Ишлаб чиқариш саноатида хорижий инвестициялар улуши 32 фоизга етди

Миллий статистика қўмитаси маълумотига кўра, 2025 йил январь–июнь ойларида иқтисодий ва ижтимоий соҳаларни ривожлантириш учун 195,3 трлн сўмлик асосий капиталга хорижий инвестиция ва кредитлар ўзлаштирилган. Уларнинг жами асосий капиталдаги улуши 32 % ни ташкил этади.

Иқтисодий фаолият турлари бўйича хорижий инвестиция ва кредитлар улуши қуйидагича:

✅ Қишлоқ, ўрмон ва балиқчилик хўжалиги – 8,6 %
✅ Тоғ-кон саноати – 13,1 %
✅ Ишлаб чиқариш саноати – 32 %
✅ Электр энергияси, газ, буғ ва ҳаво – 18,5 %
✅ Сув таъминоти ва чиқиндиларни қайта ишлаш – 2,2 %
✅ Қурилиш – 5,7 %
✅ Ташиш ва сақлаш – 5,1 %
✅ Ахборот ва алоқа – 0,7 %
✅ Соғлиқни сақлаш ва ижтимоий хизматлар – 1,8 %
✅ Бошқа фаолият турлари – 12,3 %

Telegram I Facebook I YouTube I Instagram

Қўқонда қурилиш: дахлсизликка таҳдид

Кўп қаватли уйда туриб, ойнадан қарасангиз — қўшни хонадондаги барча ҳолат кўз олдингизда. Бу жонли эфир эмас, инсон дахлсизлигига очиқ тажовуз.

“Раҳмат”ни қурувчига айтамиз — у ўз бизнеси учун қонунларни четлаб ўтган. Энг ачинарлиси, бугун ҳам қонунбузарлик давом этмоқда.

Экспертиза ва архитектура хулосалари бор, лекин аҳоли билан келишилмаган. Тўсиқдек қад ростлаган бинолар одамларнинг яшаш ҳуқуқини поймол қилмоқда.

Маданий мерос ҳимоясидаги бино билан қурилиш орасидаги 50 метрлик масофа 13 метрга туширилган.

Лойиҳа раҳбари Ф. Ҳамрақулов маъмурий жавобгарликка тортилган, маданий мерос бошқармаси судга даъво киритган. Прокуратура ҳам ишга аралашган.

Аммо барча рухсатномаларга қарамай, қурувчи компания қонун талабларини четлаб ўтмоқда. Энг катта муаммо — аҳоли билан келишилмаган ҳолда, уларнинг хонадонларига яқин бино қурилганидир.

👉 ТЎЛИҚ ВИДЕО

Telegram I Facebook I YouTube I Instagram

Ангрендаги ходиса оқибатида 7 нафар фуқаро ҳалок бўлган

Жорий йилнинг 7 сентябр куни соат тахминан 12.20 ларда Тошкент вилояти Ангрен шаҳри ҳудудидан ўтган А-373 “Тошкент-Ўш” халқаро автомобил йўлнинг 93 км.да 1981 й.т., фуқаро А.Р. бошқарувидаги семент ташувчи “Шаcман” русумли юк автотранспорти (Транспорт воситаси 2020 йилда ишлаб чиқарилган, ҳайдовчи 15 йиллик стажга эга) бошқарувни йўқотиб, ҳаракат йўналишидаги темир йўл кесишмасида тўхтаб турган иккита юк автомашинаси ҳамда бешта енгил автотранспорт воситалари билан тўқнашиб йўл транспорт ҳодисасини содир этган.

Тўқнашув вақтида келиб чиққан ёнғин, воқеа жойига етиб келган махсус куч ва воситалар ёрдамида тезкорлик билан ўчирилган.

Ҳодиса оқибатида 7 нафар фуқаролар воқеа жойида вафот этган, 5 нафар турли тан жароҳатлари олган фуқаролар тиббиёт муассасаларига ётқизилган, шунингдек 4 нафар фуқароларга тиббий ёрдам кўрсатилиб, уйларига жавоб берилган.

Бундан ташқари, Бош вазир ўринбосари Очилбой Раматов бошчилигида Ҳукумат комиссияси тузилган бўлиб, воқеа тафсилотлари ўрганилмоқда.

Telegram I Facebook I YouTube I Instagram

"Янги турдаги фирибгарликдан эҳтиёт бўлинг" — ИИВ огоҳлантирмоқда

Ички ишлар вазирлиги фуқароларни ўзини ҳуқуқни муҳофаза қилиш органи ходими ёки мансабдор шахс сифатида таништириб, телефон орқали алдашга уринаётган шахслардан огоҳлантирди.

Маълум қилинишича, бундай шахслар одамларга қўнғироқ қилиб, уларнинг мол-мулки, банк картасидаги маблағлари ёки кўчмас мулки “хавф остида” эканини айтмоқда. Шу орқали психологик босим ўтказиб, гўёки жиноятчини қўлга олиш ва маблағни қайтариб бериш баҳонасида пулларни “хавфсиз ҳисоб”га ўтказишни талаб қилишади.

Вазирлик таъкидлашича, ҳуқуқни муҳофаза қилиш органлари ходимлари ҳеч қачон фуқаролардан телефон орқали бундай талабларни қўймайди. Агар шубҳали қўнғироқ бўлса, шахснинг иш жойи ёки расмий маълумотларини сўраб, унинг фирибгар эканини аниқлаш мумкин. Энг ишончли йўл эса дарҳол қўнғироқни узишдир.

Аввалроқ ҳам интернет орқали сохта машиналарнинг суратларини тарқатиб, одамларни алдаш ҳолатлари қайд этилган эди.

Telegram I Facebook I YouTube I Instagram

БМТ Афғонистонга инсонпарварлик ёрдамини кучайтиришга чақирди

Афғонистондаги кучли зилзиладан кейин юзага келган гуманитар инқироз дунё миқёсида ёрдам маблағларининг қисқариши қандай оғир оқибатларга олиб келишини кўрсатди. Бу ҳақда БМТ бош котибининг инсонпарварлик масалалари бўйича ўринбосари Том Флетчер баёнот берди.

Унинг сўзларига кўра, зилзила чекка ҳудудларда улкан вайронагарчиликларга сабаб бўлиб, юз минглаб одамларни уй-жой ва тирикчилик манбаларидан маҳрум этди. Жабрланганлар орасида Эрон ва Покистондан қайтиб, ҳаётини қайта қура бошлаган оилалар ҳам бор.

Флетчер таъкидлашича, глобал даражада молиялаштиришнинг қисқариши миллионлаб одамларни тиббий хизмат, озиқ-овқат ва ҳатто чекка ҳудудлар билан ягона алоқа воситаси бўлган ҳаво қатновларидан маҳрум этмоқда.

Шу билан бирга, Афғонистондаги БМТ жамоаси Индрика Ратватте раҳбарлигида ўз ишини давом эттирмоқда. Зилзиладан сўнг бир неча соат ичида OSNA жамғармасидан вақтинчалик бошпана, озиқ-овқат, ичимлик суви ва тиббий хизмат учун 10 миллион доллар ажратилди.

“Мамлакатлар қўллаб-қувватламоқда, аммо бу етарли эмас. Агар ресурслар зудлик билан сафарбар қилинмаса, азоб-уқубатлар ва қурбонлар янада кўпайиши мумкин. Афғонистон халқига ёрдам бериш анъанаси яна давом эттирилиши зарур”,

— дейилади баёнотда.

Эслатиб ўтамиз, 31 август куни рўй берган 6 магнитудали зилзила оқибатида 2200 дан ортиқ киши ҳалок бўлган, камида 3600 нафар одам жароҳатланган.

Telegram I Facebook I YouTube I Instagram