Маҳаллий ижро этувчи ҳокимият органлари ходимларини рағбатлантиришнинг янги тизими жорий этилади

“Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ходимларининг меҳнатига ҳақ тўлаш ва уларни моддий рағбатлантириш тизимини такомиллаштириш чора-тадбирлари тўғрисида”ги президент фармони қабул қилинди.

Фармонга кўра, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари бошқарув ходимлари меҳнатига ҳақ тўлашнинг янги тизими жорий этилади.

Бунда ходимларнинг лавозим маоши ягона тамойил асосида меҳнатга ҳақ тўлашнинг янгиланган тариф сеткаси ҳамда кўп йиллик хизмати ва лавозимини инобатга олган ҳолда табақалашган тариф коэффициентлари асосида шакллантирилади.

Рағбатлантириш тўловлари бошқарув ходимлари томонидан эришилган энг муҳим самарадорлик кўрсаткичлари (KPI) асосида ҳар ойлик устама, малака (мартаба) даражалари учун ва ҳисобот даври якунлари бўйича рағбатлантириш (бонус) тўловлари шаклида тўланади.

Маҳаллий ижро этувчи ҳокимият органлари бошқарув ходимларининг меҳнатига ҳақ тўлаш фақат мазкур Фармонда белгиланган шартларда амалга оширилиб, Фармонда кўзда тутилмаган қўшимча устамалар, мукофотлар ва бошқа тўловлар тўлаш тақиқланади.

2025 йил 1 августдан маҳаллий ижро этувчи ҳокимият органларида меҳнатга ҳақ тўлаш жамғармаси қуйидагиларни ўз ичига олади:

▪️ лавозим маоши;
▪️ энг муҳим самарадорлик кўрсаткичларига (KPI) эришганлиги учун лавозим маошига ҳар ойлик устамалар;
▪️ малака (мартаба) даражалари учун тўловлар;
▪️ мукофотлаш ҳамда бонус тўловлари.

Telegram I Facebook I YouTube I Instagram

Ўзбекистон ва Россия махсус хизматлари 9 нафар халқаро террорчилик ташкилот аъзоларини қўлга олди

Ўзбекистон Республикаси Давлат хавфсизлик хизмати Россия Федерацияси Федерал хавфсизлик хизмати билан ҳамкорликда ўтказилган фаол тадбирлар натижасида Россия Федерациясида 7 нафар ва Ўзбекистон ҳудудида 2 нафар халқаро террорчилик ташкилот аъзолари қўлга олинди.

Мазкур шахслар Россия Федерацияси ҳудудида бўлган вақтида диний экстремистик оқим таъсирига тушиб, халқаро террорчилик ташкилоти фаолиятида иштирок этган ва ўз сафларини турли давлатлардан келган меҳнат муҳожирларини ёллаш ҳисобидан кенгайтириш билан шуғулланган.

Улар яширин йиғилиш ташкил этиб, Telegram мессенжери орқали видеоконференция йўли билан “умумжаҳон халифалиги” деб аталувчи доктрина асосида тизимли ўқитиш ва террорчилик ташкилотига жалб қилиш ишлари амалга оширилган. Уларнинг бу фаолияти ҳориждаги ғоявий маслакдошлари томонидан мувофиқлаштириб борилган.

Тўпланган материаллар асосида Россия Тергов қўмитаси томонидан уларга нисбатан террористик ташкилот фаолиятини ташкил этиш ва унда иштирок этиш бўйича жиноят иши қўзғатилди.

ДХХ томонидан Қашқадарё вилоятида ўтказилган фаол тадбирлар натижасида айнан шу жамоатнинг яна 2 нафар аъзоси қўлга олинди.

Аниқланишича, бу шахслар ҳам Россиядаги яшириш жамоат аъзолари томонидан телеграм мессенжерида ташкил этилган виртуал гуруҳларга аъзо бўлиб, ХТТ нинг ақидапарастлик ғоялари билан йўғрилган ва амалдаги сиёсий тузумни конституцияга зид равишда ўзгартиришни тарғиб қилувчи материалларини тарқатиб келган.

Шунингдек, уларнинг яшаш хонадонлари кўздан кечирилганда, 4 та уяли алоқа воситаси, 3 дона экстремистлик ғоялари билан йўғрилган адабиётлар, 2 та флеш хотира ва 1 та ҳорижий давлатга тегишли бўлган сим карта далилий ашёлар сифатида олинди ҳамда экспертизадан ўтказиш учун тегишли ташкилотларга юборилди.

Ҳозирда ҳибсга олинган шахсларга нисбатан тергов ва терговга қадар ҳаракатлар олиб борилмоқда.

Telegram I Facebook I YouTube I Instagram

“ENG ULUG‘, ENG AZIZ” республика танловига ижодий ишлар қабули давом этмоқда

Ўзбекистон Журналистлар уюшмаси ҳамда қатор ҳамкор ташкилотлар томонидан мамлакатимиз мустақиллигининг 34 йиллигига бағишлаб ўтказилаётган анъанавий “ENG ULUG‘, ENG AZIZ” республика кўрик-танловига ижодий ишлар қабул қилиниши давом этмоқда.

Танловда иштирок этиш истагидаги ижодкорлар ўз ишларини белгиланган талаблар асосида тақдим этишлари мумкин.

Telegram I Facebook I YouTube I Instagram

Болгарияда 22 ёшли ўзбекистонлик қоятошлар орасига қисилиб, вафот этди

Ўзбекистонлик фуқаро соҳилда чўкаётган украиналик қизни қутқараман деб, қоятошлар орасида қолиб кетган.

👉 https://effect.uz/6547

Telegram I Facebook I YouTube I Instagram

Фарғонада «Cobalt» ва «Lacetti» тўқнашиб ёниб кетди

Бу ҳақда вилоят Йўл ҳаракати хавфсизлиги бошқармаси хабар берди.

👉 https://effect.uz/6548

Telegram I Facebook I YouTube I Instagram

Ўзбекистон ва Россия махсус хизматлари 9 нафар халқаро террорчилик ташкилот аъзоларини қўлга олди

Ҳозирда ҳибсга олинган шахсларга нисбатан тергов ва терговга қадар ҳаракатлар олиб борилмоқда.

👉 https://effect.uz/6549

Telegram I Facebook I YouTube I Instagram

Машина устида мушакбозлик қилган блогер 7 суткага қамалди

Бу ҳақда вилоят ИИББ Йўл ҳаракати хавфсизлиги бошқармаси хабар берди.

👉 https://effect.uz/6550

Telegram I Facebook I YouTube I Instagram

Деҳқонобод калий заводи ёпиқ савдо орқали хусусий қўлларга ўтди

128 миллион доллар маблағ ҳисобидан қурилган Деҳқонобод калий заводи қарзлар эвазига хусусий секторга ўтгани маълум бўлди. Илгари объект халқаро бозорда очиқ савдо орқали сотилиши режалаштирилган эди, аммо амалда бундай жараён ўтказилмади.

Заводнинг харидори сифатида 9 ой олдин рўйхатдан ўтган ва устав фонди 19,6 миллион сўмни ташкил этувчи “Asian Chemical Group” МЧЖ қайд этилган. Компаниянинг қарийб 51 фоиз улуши ОV Industrial Investments L.L.C-FZ'га, қолган 49 фоизи эса “New Industrial Technologies” МЧЖга тегишли. Ташкилот раҳбари сифатида Валиуллин Илгиз Азатович кўрсатилган.

Маълумот учун, “New Industrial Technologies” 2022 йилда Ўзбекистондаги йирик тўлов операторларидан бири — Uzpaynet'нинг 100 фоиз улушини сотиб олган. 2025 йил январида эса Paynet компанияси Humo тўлов тизими устав капиталидаги 100 фоиз давлат улушини 65 миллион долларга харид қилган.

Telegram I Facebook I YouTube I Instagram

Жисмоний шахсларга тегишли транспортлар сони 4,6 миллионтага етди

2025 йилнинг биринчи ярмида аҳолига тегишли автомобиллар сони 441,5 мингтага ошган.

👉 https://effect.uz/6551

Telegram I Facebook I YouTube I Instagram

Шавкат Мирзиёев Ўзбекистон қурувчиларига байрам табриги йўллади

Бугун Ўзбекистонда қурувчилар, муҳандис ва мутахассислар байрами нишонланмоқда.

👉 https://effect.uz/6552

Telegram I Facebook I YouTube I Instagram

Қорақалпоғистонда психофаол дорилар савдоси билан шуғулланиб келган шахс ушланди

Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

👉 https://effect.uz/6553

Telegram I Facebook I YouTube I Instagram

Тошкентда электр таъминотини яхшилаш учун қўшимча 1,8 трлн сўм йўналтирилади

Сўнгги икки йил давомида пойтахтда электр таъминотини барқарорлаштириш мақсадида 2,8 триллион сўм сарфланди. Президент ҳузурида ўтган тақдимотдан кейин Энергетика вазири Жўрабек Мирзамаҳмудов маълум қилишича, ушбу ишлар давом эттирилиши учун яна 1,8 триллион сўм ажратиш режалаштирилган.

Вазирнинг сўзларига кўра, сўнгги йилларда амалга оширилган ишлар шуни кўрсатмоқдаки, юқори кучланишли тармоқлардан то маҳалла даражасидаги электр тармоқларигача босқичма-босқич модернизация қилинмаса, авариялар сони ортиши мумкин. Шу боис, Тошкентнинг ҳар бир тумани кесимида бажарилиши лозим бўлган ишлар ва масъул шахслар аниқ белгилаб олинган.

Мирзамаҳмудов таъкидлашича, ҳозирда генерация қувватлари етарли. Бироқ электр энергиясини кафолатли етказиб бериш мақсадида пойтахт ва Тошкент вилоятида энергияни сақлаш тизимларини қуриш тезлаштирилади. Шунингдек, йирик истеъмолчилар учун ҳам шундай лойиҳалар амалга оширилади.

Шу билан бирга, энергетика соҳасида масъулиятни ошириш ва замонавий технологияларни жалб этишни назарда тутувчи қонунчилик ва норматив ҳужжатларга ўзгартишлар киритиш бўйича топшириқлар берилган.

Президент матбуот хизмати хабарига кўра, жорий йил охиригача Тошкентда 374 километр электр тармоғи, 11 та нимстанция ва 62 та трансформатор янгиланади.

Эслатиб ўтамиз, ёз мавсумида пойтахтда бир неча бор электр таъминотида узилишлар кузатилган эди. Бу ҳолатдан кейин “Тошкент шаҳар электр тармоқлари” МЧЖ раҳбари, 11 туман электр таъминоти корхоналари бошлиқлари ва бошқа мутасаддилар интизомий жавобгарликка тортилган.

Telegram I Facebook I YouTube I Instagram

Тошкент ва Сирдарёдаги икки пост орқали учинчи давлат фуқаролари учун ўтиш бошланди

Давлат божхона қўмитаси маълумотига кўра, Ўзбекистон ва Тожикистон ҳукуматлари ўртасида имзоланган келишувга асосан, 2025 йил 10 август соат 06:00 дан бошлаб, Тошкент вилоятидаги “Бекобод авто” ҳамда Сирдарё вилоятидаги “Ховособод” чегара божхона постлари орқали учинчи давлат фуқаролари ва енгил автотранспорт воситалари ўтказилиши йўлга қўйилди.

Telegram I Facebook I YouTube I Instagram

2026 йилда Ўзбекистонда илк кам қувватли АЭС қурилиши старт олади

Ўзбекистонда кам қувватли атом электр станцияси қурилишини бошлаш 2026 йил март ойига белгиланди. “Ўзатом” агентлиги директори Азим Аҳмадхўжаевнинг маълум қилишича, бу даврда станциянинг биринчи бетони қуйилади. Шунингдек, “Росатом” билан йирикроқ АЭС лойиҳаси бўйича ҳам келишувга эришилган ва қисқа вақтда амалга ошириш топшириғи берилган.

Қурилиш ва уй-жой коммунал хўжалиги вазири Шерзод Ҳидоятовнинг таъкидлашича, эндиликда ҳар қандай қурилишдан аввал электр энергиясига бўлган эҳтиёж ўрганилади ва шу асосда лойиҳалар ишлаб чиқилади.

Маълумотга кўра, Тошкент шаҳридаги электр тармоқларининг 51 фоизи, юқори кучланишли трансформаторларнинг эса 39 фоизи ўз хизмат муддатини ўтаб бўлган. Шу боис 2025–2026 йилларда 1 870 километрдан ортиқ тармоқни янгилаш ва қайта қуриш, 265 та трансформатор пунктларини модернизация қилиш режалаштирилган. Бу ишлар учун 1,8 трлн сўм инвестиция йўналтирилади.

Telegram I Facebook I YouTube I Instagram

Ўзини "ҳокимлик вакили" деб таништирган шахс кимлигини яшириб, саволларга жавоб бермади

Кимлигини ошкор қилишни истамаган “ҳокимлик вакили” Антикоррупция телеграм канали журналисти Жаҳонгир Тўлагановнинг саволларига жавоб беришдан бош тортди. Тасвирларда кўриниб турибдики, оммавий ахборот воситаларидан "юз ўгирган" бу шахс ўзини таништириш тугул, саволларга ҳам жавоб бермади ва очиқ мулоқотдан қочди.

Журналистлар саволларига жавоб бериш — мансабдорнинг жиноятини исботлаш эмас, балки жамоат олдидаги оддий ҳисобот вазифаси. Шунингдек, ОАВдан қочиш ва жамоатчиликка ёпиқ бўлиш — давлат хизматчиси маданияти ва масъулиятига тўғри келмайди.

Telegram I Facebook I YouTube I Instagram

Ўзбекистон Озарбайжон ва Арманистон ўртасидаги тарихий тинчлик келишувини қўллаб-қувватлади

Ўзбекистон Республикаси Озарбайжон ва Арманистон ўртасидаги тинчлик музокараларида муҳим натижага эришилганини олқишлади.

Ўзбекистон Республикаси Ташқи ишлар вазирлиги маълум қилишича, куни кеча Вaшингтонда имзоланган тарихий қўшма декларация Озарбайжон ва Арманистон раҳбарларининг қатъий сиёсий иродаси ҳамда АҚШ Президентининг фаол тинчликпарвар саъй-ҳаракатлари туфайли амалга ошгани таъкидланган.

Мамлакатимиз барча томонларнинг кўп йиллик можарони бартараф этишга қаратилган интилишларини юқори баҳолайди. Шу билан бирга, Жанубий Кавказда узоқ муддатли тинчлик ва барқарорлик ўрнатилиши кенг минтақада йирик транспорт ва инфратузилмавий лойиҳаларни амалга ошириш учун мустаҳкам замин яратишига ишонч билдиради,

дейилади ТИВ хабарида.

Telegram I Facebook I YouTube I Instagram