«Саводсиз авлод. Исмини тўғри ёзолмайди, паспортини ўқишни билмаганлар блогерлик қиляпти…» – Ёзувчи Мурод Муҳаммад

«Авомни бошқариш осон, лекин авом билан жамият ривожланмайди», дейди ёзувчи.

Telegram I Facebook I YouTube I Instagram

Самарқанд вилояти ҳокими ободонлаштириш ишларини вертолётдан кўздан кечирди

Самарқанд вилояти ҳокими Адиз Бобоев вертолётда парвоз қилиб, вилоят ҳудудида олиб борилаётган ободонлаштириш ишлари ҳолатини ўрганди.

Telegram I Facebook I YouTube I Instagram

Владимир Путин Шавкат Мирзиёевга 15 август куни Анкориж шаҳрида ўтган Россия-АҚШ саммитининг асосий натижалари тўғрисида маълумот берди

Ўзбекистон Республикаси президенти Шавкат Мирзиёев 17 август куни Россия Федерацияси Президенти Владимир Путин билан телефон орқали мулоқот қилди.

Суҳбат давомида халқаро ва икки томонлама кун тартибининг долзарб масалалари муҳокама этилди.

Владимир Путин давлатимиз раҳбарига 15 август куни Анкориж шаҳрида бўлиб ўтган Россия–АҚШ саммитининг асосий натижалари ҳақида маълумот берди. Президент Шавкат Мирзиёев эришилган келишувларни қўллаб-қувватлар экан, Украина атрофидаги вазият тез фурсатда тартибга солинишига умид билдирди.

Шунингдек, савдо-иқтисодий ҳамкорликнинг ҳозирги суръатини сақлаб қолиш ва Ўзбекистон ҳамда Россия корхоналари иштирокида устувор кооперация лойиҳаларини жадаллаштириш масалалари кўриб чиқилди.

Икки давлат раҳбарлари барча даражаларда фаол мулоқот ва алмашинувларни давом эттириш муҳимлигини қайд этди.

Telegram I Facebook I YouTube I Instagram

Тошкент шаҳри ва вилоятида 3 балли зилзила қайд этилди

Фавқулодда вазиятлар вазирлиги Сейсмопрогностик мониторинг республика маркази маълумотига кўра, 18 август куни соат 04:00 да Тошкент вилояти Паркент тумани ҳудудида 3 балллик ер силкиниши кузатилди.

Зилзиланинг эпицентри Тошкентдан 25 км жанубий-шарқда жойлашган бўлиб, унинг магнитудаси 2,9 балл, чуқурлиги эса 10 километрни ташкил этди.

Ер силкинишининг сезилиш кучи қуйидагича қайд этилди:

Юқори Чирчиқ туманида – 2−3 балл (7 км),

Ўрта Чирчиқ туманида – 2 балл (11 км),

Нурафшон шаҳрида – 2 балл (12 км),

Бектемир туманида – 2 балл (16 км),

Янгиҳаёт туманида – 2 балл (20 км),

Яшнобод туманида – 2 балл (20 км).

Telegram I Facebook I YouTube I Instagram

Сув ресурсларини бошқаришва ирригация сектори ривожлантирилади

“Ўзбекистон Республикасида сув ресурсларини бошқаришва ирригация секторини ривожлантиришнинг 2025–2028 йилларга мўлжалланган дастурини тасдиқлаш тўғрисида”ги Президент қарори (ПҚ–250-сон, 15.08.2025 й.) қабул қилинди.

Қарорга кўра, Ўзбекистон Республикасида сув ресурсларини бошқариш ва ирригация секторини ривожлантиришнинг 2025–2028 йилларга мўлжалланган дастурини амалга оширишнинг асосий мақсадли кўрсаткичлари этиб қуйидагилар белгиланди, жумладан:

🔹 ирригация тармоқларининг 2 551 км қисмини реконструкция қилиш, ушбу мақсадлар учун ҳар йили Давлат бюджетидан камида 1,3 трлн сўм ажратиш ва халқаро молия институтлари маблағларидан 300 млн АҚШ долларини ўзлаштириш;

🔹 сув таъминоти даражаси паст бўлган суғориладиган майдонлар ҳажмини 424 минг гектардан 276 минг гектаргача қисқартириш.

Қарор билан Сув ресурсларини оқилона бошқариш, улардан самарали фойдаланиш ва муҳофаза қилиш ишларини мувофиқлаштириш бўйича республика сув кенгаши таркиби тасдиқланди.

Бундан ташқари, Қарорга кўра, 2025 йил якунига қадар белгиланган 15 та насос станциясига муқобил энергия манбалари (қуёш панеллари) ҳамда энергия тежамкор қурилмаларни ўрнатиш лойиҳаси амалга оширилади.

Telegram I Facebook I YouTube I Instagram

Сирдарёда жамоатчилик назорати вакиллари томонидан аниқланган қоидабузарлик ҳолатлари ўрганилиб, қонуний чоралар кўрилди

Йўл ҳаракати хавфсизлиги ахборот хизмати барча ҳаракат қатнашчиларидан ҳаракат давомида йўл ҳаракати қоидаларига риоя қилган ҳолда ҳаракатланишларини сўраган.

Telegram I Facebook I YouTube I Instagram

Президент Жаҳонгир Ортиқхўжаевни «Фидокорона хизматлари учун» ордени билан мукофотлади

Тошкент шаҳридаги «Akfa Group» компаниялар гуруҳи асосчиси, пойтахтнинг собиқ ҳокими Жаҳонгир Ортиқхўжаев Президент Шавкат Мирзиёевнинг тадбиркорлар куни муносабати билан соҳа вакилларидан бир гуруҳини мукофотлаш тўғрисидаги фармонига асосан «Фидокорона хизматлари учун» ордени билан тақдирланди.

Бундан ташқари, Наманган вилояти Чортоқ туманидаги «Chartak Mineral Water» МЧЖ таъсисчиси Баҳодир Абдурайимов «Меҳнат шуҳрати» ордени билан мукофотланди.

👉 Тўлиқ рўйхат

Президент Олимпия шаҳарчаси ва Юқори Чирчиқдаги янги спорт ҳамда туризм объектлари билан танишади

Бугун Президент Шавкат Мирзиёев Олимпия шаҳарчасида қуриб битказилган йирик спорт мажмуалари, Юқори Чирчиқ туманидаги Миллий футбол маркази фаолияти ҳамда янги туризм инфратузилмаси объектлари билан танишади.

Telegram I Facebook I YouTube I Instagram

Юқори қўшилган қийматга эга маҳсулотларни экспорт қилиш қўллаб-қувватланади

“Этилен ва пропилен полимерларидан юқори қўшилган қийматга эга маҳсулотлар ишлаб чиқарувчи маҳаллий корхоналарни қўллаб-қувватлаш бўйича қўшимча чора-тадбирлар тўғрисида”ги Президент қарори (252-сон, 18.08.2025 й.) қабул қилинди.

Қарорга кўра, Ўзбекистонда ишлаб чиқарилмайдиган ва аниқ техник параметрлар асосида шакллантириладиган рўйхат бўйича республикага олиб кириладиган полиэтилен гранулалари учун акциз солиғи 2025 йил 1 сентябрдан 2028 йил 1 январгача ноль ставкада қўлланади.

2028 йил 1 январгача айрим этилен полимерларининг бирламчи шакллари (ТИФ ТН коди 3901 10 900 0, 3901 30, 3901 40) ва пропилен полимерларининг бирламчи шаклларини (ТИФ ТН коди 3902 10 000 0) импорт қилишда божхона божининг ноль ставкаси қўлланади.

Шунингдек, мамлакатга сифатсиз контрафакт эгилувчан қадоқлар импортининг олдини олиш (экс-оффицио принципи асосида) чоралари кўрилади.

Telegram I Facebook I YouTube I Instagram

ДХХ кубоги – 2025: Финал босқичига қуръа ташланди

2021-йилдан бери республика ёшлари ўртасида футбол ва мини-футбол бўйича ўтказиб келинаётган Давлат хавфсизлик хизмати кубоги бу йил ҳам кенг миқёсда давом этмоқда.

Жорий йилги мусобақаларда 254 мингдан ортиқ ёшлар қатнашиб, ўғил болалар ўртасида футбол ва мини-футбол, қизлар ўртасида эса мини-футбол бўйича беллашувлар уч босқичда ташкил этилди:

1️⃣ Туман/шаҳар босқичи – апрель-май ойларида ўтказилди;
2️⃣ Ҳудудий босқич – Қорақалпоғистон Республикаси, вилоятлар ва Тошкент шаҳрида июн-июль ойларида ўтказилди;
3️⃣ Республика финал босқичи – 18–23-август кунлари “Бунёдкор” футбол академияси майдонларида бўлиб ўтмоқда.

Финал ўйини 23-август куни “Жар” стадионида ташкил этилади.

Тантанали маросимда Ўзбекистон футболи афсонавий шахси Миржалол Қосимов ҳамда миллий терма жамоа бош мураббийи Темур Кападзе ҳам фаол иштирок этди.


Муаллиф: Комола Қурбонова

Telegram I Facebook I YouTube I Instagram

22–23 август кунлари республика бўйлаб умумхалқ хайрия ҳашари ўтказилади

Ўзбекистон Республикаси Вазирлар Маҳкамаси жорий йил 22–23 август кунлари мамлакатимизда “Обод ва файзли маҳалла — юрт кўрки” шиори остида умумхалқ хайрия ҳашарини ташкил этиш ҳақида фармойиш қабул қилди. Шу муносабат билан тадбирларни мувофиқлаштириш учун ишчи гуруҳ шакллантирилди.

Хайрия ҳашари доирасида қуйидаги ишлар амалга оширилиши белгиланган:

маҳаллалар, аҳоли яшаш пунктлари, кўп қаватли уйлар ҳудуди, ҳовлилар, гузарлар, хиёбонлар, зиёратгоҳлар, қабристонлар, йўллар ва болалар майдончаларини ободонлаштириш, шу жумладан, дарахтларни оқлаш ва буташ ишларини йўлга қўйиш;

эҳтиёжманд қатламлар, хусусан, боқувчисиз қолган кекса авлод ва ногиронлиги бўлган шахсларнинг уй-жой шароитларини яхшилашда кўмаклашиш;

ободонлаштириш жараёнларида иштирок этадиган фуқароларни зарур техника воситалари ҳамда анжомлар билан таъминлаш;

йиғилган чиқиндиларни маҳаллий ҳокимият органлари ва мутасадди ташкилотлар томонидан белгиланган махсус жойларга чиқаришни таъминлаш.


Шу билан бирга, хавфли ҳудудлар — автомобиль йўллари, сув иншоотлари атрофи, қурилиш майдонлари, бино ва иншоотлар томлари ҳамда инсон ҳаёти ёки соғлиги учун хавф туғдириши мумкин бўлган бошқа жойларда турли ташаббуслар асосида ишларни амалга ошириш қатъий тақиқланади.

Вазирлар Маҳкамасининг 2018 йил 10 майдаги 349-сон қарорига мувофиқ, хайрия ҳашарлари давомида аҳолини қурилиш-таъмирлаш ёки қишлоқ хўжалиги ишларига мажбурий жалб қилиш ҳолатларига йўл қўйилмайди.

Барча ҳашар тадбирлари меҳнат муҳофазаси ва техника хавфсизлиги қоидаларига қатъий амал қилинган ҳолда олиб борилиши белгиланган.

Telegram I Facebook I YouTube I Instagram

Ўзбекистонда айрим гумонланувчиларнинг мамлакатдан чиқиши вақтинча чекланиши мумкин

Ўзбекистон қонунчилигига суд қарори билан айрим шахсларнинг мамлакатдан чиқиш ҳуқуқини вақтинча чеклаш имконини берувчи нормалар киритилди. Мазкур қонун 15 август куни президент Шавкат Мирзиёев томонидан имзоланди. Ҳужжат Қонунчилик палатасида 22 апрель куни қабул қилинган ва 28 майда Сенат томонидан маъқулланган.

Янги тартибга кўра, ҳибсга олинмаган гумонланувчи, айбланувчи ёки судланувчиларнинг мамлакатдан чиқиши суд қарори асосида чекланиши мумкин. Агар фуқаро тергов ёки суд жараёнидан асоссиз равишда бўйин товлаш эҳтимоли бор, деб топилса, унинг Ўзбекистондан чиқиши вақтинча тўхтатиб турилади.

Telegram I Facebook I YouTube I Instagram