Ўзбекистон ЖССТ рўйхатидаги регуляторлар тасдиқлаган дори воситаларини такрорий синовларсиз тан олади

2025 йил 1 октябрдан бошлаб Жаҳон соғлиқни сақлаш ташкилоти (ЖССТ) рўйхатига киритилган регуляторлар томонидан рўйхатдан ўтган дори воситалари мамлакатимизда давлат рўйхатига қабул қилинади.

📅 2026 йил 1 январдан:
▪️ тиббий буюм ва техникалар тиббий жиҳоз сифатида рўйхатдан ўтказилади;
▪️ жиҳозлар хавф даражасига кўра 4 тоифага ажратилади;
▪️ клиник тадқиқотлар натижаларига кўра рўйхатга олинади;
▪️ чакана савдо учун лицензия талаби бекор қилинади.

📅 2027 йилдан:
▪️ дори воситалари учун – миллий GMP сертификати,
▪️ тиббий жиҳозлар учун – ISO:13485 стандарти талаб қилинади.

Президент 19 август куни “Дори воситалари ва тиббий жиҳозлар муомаласини тартибга солишга доир қўшимча чора-тадбирлар тўғрисида”ги фармонни имзолади. У 23 августдан кучга кирди.

Telegram I Facebook I YouTube I Instagram

Техникумларда янги ўқув йили 3 сентябрдан бошланади

Олий таълим, фан ва инновациялар вазирининг тегишли буйруғига кўра, республика касбий таълим ташкилотларида 2025/2026 ўқув йили бошланиш санаси тасдиқланди.

Унга кўра, 9-синф асосида шакллантирилган гуруҳларда, шунингдек ўрта ва ўрта махсус касбий таълим даражалари бўйича 2- ва 3-курс ўқувчилари учун дарс жараёнлари 2025 йил 3 сентябрдан бошланади.

Telegram I Facebook I YouTube I Instagram

🇺🇿 Президент Шавкат Мирзиёев Мустақиллик байрами доирасида қатор тадбирларда иштирок этади

Бугун президент Шавкат Мирзиёев Шаҳидлар хотираси хиёбонида қатагон қурбонларини ёд этиш маросимида иштирок этади ҳамда "Янги Ўзбекистон" боғида Мустақиллик монументи пойига гул қўяди.

Кечқурун давлатимиз раҳбари мамлакатимиз мустақиллигининг 34-йиллигига бағишланган байрам тадбирида иштирок этиб, халқимизга табрик билан мурожаат қилади.

Шунингдек, Тошкент шаҳридаги бунёдкорлик ишлари билан танишиш ҳам режалаштирилган.

Telegram I Facebook I YouTube I Instagram

🇲🇽 Мексика парламентида депутатлар муштлашди

Муштлашув Мексикада бошқа давлатларнинг қуролли кучлари мавжудлиги ҳақидаги “мураккаб баҳс-мунозаралар”дан сўнг бошланган.

Унда мухолифатдаги Институцион инқилобий партия етакчиси Алехандро Морено ва ҳукмрон “Морена” партияси вакили Херардо Фернандес ўртасида содир бўлган.

Telegram I Facebook I YouTube I Instagram

Мустақиллик байрами муносабати билан неча кун дам оламиз?

Мустақиллик куни арафасида қуйидаги кунлар дам олинади:

🔹30 август (шанба) – 5 кунлик иш ҳафтасидаги ходимлар учун дам олиш куни, 6 кунлик иш ҳафтасида ишлайдиган ходимлар учун иш куни;

🔹 31 август (якшанба) – дам олиш куни;

🔹1 сентябрь (душанба) – Ўзбекистон Республикаси Мустақиллик куни.

Telegram I Facebook I YouTube I Instagram

🇷🇺 Россияда ўзбек мигрантларини урушга жалб этиш хавфи ортяпти

Россия меҳнат бозорида ўзбек мигрантлари учун жиддий таҳдидлар мавжуд. Асосий хатар — мигрантларни урушга жалб қилиш мавзуси. Миграция бўйича эксперт Ботиржон Шермуҳаммад бу ҳақда қуйидагиларни таъкидлади:

“Ҳозирги кунда Ўзбекистон фуқароларига Россия қамоқхоналарида, миграция марказларида, миграция бўлимларида, жамоат транспортида, полиция бўлимларида урушга боришга тарғибот қилиняпти. Жудаям фаол тарғибот қилиняпти”, — дейди у.

Маълумотларга кўра, уларга 30–40 минг долларгача бир марталик мукофот, ҳар ой 200 минг рубл атрофида маош, қамоқдан озод қилиш имконияти ва ҳатто Россия фуқаролиги ваъда қилинмоқда.

Ўзбекистон Олий суди маълумотларига кўра, ҳозиргача 26 нафар фуқаро Россиядаги урушга ёлланганликда айбдор деб топилиб, суд ҳукми ўқилган.

Украина ҳукуматининг "Хочу жить" лойиҳасига кўра, 1110 нафар ўзбекистонлик урушда қатнашган, улардан 109 нафари ҳалок бўлган. BBC ва “Медиазона” эса 66 нафар ўзбекистонликнинг урушда ҳалок бўлганини қайд этган, шундан 46 нафари қамоқда бўлган фуқаролар экани аниқланган.

Telegram I Facebook I YouTube I Instagram

Шаҳидлар хотираси хиёбонида Қатағон қурбонлари ёдга олинди

Бугун, 29 август Қатағон қурбонларини ёд этиш куни муносабати билан Шаҳидлар хотираси хиёбонида давлат ва жамоат ташкилотлари вакиллари, зиёлилар ҳамда нуронийлар иштирокида тадбир ўтказилди. Маросимда президент Шавкат Мирзиёев ҳам қатнашди.

Тадбирда Қуръон тиловати қилинди, элга ош тарқатилди. Давлат раҳбари Ватан озодлиги йўлида жон фидо этган аждодлар хотирасини улуғлаш ва ёш авлодни мустақиллик ҳамда тинчлик қадрига етиш руҳида тарбиялаш муҳимлигини таъкидлади.

Шавкат Мирзиёев сўзларига кўра, сўнгги саккиз йилда 1 200 дан ортиқ қатағон қурбони номи оқланди, “Қатағон қурбонлари хотираси” музейи янгидан тузатилди ва янги ҳужжатлар билан бойитилди. Шунингдек, Бухорода Жадидлар мероси давлат музейи ташкил этилмоқда.

Президент ёшларга тарихни тўғри етказиш, жадид боболар меросини ўрганиш, мустақилликнинг буюк неъмат эканини англатиш зарурлигини таъкидлади.

Маросимда уламолар юрт тинчлиги ва барқарорлиги учун дуо қилди.

Telegram I Facebook I YouTube I Instagram

Фарғона деҳқон бозоридаги нарх-навo халқ учунми ёки…

Фарғона деҳқон бозорида ҳар кунлик манзара ўзгармаяпти — нарх-навo ўша-ўша.

👉 https://effect.uz/6623

Telegram I Facebook I YouTube I Instagram

«Битта структурада ишлаганимизни муомалангиздан кўриб турибман»

Сирдарё вилоятида ўзини собиқ ЙПХ ходими деб таништирган қоидабузар тўхтатилди. Унинг вилоят ИИБ бошлиғи Фаррух Ҳайдаров билан видеомулоқоти тарқалди.

Мулоқотда ИИБ бошлиғининг «Битта структурада ишлаганимизни муомалангиздан кўриб турибман» деган сўзлари эътиборни тортди. Бу жумланинг тизимдаги муаммоларга ишора экани ва уларни тан олиш жасорат сифатида баҳоланаётгани таъкидланмоқда.

Telegram I Facebook I YouTube I Instagram

Турдимов: «Мажбурий меҳнатга чиққан ўқитувчи ҳам ишдан олиниши керак»

Сирдарё вилояти ҳокими Эркинжон Турдимов устозлар миллий форумида мажбурий меҳнат масаласига тўхталиб, бу борада кескин фикр билдирди.

«Агар биронта мактабда мажбурий меҳнат бўлса, унинг директори автоматик равишда ишдан олиниши керак. Шунингдек, ўша мажбурий меҳнатга чиққан ўқитувчи ҳам ишдан олиниши лозим. Чунки агар у ҳақиқий ўқитувчи бўлса, уни ҳеч ким бундай ишларга мажбурлай олмайди. Агар саводсиз ёки кўр-кўрона бўлса, ундан яхши устоз чиқмайди»,

— деди Турдимов.

Telegram I Facebook I YouTube I Instagram

Айрим тоифадаги ички ишлар органлари ходимлари ва пенсионерларига берилган хизмат уйлари хусусийлаштириб берилади

Ҳукуматнинг тегишли қарорига кўра айрим тоифадаги ички ишлар органлари ходимлари ва пенсионерларига уларга берилган хизмат уй-жойлари хусусийлаштириб берилади.

Булар қуйидагилар:

🔹 2022-йил 4-июльга қадар ички ишлар органларида хизмат қилиб, пенсия олиш ҳуқуқини берадиган хизмат муддатини ўтаган ёки хизмат даврида орттирилган касаллик (ногиронлик) оқибатида резервга ва истеъфога бўшатилган, ўзи ва турмуш ўртоғининг номида шахсий турар жой бўлмаган пенсионерларга ёхуд вафот этган пенсионерларнинг номида шахсий турар жой бўлмаган оила аъзоларига (эри (хотини), фарзандлари ёки қарамоғида бўлган шахсларга);

🔹 вафот этган ходимларнинг оила аъзоларига (эри (хотини), фарзандлари ёки қарамоғида бўлган шахсларга), башарти уларнинг номида шахсий турар жой бўлмаса.Айрим тоифадаги ички ишлар органлари ходимлари ва пенсионерларига берилган хизмат уйлари хусусийлаштириб берилади

Ҳукуматнинг тегишли қарорига кўра (543-сон, 28.08.2025-йил), айрим тоифадаги ички ишлар органлари ходимлари ва пенсионерларига уларга берилган хизмат уй-жойлари хусусийлаштириб берилади.

Булар қуйидагилар:

🔹 2022 йил 4 июлга қадар ички ишлар органларида хизмат қилиб, пенсия олиш ҳуқуқини берадиган хизмат муддатини ўтаган ёки хизмат даврида орттирилган касаллик (ногиронлик) оқибатида резервга ва истеъфога бўшатилган, ўзи ва турмуш ўртоғининг номида шахсий турар жой бўлмаган пенсионерларга ёхуд вафот этган пенсионерларнинг номида шахсий турар жой бўлмаган оила аъзоларига (эри (хотини), фарзандлари ёки қарамоғида бўлган шахсларга);

🔹 вафот этган ходимларнинг оила аъзоларига (эри (хотини), фарзандлари ёки қарамоғида бўлган шахсларга), башарти уларнинг номида шахсий турар жой бўлмаса.

Telegram I Facebook I YouTube I Instagram

Ўзбекистон президенти мақоласи China Daily нашрида чоп этилди

Ўзбекистон Республикаси президенти Чина Даилй нашрида мақола эълон қилиб, мамлакатнинг Шанхай Ҳамкорлик Ташкилоти (ШҲТ) доирасида ҳамкорликни кучайтириш бўйича қарашларини баён қилди.

Мақолада ШҲТ давлатлари ўртасида туризмни ривожлантириш муҳим йўналиш экани таъкидланиб, минтақада арзон ва сифатли туризм маҳсулотлари етишмаслиги қайд этилди. Президентнинг сўзларига кўра, Ўзбекистон ва Хитой ўртасидаги мунтазам авиақатновлар сони йил охирига қадар 46 тадан 60 тага етади.

Президент, шунингдек, БМТ Барқарор ривожланиш мақсадларига эришишда минтақавий ҳамкорликни кенгайтириш тарафдори эканини билдирган. У ШҲТ доирасида умумий платформа яратиш, тажриба алмашиш ва инклюзив ҳамда “яшил” ўсишни қўллаб-қувватлаш зарурлигини қайд этди.

Мақолада ШҲТ механизмларини ислоҳ қилиш, ҳамда барча давлатлар манфаатлари ва замонавий чақириқларни инобатга олган ҳолда узоқ муддатли стратегия ишлаб чиқиш таклифи ҳам илгари сурилди. Ўзбекистоннинг мақсади — минтақавий жараёнларда иштирок этиш билангина чекланмай, балки ўзаро ишонч ва манфаат асосида умумий келажакни фаол қуришдир.

Давлат раҳбари яқинлашиб келаётган Тянцзин шаҳридаги ШҲТ саммитидан муваффақиятли натижалар кутаётганини билдириб, Хитой халқига тинчлик, фаровонлик ва тараққиёт тилади.

Telegram I Facebook I YouTube I Instagram

Uzcard тизимидаги узилишлардан кейин мижозлар пул йўқотганини билдирди

28 август куни Uzcard платформа ишида бир неча соатлик узилиш кузатилди. Бу вақт мобайнида картадан маблағ ўтказиш ва банкоматлар орқали ечиб олиш имконияти чеклангани қайд этилди.

Шундан сўнг, бир қатор фойдаланувчилар операция амалга ошмаганига қарамай, карталаридан пул ечилганини маълум қилмоқда. Айримлар мурожаат марказига боғланишда ҳам қийинчиликка дуч келган, чунки кўплаб мижозлар пул йўқотиш билан боғлиқ хавотирда қўнғироқ қилган.

Uzcard компанияси эса тизимда профилактика ишлари олиб борилганини билдириб, вақтинчалик ноқулайликлар учун узр сўради. Шу билан бирга, айни вақтда банкоматлар, терминаллар ва халқаро карталар орқали тўловларда қисқа узилишлар кузатилиши мумкинлиги огоҳлантирилди.

Ҳозирча компания мижозлар йўқотган маблағлар қандай қайтарилиши ёки зарарларни қоплаш тартиби ҳақида аниқ маълумот бермади.

Telegram I Facebook I YouTube I Instagram

Тошкентда Мустақиллик байрамига бағишланган асосий тадбир бошланди

Айни соатларда пойтахтда Ўзбекистон Республикаси Мустақиллигининг 34 йиллигига бағишланган тантанали маросим бўлиб ўтмоқда. Давлат раҳбари иштирокида ўтаётган тадбирда президент табрик сўзи билан мурожаат қилмоқда.

Мазкур байрамни телеканаллар орқали, шунингдек, Президент матбуот хизматининг Telegram, YouTube ва Facebook саҳифаларида жонли эфирда кузатиш мумкин.

Telegram I Facebook I YouTube I Instagram

«Янги Ўзбекистон давлати ва жамияти буюк тарихимизни янги Уйғониш даври билан боғлайдиган кўприк бўлади» – президент

“Янги Ўзбекистон” боғида мамлакатимиз давлат мустақиллигининг 34 йиллигига бағишланган тантанали байрам тадбири бўлиб ўтмоқда.

Маросимда Ўзбекистон Республикаси президенти Шавкат Мирзиёев нутқ сўзлаб, мустақиллик йилларида амалга оширилган ислоҳотлар ва янги босқичдаги мақсадлар ҳақида тўхталди.

“Янги Ўзбекистон ғояси асосида бошлаган улкан ислоҳотларимиз туфайли мустақиллик берган ҳуқуқ ва эркинликларни ҳар бир юртдошимиз ўз ҳаётида чуқур ҳис қилиб, бу имкониятлардан кенг фойдаланмоқда.
Юртимиз заминидаги Биринчи ва Иккинчи Ренессанс анъаналарини ривожлантириб, Учинчи Ренессанс сари дадил амалий қадамлар қўймоқдамиз.
Ишончим комил, бу йўлда Янги Ўзбекистон давлати, Янги Ўзбекистон жамияти буюк тарихимизни янги, янада юксак Уйғониш даври билан боғлайдиган мустаҳкам кўприк бўлиб хизмат қилади”, – деди президент.

Telegram I Facebook I YouTube I Instagram

#Premyera

🇺🇿 Уйғон, ўғлим!

Бу юрт, бу миллат эгалари қанчадан-қанча даҳоларни, дунё тамаддунига ҳисса қўшган олиму-фузалоларни, кураги ерга тегмаган пахлавонларни тарбия қилди.

Бугунги кунда дунёдаги чексиз коинот сарҳадларидан тортиб математик ҳисоб китобларгача, ҳадис илмидан тортиб тиббиёт билимларигача бўлган барча кашфиётлар бизнинг боболаримиз томонидан амалга оширилган.

Дунёни билим ила ҳайратда қолдириш навбати энди сеникидир... Уйғон, ўғлим!

Telegram I Facebook I YouTube I Instagram

Ҳамюртимиз “Юксак эҳтиром” халқаро эсдалик кўкрак нишони билан тақдирланди

Effect.uz сайти жамоаси Инатов Азиз Нуриддиновични ушбу нуфузли мукофот билан табриклайди ҳамда келгуси фаолиятида янада катта ютуқлар ва муваффақиятлар тилайди.

👉 https://effect.uz/6624

Telegram I Facebook I YouTube I Instagram