Фарғонада ноқонуний қурилиш ортида қонунбузарликлар яширинми?

EFFECT.UZ таҳририятига Фарғона вилояти Фарғона шаҳри Ифтихор МФЙда истиқомат қилувчи аёлдан мурожаат келиб тушди.

👉 https://effect.uz/6455

👉 Тўлиқ видео

Telegram I Facebook I YouTube I Instagram

Ўзбекистонда нодавлат ОТМларни лицензиялаш учун қўшимча талаблар жорий этилди

Вазирлар Маҳкамасининг 403-сонли қарорига мувофиқ, энди нодавлат ОТМ очмоқчи бўлган талабгор:

➖ таълим ташкилотининг концепциясини (номи, мақоми, бошқаруви, йўналишлари, қабул параметрлари, таълим сифати, тўлов миқдори, 5 йиллик ривожланиш режаси ва бошқалар) тақдим этади;

➖ 2 млн доллар эквивалентидаги устав фондини шакллантиради;

➖ 350 минг доллар маблағни депозитга жойлаштиради;

➖ камида 5 минг кв.м таълим биносига эга бўлиши (ёки 5 йиллик ижара шартномасига эга бўлиши) лозим;

➖ илк 5 йилда йиллик фойданинг 80%, кейинги йилларда камида 50%ни ривожлантиришга йўналтиради.

Қарор расмий эълон қилинган санадан 3 ой ўтгач кучга киради.

Ушбу муддатгача лицензия олганлар 2026 йил 1 январгача фаолиятини янги талабларга мослаштириши шарт.

Telegram I Facebook I YouTube I Instagram

Қўқонда «N1» тунги клуби раҳбарлари қўлга олинди. Улар фуқарога жиддий тан жароҳати етказган

Тунги клуб раҳбарлари Элёр Мадаминов ва Дониёр Мадаминовга нисбатан жиноят кодексининг 104-моддаси 2-қисми «к» банди билан жиноят иши очилган. Улар ЖПКнинг 221-моддаси тартибида ушланган.

Telegram I Facebook I YouTube I Instagram

Мирзиёев: Яқин Шарқда тинчликка эришишнинг ягона йўли — адолатли ҳал қилиш ва дипломатия

Иқтисодий ҳамкорлик ташкилоти (ИҲТ) саммити доирасида президент Шавкат Мирзиёев нутқ сўзлади. Давлат раҳбари ўз чиқишида Эрон ва Исроил ўртасида ўт очишни тўхтатиш бўйича эришилган келишувни қўллаб-қувватлашини таъкидлади.

– Ушбу қарорни минтақадаги кескинликни юмшатиш, хавфсизликни тиклаш йўлидаги муҳим қадам сифатида баҳолаймиз, – деди президент.

Шунингдек, Шавкат Мирзиёев барча зиддиятларни дипломатик ва конструктив музокаралар орқали ҳал этиш зарурлигини қайд этди. У ядровий қуролларни тарқатмаслик ва улардан тийилиш халқаро хавфсизликнинг энг долзарб масалаларидан бири эканини алоҳида таъкидлади.

– Дунё ҳамжамиятини ядро қуролидан холи ҳудудлар географиясини кенгайтиришга чақирамиз, – дея билдирди давлат раҳбари.

Президентнинг сўзларига кўра, Фаластин-Исроил зиддиятини адолатли ҳал қилмасдан туриб, Яқин Шарқда барқарор тинчликка эришиб бўлмайди.

– Биз Ғазо секторида ҳарбий ҳаракатларни тўхтатиш, аҳолига гуманитар ёрдам кўрсатишга ҳеч қандай тўсиқ бўлмаслигини талаб қиламиз. Шунингдек, БМТ резолюцияларига мувофиқ мустақил Фаластин давлатини ташкил этиш тарафдоримиз, – деди Шавкат Мирзиёев.

Telegram I Facebook I YouTube I Instagram

Ўзини ФВВ ходими деб таништирган шахслар аҳолидан пул талаб қилмоқда

Ижтимоий тармоқларда тарқалаётган видеоларда махсус формадаги шахслар ўзини Фавқулодда вазиятлар вазирлиги ходими сифатида таништириб, фуқароларни гўёки ёнғин хавфсизлиги қоидаларини бузганликда айблаб, улардан пул талаб қилаётгани акс этган. Мазкур ҳолатлар бўйича Фавқулодда вазиятлар вазирлиги расмий баёнот бериб, аҳолига мурожаат билан чиқди.

Вазирлик маълум қилишича, видеолардаги шахсларнинг уларга ҳеч қандай алоқаси йўқ.

Фуқароларга шундай ҳолатларга дуч келганда ҳуқуқни муҳофаза қилувчи органларга мурожаат қилиш ёки ФВВнинг (95) 772-10-50 ишонч телефонига хабар бериш тавсия этилмоқда.

Telegram I Facebook I YouTube I Instagram

Бухоро яҳудийлари ташрифи ва туҳматлар соясида қолган ҳоким

Сўнгги кунларда Хатирчи тумани ҳокими Умид Адизов шахси ижтимоий тармоқлар ва оммавий ахборот майдонида шов-шувли муҳокамалар марказига айланди. Мазкур ҳолат юзасидан «Дунё ўзбеклари» сайти раҳбари, таниқли журналист Исмат Хушов журналистик суриштирув ўтказиб, ижтимоий тармоқларда тарқалаётган иддаолар ва воқелик ўртасидаги зиддиятли жиҳатларга эътибор қаратди. Жумладан, ҳоким автомобилда бир аёлни уриб кетгани ва ҳодиса жойидан қочиб кетгани ҳақида турли даъволар илгари сурилди.

Журналистик таҳлил натижасида маълум бўлишича, воқеа содир бўлган, аёлни уриб юбориш ҳолати тасдиқланган. Бироқ ҳоким ҳодиса жойидан қочмаган, балки ўша заҳотиёқ тўхтаб, ёрдам кўрсатган. Энг муҳими, жабрланувчи аёлнинг ҳолати яхши, у оғир тан жароҳати олмаган. Аёлнинг ўзи ҳам бу ҳақда хотиржамлик билан сўзлаб, ҳодиса юзасидан тушунтириш берган.

Шунингдек, баъзи манбаларда ҳокимнинг спиртли ичимлик истеъмол қилгани ёки ҳодиса вақтида маиший муҳитда бўлгани ҳақидаги иддаолар ҳам тарқалди. Журналистик суриштирув давомида бу даъволар ҳам асоссиз экани, ҳоким ҳеч қандай спиртли ичимлик истеъмол қилмагани ва ҳеч қандай маиший йўлга йўл қўймагани аниқланган.

Шу билан бирга, ҳоким номи атрофидаги муҳокамалар тобора авж олган бир пайтда ижтимоий тармоқларда яна бир мавзу — туманга ташриф буюрган бухоро яҳудийлари ва уларни ҳоким томонидан кутиб олиниши ҳақида турлича, айрим ҳолларда салбий руҳдаги муносабатлар кенг тарқалди. Баъзи фикрларда бундай ташрифларга нисбатан нотўғри сиёсий ва диний талқинлар ҳам кузатилди.

Аслида эса, мазкур ташриф — Хатирчида асрлар давомида умр кечирган бухоро яҳудийларининг бугунги авлодлари томонидан амалга оширилган бўлиб, улар ўз тарихий илдизлари, аждодлар қадамжолари ва маданий меросини зиёрат қилиш, хотирани ардоқлаш мақсадида келган меҳмонлардир. Уларни расман кутиб олиш эса – юртимизга хос бағрикенглик, меҳмондўстлик ва инсонпарварлик анъаналарининг ёрқин ифодасидир.

Ўзбекистонда 130 дан зиёд миллат ва элат вакиллари, 16 та диний конфессия вакиллари тинч-тотув ҳаёт кечираётган бир шароитда бундай ташрифлар табиий ва ижобий ҳолат сифатида баҳоланиши лозим. Қолаверса, бу – мамлакатнинг очиқ, мулоқотга тайёр ва турфа жамият қуришга қаратилган сиёсати амалий тасдиғи саналади.

Шундай экан, бир шахсга нисбатан қилинган туҳматлардан тортиб, бутун жамиятнинг бағрикенгликка асосланган қадриятларига қарши йўналтирилган мутаассиб ёндошувлар — ҳушёрлик, таҳлилчанлик ва холис фикрлар орқали баҳоланиши лозим.

Хулоса қилиб айтганда, ҳар қандай воқеага муносабат билдиришда ҳиссиётга берилмасдан, холис маълумотлар асосида мулоҳаза юритиш – жамиятда соғлом муҳокама муҳитини шакллантириш ва сақлашнинг энг муҳим кафолатларидан биридир.

Telegram I Facebook I YouTube I Instagram

Тошкент метросининг 13 та бекатидаги айрим кассалар ёпилди

Тошкент метрополитени ДУК ахборот хизматининг маълум қилишича, шаҳар метросининг қуйидаги 13 та бекатида — Мирзо Улуғбек, Халқлар дўстлиги, Пахтакор, Ҳамид Олимжон, Пушкин, Дўстлик, Тошкент, Ойбек, Тинчлик, Шаҳристон, Бодомзор, Минор ва Абдулла Қодирий — вестибюлларда жойлашган айрим кассалар фаолияти тўхтатилди.

Бу қарор, мазкур кассалар орқали чипта харид қилиш ҳолатлари сезиларли даражада камайгани боис қабул қилингани таъкидланди.

Айни пайтда ушбу жойларда чипта хариди учун автоматлаштирилган терминаллар синов тариқасида жойлаштирилмоқда.

Эслатиб ўтамиз, аввалроқ Тошкентдаги икки метро бекати оралиғида ҳаракат вақтинча тўхтатилгани ҳақида хабар берилган эди.

Telegram I Facebook I YouTube I Instagram

Аттестациядан норози бўлган ўқитувчилар судга мурожаат қилди

2024 йил 15 апрелдан 14 майгача ўтказилган педагог кадрлар аттестацияси синов натижаларидан норози бўлган бир гуруҳ ўқитувчилар имтиҳонларни қайта ўтказишни сўраб, аввало Апелляция комиссиясига мурожаат қилган. Бироқ уларга деярли бир хил мазмундаги рад жавоблари берилган.

Шундан сўнг, ўқитувчилар томонидан Мактабгача ва мактаб таълими вазирлиги ҳамда тегишли ташкилотларга нисбатан судга даъво аризаси тақдим этилгани ҳақида “Халқ таълим инфо” ахборот портали хабар берди.

Маълумотга кўра, даъво аризасида аттестация жараёнига оид 9 та эътирозли ҳолат баён этилган. Жумладан, тест саволларининг мураккаблик даражаси белгиланган вақтга мос келмаслиги, саволларни тузишда валидлик ва тестология талаблари сақланмагани таъкидланган.

Шунингдек, Педагогик маҳорат ва халқаро баҳолаш илмий-амалий маркази ҳузуридаги Апелляция комиссияси мурожаатларни асосли, ҳуқуқий ва далилий жиҳатдан баҳоламай, “асоссиз” деб рад этгани қайд этилган.

Ўқитувчилар суддан — тест ва малака синовларидаги хато ва камчиликлар, ташкилий-техник муаммолар ҳамда билимининг нотўғри баҳолангани учун аттестацияни қайта ўтказиш, шунингдек етказилган маънавий зарарни қоплаш бўйича қарор чиқаришни сўрамоқда.

Telegram I Facebook I YouTube I Instagram