«Масалани Бош консулхона ҳамда Миграция агентлиги назоратга олган» – Россияда ОМОН мигрантларга куч қўллагани бўйича Ўзбекистон томони муносабат билдирди

Миграция агентлигининг Россия Федерациясидаги ваколатхонаси 8 июнь куни Москва шаҳри Сокольники туманида ўтказилган текширув тадбирлари давомида Россия Федерацияси ҳуқуқни муҳофаза қилувчи органлари (ОМОН) томонидан ушбу давлатда вақтинча меҳнат фаолиятини олиб бораётган хориж фуқароларига нисбатан жисмоний куч қўллангани акс этган хабарларга муносабат билдирди.

Қайд этилишича, айни пайтда мазкур ҳолат юзасидан Россия федерациясининг ҳуқуқни муҳофаза қилувчи органларидан расмий маълумот кутилмоқда. Ўзбекистоннинг Москва шаҳридаги Бош консулхонаси ва Миграция агентлигининг Россия Федерациясидаги ваколатхонаси ушбу масалани назоратга олган.

Маълумотларга кўра, рейд якунида ҳужжатларида муаммо аниқланган 5–6 нафар шахс ушлаб қолиниб, ҳолатни аниқлаш мақсадида ички ишлар бўлимига олиб кетилган.

Агар ушбу вазиятда жабрланганлар орасида Ўзбекистон Республикаси фуқаролари мавжуд бўлса, жумладан, уларга тан жароҳатлари етказилган, ҳуқуқлари бузилган ёки бошқа муаммоларга дуч келган бўлсалар, ҳолат юзасидан Миграция агентлигининг Россия Федерациясидаги ваколатхонасига қуйидаги алоқа рақамлари орқали мурожаат қилиш сўралади:

☎️ Телефон: +7 925 045-47-44
Telegram: @pomoshrussiamigrant

Telegram I Facebook I YouTube I Instagram

Шубҳали ўлим ва жавобсиз саволлар: сирдарёлик қиз иши жиддий текширилмоқда...

Effect.uz орқали кеча "Сирдарёда зўравонлик қурбони бўлган қиз кома ҳолатида касалхонада вафот этди" сарлавҳаси остида видео материал эълон қилинган эди.

Мазкур ҳолат Сирдарё вилояти ИИБ масъуллари томонидан ўрганилди. Ўрганишлар давомида жорий йилнинг 4 июнь куни соат 01:30лар атрофида фуқаро Б. М. ўзининг бошқарувидаги “Дамас” русумли автомашинани Тошкент-Душанбе йўналишидаги М-34 автойўлининг 117-километрида бошқариб бораётган вақтида, автомашинанинг орқа ўриндиғида йўловчи сифатида кетаётган Н.А. (қиз бола) ҳаракатланиб кетаётган автомашина эшигидан тушиб кетганлиги оқибатида тан жароҳати олиб, Республика шошилинч тиббий ёрдам илмий маркази Сирдарё филиалга ётқизилган.

Шифокорлар томонидан кўрсатилган тиббий ёрдамларга қарамасдан фуқаро А. Х жорий йилнинг 7 июнь куни Республика шошилинч тиббий ёрдам илмий маркази Сирдарё филиалининг жонлантириш бўлимида вафот этган. Мазкур ҳолат юзасидан жиноят кодексининг тегишли моддалари билан жиноят иши қўзғатилиб, гумонланувчи Б.М ЖПКнинг 221-моддаси тартибида ушланган.

Марҳума яқинларининг айтишича, қизга тегишли нарсалар берилганида ички кийимлари йўқлиги ва кийимларида ҳеч қандай чанг ҳамда қон излари йўқлиги аниқланган. Ҳўш, орқа миясидан жароҳат олиб, кома ҳолатида касалхонага ётқизилган қизнинг кийимларида қон излари йўқлиги бироз тушунарсиз эмасми? Ҳозирда Гулистон шаҳар ИИБ ҳузуридаги Тергов бўлими томонидан тергов ҳаракатлари олиб борилмоқда.

Telegram I Facebook I YouTube I Instagram

Уч вазирлик Янги Тошкентга кўчирилади, мавжуд бинолар сотилади

Яқин кунларда Қурилиш, Транспорт ва Экология вазирликлари Янги Тошкент ҳудудидаги вақтинчалик биноларга кўчирилади. Бу ҳақда Қурилиш вазири Шерзод Ҳидоятов маълум қилди. Унинг сўзларига кўра, вазирликларнинг ҳозирги пайтда Тошкент шаҳрида жойлашган бинолари сотувга қўйилади. Улардан тушган маблағ эвазига Янги Тошкентда замонавий маъмурий бинолар қурилади.

Айни пайтда Энергетика вазирлиги аллақачон Янги Тошкентга кўчиб ўтган. Қолган вазирликлар эса босқичма-босқич янги манзилга кўчирилади.

Ҳодимларнинг ишга келиб-кетиши учун махсус транспорт йўналишлари ташкил этилиши режалаштирилган. Транспорт вазирлиги бу борадаги амалий чора-тадбирлар устида иш олиб бормоқда.

Telegram I Facebook I YouTube I Instagram

⚡️«Президент трасса»сидаги мулкка ҳужум... Ернинг асл эгаси топилди, аммо…

Аввалроқ Effect.uz’да муқаддам Тошкент вилоятининг Қибрай туманига қарашли бўлган 1,5 гектар ернинг харитадан ўчиб кетиши ва бу майдонга қурилган хусусий мулкка тажовуз қилингани тўғрисида репортаж ёритилган эди. Видеолавҳа эфир юзини кўргач, воқеалар ривожи бошқача равишда тус ола бошлади.

Хусусан, Кадастр агентлиги Тошкент шаҳар бошқармаси Мирзо Улуғбек тумани, Алишеробод МФЙ, Анайбулоқ кўчасида жойлашган 1380 кв.м ер майдонини фуқаро Ғани Тўлаганов ноқонуний эгаллаб олган ва айнан шу ерга ноқонуний қурилма кўтарган дея судга киритган даъво аризаси одил судлов томонидан қаноатлантирилмади.

Фуқаролик ишлари бўйича Тошкент шаҳар суди судьяси О.Саттаров биринчи инстанция – Мирзо Улуғбек туманлараро суди томонидан шошилиб қабул қилинган ажримни бекор қилиб, кадастр агентлигининг ерни қайтариш ва қурилишни бузиш ҳақидаги даъвосини қаноатлантиришни рад этган.

Судья Сатторов биринчи инстанциянинг эътиборидан четда қолган важлар билан келишиб, Бош прокурор ўринбосари Светлана Артикованинг Ғани Тўлагановга қўзғатилган жиноят ишини тугатиш бўйича қабул қилган қарорига асосий урғуни қаратган.

👉 ТЎЛИҚ ВИДЕО

Telegram I Facebook I YouTube I Instagram

⚡️«Буғдой хўжайинлари»: Сирдарёда ҳоким бошчилигидаги гуруҳ фермернинг режадан ортган буғдойини олиб кетди

Сирдарё туманида фаолият олиб борувчи «Нурали–Мирали бобо» фермер хўжалиги раҳбари Барно Давлатова Effect.uz’га мурожаат йўллади.

Фермернинг айтишича, ғалла ўримидан сўнг у яшаш хонадонига режадан ортган буғдойни олиб келган, бироқ тумандаги қишлоқ хўжалигига масъул шахслар, ички ишлар ходимлари ҳокимнинг аралашуви билан ғаллани вақтинча сақлаш учун олиб кетишган.

Ички ишлар ходимлари ҳосилни ташиган юк машинасининг давлат рақамини ечиб олган. Фермер эса юк машина ҳайдовчисига зарар бўлмасин дея режадан ортган буғдойни қайтаришга мажбурланган.

Ҳатто туман ҳокими Азиз Турдимуродов ҳам фермер аёлга буғдойни вақтинча сақлаш учун омборга олиб бориш кераклиги бўйича мажбурият юклаган.

«Бу воқеа Қурбон ҳайит куни содир бўлди, зўравонлик ишлатиб, буғдойни олиб кетишди. Режани бажарган бўлсам, ундан ортганини комбайн хизмати ва ишчиларга беришим керак эди, аммо ундай бўлмади. Мансабдорларнинг бу каби ишларга аралашишга нима ҳаққи бор, қачонгача давом этади?», дея савол беради Барно Давлатова.

Ҳоким фермер билан мулоқот чоғида принцип қилиш керак бўлса, иш очиб, охиригача олиб бориш билан таҳдид қилган. Турдимуродов ўз сўзида буғдойингиз омборда қишгача туради, биржага чиқартирмасликка ваъда бераман, чиқ деганимда чиқади дея таъкидлаган.

👉 ТЎЛИҚ ВИДЕО

Telegram I Facebook I YouTube I Instagram

Навоийга Хитойдан 42 та автобус олиб келинди

Навоий шаҳрида жамоат транспорти хизматларини яхшилаш мақсадида Хитойдан замонавий автобуслар олиб келинди, деб хабар берди Транспорт вазирлиги.

Маълум қилинишича, мазкур автобуслар президентнинг «Жамоат транспорти тизимини ислоҳ қилиш чора-тадбирлари тўғрисида»ги қарори доирасида олиб келинган.

Жорий йилнинг апрель ойида амалга оширилган биринчи босқичда 18 та замонавий автобус «Навоий» автовокзали – Вилоят Автойўл бошқармаси ва Тинчлик қўрғони – «Малика» автостанцияси йўналишларида қатновни бошлаган.

Яқинда эса иккинчи босқич доирасида яна 42 та Yutong автобуси вилоятга олиб келинди. Ушбу автобуслар Кармана тумани маркази ҳамда Навоий шаҳрининг барча асосий кўчалари бўйлаб ҳаракатланадиган йўналишларда қатнайди.

Telegram I Facebook I YouTube I Instagram

Мирзиёев миллий жамоамизнинг Қатарга қарши ўйинини стадиондан томоша қилади

Ўзбекистон миллий терма жамоаси бош мураббийи Тимур Кападзе бугун, 10 июнь куни бўлиб ўтадиган Қатарга қарши муҳим баҳс арафасида матбуот анжуманида чиқиш қилди. Унинг айтишича, мамлакат президенти Шавкат Мирзиёев ушбу беллашувни стадионда жонли равишда томоша қилиши кутилмоқда.

Бу каби эътибор жамоага катта руҳий қўллаб-қувватлаш бўлиши, футболчиларга янада масъулият билан майдонга тушишга туртки бериши мумкин.

Telegram I Facebook I YouTube I Instagram

Чет элдан қайтганлар ва хорижликлар ОИВ бўйича мажбурий текширувдан ўтиши мумкин

Олий Мажлис Қонунчилик палатасида "Айрим қонун ҳужжатларига ўзгартириш ва қўшимчалар киритиш тўғрисида"ги қонун лойиҳаси биринчи ўқишда муҳокама қилинди.

Лойиҳага мувофиқ, узлуксиз 90 кун ва ундан ортиқ вақт давомида чет элда бўлиб қайтган 18–60 ёшли Ўзбекистон фуқаролари, шунингдек, мамлакатга меҳнат фаолияти мақсадида келаётган хорижий фуқаролар ОИВ инфекцияси бўйича мажбурий тиббий кўрикдан ўтишлари мумкин.

Расмий маълумотларга кўра, 2024 йилда хориждан қайтган 1,7 миллион фуқаронинг фақатгина 25 фоизи ихтиёрий равишда текширувдан ўтган. Текширувлар давомида 1 512 та ОИВ ҳолати аниқланган. Қонун ташаббускорлари таъкидлашича, ушбу инфекция кўп ҳолатларда 90 кундан сўнггина намоён бўлади.

Янги тартибга кўра, Ўзбекистон фуқаролари ва мамлакатда доимий яшовчи, фуқаролиги бўлмаган шахслар тиббий кўрикдан давлат бюджети ҳисобидан, хорижликлар эса ўз ёки иш берувчининг маблағи эвазига ўтади.

Telegram I Facebook I YouTube I Instagram

Фуқароларнинг ҳуқуқларини суд орқали ҳимоя қилиш кафолатлари кучайтирилади

Қонун (ЎРҚ-1067-сон, 09.06.2025 й.) билан айрим қонун ҳужжатларига ўзгартириш ва қўшимчалар киртилди.

▫️Жиноят-процессуал кодексига киритилган ўзгартиришга кўра, гумон қилинувчи, айбланувчи ёки судланувчи исталган вақтда сукут сақлаш ҳуқуқидан фойдаланиши мумкинлиги белгиланди.

Шунингдек, шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмаслиги кўзда тутилди.

▫️"Судлар тўғрисида"ги қонунга киритилган ўзгартириш ва қўшимчаларга кўра, судяларнинг муайян ишлар бўйича ҳисобдор бўлмаслиги белгиланди.

Шунингдек, судяни муайян ишнинг муҳокамасидан четлаштиришга ёки унинг ваколатларини тўхтатиб туришга, бошқа лавозимга ўтказишга фақат қонунда белгиланган тартибда ва асосларга кўра йўл қўйилиши кўрсатилди.

Telegram I Facebook I YouTube I Instagram

Абдураҳмон Фозилов: “Ўйинга тайёргарлик юқори руҳда кетмоқда”

ЖЧ–2026 саралаш доирасидаги Ўзбекистон – Қатар учрашуви олдидан Бунёдкор стадионида тайёргарлик ишлари қизғин паллага кирди. Ўзбекистон миллий терма жамоаси ФАН клуби раҳбари Абдураҳмон Фозиловнинг таъкидлашича, мухлислар учун мозаика ва рангли картоналар тайёрланмоқда, стадион атмосфераси юқори кайфиятда бўлиши учун зарур шароит яратилмоқда.

“Қатарга қарши ўйин жуда муҳим. Биз мухлислар билан биргаликда жамоамизни руҳлантириш учун фаол тайёргарлик кўряпмиз. Барчани стадионга чақириб қоламан”

— деди Фозилов.

Telegram I Facebook I YouTube I Instagram

Суд ислоҳотларининг янги босқичи: Конституцияга мувофиқ қонун қабул қилинди

Давлатимиз раҳбари куни кеча “Янги таҳрирдаги Ўзбекистон Республикаси Конституцияси қабул қилинганлиги муносабати билан Ўзбекистон Республикасининг айрим қонун ҳужжатларига судлар фаолияти ҳамда фуқароларнинг ҳуқуқ ва эркинликларини кафолатлашни кучайтиришга қаратилган ўзгартириш ва қўшимчалар киритиш тўғрисида”ги қонунни имзолади.

Маълумки, фуқароларнинг бузилган ҳуқуқ ва эркинликларини тиклаш, адолатни таъминлашда судлар ҳал қилувчи ўрин тутади. Шу боис, сўнгги йилларда мамлакатимизда ҳуқуқий тизимни тубдан ислоҳ қилиш, суд ҳокимиятининг мустақиллигини таъминлашга қаратилган кенг қамровли чора-тадбирлар амалга оширилди.

Олий Мажлис Сенатининг Суд-ҳуқуқ масалалари ва коррупцияга қарши курашиш қўмитаси раиси Абдулҳаким Эшмуродов таъкидлашича, мазкур ислоҳотлар суд ишларининг самарадорлиги, қарорлар шаффофлиги ва холислигини ошириш, фуқаролар ва тадбиркорлар ҳуқуқларини ҳимоя қилиш кафолатларини янада кучайтиришга қаратилган.

Янги қонун айнан шу тизимли ўзгаришларнинг мантиқий давоми сифатида қабул қилинди. У орқали суд-ҳуқуқ соҳасига доир бир қатор ҳуқуқий нормалар киритилди ва амалдаги қонун ҳужжатлари янги таҳрирдаги Конституция талабларига мослаштирилди.

Хусусан:

Жиноят-процессуал кодексдаги айбсизлик презумпцияси нормаси кенгайтирилди. Эндиликда "гумон қилинувчи", "айбланувчи", "судланувчи" сўзлари қаторига "маҳкум" тушунчаси ҳам қўшилди;

Гумон қилинувчи ёки айбланувчи шахс ўз айбсизлигини исботлаш мажбуриятига эга эмас. Шунингдек, у ҳар қандай вақтда сукут сақлаш ҳуқуқидан фойдаланиши мумкин;

Агар шахснинг айбини тан олганлиги ягона далил бўлса, у айбдор деб топилиши ёки жазога тортилмаслиги белгиланди;

Суд жараёнида ҳар бир фуқарога ҳимояланиш ҳуқуқи кафолатланади, бу ҳуқуқни таъминлаш учун барча шароитлар яратилади;

Энг муҳим янгиликлардан бири — суд жараёнида қатнашувчи гувоҳнинг ўзига ва яқин қариндошларига қарши кўрсатма бермаслик ҳуқуқи қонунан мустаҳкамланди.

Telegram I Facebook I YouTube I Instagram

“Судлар тўғрисида”ги қонунга ҳам бир қатор ўзгартириш ва қўшимчалар киритилди

Жумладан, суд ҳокимияти қонун чиқарувчи ва ижро ҳокимиятидан, сиёсий партиялардан, фуқаролик жамиятининг бошқа институтларидан мустақиллиги янада мустаҳкамланди. 

Судьяни муайян ишнинг муҳокамасидан четлаштиришга ёки унинг ваколатларини тўхтатиб туришга, бошқа лавозимга ўтказишга фақат қонунда белгиланган тартибда ва асосларга кўра йўл қўйилади. Судья ваколатига ва одил судловни амалга оширишга доир фаолиятига ҳар қандай тарзда аралашишга йўл қўйилмаслиги ҳамда уларнинг ҳисобдор эмаслиги белгиланди. 

Олий суднинг қонунчилик ташаббуси ҳуқуқини амалга ошириш доираси аниқлаштирилиб, ўз ваколатлари жумласига киритилган масалалар билан чегараланди. 

Шунингдек, фуқароларнинг одил судловга бўлган имкониятини янада кенгайтириш ва мавжуд қонун ҳужжатларини янги Конституцияга мувофиқлаштириш мақсадида жиноят содир этганликда айбланаётган шахс унинг айби қонунда назарда тутилган тартибда ошкора суд муҳокамаси йўли билан исботланмагунча айбдор деб саналиши қатъиян ман этилди. 

Шу билан бирга, ҳеч ким қонунга асосланмаган ҳолда ҳибсга олиниши, ушлаб турилиши, қамоққа олиниши, қамоқда сақланиши ёки унинг озодлиги бошқача тарзда чекланиши мумкин эмаслиги ва бундай ҳаракатларга фақат суднинг қарорига кўра йўл қўйилиши ҳамда шахс суднинг қарорисиз қирқ саккиз соатдан ортиқ муддат ушлаб турилиши мумкин эмаслиги белгиланди. 

Конституциянинг 140-моддасида судларнинг фаолиятини молиялаштириш фақат Давлат бюджетидан амалга оширилиши ҳамда у одил судловни тўлиқ ва мустақил амалга ошириш имкониятини таъминлаши кераклиги мустаҳкамланиб қўйилган. 

Мазкур қонун билан судларнинг фаолиятини молиялаштириш, уларнинг биноларини қўриқлаш ва сақлаб туриш Давлат бюджети маблағлари ҳисобидан амалга оширилиши ҳамда одил судловни тўлиқ ва мустақил равишда амалга ошириш имконияти таъминлаши кераклиги белгиланди.

Telegram I Facebook I YouTube I Instagram