Башар Асаднинг автомашиналари аукционга қўйилди

Сурия президентининг автомашиналар коллекцияси кимошди савдосига чиқарилди. Аукционда Сурия президенти Ахмад аш-Шаръа иштирок этиши кутилмоқда. Савдодан тушган маблағлар Сурия тараққиёт фондига ўтказилади.

Биринчи босқичда учта суперкар сотувга чиқарилмоқда: энг қиммати 3–4 миллион долларлик Ferrari F50 ҳисобланади, Mercedes SL65 AMG Black Series эса 500 минг долларга баҳоланган.

Telegram I Facebook I YouTube I Instagram

Қашқадарёда келин қайнонасини пичоқлаб ўлдирди

Жорий йил 1 сентябр куни Шаҳрисабз тумани Янги қишлоқ маҳалласида 33 ёшли аёл оилавий келишмовчилик чоғида қайнонасига ошхона пичоғи билан жароҳат етказди. Жароҳатлар оғирлиги сабаб аёл воқеа жойида вафот этган.

Жиноят содир этилгандан сўнг гумонланувчи ички ишлар бўлимига бориб, қилган ишини тан олди.

Ҳолат юзасидан Жиноят кодексининг 97-моддаси (қасддан одам ўлдириш) бўйича жиноят иши қўзғатилди. Гумонланувчи қўлга олинган ва ҳозирда қамоқда сақланмоқда.

Telegram I Facebook I YouTube I Instagram

АҚШ россияликлар учун виза қоидаларини кучайтирди

АҚШ россиялик фуқаролар учун виза олиш тартибини ўзгартирди. Давлат департаменти маълумотига кўра, эндиликда виза учун ҳужжатлар фақат Остона ва Варшавадаги АҚШ элчихоналарида қабул қилинади.

Шу билан бирга, россияликларга бошқа мамлакатлардаги АҚШ элчихоналарига мурожаат қилиш имконияти бекор қилинди. Илгари улар навбат камроқ бўлган консулликларни танлаш имконига эга эди.

Telegram I Facebook I YouTube I Instagram

АҚШдан 39 нафар ўзбекистонлик депортация қилинди

7 сентябрь куни Америка Қўшма Штатларида қонуний асосларсиз яшаб келаётган 39 нафар Ўзбекистон фуқароси мамлакатдан чиқарилди. Бу ҳақда АҚШнинг Тошкентдаги элчихонаси маълумот берди.

Элчихона баёнотига кўра, мазкур парвоз АҚШ ҳукуматининг чегара хавфсизлигини кучайтириш ва ноқонуний миграцияга қарши курашиш бўйича доимий чора-тадбирларининг бир қисми ҳисобланади.

«Қўшма Штатлар ноқонуний миграцияга чек қўйиш, чегараларни муҳофаза қилиш ва фуқаролар хавфсизлигини таъминлашда қатъий позицияда. Мамлакатга қонунга хилоф равишда кириб келган шахслар қамоққа олинади ва депортация қилинади», — дейилади баёнотда.

Маълумот учун, Ўзбекистон ҳукумати АҚШ билан мазкур жараёнларда яқин ҳамкорлик қилмоқда. Шунингдек, шу йил апрель ойида Нью-Йоркдан Тошкентга 131 нафар Ўзбекистон, Қозоғистон ва Қирғизистон фуқаролари депортация қилинган эди.

Telegram I Facebook I YouTube I Instagram

Евроиттифоқ Googleʼга миллиардлаб евро жарима солди

Европа Комиссияси Googleʼнинг эгаси саналган АҚШнинг Alphabet корпорациясига реклама технологиялари бозорида ўз устунлигидан ноқонуний фойдалангани учун 2,95 миллиард евро жарима қўллади.

Расмий баёнотга кўра, компания реклама берувчилар ва онлайн нашриётларга ўз хизматларини мажбурий равишда тарғиб қилиш орқали рақобатчилар имкониятини чеклаган ва онлайн реклама бозорида соғлом рақобатни бузган. Комиссия Googleʼдан бу амалиётни тўхтатишни талаб қилди.

Google эса қарор билан рози эмаслигини билдириб, устидан шикоят қилишини эълон қилди. Компаниянинг норматив масалалар бўйича вице-президенти Энн Малхолланд фикрича, ушбу қарор «Европадаги минглаб компанияларнинг даромад топиш имкониятини қийинлаштиради».

Еврокомиссиянинг бу қадами Европа Иттифоқи ва АҚШ ўртасида савдо муносабатлари таранглашган бир вақтга тўғри келди. АҚШ президенти Доналд Трамп Европа томонидан технологик гигантларга нисбатан олиб борилаётган сиёсатни бир неча бор танқид қилган. Унинг сўзларига кўра, бу сафар Европа Googleʼга «навбатдаги зарба»ни берди ва АҚШ компаниялари манфаатларига путур етказди. Шу муносабат билан Трамп 1974 йилги «Савдо тўғрисида»ги қонуннинг 301-моддасига асосланиб тергов бошлаш билан таҳдид қилди.

Маълумот учун, 2017 ва 2018 йилларда ҳам Google монополияга қарши қонунчиликни бузгани учун қарийб 7 миллиард евро миқдорида жаримага тортилган эди.

Telegram I Facebook I YouTube I Instagram

Картошка етиштириш давлат томонидан қўллаб-қувватланади

“Республикада картошка етиштиришни кўпайтириш ва уруғчилигини янада ривожлантиришга доир қўшимча чора-тадбирлар тўғрисида”ги Президент қарори (269-сон, 08.09.2025 й.) қабул қилинди.

Қарорга кўра, республикада картошка етиштиришни кўпайтириш ва уруғчилигини ривожлантиришнинг асосий мақсадли кўрсаткичлари этиб қуйидагилар белгиланди:

🔹 2028 йилдан ҳар йили унувчанлик даражаси 85% дан паст бўлмаган камида 10 млн дона картошканинг мини-туганакларини етказиб бериш;

🔹 2030 йилга бориб республикада картошканинг ўртача ҳосилдорлигини 16–17 тоннадан 25–30 тоннага ошириш.

Қишлоқ хўжалиги вазирлиги ҳар йили 1 декабргача кейинги йилда етиштириладиган картошканинг “in-vitro” ўсимликлари, микро ва мини-туганакларининг ҳажмлари бўйича илмий муассасалар ва тадбиркорларга буюртма беради.

2026 йил 1 январдан Қишлоқ хўжалигини давлат томонидан қўллаб-қувватлаш жамғармаси ҳисобидан тижорат банклари орқали картошка етиштириш харажатларини молиялаштириш учун ҳосил қийматининг 50% игача йиллик 12% ставкада 6 ойлик имтиёзли давр билан 12 ой муддатга суғурта полиси асосида кредитлар ажратилади.

Шунингдек, 2026 йил 1 январдан картошка етиштирувчилар томонидан қуёш панеллари ўрнатиш харажатларининг 50 фоизигача, бироқ 50 млн сўмдан ортиқ бўлмаган қисми Давлат бюджетидан қоплаб берилади.

Telegram I Facebook I YouTube I Instagram

1 октябрдан «чиройли» авторақамлар аукциони бекор қилинади

Ҳукумат қарорига мувофиқ, 1 октябрдан бошлаб «чиройли» рақамлар аукцион орқали сотилмайди.

Эндиликда:

Автомобил эгалари 6 та ҳарф ва рақамдан иборат махсус рақамларга буюртма бериши мумкин бўлади.

«Ўзавтомотобелгиси» орқали 1–3-категория рақамлари ягона белгиланган нархда таклиф этилади. Бошқа рақамлар эса умумий тартибда навбат асосида берилади. Масалан, «777» рақами билан «666» ёки «500» рақамлари бир хил нархда сотилади.

2026 йил 1 январдан рақам аукционлари тўлиқ бекор қилиниб, барча буюртмалар электрон шаклда амалга оширилади.

Бўш рақамлар бўйича ягона очиқ база йўлга қўйилиб, ундан ЙҲХХнинг расмий сайти, мобил иловаси, давлат хизматлари портали ва инфокиосклар орқали фойдаланиш мумкин бўлади.

ЙҲХХ буюртма қилинган рақамни 30 дақиқа ичида тайёрлаб бериши шарт. Чет эл фуқаролари ва мототранспорт воситалари учун эса жараён 14 иш кунида амалга оширилади.

Telegram I Facebook I YouTube I Instagram

📢 Энди депутатлар маҳаллий лойиҳаларни тўғридан-тўғри молиялайди

Президент қарорига кўра, ҳар бир депутат йил давомида иккита лойиҳани, ҳар бири 3,3 миллиард сўмгача, давлат бюджети ҳисобидан амалга ошира олади.

Эндиликда овоз йиғиш, сайловчилар билан кўп учрашиш каби қўшимча ишларга ҳожат йўқ. Депутат лойиҳа танлайди ва маблағ маҳалланинг эҳтиёжлари, аҳоли манфаати асосида сарфланади.

Йўл таъмирлаш, мактаб ёки боғча қуриш, соғлиқни сақлаш каби ижтимоий лойиҳалар бу маблағ орқали рўёбга чиқади. Шунингдек, жараённи тушунтирувчи подкастлар ҳам тайёрланиб, аҳоли учун фойдаси аниқ бўлади.

Telegram I Facebook I YouTube I Instagram

🇺🇿 Ўзбекистон–Эрон: “CAFA Nations Cup” финали бошланмоқда

Бугун Ўзбекистон миллий терма жамоаси Эронга қарши майдонга тушади. Икки терма жамоа “CAFA Nations Cup” соврини учун куч синашади.

Учрашув соат 19:30 да “Олимпия” стадионида старт олади.

Ўйинни ФИФА президенти Жанни Инфантино стадиондан томоша қилади.

Аввалроқ ФИФА президенти Жанни Инфантино Ўзбекистонга келгани ҳақида хабар берган эдик.

Telegram I Facebook I YouTube I Instagram

Қуддусда отишма юз берди: камида 5 киши ҳалок бўлди, бир неча киши жароҳатланди

Қуддус шимолида икки қуролли шахс гавжум чорраҳада тўхтаган жамоат автобусига ўт очди. Исроил полицияси ҳодисани «террорчилик ҳужуми» деб баҳолаб, жиноятчиларнинг воқеа жойида йўқ қилинганини маълум қилди.

Душанба куни эрталаб юз берган ҳодиса оқибатида камида беш киши ҳалок бўлиб, бир неча киши оғир жароҳат олди. Тез ёрдам ходимлари ярадорларни йўл ва тротуар бўйига ётқизган, баъзилари ҳушсиз ҳолда эди. Ҳодиса жойида тўрт киши вафот этган, бир неча жабрланувчилар шифохоналарга олиб кетилган, улардан еттитасининг аҳволи оғирлиги хабар қилинмоқда.

Исроил бош вазири Бенямин Нетаняҳу ҳужумдан сўнг хавфсизлик раҳбарлари билан учрашув ўтказаётгани айтилди.

Telegram I Facebook I YouTube I Instagram

🇺🇿 Ўзбекистон–Эрон: “CAFA Nations Cup” чемпиони бугун аниқланади

Тошкентдаги “Олимпия” стадионида футбол мухлислари кутган ҳал қилувчи беллашув старт олмоқда. Ўзбекистон миллий терма жамоаси Эронга қарши майдонга тушиб, “CAFA Nations Cup” соврини учун баҳс олиб боради.

Учрашув соат 19:30 да бошланади. Муҳим финални стадиондан ФИФА президенти Жанни Инфантино ҳам томоша қилади.

Telegram I Facebook I YouTube I Instagram

Нодавлат суд-экспертиза институти роли янада оширилади

Қарорга кўра, нодавлат суд-экспертиза ташкилотларининг ихтиёрий аъзолигига асосланган Ўзбекистон суд экспертлари палатаси ташкил этилади.

☑️ Нодавлат суд экспертларининг касбий ва амалий тайёргарлик даражасини аниқлаш, уларнинг ноқонуний ҳаракатлари билан боғлиқ ҳолатларнинг адолатли кўриб чиқилишини таъминлаш учун Адлия вазирлиги ҳузурида Эксперт-малака комиссияси фаолияти йўлга қўйилади.

📝 2025 йил 1 ноябрдан маъмурий ҳуқуқбузарлик тўғрисидаги ишлар бўйича шартнома асосида адвокат сўровига кўра суд-экспертиза ташкилотларида экспертиза ўтказиш тартиби жорий этилади.

⚠️ 2025 йил 1 декабрдан нодавлат суд экспертларига якка тартибда суд-экспертлик бюроси шаклида фаолият юритиш ҳуқуқи берилади.

📑 2025 йил 15 декабрдан шахслар учун Х.Сулаймонова номидаги Республика суд экспертизаси марказига экспертиза тадқиқотлари ўтказиш бўйича “Sud-ekspert” портали орқали онлайн мурожаат қилиш имконияти яратилади.

📷 2026 йилдан 1 январдан Республика суд экспертизаси маркази суд экспертлари объектларни кўздан кечириш учун жойларга чиққанда мажбурий равишда мобил видеокамера (бодикамера)лардан фойдаланиши тартиби йўлга қўйилади.

Telegram I Facebook I YouTube I Instagram