Шавкат Мирзиёев Жиззах вилояти Зомин туманида қурилаётган маиший техника заводини кўздан кечирди

“Навоий” махсус саноат паркининг филиали сифатида ташкил этилган мажмуа 80 гектарда жойлашган.

👉 https://effect.uz/6492

Telegram I Facebook I YouTube I Instagram

Алижон Абдуллаев ўз аризаси асосида Бош прокуратурадаги лавозимидан озод этилди

Бош прокуратурадаги Кадрлар бошқармаси бошлиғи лавозимида фаолият юритиб келган Адлия катта маслаҳатчиси Алижон Абдуллаев ўз хоҳишига кўра берилган аризаси асосида лавозимидан озод этилди. Бу ҳақда Бош прокуратура матбуот хизмати маълум қилди.

Алижон Абдуллаев Ўзбекистон Бош прокурори Ниғматилла Йўлдашевнинг тегишли буйруғига асосан ишдан бўшатилган. У ушбу бошқармага 2020 йил 20 ноябрь куни тайинланган эди.

Маълумотларга кўра, Абдуллаев 1953 йилда Фарғона вилоятида туғилган, олий маълумотли, ҳуқуқшунос. У 1977 йилда собиқ Иттифоқ Давлат хавфсизлиги қўмитаси (КГБ) Олий курсларини якунлаган. Тайинловга қадар эса Ўзбекистон Давлат хавфсизлик хизматининг масъул лавозимларида меҳнат фаолиятини амалга оширган.

Бош прокуратура таъкидлашича, у лавозимга келгунга қадар кадрлар йўналишида етарлича тажриба тўплаган. Абдуллаевдан аввал ушбу лавозимда 2019 йил 3 июлдан 2020 йил 20 июнгача Содиқжон Назаров фаолият юритган.

Telegram I Facebook I YouTube I Instagram

Эндиликда олий таълимга киришда мактаб баҳолари инобатга олинмайди

2024 йил 19 июль куни президент томонидан имзоланган фармонга мувофиқ, абитуриентларнинг мактабда олган баҳолари олий таълим муассасаларига кириш имтиҳонларида қўшимча балл сифатида ҳисобланмайди.

Мазкур фармон билан Вазирлар Маҳкамасининг 2021 йил 19 ноябрдаги “Олий таълим ташкилотларига кириш имтиҳонларида абитуриентларнинг таълим тўғрисидаги ҳужжатларига қўйилган баҳоларини инобатга олиш тартибини жорий этиш чора-тадбирлари тўғрисида”ги қарори ўз кучини йўқотди.

Мазкур қарорга мувофиқ, 2023–2024 ўқув йилидан бошлаб абитуриентларнинг 6 йиллик ўртача баҳоси асосида тест натижасига 3, 4 ёки 5 балл қўшилиши белгиланган эди. Яъни, масалан, тестдан 130 балл тўплаган абитуриентга мактабдаги ўртача баҳосига қараб қўшимча балл берилиши кўзда тутилган эди.

Бироқ ушбу тартиб 2023 йилда амалга жорий этилмасдан, икки йилга кечиктирилганди. Янги фармонга кўра, энди бу амалиёт умуман бекор қилинди.

Telegram I Facebook I YouTube I Instagram

Фарғонада аёлнинг соғлом оёғини кесиб юборган шифокор судланди

Марҳуманинг яқинлари фойдасига 27.806.292 сўм моддий зарар ва 80.000.000 сўм маънавий зарарни ундириш белгиланган.

👉 https://effect.uz/6493

Telegram I Facebook I YouTube I Instagram

Тошкентда 9-этаждан ўзини пастга ташлаган шахс тирик қолди

21 июль куни Юнусобод туманида 23 ёшли фуқаро ўзини кўп қаватли уйлардан бирининг 9-қаватидан пастга ташлаган.

У кириш йўлагининг том қисмига урилиб, ерга тушган ва оқибатда чап ўмров суяги, ўнг кўкрак суяги, биринчи бел умуртқаси компрессион синиши 2-,3-даража, травматик шок 2-даражаси ташхиси билан шифохонага олиб борилган. Ҳозирда бемор шифокорлар назоратида.

Маълум бўлишича, 2024 йилнинг охиридан буён фуқаронинг руҳиятида ўзгаришлар кузатилишни бошланган. Мазкур ҳолат юзасидан Юнусобод тумани ИИО ФМБ томонидан терговга қадар текширув ўтказилмоқда.

Telegram I Facebook I YouTube I Instagram

Давлат банкларини хусусийлаштириш кечикмоқда: Парламент Марказий банкдан ҳисобот сўради

2025 йилгача давлат улуши бўлмаган банклар активларини 60 фоизга етказиш режалаштирилган бўлса-да, бу кўрсаткич ҳозирда 35 фоизни ташкил этмоқда. 22 июль куни Олий Мажлис Қонунчилик палатаси Марказий банк раиси Тимур Ишметовга йўллаган парламент сўровида шу ва банк тизимидаги бошқа қатор муаммолар юзасидан изоҳ сўралди.

Парламент сўровида банк тизимида амалга оширилаётган ислоҳотлар, қишлоқ жойларда молиявий хизматлар қамровининг заифлиги, ахборот хавфсизлиги ва молиявий фирибгарликлар билан боғлиқ муаммоларга эътибор қаратилди.

Бюджет ва иқтисодий масалалар қўмитаси раиси Шарофиддин Назаров таъкидлашича, “Ўзсаноатқурилишбанк” (СҚБ), “Асакабанк” ва “Алоқабанк”да хусусийлаштириш жараёни секин кечмоқда. Бу ҳолат молиявий хизматлар оммалашувига ва инновацион ривожланишга тўсқинлик қилмоқда.

Сўров доирасида Марказий банкдан қуйидаги масалалар юзасидан аниқ маълумот бериш сўралди:

🔷давлат банкларини трансформация қилиш жараёнининг ҳолати;

🔷кредит таваккалчиликларини бошқариш механизмлари;

🔷масофавий банк хизматларини ривожлантириш;

🔷имтиёзли кредитлар ажратишда коррупция омилларини бартараф этиш чоралари.

Депутатлар, шунингдек, қишлоқ ҳудудларда банк хизматларининг етарли даражада тарқалмагани, фуқаролардан молиявий фирибгарлик ва ахборот хавфсизлиги бўйича кўплаб шикоятлар келиб тушаётганини ҳам алоҳида қайд этган.

Маълумот ўрнида, аввалроқ “Ўзсаноатқурилишбанк” 2022 йил, “Асакабанк” эса 2023 йил охиригача хусусийлаштирилиши белгиланган эди. Бироқ бу муддатлар кейинчалик 2025 йил охиригача узайтирилди. Fitch Ratings агентлиги эса ушбу жараён яна кечикиши мумкинлигини тахмин қилмоқда.

Telegram I Facebook I YouTube I Instagram

2025 йилда давлат бюджети биринчи марта ойлик плюс билан якунланди

2025 йил июль ойининг дастлабки 21 кунида Давлат бюджетининг даромадлари 23,6 трлн сўмни, харажатлари эса 22,5 трлн сўмни ташкил этди. Натижада давлат бюджети 1,1 трлн сўмлик ижобий фарқ билан, яъни плюс билан якунланди. Бу жорий йил давомида биринчи марта ойлик даражада плюс қайд этилган ҳолат бўлди.

Иқтисодчи Отабек Бакировнинг таъкидлашича, бу ҳолат 1 июлдан пенсия ва нафақалар миқдори оширилганига қарамай юз берди. Ҳаражатлар ўсганига қарамай, даромадлар ундан ҳам юқори суръатда ортган. Энергетика соҳасига субсидиялар қисқартирилгани ҳам бу натижага ҳисса қўшган бўлиши мумкин.

Маълумот учун, 2023 йилда давлат бюджети ойлик плюс билан якунланган ҳолат умуман кузатилмаган. 2024 йилда эса фақат октябрь ойидагина шундай натижа қайд этилган.

Иқтисодчилар фикрича, давлат бюджети барқарорлиги ва унинг консолидацияси Ўзбекистонда макроиқтисодий барқарорликни таъминлашда катта аҳамият касб этади.

Telegram I Facebook I YouTube I Instagram

"Жиноятчи аёлга енгиллик адолатми?" – Қодиров 50-моддани танқид қилди

2 ёшли боғча тарбияланувчисини қийнаб ўлдирган тарбиячи аёл 6 йил муддатга озодликдан маҳрум этилди. Ушбу ҳолат жамиятда кенг муҳокамаларга сабаб бўлди.

Ўзбекистон Республикаси Жиноят кодексида белгиланишича, 50-моддага мувофиқ, жазони ўташда аёлларга нисбатан енгилликлар назарда тутилган бўлиб, уларга тайинланадиган жазо муддати умумий белгиланган жазонинг 3 дан 2 қисми этиб белгиланади.

Олий Мажлис Қонунчилик палатаси депутати Алишер Қодиров ушбу модда юзасидан ўз позициясини билдириб, қонунни қайта кўриб чиқиш зарурлигини таъкидлади.

«Эътибор беринг, ҳар қандай аёл, ҳар қандай жиноят учун, ҳатто қасддан одам ўлдирган, бундан аввал ҳам буни қилган хавфли рецидивист бўлса ҳам, шу моддага мувофиқ, жазо муддатининг 3 дан 2 қисми берилади. Жиноятни рағбатлантиришдек инсонпарварлик! Балки шу сабаб аёллар орасида жиноятчилик ошиб бораётгандир...»,

— деди депутат.

Шунингдек, Қодиров таълим муассасаларида ишлайдиган ходимлар бўйича қўшимча таклиф ҳам илгари сурди. Унинг сўзларига кўра, болалар хавфсизлигини таъминлаш мақсадида ушбу соҳада пенсия ёшини 50 ёшгача қисқартириш, шу билан бирга, пенсионерларни болалар билан бевосита ишлашдан чеклаш масаласини кўриб чиқиш лозим.

«Бу нафақат хавфсизлик, балки соҳада қон алмашинувини тезлаштириш, замонавий қарашларни жорий этиш учун ҳам керак»,

— дея таъкидлади у.

Telegram I Facebook I YouTube I Instagram

Ишсизлар учун қўллаб-қувватлов: субсидия ва фоизсиз ссудалар учун аризалар қабул қилинмоқда

Ҳозирда ишсиз фуқароларни қўллаб-қувватлаш мақсадида субсидия ва фоизсиз ссудалар ажратиш бўйича аризалар тест тарзида қабул қилинмоқда. Дастур 3 йўналишни қамраб олган:

▪️ Уруғ ва кўчат харид қилиш учун — 1 125 000 сўмлик қайтарилмайдиган субсидия
▪️ Хориждан қайтган шахслар учун — қишлоқ хўжалиги кооперативларига устав фонди сифатида киритиш учун 3 750 000 сўмлик субсидия
▪️ Камбағал оила аъзолари учун — зарур асбоб-ускуналар харидига 18 750 000 сўм миқдорида фоизсиз ссуда

Молиявий ёрдам олиш учун қуйидаги шартларга мос келиш талаб этилади:

Ариза берувчи ижтимоий ҳимоя реестри ёки камбағал оила реестрида рўйхатга олинган бўлиши;

“Ишсизлар реестри”да расман ишсиз деб эътироф этилган бўлиши зарур.

Telegram I Facebook I YouTube I Instagram

“103” хизматининг барча ҳудудий филиалларида “қайта қўнғироқ” тизими йўлга қўйилмоқда

Самарқанд вилояти тажрибасидан келиб чиққан ҳолда жорий йилдан Республика тез тиббий ёрдам марказининг барча ҳудудий филиалларида “Call-back” тизими ишга тушириляпти.

Бу тизимнинг аҳамияти нимада?

Айрим ҳолларда “Тез ёрдам” бригадалари томонидан бажарилган тиббий хизматлар сифати юзасидан турли танқидий мурожаатлар келиб тушади. “103” хизмати фаолиятига доир шу каби эътирозларни камайтириш, фуқаролардан бўлаётган бундай мурожаатлар сабабини олдиндан аниқлаб, уларни ўз вақтида бартараф этиш мақсадида шу йилдан бошлаб барча ҳудудий филиалларда тажриба-синов тариқасида “Call-back” (қайта қўнғироқ) тизими йўлга қўйилмоқда.

“Айни пайтда мазкур тизим орқали “Тез ёрдам” бригадалари фаолияти доимий назорат қилиб бориляпти. Натижада аҳолидан бўлаётган эътирозлар сони аввалги йилларга нисбатан анчайин камайди.

Хусусан, ўтган йилнинг май-июнь ойларида “103” хизматига жами 783 та ана шундай мурожаат келиб тушган бўлса, 2025 йилнинг айни шу даврида бу кўрсаткич 32,3 фоизга камайиб, 538 тани ташкил этди”, деб хабар берди Соғлиқни сақлаш вазирлиги матбуот хизмати.

Telegram I Facebook I YouTube I Instagram

АҚШда визалар учун янги йиғим жорий этилади

2026 йилдан бошлаб барча ноиммиграцион визалар (Б-1/Б-2, Ф/М, Ҳ-1Б, Ж ва бошқалар) учун қўшимча $250 йиғим жорий этилади.

Бу йиғим 2025 йил 4 июлда қабул қилинган “One Big Beautiful Bill Act” қонуни асосида киритилади. У инфляцияга қараб йил сайин қайта кўриб чиқилади.

Ҳозирги $185 лик виза божига қўшимча тўловлар билан бирга умумий харажат $450–$470 атрофига етиши мумкин.

Ариза берувчи ёши ёки мақсадига қараб истиснолар йўқ. Вақтли чиқиб кетган ва қоидаларга риоя қилганларга тўлов қайтарилиши мумкин, лекин механизм ҳали ишлаб чиқилмаган.

Telegram I Facebook I YouTube I Instagram

Фармацевтика маҳсулотларини сертификатлаштириш тартибида муҳим ўзгаришлар амалга оширилди

Соғлиқни сақлаш вазирининг "Фармацевтика маҳсулотларини сертификатлаштириш қоидаларига ўзгартириш ва қўшимчалар киритиш тўғрисида"ги буйруғи қабул қилинди.

Ушбу ўзгартиришлар фармацевтика маҳсулотлари хавфсизлигини таъминлаш, сертификатлаштириш жараёнида шаффофликни кучайтириш, сертификатни рад этиш ва бекор қилиш асосларини кенгайтириш, шунингдек, маъмурий жараёнларнинг муддатини оптималлаштиришга қаратилган.

Қуйидаги асосий ўзгаришлар назарда тутилган:

Сертификатлаштиришни рад этиш асослари кенгайтирилди:

🔶маҳсулот давлат рўйхатидан ўтказилиши талаб этилса-ю, аммо бу амал бажарилмаган бўлса (рўйхатдан ўтказилмасдан рухсат этилган маҳсулотлар бундан мустасно);

🔶рецепт асосида бериладиган дори воситаларида референт нарх мавжуд эмас ёки белгиланган меъёрдан ошса;

🔶мажбурий рақамли маркировка талаб этиладиган маҳсулот белгиланган тартибда маркировка қилинмаган бўлса.

Маъмурий жараёнлар муддати ўзгартирилди:

🔷сертификат бериш тўғрисидаги қарор икки иш куни ичида қабул қилинади (илгари — бир кун);

🔷тўлов тўлиқ амалга оширилганидан сўнг, мувофиқлик сертификати уч иш куни ичида расмийлаштирилади (илгари — тўловга боғлиқ бўлмаган икки кун).

❌ Сертификатни бекор қилиш асослари ҳам кенгайтирилди:

🔶маҳсулот истеъмолчилар ҳаёти ёки соғлиғига таҳдид туғдирса;

🔶инспекция назорати давомида номувофиқликлар аниқланса;

🔶маҳсулот таркиби ёки ишлаб чиқариш технологияси олдиндан хабардор этмасдан ўзгартирилган бўлса;

🔶ариза берувчи ташкилот тугатилса;

🔶маҳсулот ариза берувчи ташаббуси билан бозордан қайтариб олинса;

🔶тегишли норматив ҳужжатлар ўзгартирилган ёки бекор қилинса;

🔶назорат органи томонидан тақдимнома келиб тушса.

Telegram I Facebook I YouTube I Instagram

Зўравонликнинг олдини олиш бўйича қўшимча чоралар белгиланди

Вазирлар Маҳкамаси томонидан хотин-қизларни тазйиқ ва зўравонликдан ҳимоя қилиш тизимини такомиллаштиришга доир қарорга ўзгартириш ва қўшимчалар киритилди.

Қарорга асосан, туман (шаҳар) ҳокимининг оила ва хотин-қизлар бўйича ўринбосари — Оила ва хотин-қизлар бўлими бошлиғи лавозими жорий этилди. У зўравонлик ҳолатларига муносабатда масъул раҳбарларга мажбурий тақдимнома киритиш ваколатига эга бўлади.

“Психокоррекция” тушунчаси қонунчиликка киритилиб, зўравон шахсларнинг хулқ-атворини жамият талабларига мослаштиришга қаратилган чора-тадбирлар мажмуи сифатида белгиланди.

Ҳимоя ордерлари беришда маҳаллий ҳокимликлар, таълим ва соғлиқни сақлаш идоралари, психологлар ҳамда жамоатчилик тузилмалари иштирокида бир ойгача бўлган чора-тадбирлар белгиланади.

Зўравон шахслар учун тузатиш дастуридан ўтиш мажбурий бўлади.

Telegram I Facebook I YouTube I Instagram

Ҳиндистон Чирчиқдаги тиббиёт муассасаси бўйича огоҳлантириш берди

Ҳиндистон Миллий тиббий комиссияси мамлакат абитуриентларини хориждаги баъзи тиббиёт университетларида таҳсил олишдан қайтарди. Қатор огоҳлантиришлар орасида Ўзбекистондаги Тошкент давлат тиббиёт университетининг Чирчиқ филиали ҳам қайд этилди. Бу ҳақда The New Indian Express нашри хабар берди.

Комиссия таъкидлашича, мазкур филиал Ҳиндистон тиббий таълим стандартларига жавоб бермайди. Шу сабабли, ушбу муассасада ўқиш тавсия этилмайди. Тавсия этилмаган университетлар рўйхатига яна қуйидагилар кирган:

Марказий Америка соғлиқни сақлаш ва фанлар университети (Beliz),

Колумбия Марказий университети (Beliz),

Вашингтон соғлиқни сақлаш ва фанлар университети (Beliz).

Маълумотларга кўра, Ҳиндистоннинг Мексикадаги элчихонаси ва Ташқи ишлар вазирлигининг Евроосиё бўлими томонидан билдирилган жиддий хавотирлардан сўнг ушбу қарор қабул қилинган.

Огоҳлантиришда таълим муассасаларида академик ва клиник стандартлар етишмаслиги, зарур инфратузилманинг мавжуд эмаслиги, талабалардан ортиқча тўлов олиниши ҳамда ёлғон маълумотлар тарқатилаётгани қайд этилган. Айрим ҳолларда талабалар ўқишни ташламоқчи бўлганида, уларга босим ўтказилгани ҳам алоҳида таъкидланган.

Ҳиндистон расмийларининг ушбу огоҳлантириши хорижда тиббий таълим танлашда диққат ва эҳтиёткорликни талаб қилади.

Telegram I Facebook I YouTube I Instagram

Ўзбекистонда туғилиш қисқариб, ўлим кўпаймоқда

2025 йилнинг январь-июнь ойларида 405,5 минг тирик туғилиш қайд этилган. Бу ўтган йилнинг мос даврига нисбатан 14,4 мингга кам.

Хусусан, туғилганларнинг 209,6 минг нафари (51,7%) ўғил болалар ва 195,9 минг нафари (48,3%) қиз болалар.

Ўз навбатида, шу даврда 84,1 минг киши вафот этган. Бу 2024 йилнинг I ярим йиллигига нисбатан 2,7 минг нафарга кўп.

Telegram I Facebook I YouTube I Instagram

Тошкент вилоятида ЙПХ машинаси иштирокида ЙТҲ юз берди

Вилоят ИИББ ЙҲХБ мазкур ҳолат юзасидан маълумот берди.

👉 https://effect.uz/6494

Telegram I Facebook I YouTube I Instagram

Жаслиқ қамоқхонасининг собиқ маҳбуси Чўян Маматқулов яна қамалди

Бу ҳақда “Эзгулик” инсон ҳуқуқлари жамияти раиси Абдураҳмон Ташанов маълум қилди.

👉 https://effect.uz/6495

Telegram I Facebook I YouTube I Instagram

Жинсий тазйиқ учун енгил жазолар танқидга сабаб бўлмоқда

Сўнгги пайтларда жамоат жойларида аёлларга нисбатан жинсий зўравонлик ва тазйиқ ҳолатлари ортиб бораётгани, бундай ҳаракатларга нисбатан суд томонидан енгил жазо чоралари қўлланаётгани жамиятда жиддий танқидларга сабаб бўлмоқда.

"ПотребителУз" Telegram-каналида хабар берилишича, Москва–Тошкент йўналишидаги авиақатновда бир йўловчи эркак қўшни ўриндиқда ўтирган аёлга жинсий тазйиқ ўтказган — унинг кўкрагига тегиниб, ўз жинсий аъзосини намойиш этган. Суд бу шахсга 3 сутка маъмурий қамоқ жазосини тайинлаган.

Яна бир ҳолатда Тошкент шаҳрида шифокор аёл беморни палатада ёлғиз қолдириб, унга тегиниш орқали жинсий зўравонлик қилган. Суд унга 5 сутка маъмурий қамоқ жазосини тайинлаган.

Қайд этилишича, бундай енгил жазолар ҳуқуқбузарлар учун тийувчи таъсирга эга эмас. Шу боис, жинсий тазйиқ ҳолатларига нисбатан қуйидаги чораларни қўллаш таклиф этилмоқда:

🔶Давлат фойдасига 10 баробар ҳисоблаш миқдорида жарима;

🔶Жабрланувчига 10 БҲМ миқдорида маънавий товон тўлаш.

Таъкидланишича, жинсий тазйиқ фақатгина шахсий ҳуқуқни эмас, балки жамиятдаги маънавий қадриятларни ҳам поймол этади. Молиявий жазо чораларининг жорий этилиши эса бундай ҳуқуқбузарликларни камайтиришга хизмат қилиши мумкин.

Telegram I Facebook I YouTube I Instagram

Ангренда 4 киши вояга етмаган қизни зўрлади. Мазкур иш бўйича тергов давом этмоқда

Ижтимоий тармоқларда Ангрен шаҳрида вояга етмаган қизга нисбатан зўравонлик ҳолати юз бергани ҳақида маълумотлар тарқалди.

Болалар омбудсмани ва Ижтимоий ҳимоя миллий агентлиги ушбу ҳолатни назоратга олди ва яқин ҳамкорликда иш олиб бормоқда.

Мазкур ҳолат юзасидан 2025 йил 9 май куни Ангрен шаҳар Ички ишлар бўлими томонидан жиноят иши қўзғатилган бўлиб, дастлабки тергов ҳаракатлари давом этмоқда. Тергов жараёни устидан Ангрен шаҳар прокуратураси томонидан назорат амалга оширилмоқда.

Болалар омбудсмани ўз ваколати доирасида вояга етмаганга нисбатан содир этилган жиноят юзасидан олиб борилаётган иш юритуви бўйича кузатувни амалга оширмоқда. Шу билан бирга, жабрланувчи қизнинг процессуал ҳуқуқлари кафолатланганлигини таъминлаш масаласи ҳам доимий мониторингда турибди.

Ижтимоий ҳимоя миллий агентлиги — болаларни зўравонликдан ҳимоя қилиш борасида ваколатли давлат органи сифатида — мазкур ҳолатни алоҳида назоратга олган. Агентликнинг ҳудудий “Инсон” ижтимоий хизматлар маркази мутахассислари томонидан жабрланган болани ҳимоя қилиш ва реабилитация қилиш юзасидан ўз вақтида комплекс чоралар кўрилмоқда.

Вояга етмаган шахсга барча зарурий ҳимоя чоралари, жумладан, психологик ёрдам, ижтимоий маслаҳат ва тиббий йўналтиришлар кўрсатилган. Марказ мутахассислари бола ва унинг оиласи билан тизимли равишда иш олиб бормоқда.

Ҳолат юзасидан қўшимча ахборот тақдим этилиши маълум қилинди.

Telegram I Facebook I YouTube I Instagram

Учтепада кўп қаватли уйлар ертўлаларининг санитар ҳолати норозиликка сабаб бўлди

Қурилиш ва уй-жой коммунал хўжалиги соҳасида назорат қилиш инспекциясига Тошкент шаҳри Учтепа тумани “Хуросон” маҳалласида истиқомат қилувчи кўп қаватли уй мулкдорлари томонидан мурожаат келиб тушди.

Мурожаатда бошқарув сервис компаниясининг хизмат кўрсатиш фаолиятидан норозилик билдирилган. Айниқса, уй ертўлаларининг санитария ҳолати қониқарсизлиги ва муаммолар ўз вақтида ҳал этилмаётгани фуқароларнинг асосий эътирозларидан бири бўлди.

Мурожаат ишчи гуруҳ томонидан ўрганилди ва билдирилган эътирозлар асосли экани тасдиқланди. Текширув давомида бошқарув компанияси мурожаатларни қайд этиш журнали тўлиқ юритмагани, қолаверса, келиб тушган мурожаатларнинг қарийб 70 фоизи амалда ҳал этилмагани маълум бўлди.

Инспекция томонидан аниқланган камчиликлар юзасидан белгиланган тартибда бошқарув сервис компаниясига муддатли ёзма кўрсатмалар берилди.

Назорат ишлари давом этмоқда.

Telegram I Facebook I YouTube I Instagram

Мирободдаги қурилиш сабабли яшил ҳудуд йўқолди — депутат масалани кўтарди

Тошкентнинг маркази — Миробод туманидаги Авлиёота кўчаси 124-уй манзилидаги ҳудудда қурилиш ишлари бошлангани, шу сабаб у ердаги дарахтлар кесилгани ҳақида ижтимоий тармоқларда фотосуратлар ва маълумотлар тарқалди. Фото ва видеоларда ҳудуднинг аввалги — яшил ҳолати ва ҳозирги — қурилиш олиб борилаётган кўриниши таққосланган.

Экопартия депутати Наврўзбек Юсупов бу ҳолат юзасидан Бош прокуратура ва Экология, атроф-муҳитни муҳофаза қилиш ва иқлим ўзгариши вазирлигига расмий сўров билан чиқди.

Сўровда қуйидаги масалаларга ойдинлик киритиш сўралган:

🔹Дарахтлар кесилиши қонунийми?
🔹Бу ерда қурилишга рухсат борми?
🔹Қурилиш Тошкентнинг 2045 йилгача бўлган бош режасига мос келадими?
🔹Экологик экспертиза ўтказилганми?

Экопартия вакили бу масала юзасидан жавоб талаб қилмоқда.

Telegram I Facebook I YouTube I Instagram