YouTube 16 ёшгача бўлган ўсмирлар учун янги чекловларни жорий этмоқда

2025 йил 22 июлдан бошлаб YouTube мустақил равишда жонли эфир олиб бориш учун энг кам ёш чегарасини 16 ёшга кўтармоқда.

13–15 ёшли ўсмирлар энди фақат катта ёшли шахс ҳамроҳлигида стрим қилишлари мумкин.

Бошқа ҳолда:
Жонли чат, комментария ва айрим функциялар улар учун ёпилади.

YouTube бу қарорни расман изоҳламаган, бироқ бундай чора ёш фойдаланувчиларни шахсий маълумотлар тарқалиши, зарарли чат мулоқотлари ва бошқа онлайн хатарлардан ҳимоя қилиш мақсадида қабул қилингани айтилмоқда.

Telegram I Facebook I YouTube I Instagram

Ўзбекистон президенти Беларусга етиб борди

"Минск" миллий аэропортида давлатимиз раҳбарини Беларус Бош вазирининг биринчи ўринбосари Николай Снопков ва бошқа расмий шахслар кутиб олди.

Telegram I Facebook I YouTube I Instagram

Ҳурматли қалам аҳли!

Сизни касб байрамингиз — Матбуот ва оммавий ахборот воситалари ходимлари куни муносабати билан чин қалбдан табриклаймиз!

Сизлар — жамиятнинг кўзгуси, ҳақиқатнинг овози, халқ ва давлат ўртасидаги мустаҳкам ахборот кўпригисиз. Сиз олиб бораётган холис, масъулиятли ва шижоатли фаолият юртимизда ошкораликни таъминлашда беқиёс аҳамият касб этади.

🔹 Шижоатингиз сўнмасин,
🔹 Қаламингиз доим ўткир бўлсин,
🔹 Ҳақиқат ва адолат йўлидаги хизматларингиз ҳамиша эътирофда бўлсин!

Effect.uz таҳририяти барча журналистлар ва оммавий ахборот воситалари ходимларини ушбу касб байрами билан самимий муборакбод этади.

Янги ижодий зафарлар, муваффақият ва бардавом илҳом ҳамроҳингиз бўлсин!

Telegram I Facebook I YouTube I Instagram

Солиқ маъмуриятчилиги янада такомиллаштирилади

Қонун билан айрим қонун ҳужжатларига қўшимча ва ўзгартиришлар киритилди

Қонун ҳужжатларига киритилган қўшимчаларга кўра, солиқ муносабатларида фойдаланиладиган электрон ҳужжатларни шахснинг розилигини ифодалайдиган ва уни идентификация қилиш имконини берадиган электрон тасдиқлаш усуллари орқали тасдиқлаш электрон рақамли имзога тенглаштирилди.

Шунингдек, қишлоқ хўжалигида, шу жумладан балиқчилик хўжаликларида сув ресурсларидан фойдаланганлик учун солиқ ҳисоботлари "Suv hisobi" ахборот тизими ва ушбу соҳадаги ваколатли органларнинг маълумотлари асосида автоматик тарзда шакллантирилади.

Киритилган ўзгартиришларга кўра, ортиқча ундирилган солиқ суммасини солиқ тўловчининг бошқа солиқлар бўйича келгуси тўловлари ҳисобидан ҳисобга олиш тартиби янада соддалаштирилди.

Унга кўра, бошқа солиқлар бўйича келгуси тўловлар учун ҳисобга олиш солиқ тўловчининг ёзма ёки электрон аризасига кўра солиқ органлари томонидан 3 кун ичида амалга оширилиши белгиланди.

Telegram I Facebook I YouTube I Instagram

Матбуот тарихи – Уйғониш даври тарихининг бир бўлагидир!

Президент Шавкат Мирзиёев матбуот ва оммавий ахборот воситалари ходимларига табрик йўллади.

Қайд этилишича, Республикада 2 минг 400 га яқин оммавий ахборот воситалари фаолият олиб боради. Шундан 65 фоизи нодавлат сектор ҳиссасига тўғри келади. Улардан фойдаланувчилар сони 14,7 миллиондан 32,7 миллионга етган.

"Бепоён медиаоламда холис ва ҳаққоний ахборот тарқатиш билан бирга, миллий манфаатларимизни қатъий ҳимоя қиладиган журналист аҳлининг машаққатли меҳнатини муқаддас сарҳадларимизда сергак турган Ватан посбонларининг жасоратига қиёсласак, ўйлайманки, ўринли бўлади», дейилади табрикда.

Шунингдек, келгусидаги устивор йўналишларга ҳам урғу берилган:
- Оммавий ахборот воситалари ходимларининг машаққатли меҳнатини қадрлаш, ижодий жамоаларни қўллаб-қувватлаш, соҳанинг моддий-техник базаси ва кадрлар салоҳиятини мустаҳкамлаш бундан буён ҳам Янги Ўзбекистонда олиб борилаётган давлат сиёсатининг устувор йўналиши бўлиб қолади.

Telegram I Facebook I YouTube I Instagram

“Маҳалла сервис” компанияларига солиқ имтиёзлари берилади

Қонун билан айрим қонун ҳужжатларига қўшимча ва ўзгартиришлар киритилди

Қонун билан киритилган қўшимчаларга кўра, “Маҳалла сервис” компаниялари томонидан маҳаллаларни обод қилиш билан боғлиқ ишларни бажариш ва аҳолига қонунчиликда белгиланган айрим ижтимоий пулли хизматлар кўрсатишдан олинган маблағлар солиқ солишда ҳисобга олинмайдиган даромадларга киритилди.

Шунингдек, мазкур хизматларни кўрсатишга мўлжалланган бинолар жойлашган ер участкалари ер солиғи солиш объекти ҳисобланмаслиги белгиланди.

Қуйидаги даромад турларига солиқ солинмаслиги кўзда тутилди:

🔹 Чернобиль АЭСдаги ҳалокат оқибатларини тугатишда иштирок этган фуқароларнинг, шунингдек улар хотини (эри)нинг даромадлари;

🔹 “Маҳалла сервис” компаниялари ходимларининг фаолияти натижасида олинган, уларнинг солиқ солиниши лозим бўлган иш ҳақи тарзидаги даромадлари.

Бундан ташқари, Жиззах вилоятининг Шароф Рашидов ва Тошкент вилоятининг Оҳангарон туманларида ташкил этилган чарм-пойабзал саноат зоналарини бошқариш дирекциялари мол-мулк, ер солиғи ва сув ресурсларидан фойдаланганлик учун солиқни тўлашдан 2025 йил 1 январдан 2026 йил 1 январгача озод этилиши кўрсатилди.

Қонун расмий эълон қилинган кундан эътиборан кучга киради.

Telegram I Facebook I YouTube I Instagram

Тошкентда катта миқдорда синтетик гиёҳванд моддалар сақлаган шахс қўлга олинди

Тошкент шаҳар Ички ишлар бош бошқармаси ахборотига кўра, Чилонзор туманида ўтказилган тезкор тадбир давомида фуқаро С. гиёҳванд моддалар сақлаганликда гумонланиб ушланган. Ундан шахсан кўздан кечириш вақтида 5 грамм гиёҳванд модда топилган.

Тадбир доирасида гумонланувчининг яшаш манзили ҳам текширилиб, холислар иштирокида мебел тагидан 3 та қора рангли целлофан халта ичидаги зип-пакетларга жойлаштирилган оқ рангли кукунсимон моддалар, кўк изолентага ўралган моддалар, электрон тарозилар ва бошқа ашёвий далиллар аниқланган.

Жами 1 кг 205 грамм синтетик гиёҳвандлик воситаси мусодара қилинган бўлиб, уларнинг умумий қиймати 1 млрд 506 млн сўм деб баҳоланмоқда. Мазкур моддалар тахминан 6000 нафар инсонни заҳарлаш хавфига эга бўлган.

Ҳолат юзасидан Ўзбекистон Республикаси Жиноят кодексининг 273-моддаси 5-қисми билан жиноят иши қўзғатилган. Гумонланувчига нисбатан қамоқ тарзидаги эҳтиёт чораси қўлланган.

Telegram I Facebook I YouTube I Instagram

City Football Group Ўзбекистонда клуб сотиб олишни режалаштирмоқда

Дунё футболида кенг машҳур бўлган City Football Group (CFG) компанияси ўз таркибига яна бир янги жамоани қўшиш ниятида. Бу ҳақда Миллий олимпия қўмитаси раиси биринчи ўринбосари Отабек Умаров маълум қилди.

Унинг таъкидлашича, CFG раҳбарияти ҳозирда Ўзбекистондаги футбол клубларидан бирини харид қилиш масаласини ўрганмоқда. Ушбу масала юзасидан август ойида, Англияда янги мавсум бошланиши арафасида, Ўзбекистон ва City Football Group мутасаддилари ўртасида расмий учрашув ўтказилиши режалаштирилган.

Айни вақтда CFG томонидан аниқ қайси ўзбек клубига қизиқиш билдирилгани ҳақида расмий маълумот берилмаган.

Маълумот учун: City Football Group компанияси ҳозиргача қуйидаги жамоаларга эгалик қилади:
– Англиянинг “Манчестер Сити”,
– Испаниянинг “Жирона”,
– Италиянинг “Палермо”,
– Франциянинг “Труа”,
– Бельгиянинг “Ломмель”,
– АҚШнинг “Нью Йорк Сити”,
– Япониянинг “Йокогама Маринос”,
– Ҳиндистоннинг “Мумбай Сити”,
– Австралиянинг “Мельбурн Сити”,
– Хитойнинг “Шенжень Пен Сити”,
– Уругвайнинг “Монтевидео Сити Торке”.

Telegram I Facebook I YouTube I Instagram

Маҳаллий Кенгашлар фаолиятида янги босқич: ислоҳотлар ва имкониятлар

Ўзбекистонда маҳаллий Кенгашлар институти сўнгги йилларда тубдан янгиланди. Янги Конституцияда ва Президент фармонларида Кенгашларнинг ҳуқуқий мақоми ва ваколатлари кенгайтирилиб, улар жамият ва давлат бошқарувида муҳим ўрин эгаллаётган халқ вакиллик органига айланмоқда. Аҳоли муаммоларини ҳал этиш, ижро ҳокимияти фаолиятини назорат қилиш, очиқлик ва жавобгарликни таъминлашда маҳаллий Кенгашлар роли кескин ортиб бормоқда.

https://effect.uz/uz/6454

Telegram I Facebook I YouTube I Instagram

Бўзсув ва Бўрижар – энди фақат канал эмас, балки ҳордиқ жойими?

Жорий йилнинг 26 июн куни Тошкент шаҳар ҳокимлиги томонидан ОАВ вакиллари ва блогерлар учун навбатдаги пресс-тур ташкил этилди.

Мазкур пресс-турда Бўзсув ва Бўрижар каналлари ҳудудида кўплаб лойиҳалар амалга оширилганлиги ва ушбу лойиҳаларнинг мақсади шаҳар инфратузилмасини яхшилаш, яшил майдонларни кўпайтириш, канал бўйи ҳудудларини дам олиш маскани сифатида фойдаланишни таъминлашдан иборат эканлиги ҳақида маълумот берилди.

Шунингдек, Бўзсув каналининг Шайхонтоҳур тумани Лабзак маҳалласи ҳудудидан ўтадиган қисмида амалга оширилган ишлар ҳамда Гулханий кўчасидаги сайилгоҳда амалга оширилган ишлар атрофлича ўрганилди.

Шундан сўнг, Бўрижар каналининг Чилонзор берк кўчасидан Чўпонoта кўчасига бўлган қисмида бажарилган ишлар билан танишиш мобайнида ушбу ҳудудда ҳам самарали ишлар қилинганлиги ҳақида айтилди.

Муаллиф: Гулбиби Эшматова

Telegram I Facebook I YouTube I Instagram

Фуқаролар Кенгаш сессияларини эркин кузатиш ҳуқуқига эга бўлади

Президент фармони билан муҳим қарор қабул қилинди.

“Ўзбекистон Республикасида маҳаллий давлат ҳокимияти вакиллик органлари фаолиятини 2030 йилга қадар ривожлантириш” концепцияси тасдиқланди.

➖ Фуқаролар Кенгаш сессияларини эркин кузатиш ҳуқуқига эга бўлади.

Бу орқали маҳаллий қарорлар шаффоф ва очиқ муҳокама қилинади.

➖ Йўл ҳаракати тезлиги маҳаллий даражада белгиланади.

Ҳар бир ҳудудда йўл шароитига қараб тезлик чекловлари белгиланиши мумкин.

Telegram I Facebook I YouTube I Instagram

Хоразмда ФВВ тизимининг 2 нафар ходимининг ноқонуний ҳаракатларига чек қўйилди

Тупроққалъа тумани Фавқулодда вазиятлар бўлими ходими Хазорасп туманида яшовчи фуқаронинг ишончига кириб, мансабдор танишлари орқали уни Хоразм вилояти фавқулодда вазиятлар бошқармасига ишга киритиб қўйиш эвазига 1500 АҚШ доллари талаб қилади.

ДХХнинг Хоразм вилояти бўйича бошқармаси ҳамда ИЖҚК Департаменти ҳамкорлигида ўтказилган тезкор тадбирда у олдиндан 400 АҚШ доллари ва 1 млн 300 минг сўм олган вақтида ашёвий далиллар билан ушланди.

Шовот тумани Фавқулодда вазиятлар бўлими ходими ҳам ўзганинг ишончига кириб, ички ишлар органларидаги танишлари орқали унга ҳайдовчилик гувоҳномаси олиб беришини айтиб, эвазига 1400 АҚШ доллари ва 1 млн 300 минг сўм олганлик ҳолати ҳужжатлаштирилди.

Ҳозирда мазкур фавқулодда вазиятлар қутқарувчиларига нисбатан Жиноят Кодексининг 168, 211-моддалари билан жиноят ишлари қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

"Telegram" орқали наркотик тарқатган гуруҳ фош этилди

Оҳангарон шаҳрида ДХХ ва ИИВ ҳамкорлигида ўтказилган тезкор тадбир давомида “Telegram” орқали гиёҳванд моддалар савдоси билан шуғулланган наркодўконнинг 5 нафар аъзоси қўлга олинди.

Улар 400 грамм “Альфа-ПВП” моддасини 0,3 граммлик қадоқларга бўлиб, Андижонга етказиш мақсадида ҳаракатланаётган пайтда ушланган. Уларнинг кўрсатмаси асосида Андижондаги 53 та хуфия жойга яширилган моддалар ҳам топилди.

Шунингдек, гуруҳ оператори — 2003 йилда туғилган шахс ҳам Янгиҳаёт туманида ушланиб, унинг автомобилидан 986 грамм “гашиш” ва 7 килограмм “Альфа-ПВП” моддаси аниқланди.

Текширувларда маълум бўлишича, гуруҳ аъзолари контрабанда йўли билан олиб келинган гиёҳванд моддаларни Тошкент, Андижон, Фарғона, Наманган, Самарқанд ва Бухоро вилоятларида тарқатиш билан шуғулланган.

Ҳозирда уларга нисбатан Жиноят кодексининг 25,273-моддаси 5-қисми асосида иш қўзғатилиб, тергов ишлари олиб борилмоқда.

Telegram I Facebook I YouTube I Instagram

Қамоққа олинганлар 2 соат ичида тиббий кўрикдан ўтади

Эндиликда тергов ҳибсхонасига жойлаштирилишдан аввал қамоққа олинган шахслар мажбурий тиббий кўрикдан ўтказилади. Қонунга киритилган янги тартибга кўра, бу кўрик қамоққа олинганлар ҳибсхонага келган пайтдан бошлаб 2 соат ичида амалга оширилиши шарт.

Кўрик давомида агар ушланган шахс танасида шикаст, жароҳат ёки яра белгилари аниқланса, бу ҳолатлар расмий қайд этилади, шахснинг ўзига маълум қилинади ва дарҳол прокурор хабардор қилинади.

Шунингдек, тиббий кўрикда қамоққа олинган шахснинг розилигига кўра, унинг адвокати ҳам иштирок этиши мумкин.

Кўрик натижалари асосида махсус тиббий маълумотнома тузилади ва тегишли тартибда расмийлаштирилади.

Telegram I Facebook I YouTube I Instagram

Олий суд биносида электр узилиши сабабли хизматлар вақтинча тўхтатилди

Пойтахт Тошкент марказида жойлашган Ўзбекистон Олий суди биносида электр таъминотида узилишлар кузатилмоқда.

Шу муносабат билан суднинг барча интерактив хизматлари фаолияти вақтинча тўхтатилгани маълум қилинди.

Telegram I Facebook I YouTube I Instagram