Навоий шаҳрида фуқаролар муаммоларини ўрганиш бўйича навбатдаги сайёр қабул бўлиб ўтди

Навоий шаҳар ҳокими Дилмурод Эргашев, Навоий шаҳар Халқ қабулхонаси мудири Юнус Эшмуродов, маҳалла фаоллари ҳамда тегишли ташкилотлар раҳбарлари иштирокида Янгиобод маҳалласининг 6-сонли умумтаълим мактаби биносида навбатдаги сайёр қабул ташкил этилди.

Ушбу тадбирда 50 нафарга яқин фуқаро ўз таклиф, муаммо ва мурожаатлари билан қатнашди. Қабул давомида фуқаролар томонидан кўтарилган масалалар атрофлича ўрганилиб, уларни ижобий ҳал этиш бўйича масъул ташкилотларга тегишли топшириқлар берилди. Айрим муаммоларга шу ернинг ўзида ечим топилди.

Сайёр қабулда аҳоли турмуш шароити, инфратузилма, иш билан таъминлаш, коммунал хизматлар ва ижтимоий масалалар юзасидан билдирилган фикр ва таклифлар маҳаллий ҳокимият ва идоралар томонидан алоҳида назоратга олинди.

Бундай сайёр қабуллар аҳоли муаммоларини жойларда ҳал қилиш, фуқароларни тинглаш ва уларнинг ҳуқуқ ҳамда манфаатларини таъминлашда муҳим аҳамият касб этаётгани таъкидланди.

Telegram I Facebook I YouTube I Instagram

Соғлом оёқни кесган жарроҳ, ўзгарган хулосалар ва баҳсли адолат: Адинахон аянинг фожиали якун топган қиссаси

Фарғона вилояти Қўқон шаҳри. 1961 йил 21 июлда туғилган Исамитдинова Адинахон – оддий фуқаро, аммо унинг ҳаёти сўнгги кунларида юз берган воқеалар бутун тизим муаммоларини юзага чиқарди. 2024 йил 18 октябрда у оғир ҳолатда Республика ихтисослаштирилган эндокринология марказининг Фарғона филиалига ётқизилади. Ташхис: иккинчи тур қандли диабет ва чап оёқда жароҳат.

Бир кун ўтиб, 19 октябрь куни унда жарроҳлик амалиёти амалга оширилади. Аммо операциядан сўнг яқинлари учун дахшатли ҳақиқат маълум бўлади — шифокорлар чап эмас, соғлом ўнг оёғини кесиб ташлашган. Бу ҳолатга беморнинг ўғли, Рустам Исамитдинов дарҳол эътироз билдириб, ҳуқуқ-тартибот органларига мурожаат қилади. Ҳуқуқ-тартибот органлари воқеа жойига етиб келиб, тергов ишлари бошланади. Лекин воқеалар шундан кейин янада мураккаб тус олади: шифокор Абдуманноб Мадолимов бу сафар чап оёқни ҳам кесади. Адинахон ая икки оёғидан айрилган ҳолда реанимацияга ўтказилади ва 7 ноябрь куни вафот этади.

Бу амалиётда жиддий камчиликлар кузатилган:

бемор тўлиқ тиббий кўрикдан ўтказилмаган;

жарроҳлик комиссион тарзда ўтказилмаган;

анестезиолог тўлиқ иштирок этмаган;

операцияда тиббиёт талабаси иштирок этган;

жарроҳ спиртли ичимлик таъсирида бўлган бўлиши мумкин.

Фарғона вилоят суд-тиббий экспертизаси соғлом оёқ кесилганини тасдиқласа-да, республика экспертизаси бу хулосани бекор қилиб, операция “зарур бўлган", деган қарорга келади. Иш Қува туман судига юборилади – бу суд иштирокчилари воқеа жойидан бехабар, ҳолатга бевосита гувоҳ бўлмаган. Суд мажлисида анестезиолог чақирилмайди, иш кўриб чиқилмайди. Фақат қоғозларда акс этган маълумотлар билан қарор чиқарилади. Судда айбловлар енгилроқ моддаларга алмаштирилади, Рустам Исамитдиновнинг талаб қилган 500 миллион сўмлик маънавий зарари 80 миллионга тушириб берилади. 28 955 000 миллион сўмлик моддий зарар эса 27 миллионга туширилади.

Рустам Исамитдинов EFFECT.UZ таҳририятига йўллаган мурожаатида шундай дейди:

“Онам ҳеч қачон ўнг оёғидан шикоят қилмаган, оғриқ сезмаган. Розилигимизсиз ўнг оёғини кесиб ташлашди. Шифокор Мадолимовга нисбатан бор-йўғи 4 йиллик қамоқ жазоси қўлланди, бу адолатдан эмас. Экспертиза хулосалари ўзгартирилди, судда нотўғри жавоблар берилди. Менга ҳақиқат керак!”

Бу фожиа — фақат бир инсоннинг эмас, бутун тиббиёт ва суд тизимининг заиф нуқталарини очиб беради. Мутасаддилар жавобгарликдан четда қолмаслиги лозим. Жамоатчилик бундай ишлардан хабардор бўлиб туриши, ҳақиқат талаб қилиниши шарт. Зеро бу нафақат инсон ҳаёти, балки адолат ва ишонч масаласидир.

👉Тўлиқ видео

Telegram I Facebook I YouTube I Instagram

Қирғизистонда рашкчи эр аёлини отиб ташлади

Қирғизистоннинг Ўш вилоятига қарашли Ўзган шаҳрида 26 май куни ачинарли ҳодиса юз берди. Маълумотларга кўра, аёл 20 йиллик синфдошлар учрашувига турмуш ўртоғи билан бирга ташриф буюрган. Аммо кеча якунига етгач, эри унинг байрамдаги ҳаракатларидан норози бўлиб, рашк туфайли унга ўқ узган.

Оқибатда аёл воқеа жойида вафот этган. Унинг ортда қолган беш нафар фарзанди етим қолди.

Ҳозирда ҳодиса юзасидан ҳуқуқни муҳофаза қилувчи органлар томонидан тергов ҳаракатлари олиб борилмоқда.

Telegram I Facebook I YouTube I Instagram

Академик Акмал Саидов Россия Фанлар академиясининг хорижий аъзолигига сайланди

Жорий йилда Россия Фанлар академиясининг умумий йиғилишида Ўзбекистон Республикаси Фанлар академияси академиги, инсон ҳуқуқлари соҳасидаги йирик мутахассис, профессор Акмал Саидов катта эътирофга сазовор бўлди. У ижтимоий фанлар йўналишида Россия Фанлар академиясининг хорижий аъзоси этиб сайланди.

Бу сайлов Ўзбекистон илмий ҳамжамияти ва давлат арбоблари томонидан ҳам юксак баҳоланмоқда. Бу эътироф нафақат шахсан Акмал Саидовнинг, балки мамлакатимиздаги ижтимоий-гуманитар фанлар ривожига қўшилаётган улкан ҳиссанинг халқаро миқёсда тан олиниши ҳисобланади.

Telegram I Facebook I YouTube I Instagram

Эҳтиёжманд оилалардаги хотин-қизларга ОТМларга тавсиянома бериш учун аризалар қабули бошланди

2025 йил 30 майдан эҳтиёжманд оилалардаги 2000 нафар хотин-қизга олий таълим муассасаларига қўшимча қабул кўрсаткичлари асосида тавсиянома бериш учун аризалар қабул қилиниши бошланди.

Аризалар tavsiyanoma.ijro.uz электрон платформаси орқали 2025 йил 8 июнгача қабул қилинади.

Юборилган аризалар туман (шаҳар) Ишчи гуруҳлари томонидан 10 июнгача кўриб чиқилади. Тавсияномаларнинг электрон шакли 15 июнга қадар талабгорларга тақдим этилади.

Эслатиб ўтамиз, жорий йил 1 июндан "қизил" тоифага мансуб оилалардан бўлган, аъло баҳолар билан ўқиётган талаба қизларга базавий стипендиянинг 2 баравари миқдорида махсус стипендия тўланиши белгиланган.

Telegram I Facebook I YouTube I Instagram

⚡️ДХХ: Фарғонада 8 млрд сўмлик сифати кафолатланмаган дори воситалари ва 400 млн сўмлик тиббий жиҳозлар муомаладан олинди

Фарғона вилоятида Давлат хавфсизлик хизмати бошқармаси ва вилоят божхона бошқармаси ходимлари ҳамкорлигида ўтказилган тезкор тадбирда, Фарғона шаҳрида яшовчи, 1986 йилда туғилган фуқаро бошқарувида бўлган “Нексия-3” русумли автомашина Боғдод тумани ҳудудида тўхтатилиб, текширувдан ўтказилди.

Текширув давомида автомашина салонида 8 турдаги 413 дона сифати кафолатланмаган дори воситалари борлиги аниқланди.

Бундан ташқари, ушбу фуқарога тегишли Боғдод туманида жойлашган 2 та омбордан сифати тасдиқланмаган 60 турдаги 100 332 дона дори воситалари ноқонуний сақланаётганлиги маълум бўлиб, улар белгиланган тартибда расмийлаштирилди.

Тадбирлар давом эттирилиб, Фарғона шаҳридаги омбордан яна 39 турдаги 16 897 дона дори воситалари аниқланиб, ашёвий далил сифатида олинди.

Жами бўлиб, умумий қиймати 8 миллиард 1 миллион 429 минг сўмни ташкил этувчи 117 642 дона сифати кафолатланмаган дори воситалари вақтинча сақловга олинди.

Шунингдек, Марғилон шаҳрида яшовчи, 1992 йилда туғилган фуқарога тегишли бўлган 3 та яширин омборда Қирғиз Республикасидан айланма йўллар орқали олиб кирилган, қиймати 400 миллион сўмни ташкил этувчи 15 турдаги (катетер игна, жгут, электрон термометр, тонометр ва бошқалар) жами 30 минг дона тиббий жиҳозлар сақланаётгани аниқланди ва улар ҳам белгиланган тартибда расмийлаштирилди.

Ҳозирда ушбу ҳолатлар юзасидан терговга қадар текширув ҳаракатлари олиб борилмоқда.

Telegram I Facebook I YouTube I Instagram

❗️Тошкент ерусти метросида вақтинчалик ўзгаришлар

2025 йил 8 июндан бошлаб «Турон» ва «Қипчоқ» бекатлари оралиғида режали профилактик ишлар бошланади. Шу сабабли, ушбу қисмда метро қатнови 3 ойга тўхтатилади.

Йўловчилар учун қулайлик яратиш мақсадида «Қипчоқ – Қурувчилар – Қипчоқ» йўналишида бепул метробуслар ҳаракати ташкил этилади.

Telegram I Facebook I YouTube I Instagram

Муроджон Аҳмадалиев Мексикадаги жангда техник нокаут билан ғалаба қозонди

Мексикада бўлиб ўтган профессионал бокс кечасида ўзбекистонлик боксчи Муроджон Аҳмадалиев маҳаллий спортчи Луис Кастилио билан рингга кўтарилди.

Жанг 10 раундга мўлжалланган бўлиб, 8-раундда Аҳмадалиевнинг устун ҳаракатлари натижасида ҳакам беллашувни тўхтатди ва рақиб техник нокаутга учраганини эълон қилди.

Шу билан Муроджон Аҳмадалиевнинг профессионал рингдаги жанглари сони 15 тага етди, улардан 14 тасида у ғалаба қозонган.

Telegram I Facebook I YouTube I Instagram

Қурбон ҳайити муносабати билан барча ўзбекистонликлар кетма-кет уч кун дам олади

Қурбон ҳайити байрами муносабати билан қуйидаги кунлар дам олинади:

➖ 6 июнь (жума) – Қурбон ҳайити байрами куни – барча учун дам олиш куни;

➖ 7 июнь (шанба) - 5 кунлик иш ҳафтасидаги ходимлар учун одатий, 6 кунлик иш ҳафтасида ишлайдиган ходимлар учун қўшимча дам олиш куни;

➖ 8 июнь (якшанба) – дам олиш куни.

Telegram I Facebook I YouTube I Instagram

Ўзбекистонда болаларга нисбатан зўравонликнинг олдини олишга қаратилган “Peer to Peer” модели амалиётга жорий этилди

Ҳамжамиятларни мустаҳкамлаш ва ижтимоий фаровонликни ривожлантириш маркази қошида Ўзбекистонда илк бор болалар ўртасида зўравонликка қарши курашиш мақсадида “Peer to Peer” (Тенгдош тенгдошга) тамойилига асосланган “Хавфсиз болалик” деб номланган қўллаб-қувватлаш гуруҳи фаолияти йўлга қўйилди.

Ушбу ташаббус болалар ўртасида ҳуқуқий билимларни ошириш, зўравонликка нисбатан муросасиз муносабатни шакллантириш ҳамда болаларнинг эшитилиши, тушунилиши ва ҳиссий жиҳатдан қўллаб-қувватланишини таъминловчи ижтимоий тизимни яратишга қаратилган.

Гуруҳда фаолият юритадиган волонтёрларнинг асосий вазифалари қуйидагилардан иборат:

🔷болаларга уларнинг ҳуқуқлари ҳақида содда ва тушунарли маълумотлар етказиш;

🔷зўравонлик тушунчаси ва унинг турларини англаб етишга ёрдам бериш;

🔷зўравонлик ҳолатида кимларга ва қаерга мурожаат қилиш мумкинлиги ҳақида маълумот бериш;

🔷ахборот кампаниялари орқали хавфсиз ва соғлом муҳитга бўлган эҳтиёжни оммалаштириш.

Telegram I Facebook I YouTube I Instagram

«Magic City»да суицид саҳнаси намойиш этилди

Ижтимоий тармоқларда «Magic City» боғида намойиш этилган театрлаштирилган томоша видеолавҳаси тарқалди. Томошада ўз жонига қасд қилиш саҳнаси кўрсатилган.

Видеода кўринишича, рол ижро этувчилардан бири баланд устунга бўйнидан ип билан боғланган ҳолда осилиб турган. У бу орқали ўз жонига қасд қилиш ҳолатини кўрсатиб берган. Томошада кўплаб одамлар, хусусан, ёш болалар ҳам бўлган.

«Magic City» боғи расмий сайтида бу қандай театр ва томоша экани ҳақида бирор маълумот бермади.

Навоий шаҳри ҳокими хитойлик инвесторларни қабул қилди

Навоий шаҳар ҳокими Дилмурод Эргашев Хитой Халқ Республикасининг Шандунь вилояти, Цзинань шаҳрида жойлашган нуфузли “Chamber of Commerce for Jinan” бизнес-ассосацияси делегациясини қабул қилди.

Делегацияга жаноб Юй Юнлун раҳбарлик қилди. Учрашув чоғида икки томонлама ҳамкорлик алоқаларини янада мустаҳкамлаш, сармоявий лойиҳаларни амалга ошириш масалалари муҳокама қилинди.

Telegram I Facebook I YouTube I Instagram

Бастакор Дилором Омонуллаева оламдан ўтди

Таниқли композитор, педагог ва профессор Дилором Омонуллаева 66 ёшида вафот этди. Бу ҳақда Ўзбекистон композиторлари ва бастакорлари уюшмаси хабар берди.

У ўзбек эстрада санъати ривожига салмоқли ҳисса қўшган, “Дўстлик” ордени билан тақдирланган ва Ўзбекистонда хизмат кўрсатган маданият ходими унвонига сазовор бўлган эди.

Дилором Омонуллаева 1959 йил 1 октябрда Тошкент шаҳрида туғилган. У В. Успенский номидаги ихтисослаштирилган мусиқа мактабида ва П.И. Чайковский номидаги Москва консерваториясида таҳсил олган. 1993 йилдан буён В. Успенский номидаги мактабда ўқитувчилик фаолияти билан шуғулланиб келаётган эди.

Telegram I Facebook I YouTube I Instagram

Тожикистондан 16 кг гиёҳванд модда олиб кирган шахс 15 йилга қамалди

2024 йил 12 ноябрь куни Давлат хавфсизлик хизмати ходимлари томонидан Наманган вилоятида ўтказилган тезкор тадбир чоғида Поп тумани ҳудудида ҳаракатланаётган “Ласетти” русумли автомашина тўхтатилди.

Автомашина хolisлар иштирокида кўздан кечирилганда, йўловчи сифатида кетаётган, Фарғона вилоятининг Дангара туманида яшовчи 1984 йил туғилган фуқарога тегишли юк сумкасидан 3 кг 887 гр “опий” ва 9 кг 839 гр “гашиш” моддалари аниқланиб, тегишли тартибда расмийлаштириб олинди.

Текширув жараёнида мазкур шахс Тожикистон фуқароси билан тил бириктириб, қўшни давлатдан гиёҳванд моддаларни контрабанда йўли билан олиб кириб, сотиш орқали даромад топишни режалаштиргани ҳамда бу моддаларни Тошкент вилоятининг Бўка туманида қабул қилиб олгани маълум бўлди.

Шунингдек, 2024 йил август-сентябрь ойларида тожикистонлик наркосавдогар томонидан Бўка туманига етказилган ва мазкур шахс томонидан Дангара туманидаги ер участкасида яшириб қўйилган яна 1 кг 902 гр “опий”, 857 гр “гашиш”, 1 дона “Макаров” пистолети, 2 дона ўқдон ҳамда 18 дона патрон ҳам аниқланиб, процессуал тартибда расмийлаштириб олинди.

Жиноят ишлари бўйича Поп туман суди томонидан мазкур фуқаро Жиноят кодексининг 28,246-моддасининг 1 ва 2-қисмлари ҳамда 25,273-моддасининг 5-қисмида назарда тутилган жиноятлар содир этганликда айбли деб топилиб, 15 йил муддатга озодликдан маҳрум этилди.

Telegram I Facebook I YouTube I Instagram

🎉 1 июн – Халқаро болаларни ҳимоя қилиш куни 🌟

Азиз болажонлар!

Сизларни 1 июн — Халқаро болаларни ҳимоя қилиш куни билан самимий табриклаймиз!

Болалар — ҳаётимиз гуллари, келажагимиз таянчи ва энг беғубор қувонч манбаидир. Уларга меҳр, эътибор ва қўллаб-қувватлаш бериш — жамиятнинг энг улуғ вазифасидир.

Шу улуғ кунда фарзандларимизнинг соғ-саломат, бахтли ва эркин яшашини, билимли ва ахлоқли инсонлар бўлиб улғайишларини тилаб қоламиз.

Қалбларингизда ҳамиша қувонч, юзларингизда табассум ҳамроҳ бўлсин, азиз болажонлар!

Effect.uz таҳририяти барча Ўзбекистон болажонларини байрам билан табриклайди!

Telegram I Facebook I YouTube I Instagram