Ўзбекистонга C гепатитига қарши дорининг жорий йилдаги илк партияси олиб келинди

Миср ҳукумати томонидан Ўзбекистонга инсонпарварлик ёрдами сифатида гепатит C'га қарши дори воситасининг 2025 йилдаги илк партияси етказилди.

👉 https://effect.uz/6438

Telegram I Facebook I YouTube I Instagram

Марғилондаги "Янги Ўзбекистон" массивида сифатсиз қурилиш аниқланди

Аввалроқ Марғилон шаҳри Янгиобод маҳалласидаги “Янги Ўзбекистон” массивида қурилаётган 12 қаватли уйда сифатсиз қурилиш ишлари амалга оширилаётгани ҳақида хабар берилган эди.

Мазкур ҳолат юзасидан Фарғона вилояти қурилиш ва уй-жой коммунал хўжалиги соҳасида ҳудудий назорат қилиш инспекцияси томонидан ўрганиш ишлари олиб борилди.

Текширув давомида “Moneron” МЧЖ ХК томонидан қурилаётган 3-лот турар жой биносининг 6-қаватида В-Г ўқлар оралиғида лойиҳада белгиланган 200 мм ўрнига 160 мм қалинликда девор қуйилгани аниқланди.

Ҳозирда барча қурилиш-монтаж ишлари қатъий назоратга олинган. Лойиҳа талабларига зид равишда амалга оширилган қисмларни бузиш ва қайта тиклаш ишлари бошланган.

Инспекция томонидан бу каби ҳолатларга йўл қўймаслик мақсадида назорат ишлари доимий равишда кучайтириб борилади.

Telegram I Facebook I YouTube I Instagram

1 июндан бошлаб ҳайдовчилар учун баллли жарималар тизими кучга кирди

Жадвалда айрим қоидабузарликлар ва улар учун белгиланган балллар миқдори кўрсатилган. Масалан, тезликни ошириш ҳолатида қуйидагича балллар ҳисобланади:

🔹 20 км/соатгача — 0,5 балл
🔹 20–40 км/соат — 1 балл
🔹 40–60 км/соат — 1,5 балл
🔹 60 км/соатдан юқори — 2 балл.

Ҳар бир тўпланган балл ҳақида ҳайдовчиларга SMS орқали хабар берилади.

Ҳайдовчилар ўз баллари тўғрисидаги маълумотларни E-jarimaball модули, махсус мобил иловалар ва Ягона интерактив давлат хизматлари портали орқали билишлари мумкин.

Шунингдек, транспорт воситасини бошқариш ҳуқуқидан маҳрум қилинган шахслар бўйича электрон маълумотлар базаси ҳам яратилади.

Telegram I Facebook I YouTube I Instagram

Халқаро болалар кунида Замира Бешимованинг «Тишлар салтанати» китоби намойиш этилди

Бугун, 1 июнь – Халқаро болаларни ҳимоя қилиш куни муносабати билан «Анҳор» боғида болаларга бағишланган хайрия тадбир ўтказилди.

Тадбирнинг бошланиш қисмида ёзувчи ва кўп болали она, болалар психологияси бўйича ижод қилаётган муаллиф — Замира Бешимованинг янги болалар китоби — «Шаббона ва сеҳрли мўйқалам: Тишлар салтанати» намойиш этилди. Таъкидланишича, бу асар болаларни тозалик, шахсий гигиена ва ижобий ҳис-туйғуларга ўргатишга хизмат қилади.

Шунингдек, ижодкор болалар ва юлдузлар иштирокида концерт ўтказилди. «Тalents Project» болалар студияси тарбияланувчилари рақс, қўшиқ ва саҳна кўринишлари билан чиқиш қилишган. Шунингдек, ўзбек эстрадасининг таниқли ижодкорлари ҳам тадбирда иштирок этишди.

Эътиборлиси, онкологик касалликка чалинган ҳамда имконияти чекланган болаларга совғалар улашилди. Уларнинг айримлари ҳам саҳнада ўз истеъдодини намоён этиш имконига эга бўлишди.

Муаллиф: Камола Қурбонова

Telegram I Facebook I YouTube I Instagram

1 июндан қонунчиликда нималар ўзгаради?

🔹Айрим талаба қизларга махсус стипендия тўланади ➖БАТАФСИЛ;

🔹Ижтимоий ҳимоя ягона реестридаги оилалар учун белгиланган имтиёзлар Камбағал оилалар реестридаги оилаларга татбиқ этилади ➖БАТАФСИЛ;

🔹Ногиронлиги бўлган шахсларни ишга олган тадбиркорларга субсидия берилади ➖БАТАФСИЛ;

🔹Камбағал оилаларга давлат хизматларидан фойдаланиш учун чегирмалар берилади ➖БАТАФСИЛ;

🔹“Фаол ҳаётга қадам” дастури жорий этилади ➖БАТАФСИЛ;

🔹 Халқаро фан олимпиадалари ғолибларига тўланадиган пул мукофоти оширилади ➖БАТАФСИЛ;

🔹 Айрим ҳарбийларга ипотека кредити олиш учун ажратиладиган дастлабки бадал миқдори оширилади ➖БАТАФСИЛ;

🔹 Илмий даражага эга айрим мутахассисларга уй сотиб олиш учун ссуда ажратилади ➖БАТАФСИЛ;

🔹 Кўп квартирали уйларда ҳисоблагичлар мажбурий ўрнатилади ➖БАТАФСИЛ;

🔹Оила ва жамоа билан саёҳатга чиқиш кунлари белгиланади ➖БАТАФСИЛ;

🔹Автотранспорт воситаларининг электрон навбат тизими жорий этилади ➖БАТАФСИЛ;

🔹Айрим хорижий давлатлар фуқароларига визасиз режим белгиланади ➖БАТАФСИЛ;

🔹 Йўлларни таъмирлашга 07.00 дан 21.00 га қадар йўл қўйилмайди ➖БАТАФСИЛ.

Telegram I Facebook I YouTube I Instagram

Бўзатов фестивали илк бор Тошкентда ўтказилади

Бренд лойиҳага айланиб улгурган Бўзатов фестивалининг бу йилги мавсуми республика босқичи 3-7 июнь кунлари илк марта Тошкент шаҳрида бўлиб ўтади.

Бу ўзи қандай танлов, дейсизми? Янги овозларни кашф этадиган, ўз овоз имкониятига бўлган ишончни ошириб берадиган, келажак орзуларига дадил қадам ташлашга даъват этадиган бренд танловдир.

Танловнинг ифтихорига айланган ёшлар бугун Ўзбекистонинг юлдузига айланмоқда. Ўтган вақт давомида танловнинг республика босқичи фахрли ўринларни эгаллаган ёшлар “Ўзбекистонда хизмат кўрсатган артист”, “Шуҳрат”, “Келажак бунёдкори” (4 нафар), “Мард ўғлон”, “Зулфия” номидаги Давлат мукофотлари совриндорлари, “Ниҳол” мукофоти ва бир қатор бошқа республика ҳамда халқаро танловларда ғолибликка эришди.

Telegram I Facebook I YouTube I Instagram

“Agrobank” АТБга нисбатан молиявий жарима қўлланди

Рақобат қўмитаси томонидан оммавий ахборот воситалари ҳамда ижтимоий тармоқларда жойлаштирилаётган реклама ахборотларининг қонун ҳужжатлари талабларига мослиги юзасидан олиб борилган ўрганишларда “Agrobank” АТБ томонидан “Agrobank Mobile” иловасини юклаб олиб, катта режаларингиз учун уйдан чиқмасдан 100 000 000 сўмгача микроқарз олинг” мазмунидаги рекламалар аниқланган.

Мазкур реклама ахборотларида “Реклама тўғрисида”ги Қонунининг 43-моддаси талабларига асосан молиявий хизматларни кўрсатишда шартноманинг асосий ва муҳим шартлари кўрсатилмаганлиги маълум бўлди.

Рекламанинг бундай кўринишда бўлиши ундан фойдаланувчиларни чалғитишга олиб келиши мумкин.

Юқоридаги ҳолатлар юзасидан Қўмита Махсус комиссияси томонидан “Agrobank” АТБга нисбатан “Реклама тўғрисида”ги Қонуннинг тегишли моддалари талаблари бузилиши юзасидан иш қўзғатилиб, ишни кўриб чиқиш якунлари бўйича молиявий жарима қўллаш бўйича қарор қабул қилинди.

Telegram I Facebook I YouTube I Instagram

Фарғонада кредит орқали порахўрлик ва ҳужжат сохталаштириш ҳолатлари аниқланди

Фарғона вилоятида “Халқ банки”нинг Ўзбекистон банк хизматлари марказида ишловчи маҳалла банкири ва бошқарувчи ўринбосари 66 миллион сўмлик кредитни расмийлаштириб бериш эвазига 10 миллион сўм талаб қилган пайтда қўлга олинди. Бу ҳолат Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбир чоғида аниқланган.

Терговга қадар текширувлар шуни кўрсатдики, айбдорлар аввал ҳам бир неча марта пул талаб қилган ҳолатларда иштирок этган. Шу билан бирга, туман ҳокимининг икки ёрдамчиси ва хусусий корхона раҳбари бошқа фуқаролар номига 153 миллион сўм миқдорида кредит маблағларини расмийлаштириш учун сохта ҳужжатлар тайёрлаб, уларни нақдлаштирган.

Ҳозирда ушбу шахсларга нисбатан Жиноят кодексининг 168-моддаси 3-қисми “в” банди бўйича жиноят иши қўзғатилиб, тергов ҳаракатлари олиб борилмоқда.

Telegram I Facebook I YouTube I Instagram

Давлат ҳокимияти органларини танқид қилиш мураккаблигича қолмоқда – сенатор

Сенатнинг еттинчи ялпи мажлисида Ўзбекистоннинг устувор халқаро рейтинг ва индекслардаги ўрни таҳлил қилинди.

Унга кўра, мазкур йўналишда 9 та халқаро рейтинг устувор этиб белгиланган бўлиб, Ўзбекистон уларнинг 5 тасида позициясини яхшилаган бўлса, қолган 4 тасида пастлаган.

“Хусусан, “Чегара билмас мухбирлар” халқаро ноҳукумат ташкилоти томонидан юритиладиган Матбуот эркинлиги индексида Ўзбекистоннинг ўрни пастлаган. Бунда, жумладан, давлат ҳокимияти органларини танқид қилиш мураккаблигича қолаётгани, амалдорлар томонидан журналист ва блогерларга пора беришга уринишлар, жамиятни ташвишга солувчи масалалар расмий ОАВларда эмас, балки ижтимоий тармоқларда фаоллашгани мамлакатимизнинг ушбу индексдаги ўрнига салбий таъсир кўрсатмоқда”, – дейди сенатор Зумрад Бекатова.

Telegram I Facebook I YouTube I Instagram

"Африканинг айрим мамлакатларидан ҳам орқадамиз" — Сенатор одил судлов масаласида Ўзбекистон судларининг ўрни ҳақида гапирди

"Жаҳон одил судлов лойиҳасининг ҳуқуқ устуворлиги индекси бўйича беш поғонага пастлаб 83-ўринни эгаллаб турибмиз. Беш поғонага пастладик. Беш поғона кўтарилганимизда бошқа гап эди. Энди худди шу индекснинг таркибига кирувчи фуқаролик одил судловига эришиш даражасининг юқорилиги субиндикаторида мамлакатимиз ўрни ўтган йилда 10 поғонага пасайди ва 96-ўриндан 106-ўринга чиқдик. Африканинг айрим мамлакатларидан ҳам орқадамиз", — дейди Қашқадарё вилоятидан сайланган сенатор Абдураҳим Эркаев.

Бу Суд-ҳуқуқ тизимига ишонч аҳолида сўниб бораётганини англатади, дейди сенатор.

БААда 100 дан ортиқ ўзбекистонлик аэропортда сабабсиз ушлаб турилгани айтилмоқда. Ўзбекистон ТИВ расмий баёнот берди

2 июнь куни Жаҳон чемпионати саралаш доирасидаги БАА–Ўзбекистон футбол учрашувини жонли томоша қилиш мақсадида Тошкент–Шаржа рейси билан Шаржага келган 100 дан ортиқ Ўзбекистон фуқароси маҳаллий аэропортда ушлаб турилди. Бу ҳақда БААга киритилмаган блогерлар ва журналистлар ижтимоий тармоқларда хабар тарқатмоқда.

Gazeta.uz мухбири Шаржа аэропортидан хабар беришича, аввалига аёллар ва ёши катта шахслардан айримлари мамлакатга киритилган, қолган эркаклардан эса қўшимча ҳужжатлар талаб қилинган.

«Эркаклардан анкета тўлдириш, меҳмонхонадаги брон ҳақидаги ҳужжат ва қайтиш билетининг нусхасини талаб қилишди. Ҳужжатлар йиғиб олингач, уларни олиб кетишди ва кейин қайтиб чиқишмади. Шаржа вақти билан 06:05 да қўнган бўлсак, ҳозир 11:05. Сабаб ёки жавоб йўқ»,

— деб ёзган журналист.

Шунингдек, ижтимоий тармоқдаги бошқа фойдаланувчилар ҳам ушбу ҳолатни тасдиқлаб, ўзбекистонликлардан паспортлар олиб қўйилганини ва беш соатдан зиёд вақт куттирилаётганини маълум қилишган.

«Шаржа аэропортида чиқармасдан ушлаб туришяпти. 5 соат бўлди. Сабабини сўрасак, фақат “кутишимиз керак” дейишяпти. Нима учунлиги, қачон чиқаришлари ҳақида маълумот йўқ. Фақат ўзбек паспорти борлар ушлаб турилган»,

— деган фуқаро Шерзод Ражабов.

Тошкент вақти билан 14:30 ларда айрим фуқароларнинг аэропорт назоратидан ўтказилгани айтилмоқда, бироқ қайси қисми ўтказилгани аниқ эмас.

Маълумотларга кўра, бу каби ҳолат 1 июн куни ҳам кузатилган. Журналист Нодирхўжа Йўлдошевнинг ёзишича, ўша куни БААга борган ўзбекистонлик журналистлар ҳам 8 соатга яқин ушлаб турилган.

«Абу-Даби ва Шаржа рейсларида сўнгги пайтларда шундай муаммолар тез-тез юз бермоқда. Асосан 25−35 ёшдаги эркак туристларни ушлаб қолишяпти. Оилавий ва ёши катталарга индамайди. Маслаҳатим: ўйин куни Абу-Даби ёки Шаржага келманг, ўйинга улгурмаслигингиз мумкин. Дубайда бундай муаммо йўқ»,

— деб ёзган у.

Холат юзасидан Ўзбекистон ТИВ расмий баёнот берди. Унда БAA’нинг турли аэропортлари орқали мамлакат ҳудудига кириб келаётган хорижликлар, жумладан, Ўзбекистон фуқароларининг текширув жараёнлари чўзилаётгани ҳолатлари Ташқи ишлар вазирлиги томонидан доимий мониторинг қилиб борилаётгани айтилган.

Фуқароларимизнинг қонуний ҳуқуқ ва манфаатларини ҳимоя қилиш мақсадида барча зарур чора-тадбирлар кўрилмоқда. Хусусан, Ўзбекистоннинг Абу-Даби шаҳридаги элчихонаси ҳамда Дубайдаги Бош консулхонаси томонидан BAAнинг тегишли идоралари билан мазкур ҳолат юзасидан шошилинч музокаралар ўтказилди. Вазиятни бартараф этиш ва яхшилаш бўйича доимий мулоқот йўлга қўйилган.

БAA томони берган расмий маълумотга кўра, мамлакатда ўтказилаётган турли халқаро тадбирлар муносабати билан хавфсизлик чоралари кучайтирилган ва бу орқали аэропортлардаги паспорт ва божхона назоратлари вақти чўзилмоқда.

Айни пайтда фуқароларимизни тезкорлик билан текширувдан ўтказиш учун мавжуд имкониятлар тўлиқ сафарбар этилган. Шунинг натижасида юртимиз фуқаролари БAA ҳудудига киришни бошлаган,

дейилади баёнотда.

Telegram I Facebook I YouTube I Instagram

Миссия: Саида Мирзиёеванинг Россияга ташрифи: муҳим учрашувлар ва самарали мулоқотлардан лавҳалар

Президент ёрдамчиси Саида Мирзиёеванинг Россияга амалга оширган ташрифи доирасида бир қатор муҳим учрашув ва тадбирлар бўлиб ўтди. Ушбу эксклюзив видеолавҳада делегация иштирокидаги расмий мулоқотлар, ҳамкорлик истиқболлари муҳокама қилинган учрашувлар ва маданий-таълим соҳасидаги ташрифлар акс этган.

Маълумот учун сафар доирасида икки томонлама алоқаларни мустаҳкамлашга қаратилган долзарб масалалар кўриб чиқилди.

Telegram I Facebook I YouTube I Instagram

Фермерлар кенгаши Пахтаобод тумани ҳокимининг ҳаракатлари юзасидан Бош прокуратурага мурожаат киритди

Фермерлар кенгаши EFFECT.UZ томонидан ёритилган Пахтаобод туманидаги ҳолатга эътибор қаратди. Хабарда туман ҳокими Ш.Бабаев ИИБ бошлиғи Ф.Давронов номига жорий йилнинг 27 май куни йиғилишга қатнашмаган фермер хўжаликлари раҳбарларига нисбатан ваколат доирасида чора кўриш ва муҳокама йиғилишига мажбурий тарзда олиб келиш ҳақида киритган хати ҳақида гап кетади.

Маълум қилинишича, “Фермер хўжалиги тўғрисида”ги Қонуннинг 22-моддасига кўра, фермер хўжаликларининг хўжалик фаолиятига давлат органлари ҳамда бошқа органлар ва ташкилотлар, шунингдек уларнинг мансабдор шахслари аралашувига йўл қўйилмайди.

Ҳокимият ёки мансаб ваколати доирасидан четга чиқиш, мансабдор шахсининг ўзига қонун билан берилган ваколатлар доирасидан четга чиқадиган ҳаракатларни қасддан содир этиши, фуқароларнинг ҳуқуқларига ёки қонун билан қўриқланадиган манфаатларига ёхуд давлат ёки жамоат манфаатларига кўп миқдорда зарар ёхуд жиддий зиён етказилиши учун жиноий жавобгарлик белгиланган.

Шу боис, Фермерлар кенгаши 2 июль куни Бош прокуратурага Пахтаобод туман ҳокимининг хатти-ҳаракатлари юзасидан прокурор назорати ҳужжати қўллаш масаласини кўриб чиқилишида амалий ёрдам сўраб мурожаат киритган.

Telegram I Facebook I YouTube I Instagram