Фарғонада Қирғизистондан олиб кирилган 14 700 дона кучли таъсир қилувчи дори воситалари мусодара қилинди

Давлат хавфсизлик хизмати ходимлари божхона органлари билан ҳамкорликда Фарғона вилоятида кучли таъсир қилувчи дори воситаларининг ноқонуний айланмасига қарши бир қатор тезкор тадбирлар ўтказди.

Қўқон шаҳрида 1983 ва 1993 йилларда туғилган, олдин судланган икки фуқаро Қирғизистондан 8 000 дона “Зардекс” дори воситасини олиб келиб, ижарадаги уйда сақлаётган пайтда ушланган.

Яна бир ҳолатда, маҳаллий адвокат ва унинг шериклари 4 400 дона “Регапен” дори воситасини 180 млн сўмга сотган вақтда ашёвий далиллар билан қўлга олинди.

Учкўприк туманида тўхтатилган машиналардан 100 дона “Тропикамид” ва 559 дона “Регапен”, яна бир ҳолатда эса 1 400 дона “Регапен” ва 250 дона “Тропикамид” дори воситалари топилди.

Барча ҳолатларда дори воситалари Қирғиз Республикасидан олиб кирилган. Ушбу жиноят иши бўйича бир неча шахсларга нисбатан қамоқ эҳтиёт чораси қўлланилиб, тергов ҳаракатлари олиб борилмоқда.

Telegram I Facebook I YouTube I Instagram

Тахтақорача довонида пулли туннел қурилади

Унинг узунлиги 7 километр бўлади ва қурилиш давлат-хусусий шерикчилиги асосида амалга оширилади.

Самарқанд ва Қашқадарё вилоятлари орасидаги Тахтақорача довонида пулли туннел қурилади. Бу ҳақда транспорт вазири Илҳом Маҳкамов парламент йиғилишида маълум қилди.

Унинг сўзларига кўра, туннел узунлиги 7 километр бўлади ва қурилиш давлат-хусусий шерикчилиги асосида амалга оширилади.

«Туннел қуришга талабгорларда техник-иқтисодий асосларини тақдим қилиш масаласи қолди. Август ойида учта талабгордан бири ғолиб деб топилади ва у билан туннел қуриш ишлари бошланади. Мукаммал ишлаб чиқилаётган лойиҳавий ишларни бу йил битказиб, талабгорни аниқлаб, у билан шартнома тузамиз», деди вазир.

Тахтақорачада туннел қуриш бўйича президент Шавкат Мирзиёев 2019 йилда топшириқ берган эди. 2023 йил июлдаги йиғилишда у лойиҳа ҳамон йўқлигини танқид қилди. Шу йил октябр ойида Қашқадарё вилоятидаги йиғилишда туннел қуриш ишларини тезлаштириш бўйича топшириқ берди.

Telegram I Facebook I YouTube I Instagram

Тошкент пропискаси бекор қилинади: бутун мамлакат бўйлаб ягона рўйхатдан ўтиш тартиби жорий этилади

2025 йил 12 октябрдан бошлаб, Тошкент шаҳри ва Тошкент вилоятида доимий яшаш жойи бўйича рўйхатга олиниши лозим бўлган фуқаролар тоифалари ҳақидаги амалдаги қонун ўз кучини йўқотади. Унинг ўрнини Президент томонидан 2024 йил 10 июлда имзоланган янги қонун эгаллайди.

Янги қонунга мувофиқ, Ўзбекистоннинг барча ҳудудида яшаш ёки турган жой бўйича рўйхатдан ўтиш фуқаролар томонидан давлатни хабардор қилиш шаклида амалга оширилади. Яъни, рўйхатдан ўтиш учун давлатдан алоҳида рухсат олиш талаб этилмайди.

Фуқаролар яшаш жойини ўзгартирган тақдирда, янги манзилга кўчиб келган кундан бошлаб 10 иш куни ичида ички ишлар органларининг миграция бўлими, Давлат хизматлари маркази ёки ЯИДХП орқали онлайн тарзда рўйхатдан ўтишлари шарт.

Янги тартибда бир қатор енгилликлар ҳам назарда тутилган. Жумладан:

Агар ижара шартномаси мавжуд бўлса, мулкдорнинг розилиги талаб этилмайди;

Болаларни ота-онаси ёки улардан бири яшайдиган жойга рўйхатдан ўтказиш учун ҳам мулкдорнинг аризаси шарт эмас.

Ариза кўриб чиқиш муддати 1 иш кунидан ошмаслиги керак. Рўйхатдан ўтган шахсга электрон ёки қоғоз шаклида маълумотнома тақдим этилади.

Шунингдек, рўйхатдан ўтишда уй-жой майдонининг ижтимоий нормасига амал қилиниши зарур.

Telegram I Facebook I YouTube I Instagram

Ўзбекистоннинг ташқи қарзи 70 млрд долларга яқинлашди

Марказий банкнинг 2025 йил биринчи чораги якунлари бўйича тақдим этган маълумотларига кўра, Ўзбекистоннинг умумий ташқи қарзи 68,4 млрд АҚШ долларини ташкил этди.

Шундан:

давлат ташқи қарзи — 35,8 млрд доллар;

корпоратив (хусусий сектор) ташқи қарзи — 32,6 млрд доллар.


Йил бошидан бери умумий ташқи қарз 4,3 млрд долларга кўпайган. Бу ўсишнинг 1,9 млрд доллари давлат қарзи, 2,4 млрд доллари эса корпоратив қарз ҳисобига тўғри келади.

Қайд этилишича, 2025 йилнинг биринчи чораги давомида халқаро пул ўтказмалар ҳажмининг ортиши натижасида бирламчи ва иккиламчи даромадлар баланси мос равишда 148,9 млн доллар ва 2,2 млрд доллар ижобий сальдо билан шаклланган.

Шу билан бирга, жорий операциялар ҳисоби 160,7 млн доллар миқдорида манфий сальдо билан якунланган. Солиштириш учун, 2024 йилнинг шу даврида мазкур кўрсаткич 2,1 млрд доллар манфий сальдони ташкил этган эди.

Савдо балансидаги манфий сальдо ўтган йилнинг шу даврига нисбатан 34 фоизга камайиб, 2,6 млрд долларни ташкил этди. Бу экспорт ҳажмининг кескин ўсиши ва импорт ҳажмининг деярли ўзгармасдан қолиши билан изоҳланади.

Жумладан:

жами экспорт ҳажми 22 фоизга ортиб, 8 млрд долларга етган;

жами импорт ҳажми эса 10,5 млрд доллар атрофида қолган.

Telegram I Facebook I YouTube I Instagram

"Абитуриентларни пора эвазига ўқишга киритишга уринишлар кескин қораланади" – вазир

Июль ойида Тошкент ва Фарғона ҳудудларида айрим фуқаролар, хусусан, таълим тизими ходимлари томонидан абитуриентларни пора эвазига олий таълим муассасаларига ноқонуний равишда киритишга уриниш ҳолатлари аниқланди. Мазкур шахслар ҳуқуқни муҳофаза қилувчи органлар томонидан қўлга олинди.

Олий таълим, фан ва инновациялар вазири Қўнғиротбой Шарипов ушбу ҳолатларга нисбатан кескин муносабат билдириб, қуйидагиларни таъкидлади:

«Бундай ноқонуний уринишлар мутлақо кечирилмас ва қораловга лойиқ. Улар бутун олий таълим тизимига доғ туширади. Вазирлик коррупцияга қарши муросасиз кураш тарафдори сифатида бу каби ҳолатларга мутлақо тоқат қилмайди. Айниқса, бундай ҳаракатлар давлат раҳбари томонидан устувор йўналиш сифатида белгиланган ҳалоллик ва адолат тамойилларига зид бўлиб, жамиятда ишончсизликни кучайтиради».

Вазир соҳа вакиллари, айниқса ўқитувчиларга мурожаат қилиб шундай деди:

«Ҳурматли ўқитувчилар! Сизлардан жамият билим ва тарбия кутяпти, жиноят эмас. Ҳар бир педагог бу муқаддас касб ортида инсон тақдири, юрт келажаги турганини чуқур ҳис қилиши керак».

Вазир таъкидлашича, ҳар бир раҳбар ва ходим шахсий масъулиятни ҳис қилган ҳолда, фақат қонун доирасида фаолият юритиши шарт.

«Барча абитуриентларга қатъий билдириб қўяман: ҳеч ким сизларни пора эвазига олийгоҳга киритиш ҳуқуқига эга эмас! Сиз фақат ўз билимингиз орқали, адолатли танлов асосида талаба бўлишингиз мумкин»,

– деди Қ. Шарипов.

Олий таълим, фан ва инновациялар вазирлиги барча таълим муассасаларида очиқлик, шаффофлик ва адолатли рақобат муҳитини мустаҳкамлаш бўйича иш олиб бормоқда.

❗️Қонунни бузганлар қонун олдида жавоб беради ва уларга муқаррар жазо қўлланади.

Telegram I Facebook I YouTube I Instagram

“Сангардак” санаторийси ҳақида махсус кўрсатув – бугун эфирда

Бугун, 13 июль, якшанба куни соат 18:30 да “Дунё бўйлаб” телеканалида “Сангардак” санаторийсига бағишланган махсус кўрсатув намойиш этилади.

Маълумот учун, Сангардак санаторийси Сурхондарё вилояти, Сариосиё туманида жойлашган бўлиб, у касаба уюшмалари тизимида фаолият юритади. Табиий гўзалликка бой бу масканда фуқароларнинг соғлиғини тиклаш ва дам олиш учун барча шарт-шароитлар яратилган.

Кўрсатувда санаторийнинг имкониятлари, табиий даво усуллари ҳақида батафсил маълумот оласиз. Эфирни ўтказиб юборманг.

Telegram I Facebook I YouTube I Instagram

Эртага - 14 июлдан ОТМларга кириш имтиҳонлари бошланади

Тест синовлари ҳар куни 2 сменада ташкил этилади. 1-смена соат 08:00 да, 2-смена 15:00 да бошланади. Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади.

Паспорт (ID-карта) ва абитуриент рухсатномаси — тестга киришда талаб этилади.

Telegram I Facebook I YouTube I Instagram

Ўқув маркази очмоқчи бўлган ёшларга фоизсиз қарз берилади

1 августдан Ўзбекистоннинг олис ва чекка ҳудудларида хорижий тиллар бўйича ўқув маркази очмоқчи бўлган ёшларга 131,8 млн сўм миқдорида фоизсиз қарз берилади.

Талаблар:
➖ камида C1 даражадаги тил сертификати (2 йилдан ошмаган бўлиши керак);
➖ йиллик ўқувчиларнинг 20% “Ёшлар дафтари”дагилардан бўлиши шарт;
➖ қарз муддати – 3 йилгача, 6 ой имтиёзли;
➖ якка тадбиркорлар ва ёшларга тегишли юридик шахслар олиши мумкин.

Telegram I Facebook I YouTube I Instagram

Фарғонада ҳайдовчи танишини қасддан уриб юборди — жабрланувчи шифохонада вафот этди

Фарғона шаҳрида ҳайдовчи таниш шахс билан жанжалдан сўнг уни автомобилда уриб юборгани тасвирланган видеолар тарқалди. Бош прокуратура ушбу ҳолат юзасидан расмий маълумот берди.

Маълумотларга кўра, жорий йил 10 июль куни фуқаро Ф.З. Фарғона шаҳар “Ўзбекистон овози” кўчасида таниши М.А. билан ўзаро тортишиб, жанжаллашган. Жанжалдан сўнг у ўзининг “Lacetti” русумли автомобилида М.А.ни қасддан уриб юборган. Оқибатда жабрланувчи оғир тан жароҳати олган ва шифохонага ётқизилганига қарамасдан вафот этган.

Аввалроқ ушбу иш бўйича Жиноят кодексининг 104-моддаси (Қасддан баданга оғир шикаст етказиш) билан жиноят иши қўзғатилган эди. Аммо кейинчалик прокуратура назорати остидаги ўрганишлар давомида айбланувчининг хатти-ҳаракатларида Жиноят кодексининг 97-моддаси (Қасддан одам ўлдириш) аломатлари мавжудлиги аниқланди. Шу сабабли иш қайта малакаланган.

Айни пайтда тергов ҳаракатлари прокуратура томонидан давом эттирилмоқда.

Telegram I Facebook I YouTube I Instagram

⚡️Ён қўшни, жон қўшни: Анвар Абдуқаюм қурган баланд иморатга ким рухсат берган?

Тадбиркор Анвар Абдуқаюм Тошкент шаҳрининг Учтепа туманидаги Дегрез 4-тор кўчасида қўшнисига кўп қаватли иморат қурган, бунинг оқибатида ён қўшниси М.Касимов узоқ пайтдан бери жабр кўрмоқда.

Ҳолат ижтимоий тармоқларда ёритилгандан сўнг ҳар икки томон ҳақида турли фикрлар янграмоқда, хусусан айримлар тадбиркорнинг қурилиши қўшнисига чиндан ҳам жабр бўлаётганини айтса, бошқалар қўшни бахллик қилаётганини таъкидлашмоқда.

Йўқ, бу ҳолатда қўшни томонидан А.Абдуқаюмга ичи қоралик қилинмаяпти, ушбу жараёнда қонуний нуқтаи назардан дарҳақиқат ШНҚ бузилган, Тошкент шаҳар қурилиш ва уй-жой коммунал хўжалиги бош бошқармаси Учтепа туман бўлими бошлиғи Бойбўсинов шубҳали тарзда қурилиш лойиҳасини амалга ошириш учун рухсат берган.

Қўшни эса ушбу вазиятда «қўшничилик ришталари бузилмасин» дея Анвар Абдуқаюмни эмас балки унинг қурилишига рухсат берган идорани жавобгар сифатида кўрсатиб, судга берган.

Ҳолат юзасидан айни кунларда суд жараёнлари бўлиб ўтяпти, иш Олий судда тафтиш тартибида кўрилмоқда. Қурилиш вазирлиги мазкур қурилиш объекти бўйича қўшниларнинг розилик хати олинмаганини билдирган. Бойбўсинов эса вазирлик мутахассисининг Олий суд ва Бош прокуратурага киритган маълумотномаси билан келишмаяпти. Бу ўта кулгили…

9 июль куни бўлиб ўтган суд мажлисида Бойбўсинов судья ва Бош прокуратура ходимининг айрим саволларига тушунарсиз жавоб берди, шу сабабдан 14 июль куни бўлиб ўтадиган судга Қурилиш вазирлигидан мутахассис ва шахсан Бойбўсиновнинг ўзи чақиртирилди.

Олий суднинг Маъмурий ишлар бўйича судьяси Дилмурод Каримов раислигида мазкур ишни кўриб чиқиш давом эттирилмоқда ва судья суд мажлисида оммавий ахборот воситаларининг иштироки бўйича киритилган илтимосномани қисман қаноатлантирган.

Хусусан, Effect.uz мухбирлари томонидан суд мажлиси аудио ёзув орқали ёзиб олинмоқда. Effect.uz воқеалар ривожини ёритиб боради.

Telegram I Facebook I YouTube I Instagram

Askiya City'дан жабр чеккан фуқаролар ДХХга мурожаат йўллаши ортидан МЧЖ мансабдорларига нисбатан жиноят иши қўзғатилди

Тошкент шаҳри Яккасарой туманидаги Askiya City турар жой мажмуаси қурилиш ишлари «қотиб қолиши» ортидан кўплаб фуқаролар норози бўлишмоқда. Шу сабабдан қурилишдан уй сотиб олган харидорлар жамоавий равишда Давлат хавфсизлик хизматига мурожаат йўллаган.

Аниқланишича «Insoft Invest» МЧЖ мансабдор шахслари томонидан харидорлар билан тузилган шартнома шартлари вақтида бажарилмаган, бу эса фуқароларнинг ҳуқуқларини чеклашдан бошқа нарса эмас ҳамда қурилиш компаниясининг яна бир ёлғон ваъдаси ҳисобланади.

Шунга кўра, Яккасарой туман ИИО ФМБ ҳузуридаги тергов бўлими томонидан 23 апрель куни «Insoft Invest» МЧЖ мансабдор шахслари ва бошқаларга нисбатан жиноят кодексининг 168-моддаси 4-қисми (жуда кўп миқдорда фирибгарлик) «а» банди билан жиноят иши очилган. Ҳозирги кунда дастлабки тергов ҳаракатлари ўтказилмоқда.

Effect.uz’га маълум бўлишича, тергов органига мурожаат билан чиққан фуқаролар жабрланувчи сифатида эътироф этилиб, фуқаровий даъвогар ҳисобида рўйхатдан ўтказиляпти. Маълумот ўрнида, «Insoft Invest» МЧЖ директори ҳам таъсисчиси Азизбек Очилов бўлиб, 2017 йилда давлат рўйхатидан ўтказилган жамиятга бошқа шахсларнинг ҳам норасмий таъсири борлиги айтилади.

Telegram I Facebook I YouTube I Instagram

Ургутда сифатсиз қурилиш ишлари фош этилди

Самарқанд вилояти Ургут туманида олиб борилган инспекция назорати натижасида бир қатор қурилиш объектларида сифат талабларига жавоб бермайдиган ишлар аниқланди.

Текширув давомида айрим иншоотларда қурилиш нормалари ва меъёрлари бузилгани маълум бўлди. Шу сабабли, белгиланган тартибда уларни бузиш бўйича қарор қабул қилинди.

Мазкур ҳолат бўйича масъул шахсларга нисбатан ҳуқуқий чоралар кўрилмоқда. Назорат ишлари давом эттирилмоқда.

Telegram I Facebook I YouTube I Instagram

Сентябрдан бошлаб хорижий тил сертификати йўқ чет тили ўқитувчилари ишдан бўшатилиши мумкин

Вазирлар Маҳкамасининг 2021 йил 19 майдаги қарори билан, 2024/2025-ўқув йилидан бошлаб барча хорижий тиллар ўқитувчилари камида B2 сертификатига эга бўлиши шартлиги белгилаб қўйилган эди.

Аммо педагоглар ва жамоатчилик вакилларининг мурожаатлари сабабли қарор ижроси бир йилга узайтирилган. Яъни 2025/2026-ўқув йилидан бошлаб кучга киради.

Ушбу талаб барча умумий-ўрта, ўрта-махсус ва профессионал таълим муассасалари учун амал қилади. Бунда фақатгина инглиз тили эмас, балки барча хорижий тиллар қамраб олинади (2-хорижий тил устозлари мустасно).

Мактабгача ва мактаб таълими вазирлиги янги талаб ҳақида педагогларга бир неча марта расмий эслатмалар берган. Ҳудудларда тушунтириш ишлари ҳам олиб борилган.

Telegram I Facebook I YouTube I Instagram

Зеленский ҳарбийлар билан йиғилишда Россияга қарши янги узоқ масофали зарбалар режалаштирилаётганини эълон қилди

Унинг сўзларига кўра, Украина Қуролли кучлари “урушни Россия ҳудудига кўчириш учун барча чораларни кўради.

"Россия ҳудудига янги узоқ масофали зарбаларимизни тайёрлаяпмиз. Россия армияси бу ёзда қўмондонлиги кутган даражадан анча орқада қолди. Душман ҳужумни ривожлантиришга уриняпти, лекин ҳар бир бундай уриниш бўлинмаларимизнинг қатъияти ва фаол мудофааси эвазига бостирилмоқда",

— деди Украина президенти учрашувда.

Telegram I Facebook I YouTube I Instagram

Bitcoin нархи рекорд даражада — $122 000 га яқинлашди

Маълумотларига кўра, 1 Bitcoin нархи $121 214 га етди.

Бу криптовалюта тарихи учун янги рекорд ҳисобланади.

Эслатиб ўтамиз, апрел ойида АҚШ ва Хитой ўртасидаги божлар ортидан нарх $76 000 гача тушиб кетган эди.

Telegram I Facebook I YouTube I Instagram