Олий таълим, фан ва инновациялар вазирлиги ахборотига кўра, 2025/2026-ўқув йилида давлат ОТМ магистратурасида таҳсил олаётган барча хотин-қизларнинг контракт маблағлари (табақалаштирилганидан ташқари) давлат бюджети ҳисобидан қоплаб берилади.

Ариза 2025 йил 15 сентябрга қадар ўқиш олаётган ОТМ раҳбари номига топширилиши шарт. Кейин берилган аризалар кўриб чиқилмайди.

Маълумотга кўра, аризалар 3 иш кунида кўриб чиқилади, умумий рўйхат эса 5 иш кунида вазирликка юборилади. Контракт қопланиши ҳақидаги буйруқ 2025 йил 15 октябрга қадар қабул қилинади.

Шу билан бирга, имтиёз қуйидагиларга татбиқ этилмайди:

🔷муддатдан кечиккан аризалар;

🔷табақалаштирилган контракт асосида ўқувчилар;

🔷нодавлат ОТМ магистратурасида таҳсил олаётганлар.

Telegram I Facebook I YouTube I Instagram

Андижон, Тошкент ва Қашқадарёда пора олганлар ушланди

Андижон вилояти Бўстон тумани ҳокимининг инвестициялар ҳамда қишлоқ ва сув хўжалиги масалалари бўйича ўринбосарлари фермер хўжалигининг 500 минг АҚШ доллари миқдоридаги экспорт режасини ёпиб бериш эвазига фуқародан 65 миллион сўм пора талаб қилган. Ундан 40 миллион сўм олган вақтда ашёвий далиллар билан қўлга олинди. Ҳозирда мазкур шахсларга нисбатан Жиноят кодексининг 210-моддаси 3-қисми «в» ва «г» бандлари бўйича жиноят иши қўзғатилган ва қамоққа олиш чораси қўлланган.

Сергели туманида эса икки фуқаро бир гектар ер майдонини кўп қаватли уй қуриш учун тоифасини ўзгартиришни ва рухсат олишни ваъда қилиб, 900 минг АҚШ доллари талаб қилган. Улар 220 минг доллар олаётган пайтда қўлга олинди. Уларга нисбатан Жиноят кодексининг 168-моддаси 4-қисми «а» банди ва 211-моддаси 3-қисми «а» банди бўйича иш очилган ва қамоққа олиш чораси қўлланган.

Қашқадарё вилояти Қарши шаҳрида эса "Ватанпарвар" мудофаага кўмаклашувчи ташкилот вилоят кенгаши раиси ўринбосари хизмат хонасида аризачининг ўғлига имтиҳонсиз ҳайдовчилик гувоҳномаси олишда ёрдам бериш эвазига 20 миллион сўм олган вақтда қўлга олинди. Ушбу шахсга нисбатан Жиноят кодексининг 168-моддаси 3-қисми «в» банди ва 211-моддаси 1-қисми бўйича жиноят иши қўзғатилган.

Ҳозирда барча мазкур ҳолатлар бўйича тергов ҳаракатлари олиб борилмоқда.

Telegram I Facebook I YouTube I Instagram

❗️Тошкентда ФИФА минтақавий офисини очиш бўйича келишувга эришилди

8 сентябрь куни Президент Шавкат Мирзиёев ФИФА раҳбари Жанни Инфантино билан учрашди. Суҳбатда футболни ривожлантириш, ФИФАнинг йирик мусобақа ва тадбирларини Ўзбекистонда ўтказиш масалалари муҳокама қилинди.

Шунингдек, ёш истеъдодларни қўллаб-қувватлаш, мураббийлар, ҳакамлар, менежерлар ва спорт мутахассисларини халқаро даражада тайёрлаш борасидаги ҳамкорликни кенгайтиришга келишиб олинди.

Учрашув якунида Шавкат Мирзиёев Жанни Инфантинога ўзбек футболини ривожлантиришга қўшган ҳиссаси учун “Дўстлик” орденини топширди.

Telegram I Facebook I YouTube I Instagram

Ўзбекистонда сифатсиз қурилишлар бўйича 40 дан ортиқ жиноят иши қўзғатилди

Мамлакатимизда кўп қаватли уй-жойларнинг зилзилабардошлиги ва сейсмик хавфсизлигини таъминлаш мақсадида Бош прокуратура ҳамда Қурилиш ва уй-жой коммунал хўжалиги соҳасида назорат қилиш инспекцияси томонидан текширувлар ўтказилмоқда.

Ўрганишлар давомида сифатсиз қурилган 396 та объект аниқланиб, ҳуқуқни муҳофаза қилувчи органларга материаллар юборилди. Шунингдек, 200 дан ортиқ ҳолат бўйича судларга ноқонуний қурилишларни бузиш ҳақида даъво аризалари киритилди.

Айни вақтгача 100 дан зиёд ноқонуний қурилиш бузилиши таъминланди. Қурилиш жараёнларида йўл қўйилган қўпол қоидабузарликлар юзасидан эса 40 дан ортиқ ҳолатда жиноят иши қўзғатилиб, тегишли тергов ҳаракатлари олиб борилмоқда.

Telegram I Facebook I YouTube I Instagram

Мубашшир Аҳмад иши бўйича Тошкентда иккинчи суд жараёни ўтказилди

Тошкентда Мубашшир Аҳмад тахаллуси билан машҳур диний уламолардан бири Алишер Турсуновга оид жиноят ишининг иккинчи суд мажлиси бўлиб ўтди. Суд мажлиси очиқ тарзда ўтказилди ва иш материалларига сиёсий ва диншунослик экспертлари томонидан баҳо берилди.

8 сентябр куни Учтепа туманидаги Тошкент шаҳар судида бўлиб ўтган мажлис тахминан 2 соат давом этди. Суд жараёнида фуқаролар ҳам қатнашиб, ҳодисани кузатди. Судя сифатида Бобур Раҳимов иштирок этди, қораловчи вазифасини Учтепа тумани прокурори ўринбосари Эркин Нарзуллаев бажарди, шунингдек адвокатлар Абдуллоҳ Содиқов раҳбарлигида ишни қўллаб-қувватлади.

Иккинчи судда Алишер Турсунов ижтимоий тармоқларда эълон қилган маълумотларга оид экспертлар фикри тингланди. “Ренессанс” университети сиёсатшунослик профессори Одил Мусаев материалларга сиёсий нуқтаи назардан баҳо берса, Диншунослик экспертизаси бўлими мутахассиси Шаҳбоз Низомов уларни диний жиҳатдан таҳлил қилди.

Экспертлар ва адвокатлар фикри эшитилгандан сўнг, суд жараёни тугатилди ва суд 15 сентябрга қадар танаффус эълон қилди.

Telegram I Facebook I YouTube I Instagram

⚡️Гоооол! Байрам бошланди!

"CAFA Nations Cup-2025" финалида Ўзбекистон терма жамоаси 13 йилдан сўнг Эронни 1:0 ҳисобида енгиб, турнир ғолибига айланди!

🇺🇿Ўзбекистон 1:0 Эрон

⚽️Гол: Алижонов, 120’

Ўзбек футболининг тарихий дақиқаси! 🎉🇺🇿

Telegram I Facebook I YouTube I Instagram

Шахсни тасвирга олиш ва ундан фойдаланиш фақат розилик билан амалга оширилиши қонунан белгиланмоқда

Депутатлар шахсларнинг тасвирга оид ҳуқуқларини ҳимоя қилишни кучайтириш мақсадида қонунчиликка ўзгартириш ва қўшимчалар киритиш масаласини муҳокама қилмоқда.

Лойиҳага кўра, шахсни тасвирга олиш ва ундан фойдаланиш учун албатта розилик олиниши шарт бўлади. Агар шахс муомалага лаёқатсиз бўлса, розилик унинг қонуний вакили томонидан берилади. Шунингдек, шахс вафот этган ҳолда, агар у ҳаётлик даврида розилик билдирмаган бўлса, бу ҳуқуқ унинг ворисларига тегишли бўлади.

Қонун лойиҳасида болалар мустақил ҳуқуқ субъекти сифатида белгиланмоқда. Яъни, 16 ёшга тўлмаган шахслар тасвири учун розилик уларнинг ота-онаси ёки қонуний вакиллари томонидан берилади. 16 ёшдан кейин эса болалар мазкур масалада мустақил равишда қарор қабул қила олади.

Шу билан бирга, видеокузатув тизимлари бўйича ҳам қоидалар киритилмоқда. Хусусан, бино ва иншоотларда кузатув камералари ўрнатилган тақдирда, бу ҳақда албатта огоҳлантирувчи белгилар жойлаштирилиши шарт этиб белгиланмоқда.

Лойиҳада тасвирга олиш ва ундан рухсатсиз фойдаланиш мумкин бўлган айрим ҳолатлар ҳам аниқ белгиланган.

Telegram I Facebook I YouTube I Instagram

Тоғ-кон саноати ва геология вазирига биринчи ўринбосар тайинланди

Феруза Ҳамидова тоғ-кон саноати ва геология вазирининг биринчи ўринбосари бўлди.

Омонулла Насритдинхўжаев бошқа ишга ўтгани сабабли лавозимидан озод этилди. Унинг ўрнига Феруза Ҳамидова тоғ-кон саноати ва геология вазирининг биринчи ўринбосари этиб тайинланди.

Telegram I Facebook I YouTube I Instagram

Самарқандда чинорлар кесилишига расмий изоҳ берилди

Самарқанд шаҳрида Гўри Амир мақбараси яқинидаги бир нечта чинор дарахтлари кесиб ташлангани бўйича вилоят ҳокимлиги ахборот хизмати расмий баёнот берди.

Маълумотга кўра, жорий йил 7 сентябр куни 3 туп чинор дарахти хавфсизлик нуқтайи назаридан кесилган. Дарахтлар чириб, танасида ғоваклар ҳосил бўлгани ва йўлга 40 даражага оғиб қолгани сабабли уларнинг йиқилиш хавфи юқори деб топилган. Бу ҳолат пиёдалар ва йўлда ҳаракатланувчи фуқаролар ҳаёти учун жиддий таҳдид солган.

Вилоят Экология, атроф-муҳитни муҳофаза қилиш ва иқлим ўзгариши бошқармаси кесилган чинорларнинг ўрнига қимматли турдан бўлган 10 туп, 5 ёшдан катта кўчатлар экилишини маълум қилди. Ушбу вазифа шаҳар ҳокимлиги Ободонлаштириш бошқармаси зиммасига юклатилган.

Telegram I Facebook I YouTube I Instagram

❗️Сариосиё тумани ҳоким ўринбосарига мажбурий меҳнат учун жарима қўлланди

Камбағалликни қисқартириш ва бандлик вазирлиги ахборот хизмати маълумотига кўра, ўтказилган ўрганиш натижасида туман ҳокимининг ўринбосари маҳалла фаолларига 5–10 нафардан фуқароларни пахта теримига мажбурий жалб қилиш ҳақида топшириқ бергани аниқланган.

Ушбу ҳолат юзасидан масъул шахсга нисбатан Маъмурий жавобгарлик тўғрисидаги кодекснинг 51-моддаси 1-қисми асосида базавий ҳисоблаш миқдорининг 50 баравари миқдорида жарима санкцияси қўлланди.

Telegram I Facebook I YouTube I Instagram

ДХХ томонидан қатор коррупцион ҳолатлар фош этилди

Давлат хавфсизлик хизмати ва бошқа ҳуқуқ-тартибот органлари ҳамкорлигида ўтказилган тезкор-қидирув тадбирлари давомида айрим мансабдор шахсларнинг ноқонуний ҳаракатларига чек қўйилди.

🔹 Андижон вилоятида Бўстон тумани ҳокимининг икки нафар ўринбосари фермер хўжалигига тегишли 500 минг долларлик экспорт режасини сохта операциялар орқали ёпиб бериш эвазига 65 млн сўм пора талаб қилган. Улардан бири 25 млн сўмни олган, қолган 40 млн сўмни олаётганда ашёвий далиллар билан қўлга олинган.

🔹 Тошкент шаҳрида икки нафар шахс Сергели туманидаги 1 гектар ер майдонининг мақсадини ўзгартириб, кўп қаватли уй қуришга рухсат олиб бериш эвазига 900 минг доллар талаб қилган. Миробод туманида ўтказилган тадбирда улар 220 минг долларни олган вақтларида қўлга олинди.

🔹 Қашқадарё вилоятида “Ватанпарвар” ташкилоти вилоят кенгаши раиси ўринбосари имтиҳонсиз ҳайдовчилик гувоҳномаси олиб бериш учун 20 млн сўм пора олган пайтда ашёвий далиллар билан ушланди.

Барча ҳолатлар бўйича жиноят ишлари қўзғатилиб, айбдор шахсларга нисбатан “қамоқ” эҳтиёт чораси қўлланди. Тергов ҳаракатлари олиб борилмоқда.

Telegram I Facebook I YouTube I Instagram