Президент Шавкат Мирзиёев амалий ташриф билан Туркманистонга жўнаб кетди

Ўзбекистон Республикаси президенти Шавкат Мирзиёев 22 август куни эрталаб Туркман халқи миллий етакчиси, Туркманистон Халқ Маслахати Раиси Гурбангули Бердимуҳамедовнинг таклифига биноан амалий ташриф билан Туркманистонга жўнаб кетди.

Давлатимиз раҳбари «Аваза» миллий туризм зонасида бўлиб ўтадиган «Озарбайжон – Туркманистон – Ўзбекистон» форматидаги саммит тадбирларида иштирок этади.

Шунингдек, Ўзбекистон етакчиси саммит доирасида икки томонлама музокаралар ҳам ўтказиши кўзда тутилган.

Telegram I Facebook I YouTube I Instagram

Наманганда террорчилик ғоялари таъсиридаги шахслар фаолиятига чек қўйилди

Наманган вилоятида халқаро террористик ташкилот ғоялари таъсирига тушган айрим шахсларнинг ноқонуний ҳаракатлари ҳуқуқни муҳофаза қилувчи органлар томонидан бартараф этилди.

Мазкур ҳолат юзасидан қонунчиликка мувофиқ тергов ҳаракатлари олиб борилмоқда.

Telegram I Facebook I YouTube I Instagram

Афғонистонда Алишер Навоий ҳайкалини тиклаш бўйича лойиҳа тақдим этилди

Олдинроқ Мозори Шариф шаҳрида Алишер Навоий ҳайкали бузилгани ҳақида аввал хабар берилган эди. Ўзбекистон Ташқи ишлар вазирлиги маълумотига кўра, шаҳарда Навоий ёдгорлигини қайта барпо этиш лойиҳасига бағишланган тадбир ўтказилди.

Тадбирда шаҳар ҳокими, масъул ташкилотлар раҳбарлари, Афғонистон шимолидаги ТИВ ваколатхонаси раҳбари ҳамда Мозори Шарифдаги Ўзбекистон Бош консулхонаси ходимлари иштирок этди.

Telegram I Facebook I YouTube I Instagram

Ўзбекистонда янги моделдаги тракторлар ишлаб чиқарилиши бошланди

Маҳаллийлаштириш дастури доирасида мамлакатнинг барча ҳудудларида синовдан ўтказилган Zoomlion трактор модели биринчи партияда ишлаб чиқарила бошланди.

Zoomlion RS 1604 (160 от кучига эга) тракторларини ишлаб чиқариш жорий август ойи охирида йўлга қўйилди. Йил якунига қадар яна икки модел — Zoomlion RC 804 (80 от кучи) ва Zoomlion RG 2004 (200 от кучи) ҳам ишлаб чиқаришга жорий этилиши кутилмоқда.

Завод қуввати йилига 1000 дона трактор ишлаб чиқаришга мўлжалланган.

Telegram I Facebook I YouTube I Instagram

Қишлоқ хўжалиги соҳасида рақамли технологиялар жорий этилади

“Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида”ги Президент Фармони (ПФ–130-сон, 12.08.2025 й.) қабул қилинди.

Фармоннинг асосий мақсадлари этиб қуйидагилар белгиланди, жумладан:

🔹 қишлоқ хўжалигида фойдаланиладиган 4 млн гектардан ортиқ ер майдонларида экинларни экиш ва суғориш жараёнларини рақамлаштириш;

🔹 қишлоқ хўжалиги соҳасида жорий этилган 30 тадан ортиқ ахборот тизимларини “ягона нуқта”га бирлаштириш орқали фойдаланувчилар учун қулайликлар яратиш ҳамда маълумотларнинг ўзаро мувофиқлиги ва ишончлилигини таъминлаш.

2026 йил ҳосилидан бошлаб қишлоқ хўжалиги ташкилотлари ўзларига тегишли ер участкаларига экиш режалаштирилган қишлоқ хўжалиги экинлари тўғрисидаги маълумотларни “Рақамли қишлоқ хўжалиги” ягона интеграцион платформасига (Агропортал) мустақил жойлаштириб боради.

Агропортал қишлоқ хўжалиги маҳсулотларини етиштирувчи, ишлаб чиқарувчи ва хизмат кўрсатувчи ташкилотлар учун соҳада хизмат кўрсатишнинг “ягона нуқтаси” сифатида эътироф этилади.

Telegram I Facebook I YouTube I Instagram

Лицензиясиз хизматни реклама қилган блогерларга нисбатан маъмурий иш қўзғатилди

Рақобат қўмитаси томонидан хорижга виза олиш ва ишга жойлаштириш хизматларига оид реклама-ахборотлар ўрганилиши натижасида айрим қонунбузилиш ҳолатлари аниқланди.

Хусусан, ижтимоий тармоқлардаги @iwash_tashkent саҳифаси админи О. Жўраев ва @abdurahmonmufid саҳифаси админи А. Абдурахмонов “ADWORLD GROUP” МЧЖнинг хорижда ишга жойлаштириш хизматларини реклама қилгани маълум бўлди.

Амалдаги қонунчиликка кўра, бундай фаолият тегишли лицензия мавжуд бўлган тақдирдагина амалга оширилиши мумкин. Шунингдек, “Реклама тўғрисида”ги Қонунда лицензия ва сертификатсиз хизмат ва маҳсулотларни тарғиб қилиш тақиқланган.

Аниқланган ҳолатлар юзасидан блогерларга нисбатан маъмурий ҳуқуқбузарлик тўғрисида баённомалар расмийлаштирилиб, судга юборилди.

Telegram I Facebook I YouTube I Instagram

Учувчисиз учадиган аппаратлар ёрдамида хизматлар кўрсатиш кўлами кенгайтирилади

“Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида”ги президент фармони қабул қилинди.

Фармонга кўра, қишлоқ хўжалиги ташкилотларига робототехника, дрон ва бошқа қурилмалар ёрдамида хизматлар кўрсатилади.

Дрон хизматларидан фойдаланиш учун Агропортал орқали ариза бериш, шартномаларни тузиш ва тўловларни амалга ошириш имконияти яратилади.

Агропортал орқали учиш баландлиги 30 метргача бўлган дронлар ёрдамида кўрсатиладиган хизматлар ваколатли идоралар билан келишилган ҳудудларда уларнинг йиллик рухсатномалари асосида тақдим этилади.

Шунингдек, Агропорталда қуйидаги хизмат турлари жорий қилинади:

🔹 2025 йил 1 декабрдан иккиламчи ижарага бериладиган ерларни белгилаш, ижара шартномасини тузиш, давлат рўйхатдан ўтказиш ва тўловларни амалга ошириш;

🔹2026 йил 1 мартдан қишлоқ хўжалиги ерлари тоифасини ўзгартириш юзасидан аризалар бериш, уларнинг ҳолатини онлайн кузатиб бориш ва натижаларини тақдим этиш.

Telegram I Facebook I YouTube I Instagram

Тошкентда 50 сотих ерни 4 млн долларга сотмоқчи бўлган фирибгарлар ушланди

Тошкент шаҳрида қурилиш объектларини лойиҳалаш билан шуғулланувчи МЧЖнинг офис менежери ҳамда маклерлик фаолияти билан шуғулланувчи 1990 й.т. фуқаро ўзаро тил бириктириб, алдов йўли билан тадбиркорнинг ишончига киришади.

Хусусан, улар ўзларига тегишли бўлмаган М.Улуғбек туманидаги 50 сотих ер майдонини тадбиркорга 4 млн АҚШ долларига сотишга келишиб, олдиндан аванс сифатида 100 минг АҚШ доллари, шунингдек, юқори лавозимларда ишловчи танишлари орқали ушбу объектни нотурар тоифадан турар тоифага ўтказиб бериш ҳамда у ерда коттеж типидаги уй қуриши учун рухсатнома олиш, архитектура ва лойиҳа ҳужжатларини расмийлаштириш ва бошқа тегишли ишларни бажариб бериш эвазига 200 минг АҚШ доллари сўраб, олдиндан 100 минг АҚШ доллари талаб қилишган.

Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда икки “уддабурон” 200 минг АҚШ долларини олган вақтларида ашёвий далиллар билан ушланган.

Ҳолат юзасидан уларга нисбатан Жиноят Кодексининг 168-моддаси 4-қисми “а” банди ва 28,211-моддаси 3-қисми “а” банди билан жиноят иши қўзғатилиб, қамоқ эҳтиёт чораси қўлланилган. Тергов ҳаракатлари доирасида уларнинг жиноий шерикларини шахсига аниқлик киритиш бўйича чора-тадбирлар амалга оширилмоқда.

Telegram I Facebook I YouTube I Instagram

Самарқандда чиқиндиларни энди мотороллерлар ташийди

Маълумки, чиқиндиларни тартибга солиш бўйича нафақат Республикада балки Самарқанд вилоятида ҳам бир талай ишлар амалга оширилмоқда.

Хусусан, Самарқанд шаҳрида мини мотороллер чиқиндиларни ташиш техникаси сифатида ишга туширилмоқда. Бу тажриба айнан республикада илк бор Самарқандда синовдан ўтказилмоқда. Бу ҳақда чиқиндиларни бошқариш ва циркуляр иқтисодиётни ривожлантириш агентлиги томонидан шаҳарга ташкил этилган пресс-турда Effect.uz мухбири Динара Қурбонбоева маълумот берди.

Нега айнан мотороллерлар?

Сабаби тарихий шаҳар йўлларида катта чиқинди ташиш машинаси ҳаракатланадиган бўлса, зарар етиши эҳтимоли катта бўлади. Сўнгра шу шаҳар атрофида жойлашган эски тор кўчаларга катта чиқинди машиналари кириб чиқиши қийин, бунинг оқибатида аҳолида чиқинди билан муаммолар кўпаяди. Айнан шундай муаммоларни олдини олиш мақсадида ҳам кичик чиқинди ташувчи мотороллерлар фаолияти йўлга қўйилган.

Мотороллерлар кунига 2 мартадан 9-10 тоннага яқин маиший чиқиндиларни қайта юклаш шохобчаларига ташиб чиқармоқда. Қайд этилишича, тез орада санитар корхонасининг техника парки яна 20 та худди шундай кичик юк транспорти билан тўлдирилади.

Telegram I Facebook I YouTube I Instagram

Тошкентдаги Индекс бозори яқинида ёнғин содир бўлди

ФВВ Янгиҳаёт туманида содир бўлган ёнғин тўғрисида маълумот берди.

👉 https://effect.uz/6595

Telegram I Facebook I YouTube I Instagram

Мирзиёев “Арқадағ” билан юзма-юз музокара ўтказди

Шавкат Мирзиёев ва Туркман халқ етакчиси Гурбангули Бердимуҳамедов бугун “Аваза” туризм зонасида учрашди.

👉 https://effect.uz/6596

Telegram I Facebook I YouTube I Instagram

⚡️Аҳоли билан маслаҳат қилишмади, кескин қаршимиз, норозимиз – Мирзо Улуғбекда маҳалла биносини бузиб, ўрнига бизнес марказ қуришмоқчи

Тошкент шаҳри Мирзо Улуғбек туманидаги Баҳор МФЙ идораси биносини бузиб, унинг ўрнига камида 5 қаватли бино қурилиши режалаштирилган. Маҳалла аҳолиси эса бундан норози бўлиб, Effect.uz’га мурожаат йўллади.

Маҳалла биноси ҳудуди ҳозирдан ўраб олинган, ҳали режалаштиралётган қурилишнинг рухсатномаси ҳақида саволлар мавжуд. Ўзи маҳалла йўли тор бўлсада, масъуллар маҳалланинг янги таъмирланган биносини бузиб ўрнини, тадбиркорга беришмоқчи.

Бу ҳолатда албатта, аҳолининг фикри ўрганилиши, эшитилиши ва ҳурмат этилиши шарт. Лекин афсуски, Баҳор МФЙда бунинг акси негадир. Гўёки барчаси келишиб бўлингандек, кўринади.

Туман ҳокимлиги бу қурилиш ДХШ асосида бўлиши мумкинлигини инкор этмади, аммо қурилиш бошлашдан аввал ёки маҳалла идорасини бузишга қадар одамлар қандай фикрда эканлиги билан қизиқиш шарт.

👉 ТЎЛИҚ ВИДЕО

Telegram I Facebook I YouTube I Instagram

Қорақалпоғистонда чанг ҳодисаси кузатилди, ҳавода кислород етишмаяпти

Кеча бутун мамлакат бўйлаб қуруқ об-ҳаво кузатилганига қарамай, Қизилқум чўлида ва Нукусда нисбий намлик 20 фоиздан паст даражада сақланиб қолган. Бу ҳолат шаҳарда чангли ҳаво кузатилиши учун асос яратган.

Нукус халқаро аэропортида соат 13:00 дан бошлаб кўриниш масофаси 1500 метрдан камайиб, авиация синоптиклари томонидан чанг ҳодисаси сифатида баҳоланган. Шамол жануб томондан секундига 6-7 метр тезликда эсмоқда. Ҳозирги шароитда шаҳар аҳолиси ҳавода кислород етишмаслигидан ҳам азият чекаётгани айтилмоқда.

Telegram I Facebook I YouTube I Instagram

Самарқандда Spark огоҳлантиришларга қарамай, тез ёрдам машинасига йўл бермади

Ижтимоий тармоқларда Самарқандда Spark ҳайдовчиси тез ёрдам машинасига йўл бермаётгани акс этган видео тарқалди.

👉 https://effect.uz/6597

Telegram I Facebook I YouTube I Instagram