Тошкент вилоятида тўйдан уч кун ўтиб келиннинг жасади топилди

Прокуратура жиноят иши қўзғатишни рад этган.

👉 https://effect.uz/6592

Telegram I Facebook I YouTube I Instagram

Президент одил судловни таъминлаш бўйича таклифлар тақдимоти билан танишди

Сўнгги йилларда бу соҳа изчил ислоҳ қилиниб, судлар жазоловчи органдан инсон ҳуқуқларини ҳимоя қилувчи тизимга айлантирилди.

👉 https://effect.uz/6593

Telegram I Facebook I YouTube I Instagram

Ўзбекистон судларидаги жиддий ўзгаришлар

➖фуқаролик ва иқтисодий судларда кўриладиган даъволарнинг катта қисми низосиз ишларга тўғри келмоқда. Шу боис бундай масалаларни маъмурий органлар ваколатига ўтказиш таклиф этилмоқда.

➖маъмурий ва иқтисодий суд ишларини экстерриториал тарзда кўриш тартиби жорий этилади. Бугунги рақамли технологиялар асрида бунинг имкони бор.

➖судьяликка тайинлаш муддатларини қайта кўриб чиқиш кўзда тутилмоқда.

➖Барча йўналишдаги судлар бўйича минтақавий тафтиш судларини ташкил этиш, вилоят ва унга тенглаштирилган судлардаги тафтиш инстанцияларини тугатиш таклифи билдирилди. Бунда вилоят ва унга тенглаштирилган судларда фақатгина апелляция ва кассация инстанцияси бўлиши, тафтиш инстанцияси эса 5 та минтақавий судда ташкил этилиши режалаштирилмоқда.

➖суд тизими учун кадрлар тайёрлаш тизимини тубдан такомиллаштириш мақсадида Судьялар олий мактабини ислоҳ этиб, унинг негизида Одил судлов академияси ташкил этилади. Бу борада президент фармонлари имзоланди.

Telegram I Facebook I YouTube I Instagram

Андижонда икки туманда "Ташаббусли бюджет" тўхтатилди

Иқтисодиёт ва молия вазирлиги маълумотича, 2025 йилдаги "Ташаббусли бюджет"нинг иккинчи мавсуми доирасида Андижон вилоятининг Улуғнор ва Олтинкўл туманларида лойиҳаларга овоз бериш жараёни ўтказилмайди.

Бу қарор фуқароларнинг кўплаб шикоят ва эътирозлари, шунингдек, белгиланган мезонларга риоя этилмаганлиги сабабли қабул қилинган.

"Очиқ бюджет" порталидаги маълумотларга кўра, Улуғнор туманида жами 73 та лойиҳа тақдим этилган бўлиб, улардан 13 тасигина овоз бериш босқичига чиқарилган, қолган 60 та лойиҳа эса ҳеч қандай асоссиз рад этилган.

Олтинкўл туманида эса 116 та лойиҳадан фақат 22 таси овоз беришга қўйилган, 94 та таклиф изоҳсиз рад этилган.

Вазирлик томонидан лойиҳаларни амалдаги қонунчиликда белгиланган мезонлар асосида қайта кўриб чиқиш юзасидан хатлар юборилганига қарамай, тегишли туман ишчи комиссиялари бу ишни таъминламагани таъкидланди.

Telegram I Facebook I YouTube I Instagram

Президент Шавкат Мирзиёев амалий ташриф билан Туркманистонга жўнаб кетди

Ўзбекистон Республикаси президенти Шавкат Мирзиёев 22 август куни эрталаб Туркман халқи миллий етакчиси, Туркманистон Халқ Маслахати Раиси Гурбангули Бердимуҳамедовнинг таклифига биноан амалий ташриф билан Туркманистонга жўнаб кетди.

Давлатимиз раҳбари «Аваза» миллий туризм зонасида бўлиб ўтадиган «Озарбайжон – Туркманистон – Ўзбекистон» форматидаги саммит тадбирларида иштирок этади.

Шунингдек, Ўзбекистон етакчиси саммит доирасида икки томонлама музокаралар ҳам ўтказиши кўзда тутилган.

Telegram I Facebook I YouTube I Instagram

Наманганда террорчилик ғоялари таъсиридаги шахслар фаолиятига чек қўйилди

Наманган вилоятида халқаро террористик ташкилот ғоялари таъсирига тушган айрим шахсларнинг ноқонуний ҳаракатлари ҳуқуқни муҳофаза қилувчи органлар томонидан бартараф этилди.

Мазкур ҳолат юзасидан қонунчиликка мувофиқ тергов ҳаракатлари олиб борилмоқда.

Telegram I Facebook I YouTube I Instagram

Афғонистонда Алишер Навоий ҳайкалини тиклаш бўйича лойиҳа тақдим этилди

Олдинроқ Мозори Шариф шаҳрида Алишер Навоий ҳайкали бузилгани ҳақида аввал хабар берилган эди. Ўзбекистон Ташқи ишлар вазирлиги маълумотига кўра, шаҳарда Навоий ёдгорлигини қайта барпо этиш лойиҳасига бағишланган тадбир ўтказилди.

Тадбирда шаҳар ҳокими, масъул ташкилотлар раҳбарлари, Афғонистон шимолидаги ТИВ ваколатхонаси раҳбари ҳамда Мозори Шарифдаги Ўзбекистон Бош консулхонаси ходимлари иштирок этди.

Telegram I Facebook I YouTube I Instagram

Ўзбекистонда янги моделдаги тракторлар ишлаб чиқарилиши бошланди

Маҳаллийлаштириш дастури доирасида мамлакатнинг барча ҳудудларида синовдан ўтказилган Zoomlion трактор модели биринчи партияда ишлаб чиқарила бошланди.

Zoomlion RS 1604 (160 от кучига эга) тракторларини ишлаб чиқариш жорий август ойи охирида йўлга қўйилди. Йил якунига қадар яна икки модел — Zoomlion RC 804 (80 от кучи) ва Zoomlion RG 2004 (200 от кучи) ҳам ишлаб чиқаришга жорий этилиши кутилмоқда.

Завод қуввати йилига 1000 дона трактор ишлаб чиқаришга мўлжалланган.

Telegram I Facebook I YouTube I Instagram

Қишлоқ хўжалиги соҳасида рақамли технологиялар жорий этилади

“Қишлоқ хўжалиги соҳасига замонавий технологияларни жорий этишни янада жадаллаштириш орқали самарадорликни ошириш чора-тадбирлари тўғрисида”ги Президент Фармони (ПФ–130-сон, 12.08.2025 й.) қабул қилинди.

Фармоннинг асосий мақсадлари этиб қуйидагилар белгиланди, жумладан:

🔹 қишлоқ хўжалигида фойдаланиладиган 4 млн гектардан ортиқ ер майдонларида экинларни экиш ва суғориш жараёнларини рақамлаштириш;

🔹 қишлоқ хўжалиги соҳасида жорий этилган 30 тадан ортиқ ахборот тизимларини “ягона нуқта”га бирлаштириш орқали фойдаланувчилар учун қулайликлар яратиш ҳамда маълумотларнинг ўзаро мувофиқлиги ва ишончлилигини таъминлаш.

2026 йил ҳосилидан бошлаб қишлоқ хўжалиги ташкилотлари ўзларига тегишли ер участкаларига экиш режалаштирилган қишлоқ хўжалиги экинлари тўғрисидаги маълумотларни “Рақамли қишлоқ хўжалиги” ягона интеграцион платформасига (Агропортал) мустақил жойлаштириб боради.

Агропортал қишлоқ хўжалиги маҳсулотларини етиштирувчи, ишлаб чиқарувчи ва хизмат кўрсатувчи ташкилотлар учун соҳада хизмат кўрсатишнинг “ягона нуқтаси” сифатида эътироф этилади.

Telegram I Facebook I YouTube I Instagram

Лицензиясиз хизматни реклама қилган блогерларга нисбатан маъмурий иш қўзғатилди

Рақобат қўмитаси томонидан хорижга виза олиш ва ишга жойлаштириш хизматларига оид реклама-ахборотлар ўрганилиши натижасида айрим қонунбузилиш ҳолатлари аниқланди.

Хусусан, ижтимоий тармоқлардаги @iwash_tashkent саҳифаси админи О. Жўраев ва @abdurahmonmufid саҳифаси админи А. Абдурахмонов “ADWORLD GROUP” МЧЖнинг хорижда ишга жойлаштириш хизматларини реклама қилгани маълум бўлди.

Амалдаги қонунчиликка кўра, бундай фаолият тегишли лицензия мавжуд бўлган тақдирдагина амалга оширилиши мумкин. Шунингдек, “Реклама тўғрисида”ги Қонунда лицензия ва сертификатсиз хизмат ва маҳсулотларни тарғиб қилиш тақиқланган.

Аниқланган ҳолатлар юзасидан блогерларга нисбатан маъмурий ҳуқуқбузарлик тўғрисида баённомалар расмийлаштирилиб, судга юборилди.

Telegram I Facebook I YouTube I Instagram