Қоидабузарага чора кўрилди

Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати ижтимоий тармоқларда тарқалган видеони ўрганиб, қоидабузарларга Тошкент шаҳар ЙҲХБ ходимлари томонидан тегишли тартибда чора кўрилган.

Telegram I Facebook I YouTube I Instagram

Бизни бош кўтаришга мажбурламанг ҳурматли, амалдорлар! – Давлат сиёсатини англаб етмаётган амалдорлар кичик хатоларга йўл қўймоқда

Ижтимоий тармоқларда тирикчилик важидан бозорда савдо-сотиқ қилаётган онахоннинг видеомурожаати тарқалди.

Лавҳада онахон “Қўйлиқ” деҳқон бозорида ўзига нисбатан қилинган адолатсизлик ҳақида гапириб, бу масалага юқори даражадаги амалдорлар эътибор қаратиши кераклигини талаб қилган.

Шундан сўнг ЎзЛиДеП депутати Барно Бердиева видеомурожаат юзасидан “Қўйлиқ” деҳқон бозорига бориб, онахон билан суҳбатлашди. Бозор маъмурияти билан бу каби муаммоларни бартараф этиш ва қайта такрорланмаслиги юзасидан фикр алмашган.

Telegram I Facebook I YouTube I Instagram

Ўзбекистонда бир ойлик ҳарбий хизмат тўлови оширилади

1 августдан меҳнатга ҳақ тўлашнинг энг кам миқдори 10% га оширилиб, 1 271 000 сўм этиб белгиланди. Бу асосида сафарбарлик чақирув резерви (1 ойлик ҳарбий хизмат) учун тўлов ҳам 8 085 000 сўмдан — 8 897 000 сўмга кўтарилади.

📊Йиллар бўйича ўзгаришлар:
2019 — 4 млн 40 минг сўм
2020 — 4 млн 755 минг сўм
2021 — 5 млн 754 минг сўм
2022 — 6 млн 440 минг сўм
2023 — 6 млн 860 минг сўм
2024 — 8 млн 85 минг сўм
2025 (1 августдан) — 8 млн 897 минг сўм.

Telegram I Facebook I YouTube I Instagram

Нормат Турсунов — давлат хизматидаги тажрибали ва фидойи раҳбар

Бугун, 7 июнь куни Ўзбекистон Республикаси Олий Мажлиси Сенатининг Фан, таълим ва соғлиқни сақлаш масалалари қўмитаси аъзоси, сенатор Турсунов Нормат Тулкунович таваллуд айёмини нишонламоқда.

Нормат Турсунов 1972 йилда Тошкент вилояти Чиноз туманида туғилган. У 1994 йилда Тошкент тўқимачилик ва енгил саноати институтини, 1999 йилда эса Тошкент молия институтини муваффақиятли тамомлаган.

Меҳнат фаолиятини 1994 йилда Тошкент шаҳрининг Акмал Икромов (ҳозирги Учтепа) туманида давлат солиқ инспектори сифатида бошлаган. Кейинги йилларда у Жиззах вилояти давлат солиқ бошқармаси раисининг биринчи ўринбосари, Навоий вилояти давлат солиқ бошқармаси бошлиғи, Давлат солиқ қўмитаси раиси ўринбосари ва Тошкент шаҳар давлат солиқ бошқармаси бошлиғи лавозимларида самарали меҳнат қилган.

2021 йил 8 ноябрдан буён Нормат Турсунов Навоий вилояти ҳокими вазифасини бажариб келмоқда.

Ўзбекистон Республикаси Олий Мажлиси Сенатининг Фан, таълим ва соғлиқни сақлаш масалалари қўмитаси аъзоси, сенатор Турсунов Нормат Тулкуновични таваллуд куни муносабати билан самимий муборакбод этамиз. Давлат ва жамият тараққиёти йўлидаги фидокорона хизмати, халқ манфаатларини рўёбга чиқариш борасидаги саъй-ҳаракатларига улкан муваффақиятлар, сиҳат-саломатлик ва янги зафарлар тилаймиз.

Telegram I Facebook I YouTube I Instagram

2025 йил 1 августдан педагоглар қуйидагича оширилган миқдорда ойлик маош олади

Президентнинг "Иш ҳақи, пенсиялар, стипендиялар ва нафақалар миқдорини ошириш тўғрисида"ги 2025 йил 2 июндаги ПФ-91-сонли фармонига мувофиқ, 2025 йил 1 августдан бюджет ташкилотлари ходимларининг иш ҳақи миқдори 10 фоизга оширилди.

Ўқитувчилар:

—Ўрта махсус маълумотли ўқитувчи – 3 млн 468 минг 585 сўм;
—Олий маълумотли ўқитувчи – 3 млн 729 минг 906 сўм;
—Иккинчи тоифали ўқитувчи – 4 млн 175 минг 834 сўм;
—Биринчи тоифали ўқитувчи – 4 млн 653 минг 151 сўм;
—Олий тоифали ўқитувчи – 5 млн 142 минг 053 сўм.

Telegram I Facebook I YouTube I Instagram

Enter Engineering компаниясига бир неча даъволар қўзғатилди

Enter Engineering компанияси бир нечта ташкилотлар томонидан судга берилди. Унинг ходимлари иш ҳақи ўз вақтида тўланмаслиги бўйича мунтазам шикоят қилиб келади. Шунингдек, компания электр энергияси учун ҳам қарздор бўлиши мумкин.

“Ҳудудий электр тармоқлари” АЖ Enter Engineering'ни электр энергияси етказиб берилиши масаласида судга берди. Даъво 2025 йил 24 апрель куни Тошкент туманлараро иқтисодий судига юборилган. Дастлабки муҳокама 20 июн куни Тошкент шаҳар иқтисодий судида судя Анвар Усмонов раислигида бўлиб ўтади.

Шу куни Enter Engineering яна икки иш бўйича ҳам жавобгар сифатида қатнашади. Сув хўжалиги вазирлиги ҳузуридаги “Сув хўжалигида бозор механизмларини жорий қилиш” давлат муассасаси хизмат кўрсатиш шартномаси асосида даъво киритган. Шунингдек, “Shahus-Servis” МЧЖ томонидан ҳакамлик муҳокамаси юзасидан яна бир даъво мавжуд.

Компаниянинг ходимлари маош тўловларидаги кечиктиришлар ҳақида ОАВга тез-тез мурожаат қилишади. 2024 йил ноябрда айрим ходимлар бир неча ойлик маошларини ололмаётганини билдиришган. Чилонзор туман бандлик бўлими эса россиялик ходимнинг 57 минг долларлик ойлигини ундириб берган.

Маълумот ўрнида, 2012 йилда ташкил этилган Enter Engineering компанияси илгари “Газпромбанк” назоратида бўлган. У нефт-газ, саноат ва фуқаролик иншоотларини лойиҳалаш, қуриш ва ишга тушириш хизматларини кўрсатади.

Аввалроқ Humans мобил оператори ҳам “Ўзбектелеком”дан катта миқдорда қарздорлик учун судга берилган эди.

Telegram I Facebook I YouTube I Instagram

Жаҳонда матбуот эркинлиги кўрсаткичлари пасаймоқда

Бу йилги Жаҳон Матбуот эркинлиги индексида журналистлар ва оммавий ахборот воситаларининг молиявий ҳолати эркинлигига таҳдид солувчи асосий омиллардан бири сифатида кўрсатилди. Индексда таъкидланишича, бугунги ахборот воситалари таҳририят мустақиллигини сақлаб қолиш ва иқтисодий омон қолиш ўртасидаги танлов остида кун кечирмоқда.

Индекснинг молиявий кўрсаткичи бир йил ичида икки баллдан ортиқ пасайгани, шунингдек, хавфсизлик, ижтимоий, сиёсий ва ҳуқуқий ҳолатни ўлчовчи бошқа кичик индекслар ҳам 2024 йилдан бери маълум даражада ёмонлашгани сабаб, 2025 йилда умумий индекс илк бор "мураккаб" ҳолатга тушиб қолди.

"Матбуот молиявий мустақилликсиз эркин бўлиши мумкин эмас. Оммавий ахборот воситалари молиявий жиҳатдан қийин аҳволда бўлса, улар аудиторияни жалб қилиш пойгасига тортилади", дейди Чегара билмас мухбирлар таҳририят директори Анна Боканде. Ҳисоботга киритилган 180 мамлакатдан 160 тасида ОАВ молиявий барқарорликка "қийинчилик билан" ёки "умуман" эриша олмаганини маълум қилган. Барча мамлакатларнинг учдан бирида муҳим ахборот агентликлари ёпилгани қайд этилган, яъни бу ҳолат ҳам ривожланаётган, ҳам ривожланган мамлакатларда кузатилган.

Журналистлар учун хавфсизлик, ижтимоий ва ҳуқуқий муҳитнинг ўртача жаҳон кўрсаткичлари 58–67 балл оралиғида бўлиб, бу "мураккаб эмас" дея баҳоланади (55 баллдан паст кўрсаткич вазиятнинг мураккаблигини англатади). Шу билан бирга, оммавий ахборот воситаларининг сиёсий муҳити ўтган йилдан бери "мураккаб" деб баҳоланмоқда, иқтисодий ҳолат эса ундан ҳам аввал шундай ҳолга тушган. Аммо 2025 йилда у янада ёмонлашиб, рекорд даражада — 44.1 баллгача пасайди.

Telegram I Facebook I YouTube I Instagram

Яккасарой ҳокими ва BEUN компанияси Қурбон ҳайит байрамида эҳтиёжманд оилалар аҳволидан хабар олди

BEUN – Dermatological Cosmetics компанияси томонидан Муборак Қурбон ҳайити байрамида Яккасарой тумани ҳокими Нилуфар Аллаберганова билан биргаликда саховат тадбирларини ўтказди. Эҳтиёжманд оилалар молиявий тарафдан қўллаб-қувватланди.

«Ҳар бир ғамхўрлик ишораси, ҳар бир самимий дуо бизга асосий нарсани эслатди – жамиятнинг кучи бирликда, ишонч эса эзгуликда. Ҳар бир хонадон меҳр-шафқатга, кўнгиллар нур ва муҳаббатга тўла бўлсин. Байрам муборак азиз дўстлар!», дейилади компания табригида.

Telegram I Facebook I YouTube I Instagram

Яшил ҳудудлар ҳолати ўрганилди

2025 йил 5 июнь куни Навоий шаҳар ҳокими Дилмурод Эргашев раҳбарлигида шаҳар ҳокими ўринбосари Азимжон Ёрқулов, маҳалла ва БСК раҳбарлари, шунингдек, мутасадди ташкилотлар иштирокида “Янгиҳаёт” ва “Меъмор” маҳаллаларида амалга оширилаётган ободонлаштириш, кўкаламзорлаштириш ҳамда қурилиш-таъмирлаш ишлари ҳолати ўрганилди.

Жойига чиқилган ҳолда ўрганиш жараёнида кўплаб камчилик ва муаммолар аниқланди. Хусусан, маҳалладаги манзарали дарахтларга парвариш ва шакл бериш ишлари етарли даражада олиб борилмаётгани, айрим дарахтлар суғорилмаётгани сабабли қуриб бораётгани қайд этилди.

Шунингдек, яшил майдонлар ўрнида турли инфратузилма объектлари (автотураргоҳ, дўкон ва бошқалар) барпо этилгани, суғориш тизимининг ишламаётгани ҳамда қурилиш ва таъмирлаш ишлари режасиз ва паст сифатда олиб борилаётгани маълум бўлди.

Ўрганиш давомида шаҳар ҳокими томонидан қатор саволлар кўтарилди:
“Ким бунга рухсат берган? Қандай ҳужжат асосида? Бу ишлар учун ким жавобгар?” деган сўзлар билан масъуллардан аниқлик талаб қилинди.

Аниқланган камчиликлар юзасидан тегишли ташкилотлар раҳбарларига аниқ ва муддатли топшириқлар берилди. Жумладан:

дарахтларни мунтазам суғориш, уларни кесиш эмас, асраш ва парвариш қилишни таъминлаш;

яшил ҳудудларни ноқонуний ўзлаштириш ҳолатларига нисбатан ҳуқуқий чоралар кўриш;

барча қурилиш ишларини аниқ режа, белгиланган стандарт ва жамоатчилик назорати асосида амалга ошириш лозимлиги таъкидланди.

Шаҳар ҳокимлиги томонидан Навоий шаҳрини замонавий, қулай ва экологик тоза масканга айлантириш борасида тизимли ва манзилли ишлар давом эттирилади. Шу муносабат билан аҳолининг фаол иштироки ва жамоавий масъулияти ҳам муҳим аҳамият касб этади.

Telegram I Facebook I YouTube I Instagram

“Қамчиқ” довонида содир бўлган ҳолат бартараф этилди – Фавқулодда вазиятлар вазирлиги

Бугун, 7 июн куни соат 17:04 да “Қамчиқ” довони ҳудудидан ўтувчи А-373 “Тошкент-Ўш” автомобиль йўлининг 137,7 километрида “Водий-Тошкент” йўналишида кучли ёмғир ёғиши оқибатида тоғ ёнбағридан маълум миқдорда сел, тошқин сувлари автомобиль йўлига оқиб тушганлиги бўйича навбатчилик қисмига хабар тушган.

Воқеа жойига “Қамчиқ” махсус қидирув ёнғин-қутқарув бошқармасининг қутқарувчилари ва бошқа ҳамкор ташкилотлар етиб борган. Тирбандликларни олдини олиш мақсадида Тошкент-Водий-Тошкент йўналишида автомобиллар вақтинчалик йўлнинг бир тасмаси орқали ҳаракат қилган.

Айни пайтда "Қамчиқ" довонида содир бўлган ҳолат тўлиқ бартараф этилган. Автомобилларнинг икки томонлама ҳаракати давом эттирилмоқда.

Telegram I Facebook I YouTube I Instagram

Бухорода катта тантана ва байрам, бизнинг паловимизни бутун дунё тан олган – Ботир Зарипов

Бухоро вилоят ҳокими Ботир Зарипов «Ипак ва зираворлар» халқаро фестивали доирасида ўтказилаётган палов сайлида иштирок этиб, ташриф буюрганларни самимий қутлади.

Telegram I Facebook I YouTube I Instagram

Панжара ортидаги чақалоқ ва она…

Инсон ҳуқуқлари фаоли Абдураҳмон Ташанов Фарғонадаги суд залидаги панжара ортида қўлида гўдак билан тасвирланган видеолавҳани бўлишиб, шундай фикр билдирди.

Қонун олдида таслим бўлайлик! Сиз тасвирда кўраётган жараённи улашишга иккиландим. Бобом: "Ялқовдан анқов ёмон" дерди. Ҳақиқатан анқовнинг, фаҳмсизнинг касофати кўпчиликка уради: катта эҳтимол билан болани панжара ортига киритишга "раҳмдил" конвой ходимлари рухсат беришган.

Видео бугун Фарғона судларидан биридан олинди. Аёлнинг нима билан айбланаётгани, унинг кейинги тақдири унчалик муҳиммас, бу кунда бўладиган ҳодиса. Аммо панжара ортида чақалоқ нима қиляпти?

Қарашлари юксак, ўзини ҳурмат қиладиган онгли жамият бу ҳолга бефарқ бўлмайди. Қонуннинг бузилгани бир тараф, масаланинг жамият ахлоқий жиҳатларига тааллуқли қисми, менимча, жуда-жуда муҳимдир.

Болалар Омбудсмани бу ҳолни изоҳлаши, мурғак гўдакнинг панжара ортига ўтказилганини кескин қоралаши керак. Ҳеч бир восита бу тасвирдаги дилхираликни оқламайди.

Telegram I Facebook I YouTube I Instagram

Метронинг айрим қисми вақтинча ёпилди, ўрнига бепул автобус қатнайди

2025 йил 8 июндан Тошкент метрополитенининг ер усти ҳалқа йўналишидаги "Қурувчилар" ва "Қипчоқ" бекатлари оралиғида поездлар ҳаракати профилактика ишлари туфайли вақтинча тўхтатилди. Бу ҳақда “Тошшаҳартрансхизмат” АЖ ахборот хизмати хабар берди.

Йўловчилар учун қулайлик яратиш мақсадида ушбу оралиқда 1М рақамли автобус қатнови ташкил этилди. Автобуслар ҳар куни соат 5:00 дан 23:00 гача ишлаб, йўловчиларни бепул ташийди.

Автобусларга чиқиш ва тушиш фақат метро станциялари ҳудудида амалга оширилади. Поезд ҳаракати қачон тикланиши ҳозирча номаълум.

Telegram I Facebook I YouTube I Instagram