"Мениям яшагим келади..." – Саидмуҳиддин ҳаёт учун курашмоқда

Бу сўзлар – кичик бир боланинг юрагидаги чин дард, ҳаётга боғланган умидидир. Саидмуҳиддин яшашни хоҳлаяпти. У ҳар куни оғриқлар, таҳликалар, лекин ҳали сўнмаган орзулар билан курашмоқда.

Саидмуҳиддин — оғир касалликка чалинган бола. У апластик анемия, яъни “оққон” деб аталадиган хасталикка дучор бўлган. Унинг мактабга бориш, ўйнаш, улғайиш, бахтли бўлиш каби орзулари бор эди.

У оиланинг сўнгги фарзанди. Акаси ва опаси ҳам айнан шу касаллик туфайли ҳаёт билан видолашган. Энди эса Саидмуҳиддин қолди — ҳаёт учун охирги умид сифатида.

Вақт ўтмоқда. Касаллик эса тўхтамаяпти.
Бироқ УМИД ҳали бор. ИМКОНИЯТ ҳам бор.

Саидмуҳиддинни Ҳиндистонда даволаш мумкин. У ерда ҳаётини сақлаб қолиш имконияти бор. Фақат керакли маблағ — 70 000 доллар. Балки бу сиз учун катта сумма туюлар. Лекин биз биргаликда бўлсак, буни уддалай оламиз.

Бир сўм – бир умид. Бир репост – бир имконият. Бир дуо – бир қўллов.

Илтимос, бефарқ бўлманг.

Бугун сиз унга ёрдам берсангиз, эртага у ҳаётда қолади. Шунинг учун ҳар қандай кўмак жуда қадрли.

Ёрдам учун карта рақамлари:

UZCARD:
5614 6838 5106 1622 – Низамов Сирожиддин
8600 0610 6612 6813 – Назимов Сирожиддин

HUMO:
9860 0609 4044 4015 – Турдибаева Нигора
4073 4200 4839 1324 – Шамшиева Дилором

Яхшилик унутилмайди. Бугун Саидмуҳиддин ёрдамга муҳтож — эртага эса, балки биз ёки яқинларимиз. Унинг "мениям яшагим келади" деган илтимосни эшитдик – энди унга жавоб бериш навбати бизда.

Telegram I Facebook I YouTube I Instagram

Хивада “Қовун сайли” фестивали бошланди!

8–10 август кунлари тарихий Хива шаҳрида анъанавий “Қовун сайли” фестивали бўлиб ўтмоқда. Меҳмонлар учун миллий таомлар, кўргазмалар, концерт дастурлари ва албатта, мазали қовунлар тақдим этилади.

Telegram I Facebook I YouTube I Instagram

Иш берувчиларга тўсиқ бўлаётган жавобгарлик чоралари бекор қилинади

“Меҳнат муносабатлари ва касбга тайёрлаш тизимини такомиллаштириш ҳамда иш берувчиларни рағбатлантиришга оид қўшимча чора-тадбирлар тўғрисида”ги президент фармони қабул қилинди.

Фармонга кўра, қуйидагилар меҳнат муносабатлари ва касбга ўқитиш тизимини такомиллаштиришнинг асосий йўналиш ва мақсадлари этиб белгиланди, жумладан:

🔹 ходим ва иш берувчи ўртасидаги меҳнатга оид муносабатларнинг самарали, адолатли ва ўзаро манфаатли тизимини яратиш;

🔹 иш берувчиларнинг эҳтиёжига мувофиқ уларни малакали кадрлар билан таъминлаш тизимини жорий этиш.

2025 йил 1 сентябрдан иш берувчилар учун белгиланган қуйидаги талаблар бекор қилинади:

🔸 бўш иш ўринларига бандлик органлари томонидан юбориладиган шахсларни ишга қабул қилмаганлик учун маъмурий жавобгарлик;

🔸 бўш иш ўринлари мавжудлиги тўғрисидаги ҳисоботларни мажбурий тақдим этиш.

Telegram I Facebook I YouTube I Instagram

Ишсизлик нафақаси фақат меҳнат шартномаси бекор қилинган шахсларга тўланади

“Меҳнат муносабатлари ва касбга тайёрлаш тизимини такомиллаштириш ҳамда иш берувчиларни рағбатлантиришга оид қўшимча чора-тадбирлар тўғрисида”ги президент фармони қабул қилинди.

Фармонга кўра 2025 йил 1 ноябрдан хўжалик юритувчи субъектлар қуйидаги шахслар учун иш ўринларининг мажбурий захираларини шакллантиради:

▪️ ногиронлиги бўлган шахслар;
▪️ оилавий (маиший) зўравонликдан жабрланган шахслар;
▪️ Камбағал оилалар реестридаги оилаларнинг аъзолари;
▪️ муқобил жойлаштириш шаклларида тарбияланган етим шахслар;
▪️ ота-она қарамоғидан маҳрум бўлган шахслар.

Бунда мажбурий захиралаш:

🔹 ходимлар умумий сонининг 3 фоизидан ошмаслиги зарур;

🔹 ходимлари сони 100 нафардан ортиқ бўлган ташкилотларга нисбатан қўлланади.

Шунингдек, 2025 йил 1 ноябрдан ишсизлик нафақаси фақат меҳнат шартномаси бекор қилинган шахсларга тўланади. Бунда:

🔸 ишсизлик нафақаси сўнгги 5 йилда камида 18 ой ишлаган шахсларга меҳнат шартномаси бекор қилингандан сўнг улар 6 ой ичида мурожаат қилганда, уларнинг охирги 18 ойлик ўртача иш ҳақи ҳисобидан 3 ой давомида тўланади;

🔸 1-ойда ўртача ойлик иш ҳақининг 75 фоизи, лекин меҳнатга ҳақ тўлашнинг энг кам миқдорининг 3 бараваридан ошмаган миқдорда тўланади;

🔸 2- ва 3- ойларда эса ўртача ойлик иш ҳақининг 50 фоизи, лекин меҳнатга ҳақ тўлашнинг энг кам миқдорининг 3 бараваридан ошмаган миқдорда тўланади.

Ишсизлик нафақасини такроран белгилашда дастлабки тайинланган нафақани олиш муддати тугагандан сўнг қўшимча равишда камида 12 ойлик иш стажи талаб этилади.

Telegram I Facebook I YouTube I Instagram

ДХХ кубоги республика босқичи старт олмоқда

Ёшлар ўртасида ўтказилаётган футбол ва мини-футбол бўйича анъанавий Давлат хавфсизлик хизмати кубогининг ҳал қилувчи республика босқичи старт олмоқда.

Қорақалпоғистон Республикаси, вилоятлар ва Тошкент шаҳри бўйлаб ўтказилган ҳудудий баҳсларда 19 698 та жамоа таркибида иштирок этган 254 мингдан зиёд ўғил-кизлар орасидан финал босқичи учун 42 та жамоа сараланди.

Республика босқичи ўйинларига жорий йилнинг 18–23 август кунлари “Бунёдкор” футбол академияси майдонларида ҳар куни соат 08:00 да старт берилади.

Мусобақанинг финал учрашуви 23 август куни соат 18:00 да “Жар” стадионида бўлиб ўтади.

Кубок сари олиб борувчи ҳар бир беллашув — ўзига хос синов. Ҳар бир ўйин — ёш футболчилар учун янги тажриба ва имконият.

Келинг! Профессионалларга хос кураш, ҳақиқий шижоат ва бирдамлик туйғусини биз билан бирга ҳис этинг!

Telegram I Facebook I YouTube I Instagram

ЯММТ орқали қайд этилган қонун бузилишлари бўйича электрон маъмурий қарор қабул қилиш тизими жорий этилади

“Меҳнат муносабатлари ва касбга тайёрлаш тизимини такомиллаштириш ҳамда иш берувчиларни рағбатлантиришга оид қўшимча чора-тадбирлар тўғрисида”ги президент фармони қабул қилинди.

Фармонга кўра, 2025 йил 1 сентябрдан ходимлари 50 нафаргача бўлган хизмат кўрсатиш, қишлоқ хўжалиги ва қурилиш соҳасидаги хўжалик юритувчи субъектларга ЯММТда биометрик идентификация қилиш (Face-ID) орқали электрон меҳнат шартномаларини тузиш ва бекор қилишни расмийлаштиришга рухсат берилади.

2025 йил 1 сентябрдан:

🔹 Давлат меҳнат инспекторлари томонидан ўтказиладиган текширувлар ҳақида ваколатли органни олдиндан хабардор қилиш тартиби бекор қилинади;

🔹 “Хавфни таҳлил этиш” тизимининг таҳлил натижаларига асосан ўтказиладиган текширувларнинг бошланиши ҳақида камида 10 иш куни олдин тадбиркорни хабардор қилиш тартиби давлат меҳнат инспекторлари томонидан ўтказиладиган текширувларга татбиқ этилмайди.

2026 йил 1 январдан ЯММТ орқали қайд этилган меҳнат қонунчилиги бузилишини иш берувчи иштирокисиз кўриб чиқиш ва қонунбузилиши ҳолатлари бўйича электрон маъмурий қарор қабул қилиш тизими жорий этилади.

Telegram I Facebook I YouTube I Instagram

Бу мукофот Ўзбекистон халқига бўлган муносабат – Президент Туркманистон орденига сазовор бўлгани ҳақида

«Бу мукофот Ўзбекистон халқига бўлган муносабат, деб ўйлайман. Қўшниларимиз билан барқарор дўстлик, ҳамкорлигимизни мустаҳкамлаяпмиз. Ўзбек халқининг энг катта мақсади ҳам шу», дейди Шавкат Мирзиёев.

Telegram I Facebook I YouTube I Instagram

⚡️Хоразмда фуқароларга ёрдам бериш хислати билан танилган блогер қамалди

7 август Хоразм вилоят судида блогер Иззат Бойназаровга оид навбатдаги иш кўриб чиқилди. Блогер Хазорасп туман судининг ҳукми билан 6 йилу 1 ойга озодликдан маҳрум қилинган.

Бойназаров жиноят кодексининг 3 та моддаси билан айбланиб, 2024 йилнинг 1 ноябридан буён қамоқда сақланмоқда. Иззат Бойназаровнинг қамоққа олиниши унинг касби билан боғлиқ.

Иш вилоят суди судьяси Маҳмуд Маҳмудов бошчилигидаги судлов ҳайъати томонидан кўриб чиқилмоқда. Навбатдаги суд мажлиси 22 август кунига қолдирилди. Effect.uz Иззат Бойназаров иши атрофидаги воқеалар ривожини ёритиб боради.

Telegram I Facebook I YouTube I Instagram

Урганчда ёқилғи цистернаси ёнди: жабрланувчилар йўқ

8 август куни соат 19:47 да Хоразм вилояти Урганч шаҳрининг Жаннат макон кўчасида жойлашган мобил ёқилғи қуйиш шохобчасида ёнғин содир бўлди.

Фавқулодда вазиятлар вазирлиги маълумотига кўра, ёнғин ёқилғи ташувчи автоцистернадан сақлаш резервуарига бензин қуйилаётган пайтда келиб чиққан.

Хабар тушгач, 5 та ёнғин-қутқарув экипажи соат 19:50 да воқеа жойига етган ва олти дақиқа ичида ёнғин назоратга олинган. Ўчириш ишлари соат 20:06 да тўлиқ якунланган.

Ҳодиса натижасида мобил цистернадаги 3 тонна бензин ёниб кетган. Бахтга яраша, ҳеч ким жабрланмаган.

Айни пайтда ёнғиннинг сабаблари ҳамда моддий зарар миқдори ўрганилмоқда.

Telegram I Facebook I YouTube I Instagram

Малака ошириш истагидаги шахсларга “касб ваучери” берилади

“Меҳнат муносабатлари ва касбга тайёрлаш тизимини такомиллаштириш ҳамда иш берувчиларни рағбатлантиришга оид қўшимча чора-тадбирлар тўғрисида”ги президент фармони қабул қилинди.

Фармонга кўра, 2025 йил 1 ноябрдан малакасини ошириш ва касбга қайта тайёрланиш истагидаги шахсларга қўшимча таълим олиш учун “касб ваучери” бериш тартиби жорий этилади.

“Касб ваучери” ссуда сифатида берилади.

Шахс ўқишни тугатиб сертификат олгач, ишга жойлашганидан сўнг ссудани 2 йил давомида Бандликка кўмаклашиш давлат жамғармасига қайтаради.

Қуйидаги шахсларга касб-ҳунар курсларида таълим олиш даврида Жамғарма ҳисобидан меҳнатга ҳақ тўлаш энг кам миқдорининг 1 баравари миқдорида стипендия тўланади:

🔹 ногиронлиги бўлган шахсларга;

🔹 3 ойдан ортиқ давом этадиган курсларда таълим олаётган Камбағал оилалар реестридаги оилалар аъзоларига;

🔹 доимий яшаш жойидан бошқа ҳудудга қатнаб таълим олаётган шахсларга.

Бунда ишсизлик нафақаси тўланиши даврида ўқувчиларга стипендия тайинланмайди.

Telegram I Facebook I YouTube I Instagram

Самарқанд вилоятини 2030 йилга қадар ижтимоий-иқтисодий ривожлантириш чора-тадбирлари белгиланди

“Самарқанд вилоятини 2030 йилга қадар ижтимоий-иқтисодий ривожлантириш чора-тадбирлари тўғрисида”ги президент қарори қабул қилинди.

Қуйидагилар Самарқанд вилоятини 2030 йилгача ривожлантиришнинг асосий мақсадли кўрсаткичлари этиб белгиланди, жумладан:

🔹 ялпи ҳудудий маҳсулот ҳажмини 165 трлн сўмга етказиш;

🔹 саноат ва хизматлар соҳасида жами 6,8 млрд АҚШ доллари эквивалентидаги лойиҳаларни амалга ошириш;

🔹 саноат, хизматлар ва туризм экспорти ҳажмини 3,5 млрд АҚШ долларига етказиш.

Қарорга кўра, Самарқанд вилояти ҳокимлиги муассислигида давлат ва тадбиркорлар ўртасида кўприк вазифасини бажарувчи “Самарқанд Инвест компанияси” АЖ ташкил этилади.

Компаниянинг алоҳида йўналишлар бўйича лойиҳа офисларини ташкил этиш ва уларни молиялаштириш масалалари унинг муассиси томонидан белгиланади.

Telegram I Facebook I YouTube I Instagram

Навоийда “Саломатлик йўлаклари” ва сунъий кўллар атрофида йирик лойиҳалар амалга оширилмоқда

Навоий шаҳрида 11 та кичик ва йирик истироҳат боғларини ҳамда яшил ҳудудларни ўзаро боғлайдиган “Саломатлик йўлаклари” лойиҳаси ишлаб чиқилди. Лойиҳа доирасида 10 километрдан зиёд масофада кундалик сайр, югуриш ва велоспорт учун йўлаклар, спорт майдонлари ҳамда дам олиш зоналари барпо этилади. Бу орқали шаҳарнинг 17 та маҳалласидан 80 мингга яқин аҳоли оиласи билан сайр қилиш имкониятига эга бўлади, 300 га яқин хизмат кўрсатиш объекти ишга туширилади ва 1500 га яқин иш ўрни яратилади.

Молия вазирлиги маблағлари ҳисобидан 5 та тумандаги 7 та дам олиш масканларига 30 миллиард сўм ажратилиб, ишлар бошлангани маълум қилинди.

Навоий, Зарафшон шаҳарлари ва Учқудуқ туманида мавжуд йирик сунъий кўллар ҳам туризм ва иқтисодий фаолиятни ривожлантириш мақсадида ўзлаштирилади. Хусусан, Навоий шаҳридаги “Ёшлик” кўли учун мастер-режа концепцияси ишлаб чиқилиб, биринчи босқичда 20 миллиард сўмга 5 километрлик пиёда ва велосипед йўлаклари, замонавий ёритиш тизими, ўриндиқлар ва селфи зоналари ташкил этилади. Шунингдек, 15 минг квадрат метр майдонда 10 миллион долларлик тижорат ва сервис лойиҳалари амалга оширилади. Натижада, кунлик ташриф буюрувчилар сони ҳозирги 800–1000 нафардан 5000 нафаргача кўпайиши, 500 дан ортиқ янги хизмат йўлга қўйилиши ва 2000 дан зиёд иш ўрни яратилиши кутилмоқда.

Зарафшон шаҳридаги “Марварид” кўли атрофидаги 30 гектар ер майдонида ҳам мастер-режа асосида ишлар бошланган. 118 та лотдан 40 таси сотилиб, туристлар ва аҳоли учун 250 га яқин хизмат тури йўлга қўйилиши, 1,5 мингдан зиёд янги иш ўрни яратилиши режалаштирилган.

Лойиҳалар тўлиқ амалга оширилганда, кунига 30 мингдан ортиқ аҳоли дам олиш имкониятига эга бўлади, 100 дан зиёд хизмат тури йўлга қўйилади, 1100 та хизмат кўрсатиш объекти ишга туширилади ва 8 мингдан зиёд киши иш билан таъминланади.

Telegram I Facebook I YouTube I Instagram

Маҳаллий ижро этувчи ҳокимият органлари ходимларини рағбатлантиришнинг янги тизими жорий этилади

“Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари ходимларининг меҳнатига ҳақ тўлаш ва уларни моддий рағбатлантириш тизимини такомиллаштириш чора-тадбирлари тўғрисида”ги президент фармони қабул қилинди.

Фармонга кўра, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳамда туман (шаҳар) ҳокимликлари бошқарув ходимлари меҳнатига ҳақ тўлашнинг янги тизими жорий этилади.

Бунда ходимларнинг лавозим маоши ягона тамойил асосида меҳнатга ҳақ тўлашнинг янгиланган тариф сеткаси ҳамда кўп йиллик хизмати ва лавозимини инобатга олган ҳолда табақалашган тариф коэффициентлари асосида шакллантирилади.

Рағбатлантириш тўловлари бошқарув ходимлари томонидан эришилган энг муҳим самарадорлик кўрсаткичлари (KPI) асосида ҳар ойлик устама, малака (мартаба) даражалари учун ва ҳисобот даври якунлари бўйича рағбатлантириш (бонус) тўловлари шаклида тўланади.

Маҳаллий ижро этувчи ҳокимият органлари бошқарув ходимларининг меҳнатига ҳақ тўлаш фақат мазкур Фармонда белгиланган шартларда амалга оширилиб, Фармонда кўзда тутилмаган қўшимча устамалар, мукофотлар ва бошқа тўловлар тўлаш тақиқланади.

2025 йил 1 августдан маҳаллий ижро этувчи ҳокимият органларида меҳнатга ҳақ тўлаш жамғармаси қуйидагиларни ўз ичига олади:

▪️ лавозим маоши;
▪️ энг муҳим самарадорлик кўрсаткичларига (KPI) эришганлиги учун лавозим маошига ҳар ойлик устамалар;
▪️ малака (мартаба) даражалари учун тўловлар;
▪️ мукофотлаш ҳамда бонус тўловлари.

Telegram I Facebook I YouTube I Instagram

Ўзбекистон ва Россия махсус хизматлари 9 нафар халқаро террорчилик ташкилот аъзоларини қўлга олди

Ўзбекистон Республикаси Давлат хавфсизлик хизмати Россия Федерацияси Федерал хавфсизлик хизмати билан ҳамкорликда ўтказилган фаол тадбирлар натижасида Россия Федерациясида 7 нафар ва Ўзбекистон ҳудудида 2 нафар халқаро террорчилик ташкилот аъзолари қўлга олинди.

Мазкур шахслар Россия Федерацияси ҳудудида бўлган вақтида диний экстремистик оқим таъсирига тушиб, халқаро террорчилик ташкилоти фаолиятида иштирок этган ва ўз сафларини турли давлатлардан келган меҳнат муҳожирларини ёллаш ҳисобидан кенгайтириш билан шуғулланган.

Улар яширин йиғилиш ташкил этиб, Telegram мессенжери орқали видеоконференция йўли билан “умумжаҳон халифалиги” деб аталувчи доктрина асосида тизимли ўқитиш ва террорчилик ташкилотига жалб қилиш ишлари амалга оширилган. Уларнинг бу фаолияти ҳориждаги ғоявий маслакдошлари томонидан мувофиқлаштириб борилган.

Тўпланган материаллар асосида Россия Тергов қўмитаси томонидан уларга нисбатан террористик ташкилот фаолиятини ташкил этиш ва унда иштирок этиш бўйича жиноят иши қўзғатилди.

ДХХ томонидан Қашқадарё вилоятида ўтказилган фаол тадбирлар натижасида айнан шу жамоатнинг яна 2 нафар аъзоси қўлга олинди.

Аниқланишича, бу шахслар ҳам Россиядаги яшириш жамоат аъзолари томонидан телеграм мессенжерида ташкил этилган виртуал гуруҳларга аъзо бўлиб, ХТТ нинг ақидапарастлик ғоялари билан йўғрилган ва амалдаги сиёсий тузумни конституцияга зид равишда ўзгартиришни тарғиб қилувчи материалларини тарқатиб келган.

Шунингдек, уларнинг яшаш хонадонлари кўздан кечирилганда, 4 та уяли алоқа воситаси, 3 дона экстремистлик ғоялари билан йўғрилган адабиётлар, 2 та флеш хотира ва 1 та ҳорижий давлатга тегишли бўлган сим карта далилий ашёлар сифатида олинди ҳамда экспертизадан ўтказиш учун тегишли ташкилотларга юборилди.

Ҳозирда ҳибсга олинган шахсларга нисбатан тергов ва терговга қадар ҳаракатлар олиб борилмоқда.

Telegram I Facebook I YouTube I Instagram

“ENG ULUG‘, ENG AZIZ” республика танловига ижодий ишлар қабули давом этмоқда

Ўзбекистон Журналистлар уюшмаси ҳамда қатор ҳамкор ташкилотлар томонидан мамлакатимиз мустақиллигининг 34 йиллигига бағишлаб ўтказилаётган анъанавий “ENG ULUG‘, ENG AZIZ” республика кўрик-танловига ижодий ишлар қабул қилиниши давом этмоқда.

Танловда иштирок этиш истагидаги ижодкорлар ўз ишларини белгиланган талаблар асосида тақдим этишлари мумкин.

Telegram I Facebook I YouTube I Instagram