Ёшлар орасида диний экстремизм тарғиботига чек қўйилди

Сўнгги вақтларда ижтимоий тармоқларда диний-экстремистик мазмундаги материалларни тарқатиш орқали ёшлар онгини ёт ғоялар билан заҳарлаш ҳолатлари кўпайгани кузатилмоқда.

2004–2006 йилларда туғилган бир гуруҳ ёшлар диний қизиқиш ниқоби остида “Telegram” мессенжерида канал очиб, унда Ўзбекистон Республикаси ҳудудида тақиқланган “Ироқ ва Шом ислом давлати” ҳамда “Туркистон ислом ҳаракати” террористик ташкилотларига оид аудио-видео материаллар ва даъватларни тарқатган. Шунингдек, улар ёпиқ гуруҳларда тарғибот ишларини олиб борган.

Тергов маълумотларига кўра, мазкур ёшлар Суриядаги қуролли тўқнашувларга қўшилиш ниятида бўлиб, “жиҳод”, “ҳижрат” ва “шаҳид” каби ёлғон шиорларни ҳаётий мақсад сифатида қабул қилган. Улар “Instagram” орқали ҳам тақиқланган материалларни тарқатиб, бошқа ёшларни ҳам тузоққа тортишга уринган.

Давлат хавфсизлик хизмати ва ҳуқуқни муҳофаза қилувчи органлар ҳамкорлигида ўтказилган тезкор-қидирув тадбирлари натижасида ушбу шахслар қўлга олинди ва уларга нисбатан қонуний чоралар кўрилди.

Мутахассислар ҳар қандай шубҳали саҳифа ёки гуруҳлардан огоҳ бўлиш зарурлигини эслатиб, эзгу ишлар ҳеч қачон қон тўкиш ва нафратдан бошланмаслигини таъкидламоқда.

Telegram I Facebook I YouTube I Instagram

Блогерлар қимор ўйинлари реклама қилгани учун жавобгарликка тортилди

Рақобат қўмитаси томонидан ахборот ресурслари ва ижтимоий тармоқлар орқали тарқатилаётган рекламаларнинг амалдаги қонунчилик талабларига мувофиқлиги бўйича тизимли ўрганиш ва таҳлил ишлари олиб борилди.

Ўрганишлар давомида ижтимоий тармоқларда юз минглаб кузатувчилари бўлган айрим блогерлар ўз саҳифаларида букмекерлик хизматларини реклама қилаётгани аниқланди.

Хусусан, “Melbet” букмекерлик товар белгисидан фойдаланилган ҳамда қимор ўйинларини тарғиб қилувчи саҳна кўринишлари жойлаштирилган видеолар қуйидаги шахсларга тегишли экани маълум бўлди:

☑️ фуқаро Шамсиддинов Амирхон Ўткир ўғли (amirxon_uzbek);
☑️ фуқаро Илёсов Дониёр Маъруф ўғли (donik_krash).

Ушбу ҳолатлар юзасидан Рақобат қўмитаси томонидан блогерлар белгиланган тартибда маъмурий жавобгарликка тортилди ва тегишли ҳужжатлар судга юборилди.

Эслатиб ўтамиз, Ўзбекистон Республикасининг “Реклама тўғрисида”ги қонунига мувофиқ, мамлакат ҳудудида қимор ўйинлари ва таваккалчиликка асосланган бошқа ўйинларни реклама қилиш тақиқланади. Бундай фаолиятни тарғиб этиш қонунчиликда белгиланган жавобгарликка сабаб бўлади.

Telegram I Facebook I YouTube I Instagram

2025 йилдан аҳолига субсидиялар ўрнига фоизсиз қарз берилади

2025 йилдан бошлаб аҳоли бандлигини таъминлаш мақсадида давлат томонидан ажратиладиган субсидиялар босқичма-босқич бекор қилинади.

Янги тартибга кўра, субсидиялар ўрнига фоизсиз қарз (ссуда) берилади. Бу орқали маблағлар мақсадли фойдаланилиб, белгиланган муддатда қайтарилиши таъминланади.

Жорий йилдаги 6 турдаги субсидия ана шу тартибда ажратилади.

Иқтисодиёт ва молия вазирлиги маълумотига кўра, мазкур тизим давлат маблағларидан самарали ва масъулиятли фойдаланишни таъминлаш мақсадида жорий этилмоқда.

Telegram I Facebook I YouTube I Instagram

Кафолатлар бериш ташкилотлари фаолиятини мувофиқлаштириш тартиби белгиланди

“Кафолатлар бериш ташкилотлари фаолиятини мувофиқлаштириш ва тартибга солиш тўғрисида”ги низом Адлия вазирлигида давлат рўйхатидан ўтказилди.

Низомга кўра, кафолатлар бериш ташкилоти молиявий маблағлар ва кафолатлар ўз вақтида қайтарилишини таъминлаш ҳамда муаммоларни дастлабки босқичда аниқлаш мақсадида кредит ташкилотлари ва кафолат портфели кесимида камида ҳар ойда таҳлил ўтказиши керак.

Ташкилотнинг таваккалчиликларни бошқариш тузилмаси қуйидагилардан ташкил топиши лозим:

▪️ кузатув кенгаши;
▪️ ижро этувчи орган;
▪️ таваккалчиликларни бошқариш бўйича тегишли таркибий бўлинма;
▪️ таваккалчиликларни бошқаришга масъул бўлган бошқа бўлинмалар.

Ташкилот активларни сифатига кўра таснифлайди ва улар бўйича эҳтимолий йўқотишларни қоплаш учун захиралар яратади.

Ташкилот капиталининг етарлилик коэффициенти унинг жами хусусий капиталининг жами активларига нисбати орқали ҳисобланади ва ушбу коэффициент 10 фоиздан кам бўлмаслиги лозим.

Telegram I Facebook I YouTube I Instagram

Россияда мигрант болалар учун пулли таълим жорий этиш таклиф этилди

Россия Давлат Думасига фракциялараро қонун лойиҳаси киритилиб, унда чет элликлар фарзандлари учун мамлакат мактабларида пулли таълим жорий этиш ва рус тилини билиш бўйича бепул тест синовларидан ўтиш имкониятларини чеклаш таклиф қилинмоқда.

Лойиҳанинг изоҳ қисмида қайд этилишича, 2025 йилда Россия мактабларида мигрант болалар сони ортиши сабаб 900 мингдан зиёд ўрин етишмаяпти. Шунингдек, уларнинг рус тилини етарли даражада билмаслиги русийзабон ўқувчиларнинг таълим жараёнига салбий таъсир кўрсатмоқда.

Муаллифлар қонун қабул қилиниши натижасида ўқитувчиларга қўшимча тўловлар учун йўналтирилиши мумкин бўлган бюджет маблағларини тежаш, барча учун қулай ўқув муҳитини яратиш ва чет элда рус тилини ўрганишга қизиқишни ошириш мумкинлигини таъкидлаган.

Шу билан бирга, Россия Таълим вазирлиги бу ташаббусга қарши чиқиб, унда таълим олиш ҳуқуқи кафолатланган Конституция нормалари бузилиши мумкинлигини эслатган.

Telegram I Facebook I YouTube I Instagram

Расул Кушербаевга оид алимент даъвоси 15 августда кўриб чиқилади

2025 йил 15 август куни собиқ депутат, ҳозирда Экология вазирининг маслаҳатчиси бўлган Расул Кушербаевга нисбатан алимент ундириш масаласи бўйича суд мажлиси ўтказилади. Томонларнинг розилигига қараб, жараён очиқ ёки ёпиқ тарзда ташкил этиши мумкин.

Ҳолат бўйича Олий суд матбуот хизмати расмий баёнот берган.

Қайд этилишича, 2025 йил 26 июнда Ш.И. томонидан Фуқаролик ишлари бўйича Яккасарой туманлараро судига Р.К.дан вояга етмаган фарзанди — 2023 йил 5 октябрда туғилган М.К. таъминоти учун алимент ундириш юзасидан ариза берилган.

Суд 2025 йил 28 июнда аризани қаноатлантириб, Р.К.дан Ш.И. фойдасига фарзанди вояга етгунга қадар ҳар ой жами даромадининг ¼ қисми миқдорида алимент, шунингдек, почта харажати ва давлат божини ундиришга қарор қилган.

Бироқ Р.К. бу қарордан норози бўлиб, 2025 йил 21 июлда эътироз билдирган. Суд эътирозни қаноатлантириб, 28 июндаги суд буйруғини бекор қилган.

Шундан кейин Ш.И. 2025 йил 5 августда яна алимент ундириш ҳақида даъво аризаси киритган. Мазкур даъво бўйича иш юритувга қабул қилиниб, мажлис 15 август куни соат 16:00 да ўтказилиши белгиланган.

Telegram I Facebook I YouTube I Instagram

"Овоз" лойиҳасига муаллифлик ҳуқуқини бузгани учун расмий огоҳлантириш берилди

Адлия вазирлиги матбуот хизматининг маълумот беришича, “The Voice of Uzbekistan” YouTube каналига эгалик қилувчи “Talent Show” МЧЖ Шерали Жўраевнинг “Қора кўзли санамжон” асаридан муаллиф рухсатисиз фойдалангани аниқланган.

Вазирлик томонидан ўтказилган текширув натижасида ҳуқуқбузарлик бартараф этилгани инобатга олиниб, компания қонун талабларига қатъий амал қилиш бўйича расман огоҳлантирилди.

Telegram I Facebook I YouTube I Instagram

ТошМИ талабалари Россияга ўқишга юборилишга норозилик билдирди, университет рад этди

Тошкент давлат тиббиёт университетининг бир неча талабаси Россиянинг Нижний Новгород шаҳрида ўқишни давом эттириш бўйича қарордан норозилик билдириб, ижтимоий тармоқларда видеомурожаат эълон қилди. Улар мазкур ҳудудда айни пайтда Украина дрон ҳужумлари қайд этилаётгани, сўнгги воқеаларда бир киши ҳалок бўлиб, бир неча нафар одам яраланганини таъкидлаган.

Талабаларнинг айтишича, аввалги ректор ўқишни Қозоғистонга кўчиришга ваъда берган, аммо янги ректор Шуҳрат Боймуродов бу қарорни бекор қилган. Уларга «Россияга борасиз ёки академик таътилга чиқасиз» деган шарт қўйилгани, ўқишни кўчириш муддати тугагани сабабли бошқа имконият қолмагани айтилган. Шу боис 5-босқични Ўзбекистонда якунлаш имконини сўрашган.

Университет матбуот хизмати эса тарқалган маълумотларни «асоссиз ва нотўғри» деб баҳолади. Баёнотда қайд этилишича, талабалар қўшма таълим дастури доирасида Россиянинг Приволжск тиббиёт тадқиқот университетига шартнома асосида ўқишга юборилади. 2021 йилдан амал қилаётган мазкур дастурда 400 дан зиёд ўзбекистонлик талаба таҳсил олган.

Расмий маълумотда «мажбурий юбориш» ва «ҳарбий ҳудуд» ҳақидаги иддаолар рад этилган. Университетнинг айтишича, дастур иштирокчиларининг кўпчилиги ўқишни давом эттириш истагини билдирган, фақат айрим талабалар шартнома талабларини бузган ва ёлғон маълумот тарқатган ҳолда Тошкентда қолишга ҳаракат қилган.

Баёнотда таъкидланишича, ҳақиқатга тўғри келмайдиган маълумот тарқатиш орқали жамоатчиликни чалғитиш ва университет раҳбариятининг обрўсига путур етказиш ҳаракатлари қонунчиликка мувофиқ жавобгарликка олиб келиши мумкин.

Telegram I Facebook I YouTube I Instagram

Вьетнам Адлия вазирлиги суд қарорларини ижро этиш бошқармаси вакиллари учун тақдимот ташкил этилди

Жорий йилнинг 8 август санасида «Электрон онлайн-аукционларни ташкил этиш» асиядорлик жамияти томонидан Ўзбекистон Бош прокуратураси ҳузуридаги Мажбурий ижро бюроси билан ҳамкорликда Вьетнам Социалистик Республикаси делегацияси билан учрашув ўтказилди.

👉 https://effect.uz/6562

Telegram I Facebook I YouTube I Instagram

Қалбаки купюралар муомалага чиқиб кетишдан тўхтатиб қолинди

Давлат хавфсизлик хизматининг Фарғона вилояти бўйича бошқармаси Қўқон шаҳар бўлими ходимлари томонидан иқтисодий жиноятларга қарши курашиш доирасида олиб борилган тезкор-қидирув тадбирлари давомида 2003 й.т. маҳаллий фуқаро қалбаки пулларни муомалага киритиш билан шуғулланаётганлиги аниқланди.

Бош прокуратура ҳузуридаги Департаментнинг Қўқон шаҳар бошқармаси билан ҳамкорликда ўтказилган тезкор тадбирда, мазкур шахс 50 млн сўм миқдоридаги қалбаки пулларни “шартли харидор”га ҳақиқий 8 млн сўм эвазига сотган вақтида ашёвий далиллар билан ушланди.

Шунингдек, тезкор тадбир давом эттирилиб, унинг яшаш хонадони ҳам холислар иштирокида кўздан кечирилди. Натижада, 50, 100 ва 200 минг сўмлик жами 315,5 млн сўм миқдоридаги қалбаки купюралар ҳамда 100 АҚШ долларлик жами 120 минг АҚШ доллари миқдоридаги қалбаки купюралар борлиги маълум бўлди ва тегишли тартибда олиб қўйилди.

Ҳозирда қалбаки “пулфуруш”га нисбатан жиноят иши қўзғатилиб, ушбу қалбаки пул маблағларини унга етказиб берган фуқароларнинг шахсига аниқлик киритиш бўйича зарур чора-тадбирлар амалга оширилмоқда.

Telegram I Facebook I YouTube I Instagram

Тошкентда иссиқ сув ва иситиш тарифларини ошириш таклифи билдирилди

2025 йил 1 октябрдан Тошкент шаҳрида иссиқлик таъминоти ва иссиқ сув учун тўлов ставкалари оширилиши мумкин. Ушбу таклиф 12 август куни бўлиб ўтган халқ депутатлари шаҳар кенгаши йиғилишида “Veolia Energy Tashkent” бош директори Севара Пардаева томонидан илгари сурилди.

Таклифга кўра, аҳоли учун тарифлар 15 фоизга, юридик шахслар учун 40 фоизга, бюджет ташкилотлари учун эса 19 фоизга оширилади. Пардаева сўзларига кўра, ҳозирги кунда пойтахт аҳолиси базавий тарифнинг атиги 18 фоизини тўлайди, қолган қисми эса шаҳар бюджети ҳисобидан субсидияланади. Ҳукумат 2030 йилгача ушбу субсидияларни босқичма-босқич бекор қилишни режалаштирмоқда.

Ҳозирги амалдаги нархлар бўйича давлат корхоналари бир гигакалория учун 801 минг сўм, юридик шахслар эса 241 минг сўм тўлайди. Янги тарифлар тасдиқланса, юридик шахслар учун бу кўрсаткич 342,3 минг сўмга, бюджет ташкилотлари учун эса 954,3 минг сўмга етади.

Telegram I Facebook I YouTube I Instagram

Техник носозлик сабаб солиқ порталидан тадбиркорлар ҳисобидан асоссиз маблағ ечилди

Ижтимоий тармоқларда айрим тадбиркорлар ҳисобидан солиқ қарздорлиги деб миллионлаб сўм асоссиз ечиб олингани ҳақида хабарлар тарқалди.

Давлат солиқ қўмитаси маълум қилишича, электрон солиқ хизматлари портали (my3.soliq.uz)да юз берган техник носозлик туфайли бундай ҳолат содир бўлган. Носозлик сабаб порталда солиштирма далолатномада нотўғри қарздорлик маълумотлари, маблағ ечилгани ҳақидаги ва бошқа хато маълумотлар акс этган.

Қўмита вазият назоратга олинганини, мутахассислар муаммони бартараф этиш ишларини олиб бораётганини қайд этди. Носозлик тўлиқ йўқотилгандан сўнг барча маълумотлар тикланиши ва асоссиз ечилган маблағлар тадбиркорларга қайтарилиши маълум қилинди.

Telegram I Facebook I YouTube I Instagram

Якка тартибдаги тадбиркорлар ҳамда ўзини ўзи банд қилган шахслар учун қулай шарт-шароитлар яратилади

“Якка тартибдаги тадбиркорлар ҳамда ўзини ўзи банд қилган шахслар учун қулай шарт-шароит яратиш чора-тадбирлари тўғрисида”ги Президент қарори (ПҚ–247-сон, 12.08.2025 й.) қабул қилинди.

👉 https://effect.uz/6563

Telegram I Facebook I YouTube I Instagram

Андижонда 4,6 млрд сўмлик электр ўғрилиги фош этилди

Ҳолат юзасидан терговга қадар текширув олиб борилмоқда.

👉 https://effect.uz/6564

Telegram I Facebook I YouTube I Instagram

Президент Шавкат Мирзиёев раислигида видеоселектор йиғилиши бошланди

Унда мамлакатимиз иқтисодиётининг 3 фоизини, саноатнинг 14 фоизини яратаётган тўқимачилик тармоғини янада қўллаб-қувватлаш масалалари кўриб чиқилмоқда.

Telegram I Facebook I YouTube I Instagram

Президент тўқимачиликда пахта “спекуляцияси” ва экспортда рақобатбардошлик муаммоларини танқид қилди

Президент Шавкат Мирзиёев раислигида ўтказилган видеоселектор йиғилишида тўқимачилик тармоғидаги қатор муаммолар муҳокама қилинди.

Давлат раҳбари толани қайта ишлаш қуввати етарли бўлмаган айрим “уддабуронлар” арзон давлат ресурси ҳисобига пахта “спекуляцияси” билан шуғулланаётганини танқид қилди. Маълумотга кўра, тўқимачилик корхоналарининг тижорат кредитлари бўйича қарзи 2,2 миллиард долларга етган, кредитларнинг 90–95 фоизи хорижий валютада, фақат 16 фоиз корхона халқаро сертификатга эга.

“Бундай шароитда корхоналар ташқи бозорда қандай рақобат қилади, кредитини қандай қайтаради?”

— дея савол қўйди президент.

Йиғилишда, ҳар бир вилоятда тайёр маҳсулот ишлаб чиқарувчилар борлигига қарамай, уларнинг брендлар билан ҳамкорликни йўлга қўйиши ва замонавий стандартларга ўтиши суст кетаётгани қайд этилди.

Андижон, Наманган, Фарғона, Навоий ва Тошкент вилоятларида толани қайта ишлаш қувватлари мавжуд хомашёдан 2–2,5 баробар ортиқ эканига қарамай, ҳокимлар ҳудудий инвестиция дастурида ип-калава лойиҳаларини таклиф этаётгани танқид қилинди.

Шунингдек, хориждаги дипломатик ваколатхоналар тўқимачилик маҳсулотлари экспортини кенгайтиришда янада фаол қатнашиши зарурлиги таъкидланди.

Telegram I Facebook I YouTube I Instagram

Президент тўқимачиликда “долзарб юз кунлик” эълон қилиб, қарздор кластерларга енгилликлар жорий этди

Президент Шавкат Мирзиёев топшириғига асосан тўқимачилик соҳасида фаолият юритаётган 200 дан ортиқ тадбиркорнинг фикр ва таклифлари ўрганилди.

“Уларни қийнаётган масалалар билан тўлиқ танишдим. Ҳозир ечимларини айтаман. Бугундан тўқимачиликда “долзарб юз кунлик” эълон қиламиз”,

— деди давлат раҳбари.

Йиғилишда аҳволи оғирлашган айрим корхоналарни молиявий соғломлаштириш ва таннархни камайтириш чоралари белгиланди. Жорий йилда кластерларнинг кредит қарздорлигини гаров қўйган ҳолда 5 йилгача узайтиришга рухсат берилди. Бу ҳолда кластерлар фақат асосий қарзни тўлайди, фоизлар эса асосий қарз тўлиқ қоплангандан кейин ундирилади.

Ушбу чора орқали кластерларда йилига 800 миллиард сўм айланма маблағ қолиши кутилмоқда. Агар кластерлар ҳам асосий қарз, ҳам фоизни ўз вақтида тўласа, фоизнинг Жамғармага кетадиган қисми ярми тадбиркорга қайтарилади.

Шунингдек, 2022–2023 йиллар ҳосили учун берилган кредитлар бўйича 1 август ҳолатига юзага келган 377 миллиард сўмлик пенядан воз кечилиши белгиланди.

Telegram I Facebook I YouTube I Instagram

Тўқимачилик корхоналари ва фермерларга янги молиявий имтиёзлар жорий этилди

Президент Шавкат Мирзиёев раислигидаги йиғилишда тўқимачилик тармоғидаги қатор қўллаб-қувватлаш чоралари белгиланди.

Маълумотга кўра, тижорат кредитларидан 2,2 миллиард доллар мажбурияти бор 144 та корхонани соғломлаштириш чоралари ишлаб чиқилади. Фаолиятини барқарорлаштириш мумкин бўлган корхоналарнинг кредит муддати 7 йилгача узайтирилади.

Пахтани ўз вақтида ва йўқотишларсиз йиғиб олиш учун фермерларга тоннасига 1 миллион сўмдан субсидия берилади. Шунингдек, корхоналар ўз маблағи ҳисобидан пахта етиштирса ёки харид қилса, хомашё қийматининг 10 фоизи қоплаб берилади.

Эндиликда тўқимачилик занжиридаги барча корхоналар учун ижтимоий солиқ ставкаси 1 фоиз қилиб белгиланади. Бу билан ижтимоий реестр бўйича талаб бекор қилинади, реализацияда тўқимачилик улушига қўйилган талаб эса 90 фоиздан 70 фоизга туширилади.

Telegram I Facebook I YouTube I Instagram