Айрим оилаларни ичимлик суви билан таъминлаш харажатларини қоплаш учун субсидия ажратилади

Ҳукумат қарори билан “Қорақалпоғистон Республикаси ва Хоразм вилоятида айрим тоифадаги оилаларни ичимлик суви билан таъминлаш харажатларини қоплаш учун субсидия ажратиш тартиби тўғрисида”ги низом тасдиқланди.

Низом Қорақалпоғистон Республикаси ва Хоразмда яшовчи Камбағал оилалар реестрига киритилган оилаларга қуйидаги харажатларини қоплаш учун субсидия ажратиш тартибини белгилайди:

🔹 турар жойида артезиан қудуғи қазиш;

🔹 сув насослари ва ичимлик суви фильтрларини харид қилиш ҳамда ўрнатиш.

Субсидия мазкур харажатларнинг 90 фоизи, бироқ БҲМнинг 30 бараваридан кўп бўлмаган қисмини қоплаш учун ажратилади.

Ушбу хизматлар “Ягона миллий ижтимоий ҳимоя” ахборот тизимининг Аҳолини тоза ичимлик суви билан таъминлашга кўмаклашувчи тадбиркорлик субъектлари реестрига киритилган тадбиркорлар томонидан амалга оширилади.

Субсидия олувчиларнинг вояга етган муомалага лаёқатли аъзоси ёки қонуний вакили “Инсон” марказларига борган ҳолда ёки маҳалладаги ижтимоий ходимларга мурожаат қилиш орқали “ЯМИҲ” АТда рўйхатдан ўтиши мумкин.

Бунда “Инсон” маркази ходими ёки ижтимоий ходим субсидия олувчиларнинг вояга етган муомалага лаёқатли аъзоси ёки унинг қонуний вакили номидан “ЯМИҲ” АТда рўйхатдан ўтиш бўйича сўров юборади.

Тадбиркор белгиланган муддатда субсидия олувчиларнинг турар жойига етиб бориши ҳамда артезиан қудуғини қазиши, сув насоси ва ичимлик сув фильтрини ўрнатиши лозим.

Ишчи гуруҳ томонидан субсидия ажратиш маъқуллангани ёки рад этилгани тўғрисидаги хабар “ЯМИҲ” АТга автоматик равишда юборилади.

Telegram I Facebook I YouTube I Instagram

Меҳмонларнинг фарзандлари таълимга жалб этилади

“Ўзбекистондаги бир гуруҳ фаластинлик фуқароларга давлат ғамхўрлиги, меҳр-шафқат тамойиллари асосида кўмак бериш тизимини йўлга қўйиш чора-тадбирлари тўғрисида”ги президент фармони қабул қилинди.

Фармонга кўра меҳмонларнинг ҳар бир оиласига бирламчи зарурий воситалар (оилада ишлатиладиган ноозиқ-овқат маҳсулотлари тўплами) хариди учун бир марталик кўтарма пул тўлаб берилади.

Меҳмонларнинг оила аъзоларига шахсий ҳамроҳлик қилиш ва индивидуал кўмак бериш мақсадида 1 тадан маҳалладаги ижтимоий ходим бириктирилади.

Меҳмонлар яшаш манзиллари бўйича уларнинг фарзандлари давлат мактабгача таълим ташкилотлари ва мактабларга жойлаштирилади.

Меҳмонлар давлат мактабгача таълим ташкилотларида болалар таъминоти учун ота-оналар тўловидан 2028 йил 1 январигача озод этилади.

Уларнинг фарзандлари давлат мактабгача таълим ташкилотлари ва мактабларга навбатга қўйилмаган ҳолда, “Инсон” марказлари талабномаси асосида жойлаштирилади.

Меҳмонларнинг яшаш манзиллари бўйича оилавий шифокор пунктлари, оилавий поликлиникалар ва туман (шаҳар) кўп тармоқли марказий поликлиникаларида ҳисобга қўйилади.

Telegram I Facebook I YouTube I Instagram

Самарқанддаги заправкаларда ўзбошимча қурилишлар бартараф этилмоқда

Самарқандда хавфсизлик талабларига риоя этилишини таъминлаш, шаҳарсозлик қоидаларига қатъий амал қилиш мақсадида тегишли ташкилотлар вакилларидан иборат ишчи гуруҳ томонидан суюлтирилган газ ва автомобилларга газ тўлдириш компрессор шохобчалари бўйича ўрганиш ишлари олиб борилмоқда. Бу ҳақда вилоят қурилиш ва уй-жой коммунал хўжалиги бошқармаси матбуот хизмати маълум қилди.

Қайд этилишича, Пастдарғом туманида жойлашган «Жафар» МЧЖ ҳудудидаги заправкада ўтказилган ўрганишлар давомида тегишли шаҳарсозлик ҳужжатлари расмийлаштирилмасдан, ўзбошимчалик билан қўшимча қурилиш ишлари амалга оширилгани аниқланган.

Шунингдек, Самарқанд шаҳрида жойлашган «Диёра» МЧЖ ҳудудида ҳам тегишли ҳужжатларсиз, ўзбошимчалик билан қурилма қурилганлиги маълум бўлди. Аниқланган ҳолатлар юзасидан белгиланган тартибда кўрсатмалар берилиб, қонунбузарликлар бартараф этилган.

Telegram I Facebook I YouTube I Instagram

Оролнинг қуриган тубида экилган саксовуллар жиддий хавф остида…

Орол денгизининг қуриган тубидаги экологик ҳолатни яхшилаш мақсадида экилган миллионлаб гектар саксовулзорлар жиддий хавф остида қолмоқда.

Олимларнинг сўнгги кузатувлари натижасида юз минглаб гектар майдондаги дарахтлар зараркунандалар (галлица – жуда майда, қаноти бор учувчи турга кирадиган майда ҳашарот) ва турли касалликлар оқибатида зарарлангани аниқланган.
Асосий маълумотлар:

▪️Умумий майдони: 1 миллион 950 минг гектар.
▪️Асосий зараркунандалар: Кемирувчилар ва 6 турдаги ҳашаротлар, хусусан, галлица чивини.
▪️Зарарланган ҳудуд: Дастлабки маълумотларга кўра, фақат галлица 300 минг гектар майдонга зарар етказган. Бу зараркунанда ўсимликнинг фотосинтез жараёнини бузади ва унинг қуришига олиб келади.

Мутахассислар, агар ўз вақтида чора кўрилмаса, бу ҳолат нафақат Оролбўйи, балки бутун ҳудуд экологиясига салбий таъсир кўрсатиши, Оролқум ва Қизилқум зараркунандаларининг аралашиб кетишига сабаб бўлиши мумкинлигидан огоҳлантирмоқда.

Ҳозирги вақтда зараркунандаларга қарши курашиш бўйича махсус "йўл харитаси" ишлаб чиқилган. Саксовул ўрмонларини сақлаб қолиш Орол фожиасинининг оқибатларини юмшатишда стратегик аҳамиятга эга вазифадир.

Telegram I Facebook I YouTube I Instagram

⚡️Катталар Уч қаҳрамонда: Кимлар одамларни мушкул куни ортидан бойимоқчи?

11 август “Уч қаҳрамон ихтисослашган савдо мажмуаси” МЧЖда катта ёнғин содир бўлди.

Ёнғинга хавфсизлик қоидаларини бажарилиши учун масъул бўлган шахслар томонидан қоидалар бузилиши сабаб бўлган. Ёнғин тахминан 8000 кв.м майдонни қамраб олган, оқибатда жамият ва фуқароларга жуда кўп (дастлабки маълумотномага кўра 74 млрд) миқдорда моддий зарар етказилган.

Тошкент вилояти ҳокими Зойир Мирзаев бозор ҳудудида тадбиркорлик қилиб келаётган фуқаролар, шунингдек, мажмуа ишчи-ходимлари билан мулоқот қилди. Мулоқотда вилоят ҳокими, вилоят прокурори Азамат Мирзаев, ИИББ бошлиғи Абдувосит Абдураззақов, ФВБ бошқармаси раҳбари Абдулазиз Алиматов, Тошкент туман ҳокими Сардор Эргашев ва бошқа тегишли мутасаддилар томонидан тадбиркорларнинг саволларига жавоб берилди.

Шунингдек, ёнғин оқибатларини бартараф этиш, зарар кўрган тадбиркорларга кўмак кўрсатиш, фаолиятини тиклаш учун шу бозор майдонининг бошқа қисмидан савдо нуқталари ёки дўконлар тавсия қилиш бўйича режалаштирилаётган ишлар тадбиркорларга тушунтирилди.

Бундан ташқари, бозорнинг келгуси фаолияти хусусида Тошкент метрополитени қарор қабул қилиши тадбиркорларга тушунтирилган. Таъкидланишича, 2026 йил 1 мартдан бошлаб бу ерда метрополитен учун зарур инфраструктура объекти қурилиши бошланади. Бу ҳақда метрополитен раҳбари Раҳмонбек Усмоновнинг телефон орқали берган изоҳи Зойир Мирзаев томонидан тадбиркорларга етказилган.

Telegram I Facebook I YouTube I Instagram

Қирғизистон ва Ўзбекистон пенсия стажини ҳисоблашда ҳамкорликни йўлга қўйди

Тошкентда Қирғизистон ва Ўзбекистоннинг тегишли идоралари Давлат ижтимоий суғуртаси ва пенсия таъминоти тўғрисидаги битим лойиҳасини имзолади. Унга кўра, икки давлат ўзаро пенсия стажини тан олади. Бу эса фуқароларнинг қаерда яшаши ёки ишлаганидан қатъи назар, пенсия миқдорини ҳисоблашда ўзаро тажрибани қўллаш имконини беради.

Қирғизистон Ижтимоий жамғармаси матбуот хизматига кўра, музокараларда Қирғизистон Ижтимоий жамғармаси ва Ўзбекистон Иқтисодиёт ва молия вазирлиги ҳузуридаги бюджетдан ташқари Пенсия жамғармаси вакиллари қатнашди. Ҳужжатда ҳар икки мамлакат қонунчилигининг ўзига хос жиҳатлари инобатга олиниши белгиланди.

Келишувнинг асосий мақсадлари қуйидагилардан иборат:

🔷пенсия тайинлашда суғурта стажини бирлаштириш;

🔷яшаш мамлакатидан қатъи назар, пенсия тўловларини етказиб бериш харажатларини ушлаб қолмасдан амалга ошириш;

🔷икки марта тўловларнинг олдини олиш мақсадида хизмат сафарлари ва муддатлар бўйича қоидалар жорий этиш.

Қирғизистон расмийлари таъкидлашича, ушбу келишув фуқароларнинг тенг ҳуқуқларини таъминлайди, суғурта бадалларини икки марта тўлаш эҳтимолини йўқ қилади ва икки мамлакат ўртасидаги ижтимоий-иқтисодий ҳамкорликни кучайтиради. Шунингдек, бу қадам йирик инфратузилма лойиҳалари, жумладан, Хитой–Қирғизистон–Ўзбекистон темирйўл қурилишида ҳам янги имкониятлар яратади.

Telegram I Facebook I YouTube I Instagram

Қорақалпоғистон Республикаси барқарор ижтимоий-иқтисодий ривожлантирилади

“Қорақалпоғистон Республикасини ижтимоий-иқтисодий ривожлантиришга қаратилган чора-тадбирларни янада жадаллаштириш тўғрисида”ги Президент қарори (ПҚ–248-сон, 14.08.2025 й.) қабул қилинди.

Қуйидагилар 2025–2026 йилларда Қорақалпоғистон Республикасини барқарор ижтимоий-иқтисодий ривожлантиришнинг асосий мақсадли кўрсаткичлари этиб белгиланди, жумладан:

🔹 ялпи ҳудудий маҳсулот ҳажмини ўртача 6–6,5 фоизга етказиш;

🔹 саноат ишлаб чиқариши ҳажмини 5–6 фоизга етказиш;

🔹 бозор хизматлари ҳажмини 15–17 фоизга етказиш.

Қарорга кўра, Қорақалпоғистон Республикасини 2035 йилгача ривожлантириш бўйича стратегия 5 йиллик батафсил дастур асосида амалга оширилади.

Дастурни молиялаштириш учун натижага асосланган молиялаштириш тизими (PforR) бўйича 150–200 миллион АҚШ доллари миқдоридаги хорижий маблағлар жалб қилинади.

Telegram I Facebook I YouTube I Instagram

Ўзбекистон терма жамоаси энди 7SABER либосидан фойдаланади

Футбол бўйича Ўзбекистон миллий жамоаси илк бор Жаҳон чемпионатига йўлланмани қўлга киритди.

Шу муносабат билан эндиликда миллий жамоа 7SABER либоси остида мамлакат шарафини ҳимоя қилади.

Telegram I Facebook I YouTube I Instagram

Фарғонада божхона пости бошлиғи пора билан ушланди

Фарғона вилоятидаги чегара-божхона постларидан бирининг бошлиғи ўз хизмат мавқеидан фойдаланиб, фуқаронинг Қирғиз Республикасидан олиб келган 80 дона “Iphone-16” русумли уяли телефон аппаратларини тегишли расмийлаштирувларсиз божхона постидан ноқонуний ўтказиб берганлиги эвазига 5000 доллар ҳамда 1 дона “Iphone-16 Pro” телефон аппарати талаб қилади.

Давлат хавфсизлик хизмати ходимлари томонидан ўтказилган тезкор тадбирда божхона органлари подполковниги ушбу моддий қийматликларни олган вақтида ашёвий далиллар билан ушланди.

Ҳозирда мазкур мансабдор шахсга нисбатан Жиноят кодексининг 210-моддаси (пора олиш) билан жиноят иши қўзғатилиб, қамоқ эҳтиёт чораси қўлланди.

Telegram I Facebook I YouTube I Instagram

Ўзбекистонда иш ҳақини кунлик тўлаш механизми жорий этилмоқда

Ўзбекистонда иш берувчилар ходимлар меҳнати учун кунлик тўловни амалга ошириш имконига эга бўлади. Бу тартиб 2025-йил 12-августдаги президент қарорида белгиланган бўлиб, у якка тартибдаги тадбиркорлар ва ўзини ўзи банд қилган шахсларга қулайлик яратишни назарда тутади.

Қарорга кўра, мамлакатда меҳнат муносабатларининг мослашувчанлиги оширилади. Шу жумладан, белгиланган шартларга жавоб берувчи ходимлар учун кунлик тўлов механизми синов тариқасида жорий этилади. Янги механизм “шу куннинг ўзида” деб аталади.

Ходим иш ҳақини кунлик олиш учун электрон меҳнат шартномаси тузилган бўлиши керак. Шунингдек, ходимнинг рақамли платформаларда электрон ҳамёнига эга бўлиши талаб этилади. Солиқлар ва йиғимларни ҳисоблаш ҳамда тўлаш бўйича солиқ тартибига қатъий риоя қилиш зарур.

Ушбу механизм ихтиёрий асосда татбиқ этилади ва иш берувчиларни меҳнат қонунчилигининг бошқа нормаларидан озод қилмайди. Қарорга мувофиқ, рақамли платформа оператори ходимларга “шу куннинг ўзида” тўловини амалга ошириш имконини беради. Механизм самарали ишлаши учун давлат тизимлари билан интеграция таъминланади.

Шунингдек, қарор билан 2026-йил 1-январдан бошлаб якка тартибдаги тадбиркорлар учун жисмоний шахслардан олинадиган даромад солиғи бўйича қатъий белгиланган миқдор бекор қилинади. Эндиликда, даромади 100 миллион сўмдан ошмаган ўзини ўзи банд қилган шахслар ҳам айланма солиқ тўлайди.

Йиллик айланмаси 1 миллиард сўмгача бўлган якка тартибдаги тадбиркорлар ва ўзини ўзи банд қилган шахслар учун айланмадан олинадиган солиқ ставкаси 1 фоизга тенглаштирилади.

Telegram I Facebook I YouTube I Instagram

ФВВ ёнилғи объектларида хавфсизлик чораларини кучайтириш талаби билан чиқди

Сўнгги ойларда мамлакатнинг бир неча ҳудудида ёнилғи қуйиш шохобчалари ва сақлаш иншоотларида ёнғин ҳамда портлаш ҳолатлари кузатилди.

Шу муносабат билан Фавқулодда вазиятлар вазирлиги ёнилғи қуйиш, сақлаш ва ташиш билан шуғулланувчи корхоналар раҳбарларига мурожаат йўллади. Мурожаатда объектларда техника ва ёнғин хавфсизлиги қоидаларига қатъий амал қилиш, шунингдек, ФВВ ходимлари томонидан берилган ёзма кўрсатмаларни белгиланган тартибда бажариш зарурлиги таъкидланди.

Вазирлик маълумотига кўра, ёнғин ва портлаш эҳтимоли юқори бўлган объектларда хавфсизликни таъминлаш учун алоҳида тартиб ўрнатилиши, ёнғинга қарши ускуналар ҳар доим соз ҳолатда сақланиши ҳамда ушбу ишлар учун масъул шахслар тайинланиши шарт.

Охирги воқеалар орасида 16 июл куни Қашқадарё вилояти Кўкдала туманидаги газ тўлдириш станциясида содир бўлган портлаш ва ёнғин натижасида 5 киши ҳалок бўлгани, 5 августда шу туманда яна бир заправкада портлаш юз бергани қайд этилди.

Шунингдек, 8 август куни Хоразм вилояти Урганч шаҳрида, 10 август куни Самарқанд вилояти Жомбой туманида ёнғин рўй берган, 13 август куни эса Сурхондарё вилояти Шўрчи туманидаги пропан заправкада портлаш ва ёнғин содир бўлган.

Telegram I Facebook I YouTube I Instagram

Навоийдаги мактаб тарихий ютуқни қўлга киритди — барча битирувчилар талабага айланди

Навоий шаҳридаги 1-сон ихтисослаштирилган мактаб-интернати бу йил мисли кўрилмаган натижа қайд этди — 60 нафар битирувчининг барчаси олий таълим муассасаларига ўқишга қабул қилинди.

Қабул натижалари қуйидагича тақсимланди:

42 нафар — давлат гранти асосида;

18 нафар — шартнома (контракт) асосида.

Бу ютуқ нафақат ўқувчилар ва устозлар, балки бутун Навоий вилояти таълим тизими учун ҳам қувонарли воқеа бўлди.

Telegram I Facebook I YouTube I Instagram