Судлар фаолиятида сунъий интеллект технологиялари жорий этилади

“Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги Президент Фармони (ПФ–140-сон, 21.08.2025 й.) қабул қилинди.

Фармонга кўра, судлар фаолиятига сунъий интеллект технологияларини жорий этиш ҳамда рақамлаштириш жараёнларини жадаллаштиришнинг устувор мақсадлари этиб қуйидагилар белгиланди, жумладан:

🔹 суд ишларини юритишда қоғоз шаклидан воз кечиш мақсадида “Рақамли суд” концепцияси асосида ишларнинг юритилишини босқичма-босқич тўлиқ электрон шаклга ўтказиш;

🔹 судлар фаолиятига сунъий интеллект технологияларини жорий этиш учун зарур техник инфратузилма яратиш;

🔹 Олий суднинг ахборот тизимлари негизида суд ҳужжатлари архиви модулини ишлаб чиқиш ва амалиётга жорий этиш;

🔹 судлар фаолиятини рақамлаштириш бўйича “Кибер ҳуқуқ” йўналишида илмий тадқиқотлар ўтказиш, шунингдек, судьялар ва суд аппарати ходимларининг рақамли саводхонлиги ва малакасини доимий ошириб бориш.

“Рақамли суд” концепциясини амалга ошириш доирасида:

🔸судга ариза беришдан олдин сунъий интеллект ёрдамида суд муҳокамасининг тахминий натижаси ҳамда сарфланадиган харажатлар шакллантирилади;

🔸мурожаатлар судга электрон шаклда юборилади;

🔸суд ҳужжатлари лойиҳалари автоматик шакллантирилади.

Telegram I Facebook I YouTube I Instagram

Норматив-ҳуқуқий ҳужжатларни таҳлил қилиш платформаси ишга туширилади

“Судлар фаолиятига сунъий интеллект технологияларини жорий этиш орқали одил судловга эришиш даражасини ошириш ҳамда суд тизимининг моддий-техник таъминотини яхшилашга доир қўшимча чора-тадбирлар тўғрисида”ги президент фармони (ПФ–140-сон, 21.08.2025 й.) қабул қилинди.

Фармонга кўра 2025 йил 1 декабрдан фуқаролар, адвокатлар, юристлар, судьялар учун норматив-ҳуқуқий ҳужжатларни таҳлил қилиш платформаси ишга туширилади.

2025 йил якунигача суд ҳужжатларини автоматик тайёрлаш махсус ахборот дастури яратилади.

2026 йил 1 январдан “my.sud.uz” интерактив хизматлар порталида фуқароларга ҳуқуқий ёрдам кўрсатиш модулини жорий этиш, бунда сунъий интеллект асосида ишлайдиган виртуал маслаҳатчи яратилади, ҳуқуқий мурожаатларга жавоб бериш ҳамда суд маълумотлари автоматик етказилади.

2026 йил якунигача фуқароларга одил судловга эришишда қулай имкониятлар яратиш мақсадида 5 та янги интерактив хизматларни йўлга қўйиш, шунингдек, суднинг ахборот тизимидаги “Шахсий кабинет” платформасининг фойдаланувчилар учун янада қулай бўлган янги версияси ишлаб чиқилади.

Telegram I Facebook I YouTube I Instagram

Ўзбекистон Республикаси Одил судлов академияси ташкил этилади

“Одил судлов соҳасида юқори малакали кадрлар тайёрлаш тизимини тубдан такомиллаштириш чора-тадбирлари тўғрисида”ги Президент Фармони (ПФ–141-сон, 21.08.2025 й.) қабул қилинди.

Фармонга кўра, Судьялар олий кенгаши
ҳузуридаги Судьялар олий мактаби негизида Ўзбекистон Республикаси Одил судлов академияси ташкил этилади.

2025 йил 1 октябрдан:

▪️судьялик лавозимларига номзодларни тайёрлаш Академиянинг 6 ойлик касбий қайта тайёрлаш курсларида давлат гранти асосида ташкил этилади;

▪️курсларга қабул қилинган шахслар уларнинг эгаллаган лавозими бутун ўқиш даври мобайнида сақланади;

▪️ ўқиш даврида тингловчиларга судья ёрдамчисининг 1 ойлик меҳнатига ҳақ тўлаш фонди миқдорида ҳар ойда стипендия тўланади;

▪️курсга қабул қилиш қуйидагилардан иборат танлов асосида амалга оширилади:

▫️психология,
▫️чет тиллари;
▫️суд ихтисослиги бўйича тест синовлари;
▫️ёзма имтиҳон;
▫️якка тартибдаги суҳбат.

Якуний аттестация имтиҳони натижаларига кўра, курсни тамомлаган битирувчилар аризасига асосан бўш судьялик лавозимларига ўтказиладиган танловларда иштирок этадилар.

Ўқиш дастурини ўзлаштирмаган ва якуний аттестация имтиҳонидан ўтмаган тингловчилар, бўш судьялик лавозимига 3 йилгача муддатда ариза топширмаган ёки таклиф этилган судьялик лавозимини эгаллашни рад этган битирувчилар олинган стипендия суммасини тўлиқ миқдорда қоплаб берадилар.

Telegram I Facebook I YouTube I Instagram

Одил судлов академиясида малака оширишнинг янгича услублари татбиқ этилади

“Одил судлов соҳасида юқори малакали кадрлар тайёрлаш тизимини тубдан такомиллаштириш чора-тадбирлари тўғрисида”ги Президент Фармони (ПФ–141-сон, 21.08.2025 й.) қабул қилинди.

Фармонга кўра, судья ва суд аппарати ходимларининг мажбурий малакасини оширишнинг қуйидаги тартиби жорий этилади:

🔹 5 йил муддатга тайинланган судьялар – ҳар 2 йилда, 10 йил муддатга тайинланган судьялар – ҳар 3 йилда 2 ҳафтадан кам бўлмаган;

🔹 Олий суд судьялари, суд раислари ва раис ўринбосарлари, шунингдек, муддатсиз даврга тайинланган судьялар – ҳар 3 йилда 1 ҳафтадан кам бўлмаган;

🔹 фаолият самарадорлиги рейтингининг паст кўрсаткичларига эга судьялар – навбатдан ташқари 2 ҳафтадан кам бўлмаган;

🔹 суд аппарати ходимлари – ҳар 2 йилда 1 ҳафтадан кам бўлмаган малака ошириш курсларида ўқитилади.

📑 Амалдаги судьялар учун мураккаб тоифадаги ишлар бўйича малака ошириш курслари ташкил этилади.

📍Раҳбарлик лавозимларига, қоида тариқасида, фақат раҳбар кадрларни қайта тайёрлаш курсларини муваффақиятли тамомлаган судьялар тайинланади.

⏳Академияда 2026/2027 ўқув йилидан “Суд фаолияти” мутахассислиги бўйича магистратура дастури асосида ўқитиш ташкил этилади.

Telegram I Facebook I YouTube I Instagram

Телекоммуникацияларни тартибга солиш агентлиги ташкил этилади

“Телекоммуникациялар соҳасида тартибга солиш тизимини такомиллаштириш чора-тадбирлари тўғрисида”ги Президент Фармони (ПФ–142-сон, 21.08.2025 й.) қабул қилинди.

Фармонга кўра, Телекоммуникацияларни тартибга солиш агентлиги ташкил этилади.

Агентлик оператор ва провайдерлар томонидан кўрсатилаётган хизматлар сифатининг белгиланган талабларга мувофиқлигини тасдиқланган режага мувофиқ ҳар ойда камида 1 маротаба мониторинг қилиб боради.

Агентлик молиявий ва тузилмавий жиҳатдан ҳамда ваколати доирасида қарор қабул қилишда мустақил ҳисобланади ҳамда ўз фаолиятида Вазирлар Маҳкамасига ҳисобдор бўлади.

Telegram I Facebook I YouTube I Instagram

Қозоғистоннинг Олмаота аэропортида эркак ўзини ёқиб юборди

Қозоғистоннинг Олмаота аэропортида 25-август куни эркак ўзини ёқиб юборди. Бу ҳақда Tengrinews хабар берди.

Ҳодиса аэропортнинг T-1 терминалида юз берган. Тахминларга кўра, эркак турмуш ўртоғи билан шахсий можаро сабабли ўзига о‘t қўйган. Видеода бейсболка ва куртка кийган эркак касса олдида тургани, сўнгра тўсатдан алаңа ичида қолгани акс этган.

Олмаота жамоат саломатлиги бошқармасига кўра, эркакнинг аҳволи ўта оғир. Ҳодиса юзасидан транспорт полицияси жиноят иши қўзғатган. Тергов ҳаракатлари олиб борилмоқда.

Telegram I Facebook I YouTube I Instagram

Тўртта педагогика ОТМига янги раҳбарлар тайинланди

Ўзбекистон олий таълим тизимида раҳбарлар алмашинуви амалга оширилди. Вазирлар Маҳкамаси қарорига кўра, тўртта педагогика йўналишидаги олий таълим муассасасига янги ректор ва директорлар тайинланди.

Жумладан, Мактабгача ва мактаб таълими вазирлиги Педагогик кадрлар тайёрлаш ва малака ошириш бошқармасига раҳбарлик қилиб келган Мақсуджон Йўлдошев Жиззах педагогика университети ректори этиб тайинланди.

Шу билан бирга, вазир маслаҳатчиси лавозимида ишлаб келган Улуғбек Тошкенбоев Россия давлат педагогика университети Тошкент филиали ижрочи директори лавозимига тасдиқланди.

Алфраганус университети менежмент ва маркетинг кафедраси мудири сифатида фаолият юритган Машъал Саидов Шаҳрисабз педагогика институти ректори этиб тайинланди.

Самарқанд давлат университети Каттақўрғон филиалига раҳбарлик қилиб келган Шерзод Ўроқов эса энди Каттақўрғон давлат педагогика институти ректори сифатида иш бошлайди.

Telegram I Facebook I YouTube I Instagram

Шавкат Мирзиёев Абдулла II ибн ал-Ҳусайн билан музокаралар ўтказди

Учрашувда пойтахтлар ўртасида тўғридан-тўғри авиақатновларни йўлга қўйиш ва визасиз режим жорий этиш масаласи муҳокама қилинди.

Шунингдек, музокаралар якунида Иордания Подшоҳи Ўзбекистон етакчисини мамлакатга жавоб ташриф билан боришга таклиф қилди.

Telegram I Facebook I YouTube I Instagram

Ўзбошимча фуқаролар сабаб жамият ва давлат манфаатларига 460 миллион сўмдан ортиқ зарар етказилди

Бош прокуратура ҳузуридаги Департаментнинг Чуст тумани бўлими томонидан тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.

👉 https://effect.uz/6616

Telegram I Facebook I YouTube I Instagram

Очиқ мулоқотда тадбиркорлар эътирозлари инобатга олинди – Бизнес Омбудсман

📌 Давлат раҳбари ва тадбиркорлар ўртасидаги Очиқ мулоқот олдидан ҳам, жараёнида ҳам тадбиркорлардан келиб тушган тизимли муаммолар алоҳида ўрганилган.

🏗 Мурожаатлар таҳлилига кўра:

— Инфратузилма объектлари ва монопол етказиб берувчилар шартномаларда ўз ҳуқуқларини устувор қўйиб келишгани ҳақида эътирозлар билдирилди.

📑 Очиқ мулоқот якунлари бўйича қабул қилинган Фармонда:

✔️ Барча намунавий шартномалар лойиҳалари Бизнес Омбудсман, Адлия вазирлиги ва Рақобат қўмитаси томонидан мажбурий экспертизадан ўтказилиши белгиланди.

💰 Шунингдек, Фармонда қуйидагилар ҳам назарда тутилди:

— Тадбиркорликни қўллаб-қувватлаш учун молиявий ресурслар ажратиш 📊

— Ташқи иқтисодий фаолият ва туризмни ривожлантириш учун имтиёз ва преференциялар 🌍✈️

— Солиқ тўловчиларни рағбатлантириш чоралари 🏦

Telegram I Facebook I YouTube I Instagram