Шаҳар бедарвоза эмас! Анвар Абдуқаюм қурган салобатли иморатдан қўшнилар норози...

👉 https://youtu.be/IjU6MHwoWSA

Коррупция ҳолати фош этилди

Коррупцияга қарши курашиш йўналишида ДХХ ва Бош прокуратура ходимлари томонидан олиб борилган тезкор-қидирув тадбирлари давомида ички ишлар органлари тизимида қонунбузилиш ҳолати аниқланди.

Хусусан, Тошкент шаҳар Ички ишлар бош бошқармаси Миробод тумани ички ишлар органлари фаолиятини мувоффиқлаштириш бошқармасининг бўлинма бошлиғи, подполковник ҳарбий унвонида бўлган У.С. Яккасарой тумани ИИО ФМБ Тергов бўлими томонидан Жиноят Кодексининг 273-моддаси билан жиноят иши қўзғатилган фуқарога нисбатан қўлланилган қамоқ эҳтиёт чорасини гаров эҳтиёт чорасига ўзгартириб беришни ваъда қилиб, муқаддам айбланувчининг қариндошидан 18 минг АҚШ доллари олади.

Аммо, у берган ваъдасининг уддасидан чиқа олмагач, ушбу маблағнинг бир қисмини қайтараётган вақтида ашёвий далиллар билан ушланди.

Ҳозирда мазкур мансабдор шахсга нисбатан Жиноят кодексининг 168 ва 211-моддалари билан жиноят иши қўзғатилиб, қамоқ эҳтиёт чораси қўлланди.
Тергов ҳаракатлари олиб борилмоқда.

Telegram I Facebook I YouTube I Instagram

Суд очиқ, лекин камералар ўчиқ: Бухорода журналист суд залидан чиқариб юборилди

2025 йил 24 июнь куни Бухоро вилояти судининг жиноят ишлари бўйича апелляция инстанциясида Жўраев, Усмонов, Салимов ва Ҳайдаровга оид жиноят иши муҳокама қилинди. Мазкур иш бўйича аввалроқ Бухоро вилояти жиноят ишлари бўйича Шофиркон туман суди томонидан 2025 йил 5 майда ҳукм чиқарилган эди. Судланганлар бу қарордан норози бўлиб, апелляция шикояти билан мурожаат қилган.

Суд мажлиси очиқ шаклда ўтказилди. Адвокат томонидан ишга ойдинлик киритиш мақсадида “Навоий кон-металлургия комбинати” АЖ мутахассисини жалб этиш бўйича илтимоснома киритилди. Судлов ҳайъати мазкур илтимосномани қисман қаноатлантирди.

Томонлар вакиллари суд мажлисини ёпиқ тарзда ўтказишга қарши чиқмаган бўлса-да, оммавий ахборот воситалари ҳамда Инсон ҳуқуқларини ҳимоя қилиш жамоат ташкилоти вакилларига аудио ва видео ёзув олишга рухсат этилмади. Судьялар бу ҳолатни видеоёзувларнинг ижтимоий тармоқларга тарқалиши орқали уларнинг ўзларига нисбатан босим бўлиши мумкинлиги билан изоҳлади. Бироқ, ушбу эҳтимолий босим кимлар томонидан бўлиши ҳақида аниқ маълумот берилмади.

Effect.uz нашри мухбирининг “Агар журналистларга видеога олишга рухсат берилмаса, нега суд залидаги камералар ҳам ишламаяпти?” деган саволига жавоб сифатида судья Effect.uz вакилини суд залидан чиқариб юборди.

Суд мажлиси Бухоро вилояти суди жиноят ишлари бўйича апелляция инстанцияси ҳайъати — раиси Жураев Нозимжон Сатторович, маърузачи Ҳамрокулов Суҳроб Қурбонович ва ҳайъат аъзоси Тангриев Турсунбай Хўжабердиевич иштирокида ўтказилди.

Telegram I Facebook I YouTube I Instagram

2025 йил 20 июлдан божхонада янги тартиблар амалга киритилади

Шахсий эҳтиёж учун божсиз олиб кириш нормалари қуйидагича белгиланди:

Ҳаво транспортида — 1000 АҚШ доллари;
Темирйўл ва дарё транспортида — 500 АҚШ доллари;
Автомобил ва пиёда ўтиш пунктларида — 300 АҚШ долларигача қийматдаги товарлар божсиз олиб кирилади.

Бироқ ишончли шартлар ҳам белгиланган:
🔹 Темир йўл, дарё ва автомобил йўли орқали келган шахс 2 календар кундан кам хорижда бўлган бўлса,
🔹 Ҳаво транспортида қайтган шахс 3 календар кундан кам муддат хорижда бўлган бўлса —
божсиз норма қўлланилмайди.

Бу ҳолатда, олиб келинаётган товарлар тўлиқ тижорат мақсадида деб қаралади ва товарнинг барча қиймати бўйича ягона божхона тўлови ундирилади.

Эслатма: Ушбу тартиблар 2025 йил 20 июлдан амалга киритилади!

Telegram I Facebook I YouTube I Instagram

Ўзбекистонда ўрнатилган лифтларнинг катта қисми техник талабларга жавоб бермайди

Сўнгги 2 йилда республика бўйича 11,4 мингта лифт ўрнатилган бўлса-да, уларнинг 8,9 мингтаси (78%) техник синовдан ўтказилмаган. Бу ҳақда Техник жиҳатдан тартибга солиш агентлиги расмийси Рауфжон Расулов маълум қилди.

6 мингта лифтда (52%) техник паспорт йўқ, 7,4 мингта лифтга (65%) техник хизмат кўрсатувчи мавжуд эмас.

Европа ва Туркия тажрибаси асосида, лифт хавфсизлиги ва бутун ҳаёт циклини назорат қилувчи янги тизим жорий этилмоқда.

Ҳозирги сервис ва техник кўрик тизими самарасиз деб баҳоланмоқда. Янги тизим Туркия, Хитой ва БАА каби давлатлар амалиёти асосида шакллантирилади.

Telegram I Facebook I YouTube I Instagram

Давлат бошқаруви тизимида самарадорлик оширилади

“Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида”ги президент фармони қабул қилинди

Фармонга кўра:

🔹Ахборот ва оммавий коммуникациялар агентлиги тугатилиб унинг ахборот соҳасида назорат ва мониторинг бўйича вазифа ва функциялари Ахборотлаштириш ва телекоммуникациялар соҳасида назорат инспекциясига ўтказилди;

🔹Оммавий коммуникациялар масалалари бўйича марказ Администрация бўйсунувига ўтказилди;

🔹Наркотикларни назорат қилиш миллий маркази негизида Наркотиклар ва ўқотар қуролларни назорат қилиш агентлиги ташкил этилди;

🔹Администрация Матбуот хизмати медиа-маркази негизида Оммавий ахборот воситалари учун контент тайёрлаш маркази ташкил этилди;

🔹Давлат хизматини ривожлантириш агентлиги негизида Бошқарув самарадорлиги агентлиги ташкил этилди;

🔹Вазирлар Маҳкамаси ҳузуридаги Маданият ва санъатни ривожлантириш жамғармаси Администрация бўйсунувига ўтказилди.

2025 йил 1 сентябргача қуйидагиларга қаратилган норматив-ҳуқуқий ҳужжатлар лойиҳалари ишлаб чиқилади:

➖бюрократик тўсиқларни бартараф этиш, такрорланувчи назорат функцияларини бекор қилиш, қарор қабул қилишда шаффофлик ва очиқликни таъминлашга қаратилган республика ва маҳаллий ижро этувчи ҳокимият органлари фаолияти самарадорлигини ошириш;

➖ ҳудудларни комплекс ривожлантириш, аҳоли бандлигини таъминлаш ва даромадларини ошириш борасида маҳаллий ҳокимликлар иқтисодий, маъмурий ва молиявий ваколатларини янада кенгайтириш.

Telegram I Facebook I YouTube I Instagram

43 млрд сўмлик давлат харидларидаги қонунбузилишлар аниқланди ва танловлар бекор қилинди

Рақобатни тарғиб этиш ва давлат харидларида холис рақобат муҳитини таъминлаш мақсадида Рақобат қўмитаси томонидан амалга оширилган ўрганишлар натижасида умумий қиймати 43,0 млрд сўмга яқин бўлган давлат харидларида рақобатга зид ҳаракатлар аниқланиб, ушбу ҳолатлар буюртмачи ташкилотлар томонидан ихтиёрий равишда бекор қилинди.

Жумладан:
🔹 Андижон вилоятида ижтимоий қўллаб-қувватлаш маркази томонидан ўтказилган тендерда иштирокчилар нохолис баҳолангани учун танлов бекор қилинди.
🔹 Жиззах вилоятида футбол академияси томонидан белгиланган чекловчи талаблар туфайли савдолар бекор этилди.
🔹 Қашқадарё вилоятида Қамаши туман ободонлаштириш бошқармаси томонидан баҳолаш мезонларининг мавжуд эмаслиги ва нохолис баҳолаш ҳолатлари сабабли танлов бекор қилинди.
🔹 Самарқанд вилоятидаги 8 та давлат ташкилоти томонидан ўтказилган 12,4 млрд сўмлик танловларда рақобатга зид ҳолатлар аниқланиб, уларнинг барчаси бекор қилинди.
🔹 Хоразм вилоятида бир қатор ташкилотлар танловлари ҳам қонунбузилишлар сабабли тўхтатилди.
🔹 Тошкент шаҳрида эса 25,7 млрд сўмлик тендерларда аниқланган қоидабузарликлар асосида, Махсус комиссия иши давомида танловлар бекор қилинди.

Қўмита давлат харидларида шаффофлик ва тенглик тамойилларига амал қилиниши устидан назоратни кучайтиришда давом этади.

Telegram I Facebook I YouTube I Instagram

Чорвоқ соҳилида қурилиш ишлари бошлангани айтилмоқда – Агаларов ваъдасини буздими?

Чорвоқ сув омбори қирғоғида озарбайжонлик инвестор Агаларовга тегишли бўлган “Чорвоқ” туристик дам олиш маскани доирасида айрим лойиҳалар бўйича ер ишлари бошлангани маълум қилинмоқда.

Шу билан бирга, Агаларовнинг Боку шаҳрида журналистлар билан ўтказган учрашувида у “Чорвоқ” мега-лойиҳаси фақат жамоатчилик билан келишув, экологик экспертизалар ва барча зарур ҳужжатлар тайёр бўлгачгина амалга оширилиши ҳақида ваъда берган эди.

Агар бу жараёнда мазкур ваъдалар инкор этиладиган бўлса, фаол фуқаролик жамияти ва жамоатчилик бу каби йирик қурилишларга қарши Орхус конвенцияси (Орксус) асосида петиция ва бошқа қонуний ташаббусларни кўтариши мумкин.

Telegram I Facebook I YouTube I Instagram

Қорақалпоғистонда кучли иссиқлар сабабли боғчалар фаолияти вақтинча тўхтатилди

Қорақалпоғистон Республикасининг Хўжайли туманида об-ҳаво шароити кескин иссиқлашгани муносабати билан барча давлат мактабгача таълим ташкилотлари вақтинча ўз фаолиятини тўхтатди. Бу туман ҳокимининг тегишли қарори асосида амалга оширилди.

Маълум қилинишича, 16–18 июль кунлари ҳаво ҳарорати +40 даражадан юқори бўлиши кутилмоқда. Бу борада аввалроқ «Ўзгидромет» томонидан ҳам республика ҳудудларига жуда иссиқ ҳаво оқимлари кириб келиши ҳақида огоҳлантирув эълон қилинган эди.

17 июль кунидан бошлаб мамлакат шимоли, жануби ва чўл ҳудудларида, шунингдек 18–20 июль кунлари Ўзбекистоннинг кенг ҳудудларида ҳаво ҳарорати +40...+43 даражагача, айрим жойларда эса +44...+45 даражагача кўтарилиши кутилмоқда.

Шу билан бирга, баъзи ҳудудларда шамол тезлиги 13–18 м/с гача кучайиши ва чанг-тўзонли ҳаво кузатилиши мумкин.

Telegram I Facebook I YouTube I Instagram

Тошкент Шимолий вокзалида автоуловлар учун кириш йўлаги ташкил этилди

«Ўзбекистон темир йўллари» АЖ маълум қилишича, Тошкент Шимолий темир йўл вокзалида автоуловлар учун махсус кириш йўлаги ташкил этилди. Эндиликда йўловчилар, уларни олиб келаётган шахсий автоуловлар, таксилар ва бошқа транспорт воситалари тўғридан-тўғри вокзал биноси кириш қисмигача ҳаракатланиши мумкин.

Автомобиллар учун қуйидаги тартиб белгиланган:

▪️ 5 дақиқагача тўхташ – бепул
▪️ 5–10 дақиқа оралиғида – белгиланган тўлов асосида
▪️ 10 дақиқадан ортиқ туриш – жарима билан расмийлаштирилади

Жарималар инсон омилисиз, замонавий видеокузатув камералари орқали аниқланади ва автоматик тарзда расмийлаштирилади.

Айни пайтда мазкур йўлак синов тариқасида ишга туширилган бўлиб, шлагбаумлар ва камералар ўрнатиш ишлари давом этмоқда. Бу тизим босқичма-босқич Ўзбекистондаги барча йирик вокзалларда жорий этилади. Мазкур жараён махсус ишлаб чиқилган "йўл харитаси" асосида амалга оширилади.

Эслатиб ўтамиз, жорий йил июнь ойида барча вокзаллар атрофидаги тўсиқлар демонтаж қилинган эди. Бу орқали фуқаролар учун очиқ ва қулай шароитлар яратиш мақсад қилинган.

Президент Шавкат Мирзиёевнинг 2024 йил 27 майда ўтказган йиғилишида ҳам айнан вокзал ва аэропортларда фуқароларга кенг имкониятлар яратиш бўйича топшириқлар берилган эди.

Telegram I Facebook I YouTube I Instagram

Қорақалпоғистондаги туманда жазирама сабаб боғчалар ёпилди

Қорақалпоғистон Республикасининг Хўжайли туманида жазирама иссиқ сабаб туман хокимининг буйруғи билан боғчалар фаолияти вақтинча тўхтатилди. Бу ҳақда туман ҳокимлиги хабар берди.

👉 https://effect.uz/6470

Telegram I Facebook I YouTube I Instagram

Қашқадарёда дарёга чўмилиш учун борган аёллар чўкиб кетди

Қашқадарёда чўмилиш учун дарёга борган 61 ёшли икки аёл оқиб кетиб, вафот этди. Бу ҳақда «Миллий» телеканалида хабар қилинди.

👉 https://effect.uz/6471

Telegram I Facebook I YouTube I Instagram

Ногиронлиги бўлган талабалар учун таълимда тенг имкониятлар таъминланади

🔹 Қонунчиликка мувофиқ, тест синовлари тўғрисидаги маълумотлар ногиронлиги бўлган абитуриентлар учун қулай форматда тақдим этилиши шарт.

🔸 Жумладан, видеороликлар сурдотаржима (ишора тили) ёки субтитрлар билан намойиш этилиши лозим.

🔹 Шу билан бирга, олий таълим муассасалари ногиронлиги бўлган талабаларга таълим жараёнида кўмаклашиш мақсадида, уларнинг оила аъзоси ёки бошқа шахснинг бирга бўлиши учун зарур шарт-шароитларни яратиши керак.

Telegram I Facebook I YouTube I Instagram

Президент администрацияси раҳбари Саида Мирзиёевага янги ваколатлар берилди

“Давлат бошқаруви тизимида самарадорлик, проактивлик ва натижадорликни ошириш чора-тадбирлари тўғрисида”ги президент фармонига кўра, эндиликда администрация раҳбари:

⁃ Президент маслаҳатчилари ва бўлинма раҳбарларининг ўринбосарларини тайинлайди ва озод этади, мазкур лавозимларга аввал тайинланган мансабдорларни лавозимидан озод этади;

⁃ Администрация ходимлари штатлар жадвалини тасдиқлайди;

⁃ маҳаллий ва хорижий экспертларни тўғридан-тўғри шартнома асосида жалб қилиши мумкин;

⁃ ходимларни аттестациядан ўтказади ва салоҳиятли кадрларни танлаб олади;

⁃ мутахассислар учун иш ҳақини миллий ёки чет эл валютасида белгилайди;

⁃ харажатлар сметасини ва моддий рағбатлантиришни мустақил тасдиқлайди.

Telegram I Facebook I YouTube I Instagram

Хусусий таълимдаги муаммолар ва имкониятлар юзасидан очиқ мулоқот ўтказилмоқда

Айни пайтда хусусий таълим соҳасида фаолият юритаётган тадбиркорлар иштирокида очиқ мулоқот бўлиб ўтмоқда. Ушбу учрашув президентнинг тадбиркорлар билан очиқ мулоқотига тайёргарлик доирасида ташкил этилган.

Мулоқот давомида хусусий таълим йўналишидаги тадбиркорлар амалиётда учраётган муаммо ва тўсиқлар, шунингдек, уларни бартараф этиш йўллари хусусида фикр билдирмоқда. Самарали ечимларни ишлаб чиқиш масалалари ҳам муҳокама қилинмоқда.

Тадбирда Савдо-саноат палатаси, Бизнес омбудсман, Олий таълим, фан ва инновациялар вазирлиги, Мактабгача ва мактаб таълими вазирлиги, тижорат банклари ҳамда тегишли ташкилотлар вакиллари иштирок этмоқда.

Мулоқотда таълим соҳасидаги мавжуд имкониятлар, долзарб масалалар ва уларнинг ечимлари юзасидан очиқ фикр алмашинмоқда.

Учрашув жонли эфир орқали намойиш этилмоқда.

Telegram I Facebook I YouTube I Instagram

Ўзбекистонда доллар курси яна пастлади

Ўзбекистон Республикаси Марказий банки хорижий валюталарнинг ўзбек сўмига нисбатан 17 июль куни амалда бўладиган қийматини белгилади.

👉 https://effect.uz/6472

Telegram I Facebook I YouTube I Instagram

"80 бензин ишлаб чиқариш ва сотишни тақиқлаш учун энг қулай вақт бугун, эртага ёки шу ҳафта" – иқтисодчи

Ўзбекистонда атроф-муҳитга зарар етказувчи ва автомобиллар учун ҳам самарасиз бўлган 80 маркали бензин ҳануз оммабоп ёқилғи сифатида ишлатилмоқда. Дунёнинг кўплаб давлатлари, ҳатто яқин қўшнимиз Афғонистон ҳам бу турдаги ёқилғини тақиқлаган бўлса-да, мамлакатимизда унинг ишлаб чиқарилиши ва сотилиши ҳали ҳам юқори улушни ташкил этмоқда. Бу ҳолат жамиятда экологик хавф, иқтисодий самарадорлик ва бозордаги адолатли рақобат борасида жиддий саволлар туғдираётганини кўрсатади.

Иқтисодчи Отабек Бакиров ушбу масала юзасидан таҳлилий фикр-мулоҳазалари билан чиқиш қилди. Унинг таъкидлашича, сўнгги йилларда давлат раҳбари 80 бензинни тақиқлаш бўйича бир неча бор аниқ топшириқлар берган бўлса-да, бу вазифалар амалда бажарилмаяпти.

Бакировга кўра, йил давомида юқори октанли, рақобатбардош ва арзон бензин таклифини кенгайтириш бўйича ҳеч қандай тайёргарлик кўрилмайди. Кузга бориб эса сунъий танқислик яратилиб, "80 шиптирни тақиқласак, ёқилғисиз қоламиз" деган шантаж характеридаги муносабат шакллантирилади. Натижада масала яна кейинги йилга қолади.

Иқтисодчи фикрича, агар 80 маркали бензинни бирданига тақиқлаш амалга оширилса, бозорда очиқ рақобатга йўл очилади. Монополистлар эса янги иштирокчиларни киритиш, темир йўл ва омбор инфратузилмасидаги коррупцион тўсиқларни бартараф этишга мажбур бўлади.

Бакировнинг таъкидлашича, бу қарорни чўзавериш эмас, айнан ҳозир — бугун, эртага ёки шу ҳафта қабул қилиш учун энг қулай фурсатдир. Акс ҳолда, энергетик шантаж воситасига айланган куз-қиш мавсумида яна бир бор бу масала орқа планга сурилиши эҳтимоли катта.

Telegram I Facebook I YouTube I Instagram

Тилларда достон "Нодир Худо"

Нодир Худо номи билан танилган Нодир Тўрақулов 2018 йилнинг бошларида, президент Шавкат Мирзиёев Сурхондарё вилоятининг Қизириқ туманида фаоллар билан учрашув вақтида Миллий хавфсизлик хизматининг вилоят бошқармаларидаги ходимлари кескин танқид қилинганидан кейин қамоққа олинган бўлиб, 2018 йилнинг октябрида 16 йил муддатга озодликдан маҳрум этилиб, 81 млн сўм миқдорида жаримага тортилган эди.

Кейинчалик у Жиноят кодексининг 10 дан ортиқ моддаси бўйича айбланган. Тўрақулов устидан одам ўғирлаш, қотиллик, қийноққа солиш сингари яна ўнга яқин модда билан жиноят иши очилган.

Жорий йилнинг февраль ойида Собиқ махфий хизмат терговчиси қамоқхонадаги ишлаб чиқариш корхонасида эҳтиётсизлик оқибатида тўрт бармоғидан айрилгани ҳақида маълумот берилганди.

Энди бўлса, Тўрақулов томонидан Департамент инспектори 56 кун асоссиз ҳибсда сақлангани ҳақида хабарлар тарқалди. Бу ҳақда суд ҳужжаттида келтирилган.

Telegram I Facebook I YouTube I Instagram

Кўкдаладаги газ заправкада ёнғин содир бўлди — 4 киши ҳалок бўлди

16 июль куни соат 14:40 да Қашқадарё вилояти Кўкдала туманидаги “Олтиндала” маҳалласида жойлашган аҳолига газ тўлдириш станциясида ёқилғи сақлаш резервуарида чақнаш содир бўлиб, ёнғин келиб чиққан.

4 та ёнғин-қутқарув экипажи 5 дақиқа ичида етиб бориб, ёнғинни соат 15:00 да ўраб олди ва 15:35 да тўлиқ ўчирилди.

Ҳодиса оқибатида 4 нафар фуқаро вафот этди.

Воқеа жойига ФВБ, ИИБ, ССБ, прокуратура ҳамда Республика шошилинч тиббий ёрдам маркази мутахассислари етиб бориб, тегишли ишлар олиб бормоқда.

Тергов ҳаракатлари бошланган.

Telegram I Facebook I YouTube I Instagram