Мактабларда янги ўқув йили старт олди
Фарғона шаҳар 26-мактабда янги ўқув йили қувонч ва шодлик билан бошланди.
Бугун 1-синфга қадам қўйган болажонларга Президент совғалари топширилди. Бу эса уларда китобга меҳр, билимга рағбат ва катта орзуларга йўл очди.
“Таълим тўғрисида”ги Қонун:
давлат барча фуқароларга бепул умумий ўрта таълимни кафолатлайди (4-модда). Конституция, 41-модда: ҳар ким билим олиш ҳуқуқига эга.
Президент совғалари эса болажонлар учун қувончгина эмас, балки масъулият рамзи ҳамдир.
Telegram I Facebook I YouTube I Instagram
Фарғона шаҳар 26-мактабда янги ўқув йили қувонч ва шодлик билан бошланди.
Бугун 1-синфга қадам қўйган болажонларга Президент совғалари топширилди. Бу эса уларда китобга меҳр, билимга рағбат ва катта орзуларга йўл очди.
“Таълим тўғрисида”ги Қонун:
давлат барча фуқароларга бепул умумий ўрта таълимни кафолатлайди (4-модда). Конституция, 41-модда: ҳар ким билим олиш ҳуқуқига эга.
Президент совғалари эса болажонлар учун қувончгина эмас, балки масъулият рамзи ҳамдир.
Telegram I Facebook I YouTube I Instagram
👍3🤔2
Шавкат Мирзиёев мактаб ўқувчилари ва устозларни янги ўқув йили билан табриклади
Ўзбекистон Республикаси президенти Шавкат Мирзиёев мактаб ўқувчилари, устоз ва ота-оналарни янги ўқув йили билан қутлаб, қуйидагиларни изҳор қилди:
Шавкат Мирзиёев, Ўзбекистон Республикаси президенти
Telegram I Facebook I YouTube I Instagram
Ўзбекистон Республикаси президенти Шавкат Мирзиёев мактаб ўқувчилари, устоз ва ота-оналарни янги ўқув йили билан қутлаб, қуйидагиларни изҳор қилди:
"Қадрли фарзандларим!
Ҳурматли устоз ва мураббийлар!
Муҳтарам ота-оналар!
Аввало, сиз, азизларни юртимиздаги 10 мингдан зиёд мактабларда Ўзбекистон мустақиллигининг 34 йиллик байрамига уйғун ҳолда ўтаётган Билимлар куни билан чин қалбимдан самимий муборакбод этаман.
Ушбу шукуҳли айёмда “Биринчи қўнғироқ”лар жаранги остида илк бор мактаб остонасига қадам қўяётган 720 мингдан ортиқ ўғил-қизларимиз ва набираларимизни, уларнинг ота-оналарини алоҳида қутлаб, ўзимнинг энг эзгу тилакларимни изҳор этишдан ғоят мамнунман.
Ҳеч шубҳасиз, кейинги йилларда бутун юртимиз каби мактабларимиз қиёфаси ҳам тубдан ўзгариб, улар том маънода Янги Ўзбекистон тимсолига айланиб бораётгани барчамизни чексиз қувонтиради. Чунки мактаб қанчалик обод ва чароғон бўлса, жамият ҳаёти шунчалик фаровон, мазмунли ва маърифатли бўлади.
Шу маънода, мамлакатимизда таълим-тарбия жараёнлари тобора такомиллашиб бораётгани, ҳар йили кўплаб янги ўқув масканлари барпо этилаётгани, уларнинг моддий-техник базаси мустаҳкамланиб, мактаб иши умумхалқ ҳаракатига айлангани – кейинги даврда эришган энг катта ютуқларимиздан бири, десак, айни ҳақиқатни айтган бўламиз.
Чиндан ҳам, кўзлари илмга ҳавас ва ҳаяжон билан чақнаб турган сиздек азму шижоатли ёшларимизга юксалиш ва камолот, бахт ва саодат эшикларини очиб берадиган муқаддас даргоҳ – мактабларимиз равнақида биз халқимиз, миллатимизнинг ёруғ келажагини кўрамиз. Бугунги кунда ўз олдимизга қўяётган катта-катта мақсадларга эришишнинг асосий омили, бош калитини, аввало, таълимда, мактабларимизда, деб биламиз.
Сўнгги йилларда ўқувчи ёшларимиз ҳурматли устоз ва мураббийлари билан биргаликда ана шундай юксак эътиборни чуқур ҳис этиб, ўқишда, ижодда, спортда, жамоат ишларида муҳим ғалабаларни қўлга киритаётгани бизга албатта қўшимча куч-ғайрат, илҳом ва ишонч бағишлайди.
Кўплаб мактаб битирувчилари мамлакатимиздаги нуфузли олий ўқув юртлари билан бирга хориждаги етакчи университетларга юқори балл билан ўқишга кираётгани, ҳаётда ўз муносиб ўрнини топиб, Янги Ўзбекистон тараққиётига улкан ҳисса қўшаётгани ҳаётимизда мактабнинг, устоз-мураббийларнинг аҳамияти янада ортиб бораётганини кўрсатади.
Ишончим комил, сиз, азизлар ана шундай эзгу анъаналарни муносиб давом эттирасиз ва юксак босқичга кўтарасиз.
Ҳеч қачон унутманг, мактаб – бу мўъжиза, китоб, устозлар ўтадиган ҳар бир дарс – беқиёс хазинадир.
Олдингизга аниқ мақсад қўйиб, бор куч-ғайратингиз, билим ва қобилиятингиз билан ҳаракат қилсангиз, кўзлаган марраларга албатта етасиз.
Бу йўлда сизларга сиҳат-саломатлик, ютуқ ва зафарлар тилайман.
Янги ўқув йили барчангизга муборак бўлсин!"
Шавкат Мирзиёев, Ўзбекистон Республикаси президенти
Telegram I Facebook I YouTube I Instagram
👍55🔥2😢2
Тошкентда 15-, 28- ва 61-сонли автобус йўналишларига ўзгартиришлар киритилди
2025 йил 1 сентябрдан Тошкент шаҳрида қуйидаги автобус йўналишларида ҳаракат тартиби ўзгартирилди:
15-йўналиш – Қўйлиқ 1-мавзесидан Дўстлик метроси томон ҳаракатланишда, энди Қўйлиқ кўприк ости йўлидан кўприк йўлига қўшимча йўл бўлаги орқали (Водий автотураргоҳига бормай) ҳаракат қилади.
28-йўналиш – Тиббиёт академиясидан Янгиобод мавзеси томон ҳаракатланишда, йўналиш Шоҳимардон, Оҳангарон йўли, Шоҳсанам ва Катта Янгиобод кўчалари орқали ўтказилади. Шунингдек, Катта Янгиобод кўчасида йўналиш бир томонлама ҳаракат қилади.
61-йўналиш – Энди йўналиш икки томонлама Ижзат кўчаси орқали ҳаракат қилади ва Бешариқ, Авиасозлар ва Ҳосият кўчаларига кирмайди.
Шу билан, Тошкент шаҳрида автобус йўналишлари йўловчилар учун қулайлаштирилди ва шаҳар транспорт тизимида тартиб янада такомиллаштирилди.
Telegram I Facebook I YouTube I Instagram
2025 йил 1 сентябрдан Тошкент шаҳрида қуйидаги автобус йўналишларида ҳаракат тартиби ўзгартирилди:
15-йўналиш – Қўйлиқ 1-мавзесидан Дўстлик метроси томон ҳаракатланишда, энди Қўйлиқ кўприк ости йўлидан кўприк йўлига қўшимча йўл бўлаги орқали (Водий автотураргоҳига бормай) ҳаракат қилади.
28-йўналиш – Тиббиёт академиясидан Янгиобод мавзеси томон ҳаракатланишда, йўналиш Шоҳимардон, Оҳангарон йўли, Шоҳсанам ва Катта Янгиобод кўчалари орқали ўтказилади. Шунингдек, Катта Янгиобод кўчасида йўналиш бир томонлама ҳаракат қилади.
61-йўналиш – Энди йўналиш икки томонлама Ижзат кўчаси орқали ҳаракат қилади ва Бешариқ, Авиасозлар ва Ҳосият кўчаларига кирмайди.
Шу билан, Тошкент шаҳрида автобус йўналишлари йўловчилар учун қулайлаштирилди ва шаҳар транспорт тизимида тартиб янада такомиллаштирилди.
Telegram I Facebook I YouTube I Instagram
🤔1
This media is not supported in your browser
VIEW IN TELEGRAM
Наманган шаҳар ҳокими қамоққа олинди
Наманган ва Тошкент вилоятида коррупция билан боғлиқ ҳолатлар бўйича жиноят ишлари қўзғатилди.
1️⃣ Наманган шаҳрида Давлат хавфсизлик хизмати ходимлари тезкор тадбир ўтказди. Унга кўра, шаҳар ҳокими ва пойабзал ишлаб чиқарувчи МЧЖ раҳбари фуқародан шаҳар ҳудудидаги 35 сотих ерда кўп қаватли уй қуриш ҳуқуқини бериш ва молиялаштириш эвазига 60 минг АҚШ доллари талаб қилган.
🚨 Тадбирда МЧЖ раҳбари пулни олган вақтида ушланди. Кейин шаҳар ҳокими унинг ишончли одами орқали 60 минг АҚШ долларини олган вақтида ҳам қўлга олинди.
⚖️ Ҳозирда Наманган шаҳар ҳокими депутатлик дахлсизлик ҳуқуқидан маҳрум қилиниб, Жиноят кодексининг 210-моддаси 3-қисми “а” банди билан унга ва девонхона мудирига, 168-модда 4-қисми “а” банди ва 28, 211-модда 3-қисми “а” банди билан МЧЖ раҳбарига нисбатан жиноят иши қўзғатилди.
👮 Шаҳар ҳокимига нисбатан “қамоқ” эҳтиёт чораси қўлланди. Тергов давом этмоқда.
2️⃣ Зангиота туманида (Тошкент вилояти) қишлоқ хўжалиги бўлими бош мутахассиси маҳаллий фуқарога тегишли уй ёнидаги давлат захирасидаги 8 сотих ерни тадбиркорлик фаолияти учун расмийлаштириш эвазига 40 минг АҚШ доллари талаб қилган.
💰 20 минг АҚШ доллари олган вақтида Давлат хавфсизлик хизмати ва Иқтисодий жиноятларга қарши курашиш департаменти ходимлари уни ушлади.
⚖️ Ҳозирда бош мутахассисга нисбатан Жиноят кодексининг 168-модда 4-қисми “а” банди ва 28,211-модда 3-қисми “а” банди билан жиноят иши қўзғатилди ва “қамоқ” эҳтиёт чораси қўлланди. Тергов ҳаракатлари олиб борилмоқда.
Наманган ва Тошкент вилоятида коррупция билан боғлиқ ҳолатлар бўйича жиноят ишлари қўзғатилди.
1️⃣ Наманган шаҳрида Давлат хавфсизлик хизмати ходимлари тезкор тадбир ўтказди. Унга кўра, шаҳар ҳокими ва пойабзал ишлаб чиқарувчи МЧЖ раҳбари фуқародан шаҳар ҳудудидаги 35 сотих ерда кўп қаватли уй қуриш ҳуқуқини бериш ва молиялаштириш эвазига 60 минг АҚШ доллари талаб қилган.
🚨 Тадбирда МЧЖ раҳбари пулни олган вақтида ушланди. Кейин шаҳар ҳокими унинг ишончли одами орқали 60 минг АҚШ долларини олган вақтида ҳам қўлга олинди.
⚖️ Ҳозирда Наманган шаҳар ҳокими депутатлик дахлсизлик ҳуқуқидан маҳрум қилиниб, Жиноят кодексининг 210-моддаси 3-қисми “а” банди билан унга ва девонхона мудирига, 168-модда 4-қисми “а” банди ва 28, 211-модда 3-қисми “а” банди билан МЧЖ раҳбарига нисбатан жиноят иши қўзғатилди.
👮 Шаҳар ҳокимига нисбатан “қамоқ” эҳтиёт чораси қўлланди. Тергов давом этмоқда.
2️⃣ Зангиота туманида (Тошкент вилояти) қишлоқ хўжалиги бўлими бош мутахассиси маҳаллий фуқарога тегишли уй ёнидаги давлат захирасидаги 8 сотих ерни тадбиркорлик фаолияти учун расмийлаштириш эвазига 40 минг АҚШ доллари талаб қилган.
💰 20 минг АҚШ доллари олган вақтида Давлат хавфсизлик хизмати ва Иқтисодий жиноятларга қарши курашиш департаменти ходимлари уни ушлади.
⚖️ Ҳозирда бош мутахассисга нисбатан Жиноят кодексининг 168-модда 4-қисми “а” банди ва 28,211-модда 3-қисми “а” банди билан жиноят иши қўзғатилди ва “қамоқ” эҳтиёт чораси қўлланди. Тергов ҳаракатлари олиб борилмоқда.
👍7🤔2
Ўзбекистон ва Хитой сунъий интеллект маркази ташкил этишни муҳокама қилди
2 сентябрь куни Пекин шаҳрида Президент Шавкат Мирзиёев ва Хитой Халқ Республикаси Раиси Си Цзиньпин иштирокида расмий музокаралар бўлиб ўтди. Учрашувда икки давлат ўртасидаги ҳар томонлама стратегик шерикликни мустаҳкамлаш ва амалий ҳамкорликни кенгайтириш масалалари кўриб чиқилди.
Музокараларда инновация йўналишида муҳим қадам сифатида Ўзбекистон – Хитой сунъий интеллектни ривожлантириш марказини ташкил этиш таклифи илгари сурилди. Шунингдек, “Хитой – Қирғизистон – Ўзбекистон” стратегик темир йўлини барпо этиш ишлари амалий босқичга ўтгани қайд этилди.
Илм-фан, тиббиёт, таълим ва туризм соҳаларида ҳамкорликни кенгайтириш зарурлиги алоҳида таъкидланди. Ўзбекистонда Шимоли-ғарбий қишлоқ ва ўрмон университети филиали ҳамда Халқаро математика маркази фаолият бошлади. Шу билан бирга, Сиань нефть университети филиали очиш бўйича битим имзоланди, Пекин технология институти филиалини йўлга қўйиш режалаштирилган.
Жорий йилда мамлакатимизда иккинчи Таълим форуми ўтказилиши белгиланган. Хитой тилини ўрганиш имкониятларини кенгайтириш, квоталар сонини ошириш ва Конфуций институтлари фаолиятини ривожлантириш масалалари қўллаб-қувватланди. Шунингдек, турли соҳалар учун мутахассислар тайёрлайдиган “Лу Бань устахоналари”ни ташкил этиш кўзда тутилган.
Туризм йўналишида авиақатновлар сони кўпайтирилаётгани ва визасиз тартиб жорий этилгани қайд этилди. Шу кунларда Хитой Миллий музейида Ўзбекистон ҳам иштирок этаётган йирик кўргазма ўтмоқда. 2027 йилда Шанхай ва Пекинда санъат кўргазмалари ўтказилиши режалаштирилган.
Учрашув доирасида икки мамлакат маданият марказларини очиш бўйича тарихий битим қабул қилиниши кутилмоқда. Шунингдек, БМТ, ШҲТ ва “Марказий Осиё – Хитой” формати каби халқаро тузилмалар доирасидаги ҳамкорликни кучайтириш муҳимлиги таъкидланди.
Музокаралар якунида Президент Мирзиёев Хитой раҳбарини Ўзбекистонга ташриф буюришга таклиф этди. Учрашув самимий ва дўстона руҳда ўтди.
Telegram I Facebook I YouTube I Instagram
2 сентябрь куни Пекин шаҳрида Президент Шавкат Мирзиёев ва Хитой Халқ Республикаси Раиси Си Цзиньпин иштирокида расмий музокаралар бўлиб ўтди. Учрашувда икки давлат ўртасидаги ҳар томонлама стратегик шерикликни мустаҳкамлаш ва амалий ҳамкорликни кенгайтириш масалалари кўриб чиқилди.
Музокараларда инновация йўналишида муҳим қадам сифатида Ўзбекистон – Хитой сунъий интеллектни ривожлантириш марказини ташкил этиш таклифи илгари сурилди. Шунингдек, “Хитой – Қирғизистон – Ўзбекистон” стратегик темир йўлини барпо этиш ишлари амалий босқичга ўтгани қайд этилди.
Илм-фан, тиббиёт, таълим ва туризм соҳаларида ҳамкорликни кенгайтириш зарурлиги алоҳида таъкидланди. Ўзбекистонда Шимоли-ғарбий қишлоқ ва ўрмон университети филиали ҳамда Халқаро математика маркази фаолият бошлади. Шу билан бирга, Сиань нефть университети филиали очиш бўйича битим имзоланди, Пекин технология институти филиалини йўлга қўйиш режалаштирилган.
Жорий йилда мамлакатимизда иккинчи Таълим форуми ўтказилиши белгиланган. Хитой тилини ўрганиш имкониятларини кенгайтириш, квоталар сонини ошириш ва Конфуций институтлари фаолиятини ривожлантириш масалалари қўллаб-қувватланди. Шунингдек, турли соҳалар учун мутахассислар тайёрлайдиган “Лу Бань устахоналари”ни ташкил этиш кўзда тутилган.
Туризм йўналишида авиақатновлар сони кўпайтирилаётгани ва визасиз тартиб жорий этилгани қайд этилди. Шу кунларда Хитой Миллий музейида Ўзбекистон ҳам иштирок этаётган йирик кўргазма ўтмоқда. 2027 йилда Шанхай ва Пекинда санъат кўргазмалари ўтказилиши режалаштирилган.
Учрашув доирасида икки мамлакат маданият марказларини очиш бўйича тарихий битим қабул қилиниши кутилмоқда. Шунингдек, БМТ, ШҲТ ва “Марказий Осиё – Хитой” формати каби халқаро тузилмалар доирасидаги ҳамкорликни кучайтириш муҳимлиги таъкидланди.
Музокаралар якунида Президент Мирзиёев Хитой раҳбарини Ўзбекистонга ташриф буюришга таклиф этди. Учрашув самимий ва дўстона руҳда ўтди.
Telegram I Facebook I YouTube I Instagram
👍44🤔2
ОАВ учун контент марказига янги раҳбар ва ўринбосарлар тайинланди
Президент Администрацияси қарорига мувофиқ, Қобулжон Холиқович Аҳмедов Оммавий ахборот воситалари учун контент тайёрлаш маркази директори этиб тасдиқланди.
Марказ раҳбарияти таркиби қуйидагича шакллантирилди:
Ҳусан Салихов – директорнинг ўринбосари лавозимига тайинланди. У илгари Президент Матбуот хизмати Медиа марказига раҳбарлик қилган ҳамда режиссёр сифатида фаолият юритган.
Жаҳонгир Абдураҳмонов – директор ўринбосари сифатида иш бошлади. У бундан олдин Президент Матбуот хизматида бош консультант сифатида ишлаган, шунингдек, “UZREPORT”да шеф-муҳаррир лавозимини ҳам эгаллаган.
Telegram I Facebook I YouTube I Instagram
Президент Администрацияси қарорига мувофиқ, Қобулжон Холиқович Аҳмедов Оммавий ахборот воситалари учун контент тайёрлаш маркази директори этиб тасдиқланди.
Марказ раҳбарияти таркиби қуйидагича шакллантирилди:
Ҳусан Салихов – директорнинг ўринбосари лавозимига тайинланди. У илгари Президент Матбуот хизмати Медиа марказига раҳбарлик қилган ҳамда режиссёр сифатида фаолият юритган.
Жаҳонгир Абдураҳмонов – директор ўринбосари сифатида иш бошлади. У бундан олдин Президент Матбуот хизматида бош консультант сифатида ишлаган, шунингдек, “UZREPORT”да шеф-муҳаррир лавозимини ҳам эгаллаган.
Telegram I Facebook I YouTube I Instagram
👍1👎1🔥1
Навоий вилояти ҳокими Нормат Турсунов “Билимлар куни”да ўқувчиларни табриклади
2 сентябрь куни вилоятдаги барча умумтаълим мактабларида “Ватан учун, миллат учун, халқ учун” шиори остида “Келажак дарслари” ўтказилди.
Навоий вилояти ҳокими Нормат Турсунов Навоий шаҳридаги 3-ИДУМда бўлиб, таълим соҳаси фидойилари ва ўқувчиларни “Билимлар куни” билан қутлади. У синфхоналарни кўздан кечириб, “Мустақиллик дарси”да иштирок этди ҳамда ўқувчи ва педагоглар билан суҳбатлашди.
Маълумот ўрнида, охирги уч йилда вилоятда ўқувчиларнинг олий таълимга кириш кўрсаткичи 40 фоиздан 47 фоизга ошган.
Telegram I Facebook I YouTube I Instagram
2 сентябрь куни вилоятдаги барча умумтаълим мактабларида “Ватан учун, миллат учун, халқ учун” шиори остида “Келажак дарслари” ўтказилди.
Навоий вилояти ҳокими Нормат Турсунов Навоий шаҳридаги 3-ИДУМда бўлиб, таълим соҳаси фидойилари ва ўқувчиларни “Билимлар куни” билан қутлади. У синфхоналарни кўздан кечириб, “Мустақиллик дарси”да иштирок этди ҳамда ўқувчи ва педагоглар билан суҳбатлашди.
Маълумот ўрнида, охирги уч йилда вилоятда ўқувчиларнинг олий таълимга кириш кўрсаткичи 40 фоиздан 47 фоизга ошган.
Telegram I Facebook I YouTube I Instagram
🤔1
🌍 “Яшил Келажак” Эсо-Camp’га қўшил!
Жорий йилнинг 10-14 сентябр кунлари Ёшлар ишлари агентлиги томонидан Тўдакоʻл ҳудудида “Яшил Келажак” Эсо-Camp оромгоҳи ташкил этилади.
Мазкур оромгоҳда ёшларнинг экологик муаммоларга оид таклифлари, стартаплар ҳамда ижтимоий лойиҳаларини илгари суриш ва уларни қўллаб-қувватлаш учун кенг имконият яратилади.
Кимлар иштирок эта олади?
Экологик йўналишдаги ғоя ёки креатив қарашларга эга бўлган барча тоифадаги ёшлар 3 кишидан ошмаган жамоа шаклида қатнашиши мумкин.
📩 Рўйхатдан ўтиш ва ғоянгизни юбориш учун қуйидаги ҳавола орқали керакли бўлимларни тўлдиринг:
Аризалар 5 сентябрга қадар қабул қилинади.
🚀 Сизнинг ғояларингиз — Яшил келажакнинг калити!
Telegram I Facebook I YouTube I Instagram
Жорий йилнинг 10-14 сентябр кунлари Ёшлар ишлари агентлиги томонидан Тўдакоʻл ҳудудида “Яшил Келажак” Эсо-Camp оромгоҳи ташкил этилади.
Мазкур оромгоҳда ёшларнинг экологик муаммоларга оид таклифлари, стартаплар ҳамда ижтимоий лойиҳаларини илгари суриш ва уларни қўллаб-қувватлаш учун кенг имконият яратилади.
Кимлар иштирок эта олади?
Экологик йўналишдаги ғоя ёки креатив қарашларга эга бўлган барча тоифадаги ёшлар 3 кишидан ошмаган жамоа шаклида қатнашиши мумкин.
📩 Рўйхатдан ўтиш ва ғоянгизни юбориш учун қуйидаги ҳавола орқали керакли бўлимларни тўлдиринг:
Аризалар 5 сентябрга қадар қабул қилинади.
🚀 Сизнинг ғояларингиз — Яшил келажакнинг калити!
Telegram I Facebook I YouTube I Instagram
👍1🤔1
Ўзбекистонда АИ-80 бензини савдолардан олиб ташланди
“Ўзбекнефтгаз” АЖ маълумотига кўра, 2025 йил давлат дастури доирасида 2 сентябрдан АИ-80 маркали автобензин биржа савдоларига чиқарилмайди.
Компания изоҳида таъкидланишича, қарор президент фармони ижроси доирасида қабул қилинган. Шу муносабат билан ички бозорда АИ-92 маркали бензин таклифи кўпайтирилди. Масалан, аввал савдоларда 1000 тонна АИ-92 таклиф этилган бўлса, ҳозирда бу кўрсаткич 1720 тоннага етказилган.
Шунингдек, тадбиркорлар август ойида харид қилган АИ-80 бензини сентябрь ойида тўлиқ етказиб берилиши маълум қилинди.
Эслатиб ўтамиз, президентнинг “Ўзбекистон – 2030 стратегиясини атроф-муҳитни муҳофаза қилиш ва ‘яшил’ иқтисодиёт йилида амалга оширишга оид давлат дастури тўғрисида”ги фармони лойиҳасида 2025 йил охирига қадар “Евро-4” стандартидан паст бўлган экологик тоифадаги мотор ёқилғисини ишлатиш ва сотиш чекланиши назарда тутилган эди.
Telegram I Facebook I YouTube I Instagram
“Ўзбекнефтгаз” АЖ маълумотига кўра, 2025 йил давлат дастури доирасида 2 сентябрдан АИ-80 маркали автобензин биржа савдоларига чиқарилмайди.
Компания изоҳида таъкидланишича, қарор президент фармони ижроси доирасида қабул қилинган. Шу муносабат билан ички бозорда АИ-92 маркали бензин таклифи кўпайтирилди. Масалан, аввал савдоларда 1000 тонна АИ-92 таклиф этилган бўлса, ҳозирда бу кўрсаткич 1720 тоннага етказилган.
Шунингдек, тадбиркорлар август ойида харид қилган АИ-80 бензини сентябрь ойида тўлиқ етказиб берилиши маълум қилинди.
Эслатиб ўтамиз, президентнинг “Ўзбекистон – 2030 стратегиясини атроф-муҳитни муҳофаза қилиш ва ‘яшил’ иқтисодиёт йилида амалга оширишга оид давлат дастури тўғрисида”ги фармони лойиҳасида 2025 йил охирига қадар “Евро-4” стандартидан паст бўлган экологик тоифадаги мотор ёқилғисини ишлатиш ва сотиш чекланиши назарда тутилган эди.
Telegram I Facebook I YouTube I Instagram
👎2😢2👍1