“Судлар тўғрисида”ги қонунга ҳам бир қатор ўзгартириш ва қўшимчалар киритилди

Жумладан, суд ҳокимияти қонун чиқарувчи ва ижро ҳокимиятидан, сиёсий партиялардан, фуқаролик жамиятининг бошқа институтларидан мустақиллиги янада мустаҳкамланди. 

Судьяни муайян ишнинг муҳокамасидан четлаштиришга ёки унинг ваколатларини тўхтатиб туришга, бошқа лавозимга ўтказишга фақат қонунда белгиланган тартибда ва асосларга кўра йўл қўйилади. Судья ваколатига ва одил судловни амалга оширишга доир фаолиятига ҳар қандай тарзда аралашишга йўл қўйилмаслиги ҳамда уларнинг ҳисобдор эмаслиги белгиланди. 

Олий суднинг қонунчилик ташаббуси ҳуқуқини амалга ошириш доираси аниқлаштирилиб, ўз ваколатлари жумласига киритилган масалалар билан чегараланди. 

Шунингдек, фуқароларнинг одил судловга бўлган имкониятини янада кенгайтириш ва мавжуд қонун ҳужжатларини янги Конституцияга мувофиқлаштириш мақсадида жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча айбдор деб саналиши қатъиян ман этилди. 

Шу билан бирга, ҳеч ким қонунга асосланмаган ҳолда ҳибсга олиниши, ушлаб турилиши, қамоққа олиниши, қамоқда сақланиши ёки унинг озодлиги бошқача тарзда чекланиши мумкин эмаслиги ва бундай ҳаракатларга фақат суднинг қарорига кўра йўл қўйилиши ҳамда шахс суднинг қарорисиз қирқ саккиз соатдан ортиқ муддат ушлаб турилиши мумкин эмаслиги белгиланди. 

Конституциянинг 140-моддасида судларнинг фаолиятини молиялаштириш фақат Давлат бюджетидан амалга оширилиши ҳамда у одил судловни тўлиқ ва мустақил амалга ошириш имкониятини таъминлаши кераклиги мустаҳкамланиб қўйилган. 

Мазкур қонун билан судларнинг фаолиятини молиялаштириш, уларнинг биноларини қўриқлаш ва сақлаб туриш Давлат бюджети маблағлари ҳисобидан амалга оширилиши ҳамда одил судловни тўлиқ ва мустақил равишда амалга ошириш имконияти таъминлаши кераклиги белгиланди.

Telegram I Facebook I YouTube I Instagram

❗️"Экишни ҳохламаган, пиллани бажармаганни ерини хитойликларга берамиз!"

Тармоқларда қишлоқ хўжалигига масъуллардан бирининг видеомурожаати тарқалмоқда.

Унда масъул фермерларга мурожаат қилиб, ғалла, пиллани бажармаган, махсулот пулини бермаган, солиқ тўламаганларнинг ерларини хитойликларга берилишини айтиб ўтган.

Амалдаги қонунчиликка кўра, фермерларнинг ғалла ва пилла етиштириши шартномавий муносабатлар ҳисобланади. Ҳеч кимнинг бу жараёнга аралашишга ҳаққи йўқ.

Шунингдек, фермерлар ерни ижарага олиш бўйича ер ижара шартномаси тузадилар. Ва кўпинча бундай шартномаларда фермер пилла топширмагани учун ерини олиб қўйиш ва хитойликларга бериш кўзда тутилмаган.

Ушбу ҳолат бўйича ҳозирча изоҳ берилмаган.

Telegram I Facebook I YouTube I Instagram

Энг оддий нацизм: Россияга борманг, азиз ватандошлар!

Москвадаги сўнгги воқеалар — ҳужжатларида муаммоси бор мигрантларни ҳақоратлаш, уларни тепиш, хорлаш ҳолатлари — афсуски, одатий ҳолга айланмоқда. Ўзбек ёшлари энг оғир меҳнатларни бажарса-да, шунга муносиб муомала кўрмаяпти.

Ўзбекистонда ишсизлик муаммоси бор, лекин бу ёшларни Россияга юбориш ечим эмас. Улар у ерда инсон сифатида қадрланмайди. Биз ёшларимизни тил ўрганишга, яхши ҳунар эгаллашга ва ривожланган давлатлар — Олмония, БАА, Япония, Жанубий Корея каби мамлакатларга йўналтиришимиз зарур.

Ҳозир Ўзбекистонга ҳатто Ҳиндистон ва Бангладешдан ишчилар келяпти, чунки ўзимизникилар ички ишларга қизиқмай қолишган. Бу ҳам оғриқли, лекин ўзга юртда таҳқирланишдан афзалроқ.

Россия расмийларидан бундай таҳқирлашларни тўхтатишни талаб қиламиз. Чунки ўзбеклар тарихда кўп миллатга паноҳ, ғамхўрлик ва меҳр кўрсатган. Бундай муносабат бизга нисбатан инсофсизлик, балки нацизмнинг ўзи.

Шерзодхон Қудратхўжа

“Alliance Motors” иши бўйича суд ҳукм ўқиш арафасида…

Машина олиб келиб бериш ҳақида ёлғон ваъдалар бериб, юздан ортиқ фуқаронинг бир неча миллиард пулини ўз эҳтиёжларига сарфлаб юборган Тошкентдаги “Allianse Motors” МЧЖ мансабдорларига нисбатан суд ҳукми ўқилиши арафасида.

Маълум қилинишича, жиноят ишлари бўйича Бектемир туман судида судья Санжар Абдуғаниев раислигида “Allianse Motors” МЧЖ мансабдорларига нисбатан қўзғатилган жиноят ишини кўриб чиқиш якунланиш арафасида. Суд 11 июнь куни соат 14:30 га белгиланган. Effect.uz ходимлари мазкур суд ишини ёритади.

Иш бўйича жами 9 кишига нисбатан иш очилган бўлиб, улар орасида МЖЧ таъсисчиси Шахзода Нарзиева ҳам бор. Бундан ташқари, Мирсаид Содиқов, Абдураҳим Ҳалилов, Давронжон Ҳакимов, Юсуф Юнусов, Сардор Муртазоев, Беҳруз Зокиров, Лазизбек Равшанбеков, Муҳаммадали Набиев иш доирасида судланяпти.

Судланувчиларга ўзлаштириш ёки растрата йўли билан талон-торож қилиш, фирибгарлик, ўғирлик, валюта қимматликларини қонунга хилоф равишда олиш ёки ўтказиш, чет эл валютасини яшириш, божхона тўғрисидаги қонун ҳужжатларини бузиш, солиқлар ёки бошқа мажбурий тўловларни тўлашдан бўйин товлаш, савдо ёки хизмат кўрсатиш қоидаларини бузиш, жиноий уюшма ташкил этиш, жиноий фаолиятдан олинган даромадларни легаллаштириш ҳамда бошқа жиноятлар билан айблов эълон қилинган.

Telegram I Facebook I YouTube I Instagram

Ўзбекистон Қатарни 3:0 ҳисобида мағлуб этмоқда — Турғунбоев, Шомуродов ва Сергеевдан голлар!

Ўйиннинг 28-дақиқасида Азизбек Турғунбоев ҳисобни очди — Ўзбекистон—Қатар 1:0

Элдор Шомуродов иккинчи голни киритиб, ҳисобни 2:0 қилди.

Ўйин охирида Игор Сергеев учинчи голни урди ва ҳисоб 3:0 бўлди.

Ўзбекистон аниқ устунлик билан ғалаба қозонмоқда!

Олға Ўзбекистон 🇺🇿

Telegram I Facebook I YouTube I Instagram