Ўзбекистонда уруғлик сифати баҳоланишида янги рақамли тизим жорий этилади

Ўзбекистон Республикаси президентининг 2025 йил 7 июлдаги ПФ-109-сонли фармонига мувофиқ, қишлоқ хўжалиги экинлари уруғликларининг сифати баҳоланишида янги шффоф ва рақамли тизим йўлга қўйилади.

Янги тизимга кўра, ҳар бир уруғлик қадоқлари махсус QR-кодли ёрлиқлар билан таъминланади. Ушбу QR код орқали:

🔷уруғлик навининг тавсифномаси;

🔷навдорлик ва экишга яроқлилик хусусиятлари;

🔷ишлаб чиқарувчи ҳақидаги маълумотлар онлайн тарзда бир зумда кўриш имкони яратилади.

“Қишлоқ хўжалиги маҳсулотлари сифати баҳолаш маркази” мазкур тизим доирасида Ўзбекистонда ягона ваколатли ташкилот этиб белгиланди.

Баҳолаш икки босқичда амалга оширилади:

1. Навдорлик сифатларини баҳолаш;

2. Экинбоплик сифатларини баҳолаш.

Эндиликда фермер ва деҳқон хўжаликлари, томорқа ер эгалари сифати кафолатланган, QR-кодли уруғликлардан фойдаланиш имконига эга бўлади.

Шунингдек, агрохизмат.uz расмий сайти орқали:

🔷маҳаллий ва хорижий уруғлик ишлаб чиқарувчилар реестри;

🔷уруғликлар сифат баҳоси натижалари ва рейтинглари билан танишиш имкони яратилади.

Янгиланган тизим ISTA ва OECD халқаро талаблари асосида янгиланган норматив ҳужжатларга таянади.

Натижада, экспортбоп ва юқори сифатли қишлоқ хўжалиги маҳсулотларини етиштириш кенгайтирилади, озиқ-овқат хавфсизлиги таъминланади.

Telegram I Facebook I YouTube I Instagram

Мустақиллигимизнинг 34 йиллиги юксак савияда нишонланади

“Ўзбекистон Республикаси давлат мустақиллигининг ўттиз тўрт йиллик байрамига тайёргарлик кўриш ва уни ўтказиш тўғрисида”ги президент қарори қабул қилинди.

Қарорга кўра, миллий истиқлолимизнинг 34 йиллик шонли санаси Янги Ўзбекистоннинг тараққиёт даражаси, жаҳон майдонидаги обрў-эътиборига ҳар томонлама муносиб тарзда, юксак савияда нишонланади.

Мустақилликнинг 34 йиллигига бағишланган байрам тадбирлари “Ватан учун, миллат учун, халқ учун!” деган эзгу ғояни ўзида мужассам этган ҳолда ўтказилади.

Мустақиллик байрами Қорақалпоғистон Республикаси, вилоятлар марказлари ва Тошкент шаҳрида, шунингдек, барча шаҳар ҳамда туманлар, қишлоқ ва овулларда муносиб нишонланиши таъминланади.

“Она диёр – ранглар жилосида”, “Ватан учун яшайлик!”, “Энг улуғ, энг азиз” каби анъанавий кўрик-танловлар юқори даражада ўтказилади.

Telegram I Facebook I YouTube I Instagram

Сеул суди собиқ президент Юн Сок Ёлни қайта ҳибсга олишга қарор қилди

Жанубий Корея махсус прокуратураси томонидан олиб борилаётган тергов доирасида Сеул суди мамлакатнинг собиқ президенти Юн Сок Ёлни ҳибсга олиш бўйича ордерни маъқуллади. Бу ҳақда Ёнҳап агентлиги хабар берди.

Маълумотларга кўра, Юн Сок Ёлга нисбатан бешта жиддий айблов қўйилган. Улар орасида ҳарбий ҳолат жорий этилишидан аввал Вазирлар Маҳкамаси аъзоларининг ҳуқуқлари бузилгани, расмий ҳужжатларни сохталаштириш ҳамда ҳарбий ҳолат тўғрисида ёлғон ахборот тарқатиш ҳолатлари қайд этилган. Ҳимоя тарафи ушбу айбловларни асоссиз деб ҳисобламоқда.

Суд ордерни маъқуллар экан, собиқ давлат раҳбари терговга оид далилларни йўқ қилиши мумкинлигини асос сифатида келтирган. Айни пайтда Юн Сок Ёл Сеулдаги қамоқхонага жойлаштирилган ва суднинг кейинги қарорини кутмоқда.

Эслатиб ўтамиз, 2024 йил декабрида Юн Сок Ёл мамлакатда ҳарбий ҳолат жорий этганидан сўнг унга нисбатан импичмент эълон қилинган ва 2025 йил январ ойида ҳибсга олинган эди. Март ойида у ҳибсдан озод қилинган бўлса-да, исён ташкил этиш билан боғлиқ жиноят иши ҳануз кўриб чиқилмоқда.

Telegram I Facebook I YouTube I Instagram

Президент билан очиқ мулоқот арафасида қишлоқ хўжалиги тадбиркорлари билан учрашув бўлиб ўтмоқда

Айни пайтда Қорақалпоғистон, Фарғона, Андижон, Хоразм ва бошқа вилоятлардаги фаол қишлоқ хўжалиги тадбиркорлари иштирокида Президент билан очиқ мулоқот арафасида учрашув ўтказилмоқда.

Савдо-саноат палатаси, Бизнес-омбудсман, Қишлоқ хўжалиги вазирлиги ва бошқа тегишли идоралар, тижорат банклари тадбиркорларнинг муаммо ва таклифларини тингламоқда.

Соҳадаги амалий муаммо ва тўсиқлар бевосита масъуллар томонидан эшитилиб, уларга ечим топиш бўйича ишлар олиб борилади.

Мазкур мулоқотни жонли эфир орқали кузатиш мумкин.

Telegram I Facebook I YouTube I Instagram

Магистратурага ҳужжат топшириш давом этмоқда – 6 мингдан ортиқ ариза келиб тушди

Магистратура йўналишлари учун аризалар қабул қилиниши давом этмоқда. Ҳозирга қадар 6 270 нафар талабгор my.edu.uz сайти орқали ҳужжат топширган. Қабул 30 июль куни ҳам ўз якунига етади.

Ариза топшириш учун талаб этиладиган ҳужжатлар:

Бакалавр дипломи;

Чет тилини билиш сертификати.

Бироқ, қуйидаги тоифалардан чет тили бўйича сертификат талаб этилмайди:

Мос йўналиш бўйича ютуқларга эга бўлганлар;

Кўриш, эшитиш ёки нутқида нуқсони бўлган ногиронлиги мавжуд шахслар.

Эслатиб ўтамиз, ҳужжатлар фақат my.edu.uz сайти орқали қабул қилинади.

Telegram I Facebook I YouTube I Instagram

Улуғбек Рашидов антидопинг қоидаларини бузгани учун икки йилга мусобақалардан четлатилди

Ўзбекистон таэквондо жамоасининг етакчи аъзоси, икки карра Олимпиада чемпиони Улуғбек Рашидов антидопинг талабларини бузгани сабабли 2027 йил 12 майгача спорт мусобақаларида иштирок этиш ҳуқуқидан маҳрум этилди. Бу ҳақда Халқаро допинг тестдан ўтказиш агентлиги (ITA) маълум қилди.

ТА маълумотига кўра, 23 ёшли спортчи 12 ой ичида уч марта ўз жойлашуви ҳақида маълумот бермаган. Бу ҳолат антидопинг қоидаларини бузиш сифатида баҳоланади, чунки бу спортчиларни олдиндан огоҳлантирмасдан текшириш имкониятини чеклайди.

Рашидов ўзининг хатти-ҳаракатларига эътироз билдирмаган ва ITA таклиф этган жавобгарлик чораларини қабул қилган. Шунинг учун иш «оқибатларни қабул қилиш» тартибида якунланган.

Дисквалификация 2025 йил 13 майдан бошланиб, 2027 йил 12 майгача амал қилади. Шунингдек, 2025 йил 3 февралдан бошлаб 13 майгача бўлган даврдаги барча натижалари бекор қилинади.

Маълумот учун, Рашидов Рўйхатдан ўтган тест дастури (RTP) аъзоси бўлиб, у ҳар куни ўз жойлашуви ҳақида маълумот бериши ва 60 дақиқалик тест учун вақт ажратиши талаб этилган. Бу талаблар спортчиларни тасодифий текшириш орқали допингдан холи эканини кафолатлашга қаратилган.

Қарор устидан Спорт арбитраж судига (CAS) шикоят бериш мумкин.

Telegram I Facebook I YouTube I Instagram

Самарқандда бурун операциясидан сўнг 16 ёшли қиз вафот этди

Самарқандга хориждан ёзги таътилга келган 16 ёшли мактаб ўқувчиси бурунга ўтказилган жарроҳлик амалиётидан сўнг вилоят марказий шифохонасида вафот этди. Бу ҳақда «Миллий» телеканали орқали хабар берилди.

Маълумотларга кўра, 1 июль куни у бўғилиб нафас олаётгани учун бувиси билан шифохонага мурожаат қилган. Текширувдан сўнг, шифокорлар унга операция зарурлигини айтган.

«Қизимни учта шифокор кўрди. Ҳаммаси операция қилиш керак деди. Бурнида муаммо бор, сал қийшиқ экан. Соат 11 да операцияга олиб киришди. Бир неча соат кутиб турдим, лекин ҳушига келмади. Кейинчалик шифокорлар аппарат билан шошилинч равишда кириб кетишди»,

дейди марҳуманинг бувиси.

Шифохона маълумотига кўра, операциядан кейин беморнинг аҳволи кескин ёмонлашган ва шундан сўнг вафот этган. Марҳума яқинлари шифокорлар ҳаракатларидан норози бўлиб, ҳодисада уларни айбламоқда.

Ҳозирда вилоят прокуратураси томонидан суд-тиббий экспертиза тайинланган ва терговгача текширув ишлари олиб борилмоқда.

Қайд этиш жоизки, бу каби операциялар давомида содир бўлган ўлим ҳолати аввал ҳам қайд этилган. Хусусан, Фарғона шаҳрида жойлашган хусусий клиникада 33 ёшли прокуратура ходими бурнини операция қилдирганидан сўнг вафот этган эди. У ҳам шифохонага ўз оёғи билан кириб, амалиётдан қайтиб чиқмаган.

Telegram I Facebook I YouTube I Instagram

Биткоин яна рекорд янгилади — 116 минг доллардан ошди

Сўнгги савдолар натижасида биткоин нархи 4,5% га ошиб, 116 минг доллар чегарасини босиб ўтди ва навбатдаги рекордни ўрнатди.

Кеча ҳам криптовалюта 113 минг доллардан юқори савдо қилинган эди.

Инвесторлар томонидан катта талаб ва бозордаги юқори фаоллик биткоиннинг нархини янги баландликларга етказмоқда.

Telegram I Facebook I YouTube I Instagram

Академик лицейларга 49 мингдан ортиқ, техникумларга 134 мингдан зиёд ариза қабул қилинди

2024/2025-ўқув йили учун академик лицейларга қабул жараёнида фаоллик юқори — бугунги кунгача 49 мингдан ортиқ абитуриентдан ариза келиб тушган.

Шу билан бирга, 9-синф битирувчилари учун техникумларга ҳужжат топшириш жараёни ҳам қизғин кечмоқда. Ҳозиргача 134 568 нафар абитуриент ариза топширган. Қабул 20 июлгача (шу куни ҳам) давом этади.

Техникумни муваффақиятли якунлаганлар учун олий таълим муассасаларига суҳбат асосида қабул бўйича ҳозиргача 1 370 та ариза қабул қилинди. Бу жараён 25 июлгача давом этади.

Шунингдек, магистратурага қабул ҳам давом этмоқда — жами 6 373 та ариза келиб тушган. Қабул 30 июлгача (шу куни ҳам) амалга оширилади.

Иккинчи мутахассислик бўйича аризалар қабул қилиш жараёни кеча тунда бошланди ва ҳозиргача 2 070 та ариза келиб тушган. Қабул 10 августгача (шу куни ҳам) давом этади.

Таълимни бир олийгоҳдан бошқасига кўчириш учун аризалар эса 15 июлдан 5 августгача қабул қилинади.

Telegram I Facebook I YouTube I Instagram

Фуқаролар ва фуқаролиги бўлмаган шахсларни яшаш жойи бўйича рўйхатдан ўтказиш тартиби белгиланди

“Ўзбекистон Республикаси фуқароларини, чет эл фуқароларини ҳамда фуқаролиги бўлмаган шахсларни яшаш жойи ва турган жойи бўйича рўйхатдан ўтказиш тўғрисида”ги қонун қабул қилинди.

Қонунга кўра, шахсларнинг яшаши учун уй-жой майдонини берувчи турар жой мулкдори ёки уни тасарруф этиш ҳуқуқига эга шахс ушбу шахсларни яшаш жойи ёки турган жойи бўйича ўз вақтида рўйхатдан ўтказиши керак.

Жойлаштириш воситаларида турган шахсларни турган жойи бўйича хабардор қилиш тартибида рўйхатдан ўтказиш масъул ходимлар томонидан “E-mehmon” тизими орқали амалга оширилади.

Ўзбекистоннинг хорижда доимий яшовчи фуқаролари Ўзбекистонга кирган кундан 10 иш кунидан кечиктирмай яшаш жойи ёки турган жойи бўйича рўйхатдан ўтиши шарт.

Ўзбекистон фуқароларини яшаш жойи бўйича рўйхатдан ўтказиш қуйидагиларда амалга оширилади:

▪️ ички ишлар органларининг миграция ва фуқароликни расмийлаштириш бўлинмаларида;
▪️ давлат хизматлари марказларида;
▪️ ЯИДХП (my.gov.uz) орқали.

Яшаш жойи ва турган жой бўйича рўйхатдан ўтказишда уй-жой майдонининг ижтимоий нормасига риоя этиш талаб қилинади.

Telegram I Facebook I YouTube I Instagram

Бухорода сифати кафолатланмаган дори воситалари савдосига чек қўйилди

Давлат хавфсизлик хизмати ва божхона идоралари ҳамкорлигида ўтказилган тезкор тадбирда Бухоро туманида истиқомат қилувчи, 1985 й.т. фуқаронинг яшаш хонадони ҳамда унга алоқадор бўлган автотранспорт воситаси кўздан кечирилганда, “Имудон”, “Церебролизин”, “Дофамин”, “Маалокс” каби жами 78 номдаги 978 қути сифати кафолатланмаган ва тегишли ҳужжатлари бўлмаган дори воситалари борлиги аниқланиб, процессуал тартибда расмийлаштириб олинди.

Олиб борилган терговга қадар текширув давомида, Бухоро шаҳрида яшовчи, 1962 й.т. шахс унинг жиноий шериги эканлиги аниқланди.

💊“Фармацевтика маҳсулотлари хавфсизлиги маркази” ДМ хулосасига кўра ушбу дори воситаларининг 32 номдагиси давлат реестрида қайд этилмаганлиги, 57 номдагисига мувофиқлик сертификатлари расмийлаштирилмаганлиги,
6 номдагиси сифатсизлиги ҳамда 4 номдагиси қалбакилаштирилганлиги, шунингдек, сақлаш шароитларига амал қилинмаганлиги сабабли, уларни мамлакатимизда сотиш, сақлаш ва амалиётида қўллаш тақиқланади.

⚖️Ҳолат юзасидан мазкур фуқароларга нисбатан Жиноят Кодексининг 25,186 прим 3-моддаси 2-қисми “б” банди билан жиноят иши қўзғатилиб, тергов ҳаракатлари олиб борилмоқда.

Таъкидлаш лозимки, агарда ушбу дори воситалари тўхтатиб қолинмаганида, улар Бухоро шаҳри, Шофиркон, Пешку ва Ромитан туманларидаги дорихоналар орқали сотувга чиқиб кетган бўлар эди. Огоҳ бўлинг!

Telegram I Facebook I YouTube I Instagram

1 августдан мактаб ва боғча ходимлари ойликлари 10 фоизга оширилади

Президент фармонига мувофиқ, 2025 йил 1 августдан бошлаб давлат ташкилотларида ишловчи ходимлар учун маошлар 10 фоизга оширилади.

☑️ Умумтаълим мактаблари ва мактабгача таълим муассасаларидаги маош миқдорлари қуйидагича:

🏫 Мактаб раҳбарлари:
📘 Мактаб директори:
◦ 400 нафаргача ўқувчи — 5 166 485 сўм
◦ 401–880 нафар — 5 516 559 сўм
◦ 881–1600 нафар — 5 849 691 сўм
◦ 1600 нафардан ортиқ — 6 187 933 сўм

📘 Директор ўринбосарлари (ўқув ишлари):
◦ 400 ўқувчигача — 4 825 344 сўм
◦ 401–880 ўқувчи — 5 166 485 сўм
◦ 881–1600 ўқувчи — 5 516 559 сўм
◦ 1600дан ортиқ — 5 849 691 сўм

📘 Хўжалик ишлари бўйича ўринбосар:
◦ 400 ўқувчигача — 1 957 858 сўм
◦ 401–880 — 2 233 302 сўм
◦ 881–1600 — 2 322 127 сўм
◦ 1600дан ортиқ — 2 515 091 сўм

👨‍🏫 Мактаб ўқитувчилари:
◦ Ўрта маълумотли — 3 486 585 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

🧠 Мактаб психологлари:
(иккита турдаги маълумотлар бўйича тўлиқ қўшилган)
◦ Ўрта маълумотли — 2 362 464 сўм
◦ Олий маълумотли — 3 390 824 сўм
◦ Иккинчи тоифали — 3 631 163 сўм
◦ Биринчи тоифали — 3 877 630 сўм
◦ Олий тоифали — 4 113 643 сўм

📚 Кутубхона ходимлари:
📘 Кутубхона мудири:
◦ Ўрта маълумотли — 2 349 447 сўм
◦ Олий маълумотли — 2 563 442 сўм

📘 Кутубхоначи:
◦ Ўрта маълумотли — 2 037 317 сўм
◦ Олий маълумотли — 2 144 547 сўм

📘 Кадрлар бўйича менежер: 1 758 372 сўм

👧 Мактабгача таълим муассасалари (МТМ):
📘 Директор:
◦ I гуруҳ — 3 498 965 сўм
◦ II гуруҳ — 3 260 851 сўм
(Изоҳ: 9 ва ундан ортиқ гуруҳли боғчалар — I гуруҳ, 8 ва ундан кам — II гуруҳ)

📘 Тил ўқитувчилари, дефектолог, логопед, МТМ ўқитувчиси:
◦ Ўрта маълумотли — 2 362 464 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 5–7 ёш гуруҳи тайёрлов тарбиячиси:
◦ Ўрта маълумотли — 2 362 464 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 Тарбиячи методист:
◦ Ўрта маълумотли — 2 181 469 сўм
◦ Олий маълумотли — 3 729 906 сўм
◦ Иккинчи тоифали — 4 175 834 сўм
◦ Биринчи тоифали — 4 653 151 сўм
◦ Олий тоифали — 5 142 053 сўм

📘 Мусиқа ходими, хореограф, йўриқчилар:
◦ Ўрта маълумотли — 1 825 935 сўм
◦ Олий маълумотли — 2 007 905 сўм
◦ Иккинчи тоифали — 2 199 263 сўм
◦ Биринчи тоифали — 2 399 789 сўм
◦ Олий тоифали — 2 608 633 сўм

📘 Тарбиячи ёрдамчилари:
◦ Педагогик маълумотли — 1 904 305 сўм
◦ Нопедагогик/умумий маълумотли — 1 586 920 сўм

📝 Қўшимча маълумот: 2025 йил 1 сентябрдан:
▪️Мактаб директорлари маоши яна 20% га ошади
▪️Ўринбосарларнинг маоши 15% га кўтарилади.

☑️ 2026 йил 1 январдан:
KPI (фаолият самарадорлиги) натижасига кўра устама берилади:
▪️ Директор — 20%
▪️ Ўринбосар — 10%

☑️ Боғча директорларининг базавий тариф ставкалари гуруҳларга қараб белгиланади.
▪️ III–IV гуруҳдаги боғча директорлари ставкалари мактаб ўринбосарига тенглаштирилади.

Telegram I Facebook I YouTube I Instagram

Сурхондарёдаги Тўпаланг сув омборида 420 миллион куб метр сув тўпланган

Effect.uz жамоаси Сурхондарё вилоятида жойлашган Тўпаланг сув омборида бўлиб, унинг ҳолати ҳақида маълумот берди.

Маълум қилинишича, сув омборининг умумий узунлиги 22 километрга етади. Омбор 500 миллион куб метргача сув сиғдира олади. Ҳозирги кунда ушбу сув омборида 420 миллион куб метрга яқин сув захираси мавжуд.

Тасвирлардан ҳам кўриниб турибдики, сув омборида сув етарли миқдорда тўпланган. Бу эса сув таъминоти ва қишлоқ хўжалиги эҳтиёжлари учун муҳим аҳамият касб этади.

Telegram I Facebook I YouTube I Instagram

Маъмурий ҳуқуқбузарлик тўғрисидаги ишларни юритишда хусусий айблов институти жорий этилади

Қонун билан Маъмурий жавобгарлик тўғрисидаги кодексга ўзгартириш ва қўшимчалар киритилди.

Қонун билан Кодексга айрим ҳуқуқбузарликлар учун маъмурий жавобгарликни бекор қилишга қаратилган ўзгартиришлар киритилди, жумладан:

🔹 автомат телефонларни шикастлантирганлик;

🔹 рухсатсиз радиоузаткич шохобчаси ўрнатиш ва (ёки) ундан фойдаланганлик.

Шунингдек, айрим белгиланган маъмурий ҳуқуқбузарликлар (хусусан, туҳмат, ҳақорат қилиш ва бошқалар) жабрланувчининг ҳуқуқбузарни жавобгарликка тортиш ҳақидаги аризасига кўра жавобгарликка сабаб бўлиши белгиланди.

Бироқ, жабрланувчи ночор аҳволда бўлганлиги, вояга етмаганлиги ёки бошқа сабабларга кўра ўз ҳуқуқларини ҳимоя қила олмаса, ваколатли органнинг мансабдор шахси жабрланувчининг аризасисиз иш юритишни бошлаши шарт.

Қонун расмий эълон қилинган кундан эътиборан кучга киради.

Telegram I Facebook I YouTube I Instagram