Навоийда асоссиз ечиб олинган 2 млрддан ортиқ сумма тадбиркор ҳисобига қайтарилди – Бизнес-омбудсман

Тадбиркорларнинг ҳуқуқларини ҳимоя қилиш бўйича вакил (Бизнес-омбудсман) девонига Навоий вилоятида фаолият юритувчи “Учқудуқ” (номи ўзгартирилган) МЧЖ раҳбари жамиятда ўтказилган текширувдан ва ҳисоб рақамидан ечиб олинган пул маблағи қайтмааётганлигидан норози бўлиб мурожаат қилган.

Аниқланишича, Навоий вилоят солиқ бошқармасининг буйруғига асосан жамият фаолиятида солиқ аудити текшируви ўтказилиб, натижаси бўйича жамиятга жами 2 млрддан зиёд қўшимча солиқ ва жарималар ҳисобланган ҳамда ушбу маблағлар жамият ҳисоб рақамидан ундирилган.

Ўз навбатида, суднинг ҳал қилув қарорига асосан солиқ бошқармасининг бу қарори ҳақиқий эмас деб топилган бўлсада, жамиятдан ундирилган пул маблағлари тадбиркор ихтиёрига қайтарилмаган. Бундан ташқари, жамият фаолиятида ўтказилган текшириш давомида амалдаги қонунчилик ҳужжатлари талаблари бузилганги аниқланган.

Ўрганиш натижасига кўра, текширишда қонунбузилиш ҳолатига йўл қўйган мансабдор шахсга нисбатан маъмурий жарима жазоси қўлланилиб, тадбиркор ҳисоб рақамига 2 млрд 160 миллион сўм пул маблағи қайтарилиши таъминланган.

Telegram I Facebook I YouTube I Instagram

Тошкентда 1 сотих ер қарийб 3 млрд сўмга сотилди

Тошкент шаҳри Яккасарой тумани Бошлиқ МФЙда жойлашган 1 сотих ер майдони 2,7 млрд сўмга сотилди. Савдо E-Auksion платформасида бир ярим соат давом этган.

Унда 7 нафар талабгор иштирок этиб, ер бошланғич нархига нисбатан 1,8 млрд сўм қимматроққа сотилган. Аукционда ғолиб Акмал Абдуллаев.

Telegram I Facebook I YouTube I Instagram

"Инсультни даволашда янгича ёндашувлар жорий этилади" – мутахассис

Яқинда президент ҳузурида соғлиқни сақлаш тизимини трансформация қилиш ва тиббий ёрдам сифатини ошириш бўйича таклифлар тақдимоти ўтказилди. Унда сўнгги йилларда инсультга чалиниш ҳолатлари ортиб бораётгани таъкидланди.

Миллий тиббиёт маркази директори Мақсуд Саидовнинг таъкидлашича, инсульт — мияда қон айланишининг ўткир бузилиши билан кечадиган хавфли касаллик бўлиб, унинг икки тури мавжуд:

Геморрагик инсульт – мия тўқимаси ёки қоринчаларига қон қуйилиши орқали кечади. У тез ривожланиб, қайт қилиш, юзнинг қизариши, уйқучанлик ва мушакларда спазм билан намоён бўлади.

Ишемик инсульт – бош мияни озуқа билан таъминловчи асосий қон томирлари беркилиб қолиши ёки майда томирларда спазм ривожланиши натижасида юзага келади.

Мутахассиснинг таъкидлашича, инсультга қонда холестерин кўпайиши, қон босими ошиши, қандли диабет, юрак аритмияси, стресс, атеросклероз, спиртли ичимлик ва тамаки истеъмоли, камҳаракатлик каби омиллар сабаб бўлади. Улар орасида энг хавфлиси — артериал гипертония ҳисобланади. Чекиш касаллик хавфини икки баробарга ошириб, тромб ҳосил бўлишини тезлаштиради, спиртли ичимлик эса томирларга салбий таъсир кўрсатади.

Тақдимотда инсультнинг олдини олиш ва даволашда янгича ёндашувлар жорий этилиши белгиланди. Хусусан, сунъий интеллект асосида эрта ташхис ва даволаш протоколлари ишлаб чиқилади. Шунингдек, ЭКГ-телеметрия, телемедицина, тромболизис терапия, стентлаш ва тромбоэкстрация каби замонавий усуллар йўлга қўйилади.

Шу билан бирга, Республика ихтисослаштирилган неврология ва инсульт илмий-амалий тиббиёт маркази Неврология ва нейрореабилитация миллий тиббиёт маркази деб қайта номланди. Янги муассаса тўлиқ иш бошлаганда, йилига 3 мингдан ортиқ жарроҳлик амалиёти ўтказиш имконияти яратилади. Бунинг учун 150 нафар мутахассис хорижда малака ошириб қайтиши белгиланган.

Соғлиқни сақлаш вазирлиги маълумот беришича, ушбу чора-тадбирлар яқин истиқболда инсульт ва бошқа неврологик касалликлардан ногиронлик ҳамда меҳнатга лаёқатсизлик ҳолатларини камайтиришга хизмат қилади.

Telegram I Facebook I YouTube I Instagram

Uzbekistan Airports 6,8 млрд сўмлик давлат харидини қонунга зид тарзда ўтказгани фош бўлди

Ўрганиш ва таҳлиллар жараёнида тўпланган ҳужжатлар қонуний чора кўриш учун ҳуқуқни муҳофаза қилувчи органларга юборилган.

👉 https://effect.uz/6603

Telegram I Facebook I YouTube I Instagram

Завод гидроагрегатлар ишлаб чиқариш бўйича нафақат Марказий Осиёда, балки дунё бўйича ҳам саноқли заводлар қаторига киради – журналистлар «UzHydroPower»’да

Ўзбекистонда гидроэнергетика соҳасини ривожлантиришда муҳим стратегик аҳамиятга эга бўлган «UzHydroPower» заводи юртимизда маҳаллий ишлаб чиқариш салоҳиятини кучайтириш ҳамда иқтисодий мустақилликни таъминлашга хизмат қилмоқда.

«UzHydroPower» заводи – Хитойнинг «Zhejiang Jinlun Electromechanic Co., Ltd.» компанияси билан ҳамкорликда ташкил этилган қўшма корхона бўлиб, бугунги кунда қуввати 1 кВт дан 40 МВт гача бўлган замонавий гидроагрегатлар, турбиналар, генераторлар, сув насос агрегатлари ва сув омборлари учун металл конструкциялар ишлаб чиқаришни амалга оширмоқда.

Ушбу завод ўз ихтисослиги бўйича, яъни гидроагрегатлар ишлаб чиқариш бўйича нафақат Марказий Осиёда, балки дунё бўйича ҳам саноқли заводлар қаторига киради.

Завод фаолиятини батафсил ёритиши мақсадида ОАВ вакиллари, телевидение, радиоканаллар муҳаррирлари ва журналистлар учун Тошкент вилоятининг Бўстонлиқ туманида жойлашган «UzHydroPower» қўшма корхонасига пресс-турда иштирок этишди.

Telegram I Facebook I YouTube I Instagram

"Энди ёлғон ўтмайди. Барчаси космосдан туриб кузатиб турилади" – Турдимов Сирдарё вилояти деҳқончилик маданияти бўйича энг паст кўрсаткичда эканини танқид қилди

Сирдарё вилояти ҳокими Эркинжон Турдимов раислигида вилоят Халқ депутатлари кенгашининг 19-сессияси бўлиб ўтди. Йиғилишда маҳалла ва туман раҳбарлари ҳамда қишлоқ хўжалиги соҳасидаги камчиликлар ҳамда аҳоли томорқаларидан самарали фойдаланиш масалалари муҳокама қилинди.

Ҳоким таъкидлашича, айрим раҳбарлар ўз вазифаларини тўлиқ бажармайди, томорқалар эътибордан четда қолиб, ариқлар ковланмайди ва ҳашарлар ташкил қилинмайди. Шунингдек, боқимандалик кайфияти ортиши сабабли вилоятда иш ўринлари бўлса ҳам бошқа ҳудудлардан аҳоли меҳнат қилмоқда

"Энди ёлғон ўтмайди. Барчаси космосдан туриб кузатилиб турилади. Энди жойларга бориб кўздан кечириш шарт эмас, барчаси компьютерда кўриниб туради"— деди Турдимов.

Сессияда электрон назорат тизими йўлга қўйилиши маълум қилинди. 1 октябрга қадар барча ер майдонлари космик кузатувда бўлади, томорқалар ҳолати ва ариқлар ҳолати автоматик равишда назорат қилинади. Шу билан бирга, ҳоким ўринбосарлари жойларга чиқиб, аҳоли билан учрашиш ва ҳисобот бериш тизими жорий этилади. Мажлисда 25 турдаги таклиф учун жами 16 млрд 750 млн сўм маблағ ажратилиши белгиланди.

Telegram I Facebook I YouTube I Instagram

⚡️Сурхондарёда нафрат ортидаги ишқий можаро

Босимлар оқибатида фарзандим нобуд бўлди, у мени хонамга келиб «ихтиёрий равишда мен билан юрган» дея қўрқитди. Фарзандимга зарар етса, уни тинч қўймаслигимни айтдим, дейди Ёшлар иттифоқининг Сурхондарё вилоят кенгаши бўлим бошлиғи М.Қ.

Effect.uz’га Сурхондарё вилояти Ёшлар ишлари бошқарма бошлиғи Аслиддин Хуррамовнинг аҳлоқсиз ҳатти-ҳаракатларидан норози равишда ёзилган мурожаат етиб келди.

Мурожаатда қайд этилишича, Аслиддин Хуррамов ЁИ кенгаши бўлим бошлиғи М.Қни ишқий муносабат билдириш орқали безовта қилиб, унга нисбатан зўравонлик ҳолатини содир этган бўлиши мумкин. М.Қ ўзига нисбатан содир этилган ҳаракатлардан норози бўлиб, ҳатто ДХХ Сурхондарё вилоят бошқармасига, Ёшлар ишлари агентлиги раҳбари Алишер Саъдуллаев, агентлик раҳбарининг биринчи ўринбосари Дилнозахон Каттахоновага ҳам мурожаат йўллаган.

«Ёшлар иттифоқида кадр бўлиб ишлайман. Аслиддин Хуррамов менга дил изҳор қилиб, доимий равишда шахсий муносабат билдирарди. Мен эса бу ҳолатдан кескин норози бўлдим, у мени икки ойдан буён тинч қўймаяпти. Шундан сўнг у менга доимий равишда босим ўтказиб келади», — дейди М.Қ.

Шунингдек, М.Қ Хуррамовнинг босимлари оқибатида фарзанди нобуд бўлганини маълум қилди. Бундан ташқари, Қурбонова доимий равишда Хуррамовнинг турмуш ўртоғи қўрқитиш йўли билан унга тажоввуз ўтказаётганини ҳам қайд этган.

Ёзишмалар скриншоти ва бошқа далил-исботлар Effect.uz ихтиёрида мавжуд. Таҳририят ҳолат юзасидан тегишли идораларнинг изоҳини очиқлашга тайёр.

Telegram I Facebook I YouTube I Instagram